極尚大喜屋

營業中

休息中

💁‍♀️💁‍♂️ 18/4/2024(Thu), Dinner🍽每隔一段時間💁‍♀️為食妙妙同💁A先生都會去食放題，我哋嘅首選都係大喜屋集團嘅分店，今次我哋就嚟到旺角雅蘭中心嘅分店，餐廳地方夠大而坐得都幾舒服，侍應上菜、收碟都好主動同快速，整體用餐🍽️嘅體驗好好。而今晚我地order咗：🔆 成人晚市放題（$298+10%）晚市嘅放題有分唔同時段，星期一至四晚8:30後入座就係$298。若果想彈性一啲嘅，自選時段俄座任食2個鐘都只係$328，價格合理。我哋就預約8:30，依返時段去到餐廳好快就安排到座位入座。進入餐廳後先見到一個都幾大幾闊落嘅自助區，有飲品、前菜、沙律🥗、湯同埋甜品可以自取。飲品方面都係一般啤酒🍻、汽水🥤、清酒🍶、梅酒、紅酒🍷、白酒等，呢度仲特別有果汁如橙汁、蔗汁同椰青水。同其他我哋去過嘅大喜屋一樣，落單方面都係用QR code，落完單無耐食物就會準確送上。首先第一輪我哋點咗刺身同壽司🍣先，呢間分店有松葉蟹🦀腳、食落都多肉結實；另外三文魚、油甘魚、池魚等嘅刺身都好新鮮肥美；馬刀貝、赤貝食落爽口好食；帶子、大赤蝦🦐就夠晒鮮甜；海膽軍艦嘅紫菜夠脆，海膽雖然唔係大粒，但食落都好甘甜。另

呢間放題餐廳，除咗刺身夠晒新鮮，最近仲可以任食D24榴槤，性價比好高！一入到嚟就即刻去咗餐廳自助區拎嘢食，有齊冷盤、熱食、飲品、清酒同甜品！👍🏻食物方面，刺身非常新鮮，有松葉蟹腳、極品大赤蝦、北海道鮮帶子、甜蝦等新鮮食材任叫任食！另外推介即叫即燒嘅燒蠔，夠晒大粒又有蒜香味❤️餐廳最新嘅賣點就係D24榴槤，大大粒榴槤肉，估唔到微微燒咗嘅榴槤係咁香咁好味，我自己忍唔住食咗五大粒，鍾意食榴槤嘅朋友千祈唔好錯過！🤩🤩🤩

為朋友慶生，晚市揀咗呢間放題，公眾假期前夕收$348一個人另外再加一。放題款式十分之多，大部份菜式由手機QR code落單，飲品及甜品則需自取，飲品多達十幾款，還有自家製的珍珠奶茶，味道不錯。一些前菜可以自取，有中華沙律，白雲鳳爪，魷魚等。甜品區有楊枝甘露，布甸，Tiramisu，乳酪，韓國雪條， Haagen Dazs雪糕等。另外椰皇燉蛋白上碟時係暖，味道喜出望外，值得推薦。總括而言，食物款式種類繁多及尚算新鮮，下一次或會再次光臨。

最近5月1號係假期，我就去咗旺角度行街，跟住突然之間想食放題嘅時候就去咗極尚大喜屋餐廳，可能由於係假期關係實在太太太太太多人啦果然係人氣店！極尚大喜屋位於旺角彌敦道雅蘭中心的4樓，交通便利，很容易找到。地鐵站一出轉右嘅5樓就已經係啦！整個空間設計簡潔，舒適，營造出一種放鬆的氛圍，讓我感到非常舒服。餐廳的服務也非常出色。工作人員非常友善和專業，他們迅速地為我們安排了座位極尚大喜屋的菜單提供了多種精緻的日式料理選擇，包括壽司、刺身、湯品和烤物等。刺身的質量也非常高，魚肉鮮嫩，新鮮度一流。另外不得不提嘅係呢一度嘅拖羅係任食㗎！此外，他們佢哋都有好多熟悉嘅選擇，所以唔食生冷嘢嘅朋友都唔使擔心。就例如有壽喜燒各式各樣嘅天婦羅煎炸物仲有一啲燒熟咗嘅壽司每一度嘅餸菜都非常之出色，特別係我最鍾意嘅一口牛！我食咗三四碟都覺得唔夠喉整體嚟講呢一度嘅放題質素係唔錯嘅，而且價錢都唔算好貴

