極尚唐朝日韓料理 (已結業)

9萬年都唔上黎寫食評,今日因為呢間野點都要上黎講講!點完份量減一半唔緊要,最多點多幾轉姐,但上菜好慢好慢好慢好慢!!!!!兩個鐘上得好少但準時要我地埋單,我地十幾人去多人到要坐VIP房,除返開每人要俾$350,都唔算小生意啦!都咁o既服務,真係嬲到震!老實講,做得放題預左兩個鐘俾人任食架啦!如果調慢上菜速度又減半份量控制成本,不如唔好做放題逐碟叫,都叫公道d吖!新開張夠膽咁樣做生意,真係唔會有返頭客囉!我地咁多人去都咁o既服務,你地真係要衡量下係咪去貼錢買難受喇!好好地一餐生日飯食到我地一肚氣!ps:羊架好騷,入左口都嘔返出黎

唉唔拍伏就黎啦!祝大家食完唔會呻笨啦!建議歺廳老板出去試下人地D放題如不再改進,只会好快執笠!元朗雖然唔係好多放提但元朗食店多的很，攞啲咁既野出黎招呼人,真係好不知所謂,食過最不知所謂既方放題我諗都係呢間

今晚約許久不見的一班朋友聚餐有兩個住朗屏近近的 決定嘗試附近新開一間日韓放題 宣傳單張寫住韓國生蠔任食 中係即叫即開講真$338呢個價錢平絕酒店、因朋友幾個都勁鍾意食生蠔 提早一日打電話訂7點時段、黎到個場已坐滿大半、一行4人坐低即刻寫紙1打生蠔做個前菜先過了大約8分鐘左右 終於上檯啦！一見到盆生蠔即刻起叉！一入口海水味濃郁，還有少少蠔殼係面，真係即叫即開yummy！呢餐主力食生蠔 另外叫左少量刺身壽司及和食，出餐速度都ok，少漏單！前後食左3打生蠔、返曬本抵食 有下次

一個想也想不到的放題 全部即開韓國生蠔 經理在我面前開 好新鮮 我吃了三打 太多了 因為還有其他美食 有本錢做的放題 比酒店好多了 不用排隊等3⃣️隻又要再排 因為我一Order就20隻 好快就到 不信 自己去試試 酒店食材 元朗老友價

元朗放題有幾間，我份人鍾意周圍試吓，見到呢間有隻蟹公仔幾得意(像大阪)，所以要試吓。主打都係叫大路嘢刺身和壽司，要加$50升級就可有生蠔，老闆話生蠔from Korea，又即管試吓。香港人食buffet食得多，生蠔多數話係來自澳紐或法國(酒店buffet五六百最基本)，呢度任食刺身壽司，韓國蠔，長腳蟹，鵝肝，鮑魚，和牛等等都係$298，閒日一至四好似再平D，其實真心算係抵鵝肝堅係大塊和牛好好食，with埋洋蔥堅係正1鮑魚多多有抵！長腳蟹好有海水味，亦多肉！大家掛住剪蟹，隻手唔方便攞電話映相另外嘢飲有罐裝嘢，紙包，沙冰類或綠茶都係任攞，真心希望水準可以keep到，老闆招呼好好，伙記~若能多點笑容就更好喇！

某日由水邊圍村行去朗屏西鐵站時，見到間放題，門口幾吸引所以就約班朋友搵日食啦😍今日大家都會準時收工，就即刻打去訂檯啦，下午三點幾打去訂即晚七點都可以訂到喎睇咗好多食評話升級既食物成日都無，所以一坐低就問定升級食物係咪齊款，當日只係蟹蓋無貨啫，所以就決定升級啦，每位$298再加一啤酒汽水任飲，款式唔算多基本刺身款鵝肝手卷升級版刺身最驚喜係蟹腳，鮮甜有海水味，肉厚👍🏻燒鮑魚👍🏻呢個好食，仲要叫幾多黎幾多，都算係咁啦其實仲有少量沙律，甜品係自取，但比我感覺唔新鮮，我無食到仲有雪條食既整體食物質素唔太差既，漏單既情況我地無試過，全部到齊。但員工服務質素就非常一般，有待改善🙊

本身諗住 自己舅父生日 去食餐好少少嘅 ，點知 呢間嘢 冷氣唔夠 ，環境唔好 ，上菜 好慢 ，又漏單 仲要我哋重新寫過曬啲單 再落單，啲嘢食又唔新鮮 又唔齊 ，唯一優點 係啲職員比較客氣 同有禮貌

呢間野好差，入到去等左40分鐘先黎三碟野，然後追單，跟住佢話廚房唔見左我地落左既單，要重新寫過，然再等差唔多半粒鍾，三催四請先來多幾碟食物，食物嚴重唔新鮮，而且夜晚八點佢就已經冇蜆，鮑魚，生蠔，服務態度又唔好，一定冇下次。

首先一入到去就不停叫人升級，但係升左級之後鮑魚，蠔，蜆，醬油蟹乜都冇，然後入紙叫野食，半個鐘先黎一碟，我地入左紙叫和牛，佢老闆差唔多夠時間先黎一碟，跟本就唔係任食，係唔比野你食，最慘係啲野食雪到爛哂，間野肯定入cheap貨，啲野食唔新鮮，又唔飽，我地問經理點解咁耐都冇野食，例牌話搵唔到啲單，食飯食到成肚火，大家唔洗去試，一定中伏係元朗做食市做到咁，真係冇人會再幫襯，元朗大把野美食，希望佢會改善，否則只會早日關門

