極尚大喜屋

營業中

休息中

極尚大喜屋有多間分店 環境闊落 食物選擇繁多 更設自助區自行取食物 食物味道有質素 可以任食2小時 ʕ •ᴥ•ʔ-✨海鮮 & 壽司自助區有得拎冰凍海鮮 而手機落單就叫左幾款魚生 分別係三文魚、甜蝦同帶子 三文魚夠肥美 充滿油脂感！甜蝦同帶子好鮮甜 另外壽司推薦軟殼蟹同左口魚口味😳✨串燒 & 炸物 & 點心串燒叫左雞軟骨、翠玉瓜、芝士大啡菇 燒得岩岩好 一啲都吾油 炸物食左榴槤炸彈、天婦羅🍤好香脆 炸粉吾厚 另外自助區有得拎點心 有燒賣蝦餃腐皮卷等等 熱辣辣 味道幾有質素！✨鐵板 & 鍋物鐵板共有3款選擇 有黑松露牛油帶子、黑椒牛柳粒同鵝肝多士 牛油帶子配菜有蘆筍同菇 重黑松露味🥰鵝肝多士好厚身 充滿油脂感 另外叫左個香草大蜆鍋 肉質肥美 幾入味✨甜品甜品推薦椰皇雪燕燉蛋白 好有椰香味 蛋白嫩滑！甜品仲有布甸燒、Tiramisu、木糠布甸等等 鍾意食榴槤就要order埋榴槤三重奏 有榴槤薄餅、榴槤蓉同燒榴槤✨飲品 & 雪糕飲品款式超多 除咗有酒類、汽水類、果汁類外 仲有自家製茶 例如鴨屎香檸檬茶、白桃烏龍、洛神花茶等 同埋有珍珠奶茶🫶🏻而雪糕有Häagen-Dazs雪糕 同多款其他品牌😳

位置方便！野食種類快！送餐快！同朋友食飯聚會坐得舒服啱傾計第一次食 印象深刻 值得再試隔離地鐵站 交通很快捷員工態度好，做嘢快手刺身，熟食，嘢飲，雪糕，甜品多下次會再嚟

替朋友慶生🎉，但略嫌酒店自助餐太貴，決定簡間人氣爆登位於旺角雅蘭中心4樓的日式放題「極尚大喜屋」，貪佢食品種類多，仲有多個刺身回本位。還未正式點餐，在自助區已經可以食到飽🤣小食：大推帶子裙邊、中華沙律🥗、無骨鳳爪、涼拌魚皮、雞腎等，去貨去得快，保證新鮮。飲品：自家製冷泡茶不在話下，仲有近期大熱鴨香檸檬茶、仲有咖啡機、啤酒🍻、冷熱清酒🍶紅酒🍷等，咩人都滿足到。點心：蝦餃燒賣鳳爪，數之不盡的點心，用上熱爐保暖。先吃刺身吧！擺盤好靚！全部厚切大大片！軟糯甜蝦、仲有巨大的鮮甜赤蝦、虎蝦比較爽彈，希靈魚爽脆清甜、三文魚厚切，松葉蟹不會死咸，仲配上醋中和膩感。最意想不到的是柚子醬池魚王、薄切精盈透光、配上三文魚籽，甜甜軟糯，不錯。佐酒小食有必點鹽燒雞軟骨、牛舌、燒生蠔🦪、大大粒飽滿生蠔充滿炸蒜蓉米椒粒香氣 。食得出真係用炭火燒！特香口！仲有天婦羅，特別推介炸粉薄超級香口的虎蝦、仲有日本空運甜心番薯仔，好正！必定要點鮑魚會冬菇花膠，冬菇香味撲鼻、鮑魚爽蛋無比，花膠大大塊厚切非常，最緊要是鮑魚汁完美匯入所有食材當中。仲有比外間酒樓乍得仲要好食的乳鴿BB，香口得來根本唔需要蘸淮鹽🧂，保持肉質鮮嫩多汁，勁

