榕哥陳皮燒鵝

營業中

休息中

第一次來，所以選了一個招牌試一試，買了叉燒飯，賣相味道都很一般，肉有點柴，味道也十分普通，這樣的質素貌似並不值$46。。。可能看到「金牌」兩個字，所以對它的期待過高吧！

疫情下食店執粒潮，執下一間又一間。剛剝咗隻牙，幾日冇啖好食，突然想食燒鵝，因為之前試過金牌，今日就試榕哥。叫咗個鵝脾飯，味道吾錯，燒得幾香，皮脆肉嫩，而且夠哂肥，不過價錢係貴，一餐半餐，算啦！睇過其他食評，話店員服務態度差，我又吾覺，點知閒話間原來個店員係新來的，剛上班第二日，態度差嘅店員吾知係咪炒咗呢？！原來燒味飯加$8有例湯跟，凍茶就加$4，見其他食客寧願飲例湯，吾通佢啲湯好味啲，下次會再試！好啦！夠字數啦！下次再評！

比人掟去灣仔新盤跟野(開地圖睇下附近有乜好食, （甘牌之前試過合格性價比唔高),就簡左呢間榕哥試：鵝:嚟到隻脾望落去似營養不良(皮脆肉質正常,但缺乏鵝香)無偷陰肉但食落完全無陳皮味囉！，燒肉(化皮夠脆)都腌得入味。如果時間夠一定過去鵝頸食海記🤩🤩🤩🤩第一日就屈就下🤣🤣,食飯時間由我入去坐底落左單「鵝脾燒肉飯多色！凍檸茶少冰」碟飯嚟到飯無乜色😡凍檸茶都係無少到冰😡我⚠️，叫樓面比杯水我直至到我食飽走人總共叫過4-5個樓面拎杯水都無人拎水嚟🤦‍♂🤷‍♂(今時今日咁既服務態度喺唔得㗎！一定無下次！)

第一次寫食評，因為從未試過有咁差既體驗！呢間食過幾次，本身覺得食物唔算差，但今日食午餐體驗極差！今日同丈夫去食，佢叫了午餐蒸肉餅，問例湯係咩，侍應話例湯係菜乾豬肺湯，但要加$8（其他餐廳例湯都係免費），心諗都好啦難得有豬肺食，就＋$8 將飲品轉例湯， 我叫了燒鵝叉燒雙併瀨粉，要求了半肥瘦。首先到左既係湯，一黎到已經係得半滿，裡面仲有網球咁大舊煲湯瘦肉，湯只有幾啖，飲到底，連一舊豬肺都無！之後我個燒鵝叉燒雙併瀨粉到左，一望，叉燒係全瘦好似乾柴咁，無肥肉，我搵黎一位姐姐話我要既係半肥瘦，要求更換，位姐姐竟然掹大眼講大話，指係半肥瘦呀，就走左去。我再搵另一位姐姐，佢都堅持話係咁架啦，我話呢個你地點可以話係半肥瘦！就搵第3個哥仔，佢應該係負責廚房，佢先終於肯換俾我，但整體感覺已經極差！食完埋單時先記起，呢間餐廳咩都唔收只收現金，唔好話wechat/ alipay，連八達通都唔收，咁岩身上既錢，連埋$2毫子先岩岩好夠$125，就好聲好氣同收銀阿嬸講，「唔好意思，唔知你只收現金，計埋$2毫子先岩岩好」，個阿嬸即刻瞪大對眼怒視破口大罵「你俾毫子我有咩用呀！！我又唔可以找俾啲客！！唔收呀！」，嗰刻我同