極尚大喜屋，地點鄰近旺角地鐵站，價錢適宜食物選擇又多，性價比高。刺身、壽司、手卷刺身種類選擇多，唔止有三文魚、油甘魚、赤海蝦、赤貝等，估唔到仲有松葉蟹腳！刺身有插花擺盤好精緻，每款刺身都好新鮮。壽司卷物都好創新，有海膽三色塔、芒果蟹籽沙律、魚子醬玉子燒等，新奇的口味配搭。燒物、炸物、一品料理燒物有川味燒鮮蠔，蠔肉大粒唔會腥，加上川味醬汁特別香口。鍾意食燒生果嘅除咗燒菠蘿之外，榴槤三重奏都係創意之作，中間大大嚿嘅金針頭榴槤香滑軟綿，食落香甜，另外嘅係榴槤煎餅同榴槤蓉，濃郁嘅榴槤香味啱晒我呢啲榴槤控。今期仲有新加坡名物辣椒 Black Tiger prawn，虎蝦大隻又彈牙，食落似係黑胡椒炒蟹嗰隻味，辣辣地好惹味！

5月中就係母親節啦我就提早咗同阿媽慶祝母親節💋因為唔想到大時大節嘅時候外出吃飯會好多人媽咪同我一樣，佢都好鍾意新鮮刺身、海鮮所以呢我就約佢平日去旺角極尚大喜屋食放題呢間餐廳好寬敞 (如安排倒卡位，更坐得舒服)裝修幾靚，冷氣剛剛好服務員好友善，會細心幫我哋更換碟子我媽咪對呢餐飯非常滿意😘佢覺得可以媲美酒店級自助餐而我認為佢嘅多款中菜係唔錯🙊今期魚肉刺身非常肥美，唔會好冰，無法挑剔🍣🍣海膽壽司亦相當新鮮😘多款精緻嘅中菜及甜品，我推薦食⭐“時令蟹皇扒豆苗” 鮮嫩豆苗好有口感⭐“鐵板牛油黑松露帶子” 帶子既新鮮又彈牙⭐“一客薑蔥爆鱔球” 蜜糖般的醬汁，而鱔肉非常彈牙又滑溜，令唔鍾意食魚嘅我都愛上了⭐“鐵板法式鵝肝多士” 厚切的鵝肝，既肥美又油潤，叫一碟已經好值回票價了⭐“榴槤三重奏” 為三款口味的榴槤，有落榴槤薄餅、爆原粒連核榴槤肉、淨榴槤肉，完全滿足好鍾意食榴槤嘅我。⭐“極尚椰皇燕窩燉蛋白” 同出面甜品鋪食差唔多，椰香味濃郁，非常滋補又美味🦆我媽竟然到出面自取嘅鹽水鴨讚不絕口，佢話呢啲係家鄉必吃，我吃過都唔錯，起碼肉唔會好鞋，幾有鴨味！甜品都好多款:

#旺角美食 #小蓮星呑食旺角🔻 極尚大喜屋 旺角彌敦道625 & 639號雅蘭中心4樓/🥳晚市放題 $298 （20:30後）/🧃刺身/壽司魚生超級厚切，質素絕對唔算輸出面舖頭，油甘魚充滿獨特油香，三文魚鮮味，帶子又大隻又鮮甜，螺彈牙，赤蝦大隻鮮甜，仲叫咗蟹腳，估唔到有驚喜，充滿咸香嘅海水味。呢度所有嘅海膽菜式嘅海膽都係使用北海道海膽，有質素保證。/🧃熱食/鍋物呢度嘅熱食質素都好高，有燒物、天婦羅、一系列酒店宴會級中菜等等，大推乳鴿，夠大隻，熱辣辣，皮脆肉嫩，啖啖肉，串燒都燒得好好，特別係燒雞翼，非常惹味。燒生蠔大大隻，一啲都唔腥，仲保留到鹹香味同埋蠔味，加埋蒜辣真係好正，蟹黃豆苗係真係有一粒粒蟹肉，童叟無欺。仲有兩款中式湯任君選擇，入邊都好足料。/🧃甜品/飲品甜品方面勁多選擇，有雪糕雪條同埋勁像真鼠鼠甜品😍飲品方面有自家冷泡嘅各種茶飲。鍾意飲酒嘅呢度都好多選擇，清酒任飲。/餐廳勁大，啲位都好夠闊落，自助餐區都好靚舒服，好適合聚餐，呢個價錢真係好抵/////#food #foodie #hkfood #hkfoodie #foodporn #foodstagram #hkfoodblo

自從旺角大喜屋搬左去新鋪之後，我即刻約埋朋友一齊去食😜我地今次係午市放題❤️新店既環境比舊店既闊落，無論係點餐定係自助區既食物選擇都多左✨飲品區既選擇琳琅滿目🧃我地係點心區拎左蝦餃，出奇地皮唔會太厚又唔會粉😙食放題點可以唔order刺身同壽司🍣驚喜地每款刺身都好厚身又鮮甜，特別係赤蝦，蝦膏多到爆出黎😂壽司飯握得實，唔會一夾就散開🤓另外燒羊架同埋燒牛舌都好值得推介💓羊架無羶味，牛舌唔會好韌，喜歡食既記得要試下❗️法式鵝肝多士大大件又香口，配埋牛油多士，入口好爽😆我地order左兩款一品料理，分別係冬菇花膠同埋肥牛烏冬🌟冬菇花膠啲汁好多，有碗飯就好perfect😂肥牛烏冬係我地今餐既完美ending❗️餐廳座位都闊落，完全唔會覺得擠逼👍🏻店員會keep住幫忙收碟，食物選擇又多，上菜又快，基本上都好滿意。食物款式太多我地又排住傾計，所以仲有啲都未試😆期待二訪再食😙📍極尚大喜屋旺角彌敦道625 & 639號雅蘭中心4樓(🚇港鐵旺角站E1出口)#hongkongbaby #hongkongbabyboy #90後媽媽 #育兒 #新手媽媽 #香港媽媽 #寶寶日常 #育兒日常 #港媽日常 #香港bb #h

首先，一定要點刺身食 。好多款式，仲要厚切😍😍而且有松葉蟹腳食，都唔錯 。忍唔住叫左d壽司食，件件都好靚，細細舊滿足到自己可以試更多野，又唔會太飽 。推介三文魚籽海膽寶石山，有幾款刺身切件搭配海膽 ，幾鮮甜🔸時令蟹皇扒冠軍豆苗豆苗翠綠，份量都唔少 。🔸鐵板牛油黑松露帶子上菜個碟好似西餐高級料理😂帶子大大粒😍🔸特色焗溫室啡菇（黑松露煙肉）🔸鹽燒牛舌🔸鐵板法式鵝肝多士大啡菇有驚喜，上面層芝士煙肉絕對加分 。鵝肝多士好正，不過唔可以食太多 。川味燒鮮蠔辣辣地，好惹味，蠔夠新鮮，燒得岩岩好 。極尚椰皇燕窩燉蛋白必點👍隔離枱都encore左幾次 。