大喜屋真係由以前讀書同同學reu食到宜家 一直都係我top1既放題選擇🏆地理位置好方便 一出地鐵站就係 全層鋪位 又大又開揚🤩一入去就係自助區 有多款前菜 涼拌魚皮、鳳爪、中華沙律 等等🥗仲有蝦同青口等海鮮🦐 甜品同雪糕選擇都好多🍨飲品方面選擇都好多 雪櫃成由幅牆都係 除左罐裝飲品 仲有自家花茶 連鴨屎檸檬茶都有🍋酒鬼表示最驚喜係個酒corner 有齊紅酒白酒燒酒🍷 sake仲有熱既🍶用qr cord落單好方便 叫左好多野食 總結下列依d係我個人推薦!😛其餘食物都好食 不過下面依d用料特別高檔回晒本喇~刺身船就必食啦! 厚切魚生 左口魚同油甘魚腩都唔錯🐟貝類爽口新鮮 魚籽柚子醬鱆紅魚薄切 好清新☘️仲有! 要食松葉蟹腳🦀壽司可以試依d特色d既鵝肝芝士鰻魚卷~鵝肝油脂好豐富~熟食方面 好有驚喜既係佢用料好高級 係宴會級既享受!✿ 鐵板牛油黑松露帶子 ✿ 啖啖肉好鮮味😛✿ 一品蟹皇小籠包伴麵 ✿ ✿ 鮮蟹粥 ✿ 超甜!!!!!!一定要叫🤤🤤🤤🦀✿ 上湯翡翠百合螺片 ✿ ✿ 金湯慢煮鮑魚花膠盛 ✿ 勁補!!!!🥳燒物就正正常常啦~✿ 川味燒鮮蠔 ✿ 好大隻好多蒜係面🧄✿ 燒香草羊鞍 ✿ ✿

💁🏻‍♀️💁🏻💁🏻‍♂️💁🏿‍♀️💁🏿💁🏿‍♂️🏷️極上大喜屋@旺角店👉🏻晚市放題（星期一至四，五點入座，七點離座）$298/位💁🏻講到明係日式放題，刺身一定要有返咁上下先算佢合格。今次我哋食水準就非常唔錯。吞拿魚，北極貝，池魚，大細甜蝦極之鮮甜，每一片或一塊嘅份量適中，唔會偷工減料。冇雪藏味亦都冇腥味，值得一讚。💁🏻除咗刺身，估唔到佢嘅中菜都好多花款同高質。其中扣鮑魚同埋燴螺片食到我哋津津有味，呢一個價位食到依種高級食材真係唔係間間餐廳都做得到。扣鮑魚個鮑汁好濃，炆得夠火喉，係食完生冷嘢想暖胃嘅不二之選。💁🏻燒物方面我哋冇叫好多，但食過兩三款都覺得水準正常。喜愛食油炸嘢嘅朋友都唔使怕執輸，因為呢度啲天婦羅蝦炸到脆卜卜大大隻，視覺同口感都一定滿足到你。💁🏻飲品種類繁多，有自家製泡茶，清酒，各類果汁同汽水。我哋飲咗佢個冷泡茶，茶味香濃，啱晒食自助餐解膩。💁🏻甜品係一絕，每樣甜品擺得整齊同精緻。試過幾樣都比正常水準要高。特別一提佢個布甸同埋蛋糕，奶味香醇，甜度適中，口感亦都好順滑，睇得出間餐廳喺甜品方面都好俾心機。 另外有各種時令生果，自製雪糕機同埋過10款嘅進口雪糕任均選擇。各位記住唔好食得太飽，

難得有朋友返港，貪放題咩都有得食。呢間可能位置比較方便，我星期二晚去都超多人，好彩今次有訂枱。💛刺身款式好多，例如有：松葉蟹腳、三文魚、池魚、希靈魚、赤貝、刀馬貝、鮮帶子、油甘魚、赤蝦、甜蝦刺身係厚切，味道好鮮甜。💛壽司賣相都精緻，飯唔會好大嚿，必點：海膽三色塔、花之戀、劍魚腩、鹽燒左口魚、海膽軍艦💛熟食好多元化，呢幾款都好好食：慢煮花膠鮑魚、薑蔥爆鱔球、燒羊架、炸蒜燒蠔、麻辣魚皮、芝麻雞翼、燒乳鴿、鵝肝多士尤其羊架今次燒得剛剛好👍🏻💛最尾要必食嘅甜品：榴槤三重奏、椰皇燕窩燉蛋白、Häagen-Dazs雪糕、榴槤雪糕椰皇燕窩燉蛋香好足料又養顏，正！💛其實酒類、飲品種類有好多，有日本果味酒、清酒、啤酒、紅酒，不過我主打飲烏龍茶，希望幫助消滯😂總結：呢度嘅食物質素大部全都屬中上水平，員工上菜同收碟都好快手，而且冇漏單，$318/位，計埋加一都係性價比極高，朋友都讚不絕口~