前排去完動漫節 行到閉館(☞ ͡° ͜ʖ ͡°)☞當係又餓又攰之際 真係見到有餐廳開 就衝入去食(•̀ᴗ•́)و當時隔離酸菜魚都有開 正當掙扎緊邊間嘅時候男朋友話佢同事介紹過佢食呢間 於是我哋就試吓佢估唔到都有驚喜ᕕ( ᐛ )ᕗ•ఌ燒鵝飯男朋友碟燒鵝返嚟先賣相都幾吸引 除咗燒鵝燒得幾靚仔之外下面啲飯一啲都唔會好乾 夠晒燒鵝汁撈飯 幾滋味ᕕ( ᐛ )ᕗఌ燒鵝米粉本身想叫燒鵝瀨粉 點知連瀨粉都賣晒（有點sad(つ .•́ _ʖ •̀.)つ）但估唔到原來呢間餐廳用嘅米粉可以咁好食有別於一般茶餐廳用嘅米粉米粉非常爽口 值得一試!!!!!!·再試一試燒鵝 暫時係我食過最好食嘅燒鵝!!!!除咗肥瘦均勻之外 燒鵝汁調校得非常惹味連酸梅醬都唔需要點(❍ᴥ❍ʋ)皮脆肉淋 好香鵝味(●’◡’●)ﾉ𝐓𝐨𝐭𝐚𝐥:$𝟏𝟐𝟔📍榕哥陳皮燒鵝 (灣仔)灣仔駱克道129-131號冠美樓地舖

呢間嘢食到一肚氣。絕對冇下次！員工態度奇差，非繁忙時段竟然落漏單。搞到下午茶都變咗正價。跟住竟然同我講話咩系統改唔到。咁而家係你出錯，我理得你茶餐廳用啲咩系統啫。你咪照扣返俾我囉，唔好同我講系統冇呢啲功能呀。啲燒鵝又難食，又乾又鞋。我正價洗鬼食你呢間嘢咩！請着呢啲員工真係幫手倒米。唉，呢個市道都夠膽噉樣做嘢法，聽執啦😡

嗰晚趕時間，諗住燒味外賣好快，就試吓幫襯佢。買完之後就係鋪頭外面等。點知等咗好耐都未有，就入去睇吓咩事，唔睇由至可，一睇即刻扯火。一大堆外賣，包括我嘅食物一早已經準備好，但係無人入膠袋，我同其他等外賣客人同個四眼樓面講，條友淨係識嬉皮笑臉講:「幫緊你，幫緊你」。但係佢雙手完全無任何行動。等到佢有心情幫你包外賣，先發現兩杯飲品隔咗咁耐未沖。佢仲淨係識企係到，「扮工」大嗌話要自己沖飲品，但企左幾分鐘都係無行動。最後啲食物飲品預備好晒，但係都等咗成廿分鐘。最激氣嘅係，唔知係咪因為我催佢令佢唔高興，所以就求其包外賣，袋食物一拎起，兩杯飲品即刻傾側，爭啲倒到成袋都係。姑勿論味道，淨係咁嘅服務都已經幫鋪頭趕客。

以燒味 (特別是燒鵝) 掛帥的茶記，近期愈來愈多。當中有一些以「乜哥乜哥」命名的，又標榜燒製的獨特方法，荔枝木呀甚麼的，賣得都不便宜。所以像鄙人如此孤寒成性的 (說是這樣說啦，吃個茶餐就介意一個幾毫，任食放題埋單千幾蚊就眼都唔眨)，今天與同伴同來造訪，就沒有點燒鵝了。說實話，是因為「匆忙」。要趕下場，僅夠時間吃個快食。於是選了個很久沒吃的沙爹牛肉麵特餐，同伴則點了中式快餐中她最愛吃的燒味雙拼飯。麵的沙爹汁給了我驚喜，裡面有咬得出的花生粒，連帶湯底也有濃郁的沙爹香。這種在FB有專門群組的港式「名物」，「頹做」的茶記真是大有人在，我也不由自主的敬而遠之。眼前這一碗，總算叫我得回一點信心。炒蛋的嫩滑也是goodish，至於丹麥酥，說實話，給我「大火厚多」會令我更開心！燒味雙拼飯到了，叉燒稍瘦，但部位不至於乾癟柴皮；至於燒肉則水準平穩。無論當天或是之後，同伴都一再堅持，這裡的燒味是「好得」的，更不只一次帶同事來吃云云。看來與她再次試真，是跑不掉的了！陳皮花生，好味。您也吃過吧！至於陳皮燒鵝 - 下次吧。有冇放題食？