旺角的日式任飲任食放題極尚大喜屋,$298/位，有燒物、串燒、一品料理、炸物、天婦羅、刺身、壽司……，嘩~~~還有現在放題新增的皇牌燒乳鴿王、榴槤三重奏……門口一入的自助區範圍都很大 ，熱葷區有豉汁蒸沙巴龍躉仔、丸子、日式煎餃子、鹽水鴨，還有點心小籠包、蝦餃、燒賣、湯、甜品……蝦餃燒賣與酒樓食的點心可以雙匹配，爽口清甜！小籠包也有相當的品質，雖說不上高質，但也很多湯汁及鮮味！麻辣鴨腎，爽脆麻辣，也很喜愛！新推出的榴槤三重奏，香煎榴槤煎餅、烤榴槤及榴槤蓉，各有味道，都帶有榴槤的香，喜愛食榴槤的我，當然不會錯過！上湯翡翠百合螺片，螺片切得薄薄的爽口鮮味。很香口的燒鯖花魚及令蟹黃扒冠軍稻苗……皇牌燒乳鴿皇，皮脆肉滑，非常入味，多肉汁且香口! 推薦！金湯慢煮鮑魚花膠盛，鮑魚非常爽脆，花膠軟腍真系必食推薦！款式多，我最喜歡食的還有姜蔥爆鱔球、燒雞軟骨串、鹽燒牛舌、芝麻雞翼、脆炸貓山王、川味燒鮮蠔、燒香草羊鞍……好美味哦，再加上豐富的甜品及水果作為結尾，非常滿足~~~😋😍

最近啲金升咗好多，我就走咗去雅蘭中心樓下間金鋪賣咗隻金戒指，順便食返餐好嘅，極尚大喜屋 晚市放題，CP值高，任食有質素。人氣爆燈的極尚大喜屋，新裝修，簡潔明亮。人流多食物流轉速度快，放題食材也特別新鮮，款式選擇多，有創意又好食，減肥都要放縱下。晚市成人放題 $298自助區有多款冷盤、熱食、飲品、清酒、甜品，應有盡有。餐廳還會定時轉新Menu，給食客新鮮感，我每次嚟都有唔同嘅美食。心水推介榴槤三重奏：個榴槤可以分開三種食法，最有口感是中間的榴槤肉，輕燒榴槤果然飄香，滿口香甜味道，真係非常滿足，忍唔住要encore。旁邊還有榴槤蓉薄餅、榴槤香味醬汁，香脆可口又嫩滑。蒲燒鰻魚：味道甘甜，口感厚肉。川味燒鮮蠔：因為即叫即燒，記得早啲落order，食完刺身就可以食燒蠔啦！肥美大隻，蠔肉香辣惹味。刺身食放題不能錯過的刺身，衛生乾淨，食得放心。魚籽柚子醬鱆紅魚，薄切肥美。冰鎮刺身拼盤，賣相非常有氣勢，打卡一流。松葉蟹腳、淡淡的海水味，不錯。極品大赤蝦、北海道鮮帶子、甜蝦，全部都好新鮮，滋味無窮。泰式虎蝦配搭酸辣汁，非常開胃，更加是充滿泰國風情。壽司我覺得最有創意的一part，質素也很高，一口size

今日中午經過旺角的極尚大喜屋，呢度真係充滿兒時回憶，20年前，我讀緊中學時，已經經常去食放題，之後都經常心隱起就去食😋極尚大喜屋的日式放題，我諗大家都唔陌生，但咁多同類的競爭中，到今時今日，依然屹立不倒，就知極尚大喜屋的除咗食物豐富之外，食物質數都一流😋✨晚市放題 ✨$298/位，任飲任食，今次推薦以下食品：🌟刺身有三文魚、希靈魚、吞拿魚、甜蝦、大赤蝦、帶子、北寄貝、油甘魚同帶子，全部都好新鮮，三文魚切片細滑，入口即溶，鮮味十足。希靈魚嘅肉質爽口。油甘魚富有油脂，口感豐富，帶點濃郁嘅味道。帶子嘅鮮甜，入口滑嫩。特別推薦佢哋的甜蝦，鮮甜又爽口😋🌟壽司🍣壽司種類繁多，推薦燒左口魚邊壽司魚肉鮮嫩多汁，與酸甜嘅壽司醋相輔相成，帶出獨特嘅口感同風味。花之戀都係推介之一，質感豐富，細細地一啖食哂。🌟一品料理🍲蒜蓉粉絲蒸扇貝 ，扇貝鮮嫩多汁，帶有濃郁嘅蒜香，粉絲吸收汁醬，鮮味十足香草牛油煮鮮大蜆，大蜆鮮味濃郁、新鮮彈牙，牛油同埋蒜味香濃。🌟燒物超推薦燒蠔，每一隻蠔都大大隻，味道鮮甜，配埋蒜蓉一齊燒，香口又鮮味。西京烤魚都非常之好味，魚肉燒得外脆內軟，肉質鮮甜。🌟甜品、飲品🥤🍧雪糕🍦、雪條、泡芙、蛋糕