首先，抱住依間野新開冇幾耐，打算試下啦！我地加左星級料理，但落左兩次單先知原來冇蟹（仲要係問左先知）咁我心諗。你一開始就講啦........唔好要我加幾十蚊原來食唔到星級料理坐位：坐位係卡位，坐一陣就腳痹，又逼，張抬又細員工：懶懶行，好似唔想做咁食物：野食唔夠新鮮，可以話低質黎形容野飲又唔夠凍最後，唔會再有第二次真係中哂伏.......

6個人去食放題，有位伙記就係咁問我地升唔升級，見加50咪試下，點知最想食嘅海膽冇，其他升級食物落3次單先黎一次，炸物第一 round 已經叫，但食到第3轉都未到，問個 waiter 佢竟然好誠實咁答我“廚房淋檔”，跟住我問個好nice好好嘅waitress姐姐（真心好禮貌好服務）我想再點廚房嘢食，因為太耐冇黎驚漏單，叫佢幫我confirm重有冇我地嘅單，冇我就再叫，佢覆話得番刺身冇其他，咁我就recall，點知轉頭5成嘅嘢黎番晒，我又再叫佢睇佢話真係冇，點知轉頭又黎多幾份，都冇所謂坐多陣慢慢食，但牛咩他他，好難食，鮑魚d汁好怪，唔好食，生蠔十分唔新鮮，赤背都唔好食，呢3樣全部係升級食物，得個長腳蟹叫正路d,係正路喳，唔係叫好食囉，嘢飲小選擇，想拎罐7喜冇罐凍的，可能我地去個陣已經9點後，所以汽水櫃已經冇左一半以上嘅嘢飲，可樂都冇，其實佢地係有可樂不過唔 refill 入雪櫃囉，所謂嘅甜品櫃d甜品好亂，冇乜款揀！！！係有位 waitress 有笑容有禮貌值得一讚！衛生麻麻，d位都set 得唔好，一入去睇個場似大6個d餐廳，唔似300蚊放題嘅格局總結：唔會再去，係一個伏！！！！

琴日星期三，約了朋友去試元朗一間新開嘅放題，食物選擇唔多，但係有好貴價食物，除左中環碗屋外，好少見放題咁落本，但係價錢係人地嘅一半.我下係我食完嘅少少食評魚生: 厚薄適中，冇血冇筯，有光澤（應不是切定的），活赤貝食落爽口（真活赤貝，好感動），海膽大大片（應是加拿大海膽，一啖食一片好滿足）生豪就係普通放題生豪，冇乜特別.壽司: 有驚喜，質素好過好多壽司專門店，細細件，一口一件，推介鰻魚壽司，鰻魚肉厚冇細骨天婦羅: 正常，冇乜特別炸物： 應該全部都係叫貨返來炸完上碟，普通放題質素燒物: 很失望，點了兩次燒銀雪魚，竟然鞋口有渣（懷疑係比目魚充銀雪魚）結論: $278這個價錢，這個質素，應性價比高，應該算係元朗最高質放題，一定會再來

👍👍👍👍我又經常捐窿捐喇去搵嘢食。食過元朗數間日本菜，這間環境乾淨，食物水準高，有身處在東京銀座食日本放題feel。而且老闆又平易近人，招呼唔錯。平時唔係太敢食魚生的我（在日本除外），本身腸胃易肚痛。見到d魚生海膽都流口水，忍唔住order咗2轉，都無事發生及肚唔舒服。而且有一間VIP房可提前預約，能容立10-12人，打算朋友生日都再去。

今晚同阿媽慶祝生日，OT到九點幾先返到元朗。食乜好呢？就試咗呢間新野啦，入到去同佢講話今日生日，老細二話不說送咗個鮑魚刺身！食物會添左兩三次都有！188一位超抵！下次再嚟！

一行六人 book左檯諗住試新野點知中晒伏⋯睇到佢升級價錢唔係好貴全台人就一齊加錢星級點知原來係百無⋯冇海膽冇活赤貝比親你食都食個個焗蟹蓋，個蟹蓋入邊最多就係金菇菜，鮑魚我哋每人淨係食咗兩隻，之後再入紙，啲鮑魚已經無影無蹤⋯你做放題要做得咁孤寒不如就算數啦， 食到真係好把火，叫咗個經理埋黎，個經理就話真係唔好意思啲嘢今日賣晒，咁即係我加錢星級其實就係為左個蟹蓋同每人兩隻鮑魚，另外佢嘅嘢飲係完全供不應求，首先嘢飲嘅雪櫃真係好細個佢全場爆滿咁多人飲嘢，個侍應急急忙忙上野飲，邊有可能係凍，其實食個放題想開心姐點會估到叫乜無乜，唯獨出得最快既係他他燒至於刺身方面我諗你去得都唔好預左食喇唯獨值得一讚嘅就係啲侍應態度都算係唔錯，真心說話，永不再黎