好激氣😡😡😡😡😡！今早同朋友灣仔食早餐，周圍都full晒只有榕記陳皮燒鵝餐廳沒有滿，所以去試吓！ 我哋嗌咗兩個早餐，其中一個係麥皮加火腿多士，但係個火腿多士一直沒有嚟，已經同侍應講咗三四次都冇嚟，每次職員都話哦，哦，哦，完全冇跟進🤬🤬！我哋食曬所有野連飲品都飲晒，個職員答我哋哦，哦，哦！🤬🤬最後因為趕時間返工，就比錢走，他們連一句唔好意思都冇講。價錢已經比附近嘅餐廳貴，咁嘅質素🤮🤮🤮唔會有下次😵‍💫😵‍💫😵‍💫。 只可以用一個字形容-差！

之前在棋哥食燒鹅都唔錯，掂知幾日前再去，叫下压得隻脾加兩堆肥肉伴碟，今日轉咗去灣仔試下榕哥燒鹅係唔係一樣，順便比較一下。叫咗以下食物🎑义燒意粉下午茶餐$44套餐除咗意粉，還有煎蛋，多士和奶茶，份量足夠，可當early dinner, 义烧淋滑，都算抵食。🎑燒鹅下压$158 vs 棋哥▪️抵食榕哥上压$128，下压$158; 棋哥上下压皆要$158。cp值榕哥✌▪️燒鹅份量榕哥碟鵝脾大些，伴碟一邊是近腩肥肉，另一邊則是鵝肉; 棋哥碟鹅，兩邊伴碟位皆是白雪雪肥肉，不過用鹅皮蓋住啫。份量榕哥✌▪️燒鹅味道榕哥燒鹅肉質偏淋一些，咬入骨有味; 棋哥鹅偏挺身一些，如果送上來是新鲜燒好冇幾耐，兩者味道各有爱好者。味道平手啦！總括來說，如果棋哥俾足料，唔放咁多肥肉係下压，再係服務上下功夫，同榕哥差不多的。

行經灣仔見到呢間燒味好似唔錯woo就入去試下既然主打燒鵝，我哋都叫一碟下庄，叉燒亦係皇牌🤭點都要叫一碟例牌喇兩個人 一碟燒鵝下庄一碟叉燒例牌再加碟菜，一人一碗飯😅非常飽講返碟燒鵝先🤭堅出色👍🏼👍🏼👍🏼皮脆肉淋又有鵝香，鵝肥瘦適中～ 講真好食過 深x燒鵝😅既然叫得金獎叉燒，就睇下你有幾巴閉😎食完第一舊😉俾個👍🏼你🥳半肥瘦叉燒，燒得夠淋又帶點燶邊，蜜糖又掃得夠厚😋 ，好有蜜味焦香 ，食到停唔到口🤣推介燒鵝同叉燒❤️❤️❤️❤️❤️

星期六晚OT 買外賣「燒鵝五寶飯」返公司，第一次幫襯，我叫少飯，師傅再三確認我想要幾多飯，好細心，比多左啲菜我仲送咗碗好好味既雞腳湯。燒鵝五寶 我自己要少飯，佢就真係差唔多全盒都係餸，燒肉勁脆皮，燒鵝又超好味，價錢就$80，一分錢一分貨，唔好攞佢同隔離街既平價比，幾個職員都勁有禮貌。仲有師傅好好人我買開屋企附近全香港最貴嘅米芝連燒鵝，好老實講，佢好食過我屋企果間！仲平好多！最近我比好多食店嘅評價都係一般，呢間我覺得好好，見呢間無乜人寫食評所以我一定要寫，食店除咗食物外，仲有座位同服務，呢間服務，我見座位都ok ，下次我再試堂食！（佢位置喺灣仔入境事務處天橋中段 響麥記行落地面，再向金鐘方向行前幾個鋪位）比我飲左半碗先記得影相，因為太好味，真係想落去買多碗飲

原本在車廂已經諗好買咩外賣，點知一出地鐵站見到新開的燒臘店馬上改變主意試新嘢，店面外觀開揚坐位望落舒適，下次試下堂食。外賣賣相幾好而且是脾位，有菜和酸菜陪襯，飯底乾身還可以，但應該不是靚米，試過後覺得同級除了竺扶多了一個選擇。除燒味好食其次就係飯要够煙韌，第三就係醬汁，吾知有無人認同。沒有電子收費連八達通都無，有點不方便。等候時候不算耐，接過外賣後感覺輕飄飄，心諗我好肚餓喎，結果係飽的，份量適中。