極尚大喜屋 (加連威老道) (已結業)

好耐冇食過放題啦！今日朋友生日所以決定去食大餐！每次經過尖沙咀極尚大喜屋都會見到樓下排晒長龍，所以我哋決定試一試！睇下點解佢咁有人氣！餐牌選擇都幾多我哋就每頁都嗌一啲食下！😋一開始我哋就嗌咗一啲特色壽司，喺其他地方食唔到！親子花之戀、明太子車海老、龍蝦膏帶子甜蝦魚生好新鮮，而且每款配料嘅配搭都唔錯，食落去好夾！壽司飯嘅份量亦啱啱好，唔會大大嚿，唔錯咖哩炒蟹估唔到日式放題都有泰國菜食，咁我哋梗係要嗌黎試一試啦！驚喜嘅係呢但咖哩蟹炒得好入味，味道小辣帶甜，好食！芝士焗帆立貝原隻帆立貝喺入面，配埋其他配菜一齊焗，好惹味，又唔會太漏，正！炙燒海蝦海蝦燒得好香口，肉質亦唔會好韌，配埋檸檬汁，又開胃又好食！炸天婦羅炸物整得唔錯，款式亦都幾多，我地嗌左紫薯、海蝦、南瓜等，食落仲好熱好新鮮！！炸粉亦唔會好厚！最後食返份甜品就滿足喇！欣賞佢呢度既甜品都係細細舊，因為食放題食到最後都只係得返少少嘅quota食甜品🤣

而家放題越開越多，開得快都執得快，因為質素真係十分參差想食有保證既放題我既首選一定係大喜屋，價錢同出面差唔多，但野食一定好食先大喜屋都分左幾間，我會將佢地分為3級，大喜屋(LV 1)，極尚大喜屋(LV 2)同埋殿。大喜屋(LV 3) 至於佢地有咩唔同，就係高一級就會有多Ｄ高級食材提供，當然價錢會相對較貴啦，其實大喜屋(LV 1)已經好高質好耐冇食過放題，今次揀左極尚大喜屋，因為都只係貴過普通果間小小BOOK 左17:30，呢個時段$288加一，有85折, 折完大概$270/人左右,  抵唔抵食就見仁見智, 但我個人覺得係抵既5點3左右過到去已經排哂長龍, 比返個訂枱編號職員就會幫你登記然後比張紙仔你入座我地3個人加1個2歲小朋友, BOOK位果陣都有提及可能因為咁樣職員安排左一張卡位比我地, 實在太好了坐低左首先要叫既就緊係刺身啦，相對我上次食極尚大喜屋今次好似多左松葉蟹腳，以下呢盤刺身仲有三文魚，油甘魚，池魚，帶子，帆立貝，象拔蚌，赤貝，甜蝦，赤海蝦，希靈魚，北寄貝松葉蟹腳: 好瘦，D肉冇乜味，試完味就冇再叫過其他刺身都好新鮮，甜蝦同赤海蝦相比，赤海蝦會甜少少同鮮味少少，有頭既甜蝦個

我都係日式放題嘅愛好者，每一次想食放題都總會諗起大喜屋，已$300都唔使嘅價錢食到一餐好食嘅放題，絕對物超所值！大喜屋做得成功嘅原因當然有佢絕對冇偷工減料嘅壽司，我哋嗰晚叫咗海膽壽司，同埋鰻魚卷，壽司都用了十足！！除咗經典嘅款式之外，仲可以試吓佢哋嘅特色壽司，好好食！熟悉方面嘅質素亦都相當唔錯係一個燒海蝦就係我嘅最愛唔鍾意熟嘅仲有蝦刺身😋😋😋仲有夠夠大鰻魚最後忍唔住再叫多左轉壽司食飽仲有生果做甜品😋

每逢同大食怪朋友食飯， 放題係不二之選！ 食過咁多間房 都係極尚大喜屋性價比最高！ 由於book唔到位 今晚試一試碰運氣 大概九點左右試下walk in，一嚟到見到門口條隊唔算太長 ， 就同仕應講咗我哋可以等位， 等咗大概9個字，好幸運地有位坐， 不過要十點半左右last order, 一坐低就瘋狂嗌嘢食，要快叫快食。 簡單單嘅裝修入面 坐滿咗食客， 刺身熟食種類多， 放題嚟講質素唔錯。

今天放工見肚餓就諗住食放題, 餐廳環境唔錯, 坐得幾舒服. 先叫左一盤魚生, 三文魚係厚切,仲要好肥美. 帶子刺身就好鮮甜, 唔會腥. 卷物方面呢就叫左手卷, 鮮味十足！一啲都唔腥㗎👍🏻 之後叫左碟幾有特色嘅炸天婦羅, 肉質好腍 再叫左碟燒芝麻雞翼, 好香又有肉味. 最後叫左清酒同埋梅酒，甜得來好好飲🤤十分滿足. 而甜品就有haagendazs同埋幾款movenpick雪糕可選. 我就揀咗mochi 味🤤甜得嚟唔會太膩！大家不妨試下呀！

