極尚大喜屋

營業中

休息中

旺角新開既大喜屋又大又新淨，有新開既當然揀新開呢間啦！同樣有超多野食，熟食多左好多，魚生壽司都保持住一樣水準，食到飽。環境新裝修靚左好多，坐得好舒服，全部係新既沙化卡位，走廊都寬闊過其他分店，下次都會繼續黎呢間。出面自助形式既熟食好多選擇，又有酸菜魚，又帶子西蘭花，連中湯都有兩款任你揀。今次見到餐牌多左好多川式小食，叫左生蠔試下，黎到見到好大隻，面頭仲有好多乾蒜頭同辣椒仔，食落好惹味，燒得唔會乾身，生蠔本身既鮮味都食到，下次黎大喜屋又多一款必叫。

又一年一度慶祝老爺生日，年年都幫襯大喜屋，今年試下呢間旺角新開分店，一大班人都夠坐，唔逼又傾到計。QR Code 落單，熟食多選擇岩晒老人家；壽司細細粒可以食多兩件，仲有即燒串燒、燒蠔、燒干鮑任食，全港首創。飲品區又係好多野揀，熱既蜂蜜菊花茶、各款解茶烏龍茶、到台式珍珠奶茶都有！仲有雪糕雪條任揀，連台灣芋圓都有，行一次一定拎唔晒。魚生刺身新鮮，三文魚厚切同牡丹蝦食落都好鮮甜，擺盤仲要加左乾冰好吸睛岩晒打卡。

從創興廣場搬來了旺角雅蘭中心之后地方寬敞了、食物水準也提高了，真的是驚喜不段，唯一不好的地方就是電話預約的問題，打了整天的電話也沒有人接聽，希望貴公司可以增加多些人手

自上次食完銅鑼灣分店之後po 完ig 勁多人問，原來岩岩mk 都開咗新分店，裝修靚啲野食又豐富啲啲， 我最鐘意蟹都任食呀， 性價比超高！銀雪魚西京燒平時日本餐廳都百幾蚊碟，呢度嘅水準同日本餐廳無分別，但係任食！汁煮鮑魚不得了個擺盤好似去咗米芝蓮餐廳食中菜咁。燒蠔大大隻熱辣辣好香又鮮甜多汁，無得彈💯唯一唔好就係原來限時2hrs last order 係最後30mins, 前台無同我地提過，到叫唔到野食先話張qrcode 有寫， 但d 字係化開咗...

放題成日都食，來來去去都係嗰D, 價錢亦大同小異、同一般放題差唔多，勝在睇吓性價比邊間高😎今日呢間極尚大喜屋應該大家都好熟，但今次佢新開喺雅蘭呢度有驚喜，地方大唔迫之外，最重要當然係食物方面都有新野啦干鮑魚肚、避風塘軟殼蟹、吞拿魚他他、燒生蠔🦪、海膽壽司等等，呢D基本上食多幾舊都回本了😁大部分都叫嚟食，食物嘅質素都相當唔錯又新鮮，而好多都係細細粒好易入口😋，唔驚食到撐飽個胃😆 好推薦租蝦沙律多士，非常脆口又惹味😋 最後食埋個Häagen-Dazs雪糕及甜品🤣 真係完美呀🥳🥳