係雅蘭有間極尚大喜屋真係超方便, 又就腳又唔洗諗黎諗去, 約食飯一流!刺身永遠冇伏, 魚生件件厚切, 牧丹蝦大大隻, 滿足哂食刺身既慾望。壽司多款得黎有D仲係出面食唔到既, 例如會加左黑松露/白松露等。而傳統既壽司都keep住水準, 私心推介平目魚背, 油脂感重D魚油勁香!! 仲有唔少得海膽軍艦。食完刺身壽司就到多款又水準穩定既串燒, 炸物同埋鍋物等熟食, 好似芝麻雞翼咁, 每次都會食, 係我心目中係大喜屋名物黎。發現佢餐牌隔一排就會轉, 加少少新野咁, 好似而家有乳鴿, 大大粒黑松露帶子, 必點鵝肝多士同埋炙燒和牛薄片! 鵝肝多士一口size有甘香味道, 和牛片軟滑重牛油香, 要encore!

成日見話d餐廳好冷清，但呢間放題平日夜晚都爆哂場🏮晚市放題(2小時) $288起刺身新鮮好食，有好多選擇，炸物👌🏻，串燒得唔錯唔會太乾☀️（個牛舌唔錯 🐮），一品料理幾多選擇特別野有海膽三色塔、川燒生蠔🦪、榴槤三重奏、法式鵝肝多士🥪、蟹黃小籠包拌麵、爆炒鱔片、紅燒乳鴿、鮑魚花膠、鐵板牛油黑松露帶子🍄、魚子醬巴馬火腿玉子燒等以上嘅都係幾特別，覺得唔錯嘅，個法式鵝肝每嚿都幾大吓😍，隔離枱直頭係咁encore 再encore 🫶🏻，個炒膳出乎意料脆口惹味🤤，花膠🐟大嚿腍滑，🦔榴槤三重奏，有燒榴槤、榴槤薄餅、榴槤蓉，一雞幾味正最後，甜品有好多唔錯嘅選擇👀，布丁燒🍮、楊枝甘露🥭、芋圓仙草凍🍡、椰汁雪耳🍼，Häagen-Dazs🍦雪糕等等，有凍有熱，都係回本位overall餐廳食物質素唔錯，位置喺雅蘭中心好方便🌝座位亦好多，非常啱約朋友聚會

今晚又黎大喜屋同朋友慶祝生日，佢最鍾意大喜屋既甜品同蜜瓜味既乳酪同Häagen-Dazs哈根大雪糕，配埋生果食一流呢度既冷盤前菜都成十款竟然有雞亦尖，細個成日去元朗X仔食架，好懷念呢種味道刺身都有好多款，重要全部都新鮮好味燒香草羊鞍時令蟹皇扒冠軍豆苗蒜蓉焗生蠔熟食有丸子、日式煎餃子、酥炸八爪魚、豉汁蒸倉魚、鹽水鴨點心蝦餃、燒賣、鮮竹卷金湯慢煮鮑魚花膠盛亦是必食，花膠巨型我地都好鍾意食榴槤，呢度有得任食金枕頭榴槤燒同炸貓山王波波就岩晒喇一次過食晒咁多種口味真係開心大滿足