今次一行5人去食，當中有長者有小朋友。我地被安排門口第二張枱坐。因為加枱關係，枱角特出了，但員工相當細心，用隻手遮住枱角比長者給小朋友坐下後才返回自己崗位。我地坐下後，就立即點菜，因放題關係又加上同一時間有其他枱的order，變左起菜時有點慢，（但絕對可以理解，客人多點餐又多，但值得欣賞，就是無論入幾多單都唔會拖單又唔須要追單）及食得好急（因只得2小時食）。整體所有食物（無論刺身，壽司，炸物，熱盤）超新鮮，好味。我特別鐘意各食物的份量，細細份，唔較再叫。這點好重要，又唔駛做大嘥鬼同時又可以食多d唔同口味的食物， 超like。雖然，各員工都不停忙著送餐，但他們絕對無忘記幫客人收起碗碟，垃圾，倒骨筒的次數都好頻密。呢間餐廳，真的不得了，無論食物質素，食物新鮮程度，款式，服務，都只得一個字，就係正。唯一不足是洗手間我地下好滑，容易滑到。

老細話請食飯，唔想成日飲茶，想食下日本嘢大家唔想煩就一於揀放題Book左12點既時段，但落左單之後等左足足成40分鐘先有第一盤刺身足足呆坐左大半個鐘，嘥晒啲時間刺身永遠都上唔足，硬係要漏啲嘢質素係好過劣食之塔啲放題既，但都唔係好食依啲唔需要技巧既芝麻醬凍豆腐就好好食芝麻醬落得夠多，又有蟹籽依家放題仲有啲雞煲啊酸菜魚依啲食，當然要嗌嚟試下兩個煲都係細細地，每人一舊咁，份量幾好雞煲唔錯，幾惹味但酸菜魚係非一般既難食放題嚟講，依到壽司舊飯都幾大舊最後每人仲有杯雪糕質素係放題入面都算中上，但連刺身都要等咁耐，又無乜人每次舉手都要等好耐先有人理真係不了📍超主觀+有偏見評分 (5為最多)📝📃hunger(食物🤤/🤮): 🤤📃anger(感覺🥰/🤨): 🤨🤨🤨📋hangry(整體🤬/😟/😛/🥳/😍): 不了😟

大多放題選擇都不外乎旺角，尖沙咀等地。終於等到肚子較為空虛的一天，便把心一橫找間好評如潮的極尚大喜屋試試看。本身對刺身興趣不大，而論新鮮同種類，比一般放題稍為遜色。另外，冷盤還點了個海葡萄沙律，醬汁酸甜開胃，蔬菜新鮮爽口。壽司方面，可以選擇不是大部分放題供應到的海膽軍艦，鮮甜有質感，不會有強烈明礬味，值得一試👍炸物點了必試的雞翼和炸榴連球還有其他大路小點，味道亦算可以。反而鍋物和燒烤做得不錯，壽喜燒用的牛肉大片有厚度而有牛味，吃得岀不是普通火鍋用的肥牛片。花蛤瑤柱粥用材亦不吝嗇，粥底鮮甜綿滑。烤鰻魚皮脆肉嫩不在話，燒汁不會蓋過魚鮮味。雞泡魚乾咸香加上沙拉醬，送酒一流👍總括而言，食物質素中等，但服務態度優勝，員工忙中亦不忙友善以待，收碟換具做到足👍

係尖沙咀行完街諗住去食野行過大喜屋好即興咁入咗去食因為見到七點半前離座有八五折好抵其實大喜屋都食過好多間但都係覺得呢間極上大喜屋最好食平時都要book位 可能今日太早食所以walk in都食到但遲多10分鐘見到有人入嚟已經話滿座啦真好彩必食魚生推介：三文魚腩 吞拿魚 帶子 象拔蚌 甜蝦海膽軍艦好食好彩唔係好大件唔係就會好飽芝麻雞翼都係必食 鹽燒雞翼同埋厚燒牛舌仲有好多野食冇影到東風螺推介 我自己食咗六客仲有牛油粟米 但今次食好似冇之前食咁好食天婦羅炸蝦 炸蟹柳 炸南瓜都好好食熱辣辣芝士焗帆立貝 好多料 好正仲有燒菠蘿 蟹子沙律好多甜品選擇 我哋差唔多每樣甜品叫咗一樣細細份唔會好膩 份量啱啱好最後仲有得食movenpick嘅雪糕

同2位朋友一齊去食慶祝生日，一路食都覺得好唔錯，食物種類多，刺身食落新鮮而且比足份量，啲野都好食同埋冇漏單。員工都好好人，好好態度，會自動自覺收落單紙，同埋好積極幫我地清左碟既野。點知食到尾突然有隻蟑螂出現左係枱面。。即刻冇胃口，食完之後仲肚痾，下次會去第二間食。