今日正日生日諗住開開心心食返餐,支持吓香港消費!好可惜，嘢食一般🥲坐得唔舒服都預咗，可惜服務態度極差…當時我都仲食緊，有個店員就叫我快啲夾起啲嘢，就話唔食就唔好叫咁多啦，擺到全枱都係😒但係嗰陣時我都仲未食完，而且我都冇叫佢幫我手執嘢，真係好奇怪，百思不得其解！其中有一個桶放喺旁邊，佢幫手倒垃後，勁大力掉喺張枱度！嗰刻我都即時搵經理反映意見，因為真係好過分，無啦啦都唔知發生咩事我同屋企人係全程坐喺度呆咗，經理後尾過嚟都係講話一場唔會唔好意思😥真係五個字形容:貼錢買難受!真係多謝呢間餐廳，有一個咁難忘咁差嘅生日體驗😒😒😒

朋友好中意食放題，因為一次過可以試吾同款式的食物，而且一邊食，一邊可以gathering 極尚大喜屋試商幾次，上菜快，而且用QR code落單，輕鬆自在，可以慢慢睇慢慢揀每次黎都好多人，就算平日黎，都一定一定一定要book位，因為walk in要等book枱的入座後先知有冇位剩，所以重要事情講三次：一定要book 位除左每次黎必食的刺身壽司之外今次大推：松葉蟹腳鮮甜美味，而且啖啖肉，勁滿足，encore叫左幾轉海膽軍艦👍🏻👍🏻👍🏻中意海膽的朋友，都要試下，海膽勁肥美，又鮮甜燒物：榴槤三重奏又黎到榴連旺季，中意榴連朋感覺一定一定要試，勁香勁滑😋😋😋

服務態度好👍🏻👍🏻👍🏻👍🏻👍🏻第一次食旺角大喜屋，特別想讚下職員態度好好，屋企人唔小心倒瀉搞到地板濕咗，叫職員拖一拖，男女職員分別用紙巾抹了兩次，言談間忍到原來佢地都要限時趕上菜追quotation之類，但都好用心幫忙，仲提醒小心跣親，十分感謝🙏🏻🙏🏻 上菜同收碟都好快，見到全程職員都好忙，仲會好有禮貌，辛苦晒。食物味道好👍🏻👍🏻👍🏻性價比高，刺身都好新鮮，飲品款式好多，仲有珍珠奶茶🧋屋企人食得好開心，家人聚會好地方👍🏻

屋企聚餐，老豆同媽咪鐘意食三文魚，於是揀咗食日式放題，以前食開創興2樓間大喜屋，執咗之後就改食雅蘭呢間。燒刺身質素keep到，創作壽司雖然款式同創興嗰間差唔多，但飯量竟然係一個double，唔知情嘅我照原本份量叫，結果食多咗好多飯落肚，冇胃容量再食其他。燒物算正常，但牛舌偏韌，翠玉瓜同菠蘿保持juicy，但其他中式熱食就比較遜色，下次都係試吓帝京嗰間。

間中放肆下食放題叫到成檯野真係正！ 先QR落單再到自助區拎飲品、前菜小食。 🍻🍶☕️🍵🧋🥤啤酒、清酒、自家制冷泡茶、汽水，勁多選擇！刺身最正有赤蝦、松葉蟹腳。仲有三文魚腩、帶子、甜蝦、油甘魚、吞拿魚。泰式酸汁刺身蝦，好醒胃。拖羅蓉軍艦，金黃海膽軍艦，創作壽司種類多。🥢厚厚鵝肝多士，油豐香軟🥢乳鴨皮香肉嫩，兩項都要追加！🍻飲Sapporo啤酒，食串燒。🍢雞軟骨，咸香脆口。🍢鹽燒牛舌，嫩滑大片。🥢蒲燒鰻魚，肉厚滋味🦪川味燒鮮蠔，超多蒜粒葱花，入口蠔味濃。燒香草羊胺，火烤夠油香，肉質鮮嫩🥢清酒煮蜆，隻隻鮮嫩肥美冇沙。🥢金湯慢煮鮑魚花膠盛、蟹粉菜苗、星洲大蝦炸麵榴槤控必點榴槤三重奏，榴槤蓉、焗原粒金枕頭、榴槤pancake。🍡甜品中，最愛三色芋圓芋圓Q彈，紅豆、寒天、燒仙草、蘆薈，微甜超足料！🥄班蘭奶凍布丁，味道清香。倉鼠芒果凍、迷你Tiramisu，食埋雪糕，好滿足！