大喜屋集團一直以來都很多好評，而我見到呢間極尚有400幾個笑，真係帶住好高期望去。今次一行二人，好似7:30前埋單有優惠，大概兩個人500蚊多少少，放題黎講，價錢唔算好平，所以真心有啲失望。首先環境方面，餐廳中間有一排枱，枱與枱中間近到好似high table dinner咁，幾十心圍住張長方形枱，俾二百幾蚊都要搭枱食飯，真心有啲唔值。當然，餐廳周圍都有4人枱，但中間啲枱其實真係可以唔洗放咁密。環境同價錢的確有少少唔成正比。至於食物質素和味道方面，都令我覺得非常失望。賣相是可以的，但味道真的是一般偏差。刺身並不新鮮，甚至蝦類更有腥味。壽司類還好，但要食壽司真係求其去超市買盒都好味過呢度。芝士焗元貝，芝士醬好似pizza味，少少怪，重點係粒元貝非常難咬。炸物唯一做得好既地方係唔油，但不得不說雞翼真係好咸，其他都無特別。甜品真係睇個樣都唔洗多講。全場最好味既兩樣野，Haagen dazs係無得任食既不過。

原定星期五和爸爸慶祝生日，一星期前開始打電話，一直打唔通，於是喺星期二上官網填左訂枱嘅 Google Form，份Form已經有點混亂，同一條問題問兩次  上面有寫明就算填左form都要等confirmation，但係一直到星期四都未見到有電郵回覆，於是又再打電話，接通後店員話嗰晚 9:xxpm 已經打過比我，但係個電話係3字頭所以我無check番，結果就無枱。又電話又電郵又唔知佢幾時會打電話黎覆，十分奇怪，依家覺得好掃興  

好似有成年冇食過放題，前日同朋友講講下就約左去食，好彩有預早訂位，book左8點半，個日都吾少人係門口排隊入座。入到去第一件事，緊係要睇哂所有點食物既紙，然後點我地最鐘意既魚生。望落好新鮮，尤其三文魚，色澤鮮豔，重要係厚切，一大啖咁食就最享受架啦。相比甜蝦鮮甜，海赤蝦就比較爽口，2款都值得叫。今次重有新出既象拔蚌，幾爽口。而松葉蟹腳係季節限定，緊係要試下，幾甜，要自己拆開。鐘意食刺身既我地，重叫左2round，哈哈。呢間放題既壽司都好有特色，所以我地叫左幾款黎試。當中我最鐘意龍蝦膏帶子甜蝦壽司，好香濃既膏味，帶子亦甜，好夾。點少得叫燒元貝，有沙拉同芝士，雖然好heavy，但絕對yummy。燒鰻魚都吾錯，肉質鮮嫩，夠厚，冇骨，燒汁入味，一大啖食，正！因爲平時鐘意飲梅酒，所以叫左，酒味吾算太濃，幾岩新手飲。炸物方面，最鐘意係芝麻雞翼，非常香脆入味，而炸貓山皇都好濃榴連味，非常甜。牛舌燒得幾好，又夠厚。牛柳粒份量吾算多，適合放題食，煎得幾香，吾韌。最後我地重叫左1人一杯雪糕做結尾，非常滿足。

勁耐冇食放題，同埋好想食刺身，所以即刻約朋友食放題，今次就試下食極尚大喜屋。刺身好新鮮同肥美，三文魚好厚切，甜蝦鮮甜，赤蝦甘甜，北寄貝爽口。呢度既刺身太正，所以我地都忍唔住encore咗round。壽司方面，有好多唔同既選擇，例如係平時放題好少見既拖羅同海膽，呢度都有，而且味道唔錯。特色壽司，例如係極壽司(海膽吞拿魚碎)，亦唔錯，唔會覺得腥。例牌必嗌既炒牛柳粒燒物梗係要嗌牛舌同帆立貝，燒帆立貝真係好好味，又encore咗轉！炸物方面，有我至愛既芝麻雞翼，外脆內嫩，炸貓山王亦非常唔錯，榴槤味好濃！飲品選擇唔算特別多，但呢款梨汁真係第一次見，唔會太甜，幾好飲。甜品有Haagen Dazs或者Movenpick揀😍，我揀咗後者既士多啤梨味，酸酸地，唔係平時食既假士多啤梨味

今日去了極尚大喜屋食日式放題，兩個人食但有得坐四人座，認真要讚一讚。坐落去就即刻有一至兩個店員接待同介紹。菜單方面，款式真的多樣化有a到m的種類，而每一個種類有大概七至八款食物。店員建議我地首先叫左刺身食先，以免我地掛住點餐而太肚餓。😆😆一開始我點了一些刺身有三文魚，油甘魚，北海道帶子刺身和象拔蚌等等。三文魚看似油份適中但食落口真係好甘香肥美，而我最喜歡北海道帶子刺身，夠新鮮食落好有鮮味！😋😋壽司方面，火炙三文魚壽司,火炙鰻魚壽司同我好中意食既火炙岩鹽鵝肝牛肉壽司等。焦香味道加上壽司這種配搭認真幾好，不過略嫌壽司的大小有點兒細，建議可以點多幾輪😚😚我哋仲叫咗好多好多食物，例如有羊架，雪花牛肉鍋等等，係幾好食不過既然食日式放題呢啲食物可以不用食太多。🤣🤣