朋友好耐無食放題，我梗係要帶佢食我最愛嘅極尚大喜屋啦！😋而家每人$298任食兩小時😋以前嘅舖位嘅座位又窄又暗，而家又大又新淨,地方又大咗。第一輪識叫嘅梗係叫鮑魚、燒蠔、花膠、刺身呢啲貴價嘢。佢嘅魚生刺身份量多又足，成日都爆場。第二輪叫啲牛、蝦、乳鴿王、牛仔肉、羊架、芝麻炸雞翼。我最鍾意食佢嘅炸雞翼。自助區而家有250呎咁大，涼拌魚皮、泰式鳳爪、帶子裙邊、蕎頭、沙律、雪糕、甜品，食物款式一應俱全。最欣賞佢嘅冷泡茶有好幾款,而家仲有鴨屎香檸檬茶飲呀！但估唔到佢竟然有日本最新嘅比卡超飲品呀！🤩如果鍾意飲珍珠奶茶嘅朋友都唔可以錯過佢哋自家製嘅珍珠奶茶，好有茶味。🤩我喜歡自己動手扭軟雪糕，好有滿足感，重點係Haagen dazs雪糕係任食！任食！🤩今次呢一期嘅甜品有龍嘅造型同埋松鼠造型，黃色嘅松鼠造型呢係芒果味綠色嘅龍造型呢係綠茶味，好食喎，creamy,唔假。 所以點解我咁鐘意介紹親戚朋友嚟食大喜屋

晚市 348 x 2好：1. 新開，環境好2. 野飲多3. 甜品多唔好：1. 兩個鐘放題，但提前10分鐘趕人走2. 員工倒骨碟，係客人面前倒，垃圾彈到落食物上，彈到成台都係，彈到我成身都係，但馬上有道歉，算係培訓不中/忙中有錯3. 食物品種比想像少，無吞拿魚刺食4. 所有放題基本操作，漏單/比少野5. 台太細結論: 食過就算，唔會特登返黎再食

香港人好鐘意食日式放題，今日同朋友去咗位於旺角嘅極尚大喜屋，任飲任食兩小時。夜晚時段餐廳人山人海，建議早啲預約。餐廳好大且樓底好高，有大量卡位坐得舒服😛。用QR code落單，方便快捷。食得日式放題當然要任食刺身，三文魚、池魚、油甘魚、蝦，刺身基本款都有齊，值得一提嘅係刺身頗厚切😍，口感滿滿。不過可能繁忙時段，刺身數量冇俾到足，建議落多幾次單🤣。除咗刺身外，餐廳有各式壽司同料理，種類繁多，要每一樣叫晒係冇可能🤪！星加坡風味辣椒大蝦同燒乳鴿都唔錯👍大蝦辣得上癮，配埋脆脆炒麵底好食😋。而燒乳鴿拍得住酒樓質素😚。餐廳設有自助熟食、冷盤、飲品同甜品區。熟食包括蒸魚、西蘭花、小籠包、仲有一籠籠點心🥟，新鮮滾熱辣。而冷盤有海鮮、水果🍉。飲品有冷泡茶、酒、汽水，當然唔少得有自助雪糕同埋任食嘅Häagen-Dazs雪糕🍧。

💁‍♀️💁‍♂️ 18/4/2024(Thu), Dinner🍽每隔一段時間💁‍♀️為食妙妙同💁A先生都會去食放題，我哋嘅首選都係大喜屋集團嘅分店，今次我哋就嚟到旺角雅蘭中心嘅分店，餐廳地方夠大而坐得都幾舒服，侍應上菜、收碟都好主動同快速，整體用餐🍽️嘅體驗好好。而今晚我地order咗：🔆 成人晚市放題（$298+10%）晚市嘅放題有分唔同時段，星期一至四晚8:30後入座就係$298。若果想彈性一啲嘅，自選時段俄座任食2個鐘都只係$328，價格合理。我哋就預約8:30，依返時段去到餐廳好快就安排到座位入座。進入餐廳後先見到一個都幾大幾闊落嘅自助區，有飲品、前菜、沙律🥗、湯同埋甜品可以自取。飲品方面都係一般啤酒🍻、汽水🥤、清酒🍶、梅酒、紅酒🍷、白酒等，呢度仲特別有果汁如橙汁、蔗汁同椰青水。同其他我哋去過嘅大喜屋一樣，落單方面都係用QR code，落完單無耐食物就會準確送上。首先第一輪我哋點咗刺身同壽司🍣先，呢間分店有松葉蟹🦀腳、食落都多肉結實；另外三文魚、油甘魚、池魚等嘅刺身都好新鮮肥美；馬刀貝、赤貝食落爽口好食；帶子、大赤蝦🦐就夠晒鮮甜；海膽軍艦嘅紫菜夠脆，海膽雖然唔係大粒，但食落都好甘甜。另