極尚唐朝日韓料理 (已結業)

簡單直說 我情願死都唔會再去 食物唔多 唔新鮮 唔換 唔加 唔好味 唔衛生 唔上菜唔夠快 價錢唔合理湯煲冇湯 糖水煲冇糖水 蟹粥又係冇玩 最大係啲生蠔有屎味 刺生夠膽死用冰水浸住上 大佬我唔係叫冰鎮刺生呀 仲要278再加 升埋級 4舊水一位 網友 入左呢間食放題心情簡直好似親手煮熟左老豆媽子黎食左落肚咁傷心同自責 最後希望有良心就早日收檔 唔好再令一班開開心心既食客 下半生要活在放題惶恐當中

1.服務態度超差2.食物質素好一般，未預理想3.好大陣gas味4.落左單啲嘢好多都冇嚟5.一睇就知唔得！6.全間鋪頭得三個人service你，完全唔會主動幫你收單收嘢！7.我哋有小朋友，啲staff居然係小朋友前大聲爆粗！8.團購明明寫食3小時，但食左兩小時就趕我哋走！9.有個staff啲態度好有問題，不停比氣客受，黑哂口面🌟🌟明明我地訂左團購有discount，但一直都冇問我地係正價定團購，到最尾計左我哋正價，後尾話佢聽到我哋團購，即刻黑哂面，態度超差，好似好唔願幫你做嘢，我哋已經唔該前唔該後架啦！！🌟🌟總結以上，垃圾之中嘅拉圾！下次一定唔會嚟！！！！！！！！！

點解可以咁垃圾 等40分鐘先嚟話冇飯食 叫我轉食烏冬或者拉麵 個麵屎湯鹹到瀨屎 叫拉麵個湯冇味 叫牛扒 份扒韌到咬唔開 俾咗＄150就去食啲＄30都食到嘅嘢 仲要等咁耐 麵豉湯同個飯就唔好叫定食啦

第一次食，見到啲相，感覺唔錯，準時六點到，order 完等食，咖啡機嘅咖啡係完全無咖啡味！南瓜天婦羅完全無南瓜味！食物係我食放題中最垃圾的一次，完全唔掂！啲飲品最正，因為係紙包及罐裝！仲要258一個，第一亦係最後一次

話說呢日諗住同班fd去食放題,去到其實都唔差,張枱又細左d,我哋有10個人佢淨係比得一個爐我地，我叫佢開多一個爐囉，佢又唔肯，佢話10個人一個爐夠用，之後我地一開始係叫左20幾舊刺身，點知等左成半個鐘先嚟，海膽一開始叫最後嗰10分鐘先攞過嚟，仲要好大陣腥味，份量又唔係大，上餸時間真係超慢，佢有d雪條免費食,真係食雪條都食到飽，大家真係唔好去食，真係包你只係推薦比啲fd食,自己一定唔會再有下次,垃圾鋪頭

終於經openrice訂位，今晚情人節8:00去食，坐底就寫紙，出刺身非常之慢，原來枱枱都係噉，成日漏單，寫咗兩次手卷冇出過已經嬲嬲地，8點坐底已經無海膽，無象拔蚌，又無油甘魚，又無甜蝦，又無啤酒比佢廣告同其他食評呃咗嚟食，食左個升級，又貴又垃圾，羊架好差好干無味，其他食物好一般 ，我從來唔寫食評，今次例外，埋單連埋加一要788兩人，真系嬲到而家！原本我係book yoho town 新開嗰間放題，不過我又食過佢其他鋪幾次。今次試下幫襯下啲細鋪，等佢有啲生意唔好俾大鋪搶曬啲生意。點知今次中伏了。好嬲！令到我更加改觀細鋪嘅質素。唔怪得之集團式大鋪可以咁多人去食。呢啲細鋪失敗之作會做唔長。

登入OR幾年，好少寫食評，今次都係第一次想寫早幾日聖誕去食晚餐，唔諗咁多，拎張刺身紙，先殺轉刺身食下先，種類算幾多，我另加左磯燒鮑魚，生(真係要加)侍應送上支香檳，由於我開車，飲唔到，佢話可以拎走。(可惜當晚無長腳蟹，值得一讚係，老闆話，啲蟹唔靚，過唔到自己，真係唔想俾人食)另外啲食好都新鮮，燒啲鮑魚時仲郁郁下。不過其他肉類，我無乜點叫，主力都係刺身，生，鮑魚，元朗加上屯門既放題，佢算做得好好。不過就夜晚唔太夠侍應，但都可以接受。以元朗去計，算係咁。但我好肯定，呢一間值得再去...有一個四眼，佢係老闆 ，有咩要求或有咩不滿，可直接搵佢講。佢算幾客氣同有Heart，佢突然埋黎問:洗唔洗煮個意粉你食下先....真係笑死...PS: 老闆，快啲裝返部信用卡機

同細佬食生日飯，通常都會上openrice睇下先決定既，呢間放題評價好壞極端，原本唔諗住試，但有親友試過話幾好，又見openrice訂位有95折所以便試下啦！可能平日去冇咩客，見到得幾枱客，有D擔心食物質素，點左刺身，一些炸物之類，店員問我升唔升級食生蠔、長腳蟹，心想都係試下先唔加喇！機燒既海鮮係出面自取，見到有蠔、大蜆、虾、花螺.........都幾多選擇咁中途經理仲攞兩隻杯比我地仲以為佢做咩！原來請我地飲香檳，服務都幾好丫，唔明點解之前既人寫佢食評話服務差呢！嚇到我一直都唔試，個女店員仲會過嚟幫我轉D海鮮喎！真心服務一D都唔差，可能唔多客啦！食物仲冇漏單添，連我細佬都覺得幾好食喎！最後梗係食雪糕啦！呢隻雪糕第一次食，幾滑喎！我都食左兩杯添

同朋友仔慶祝生日食飯，服務好店員服務態度親切，店員還會幫忙磯燒，食物水準不錯，座位舒服，香檳酒水任飲價錢經濟，生蠔都幾新鮮，鵝肝必食，鵝肝仲encore左幾轉，盡興而回

試左星級放題,生蠔叫左幾轉,好鮮。有磯燒鮑魚,不過要自己燒,唔知點燒好,但侍應樂意協助。蟹粥吸引到小朋友自己食左一碗;榴蓮炸彈咬完第一啖,果種香味立刻漂出黎,正呀!!上菜好快,服務很好,坐得好舒服。最重要有高身嬰兒座椅(試過好幾間都冇嬰兒座椅),小朋友可以好好坐低食飯。有下次的!

一家4口去食，食物同平時啲任食差唔多，都幾多選擇，因為全家只得1個人食蠔，所以就唔揀星級，只係另外比$118加左半打生蠔，老公話“生蠔普通啦～唔算太鮮味”，我唔食，所以唔知係咪啦今次冇影相，不過叫得日韓，就有韓國啤酒同雪條食，雪條好食嘅！上菜都好快，放到成枱滿晒，燒三文魚頭好食，亞仔食左4碟，刺身唔係好大件，但嚟得快，叫得多嘅都可以食到好多，刺身都算新鮮嘅，不過不失今次最滿意嘅其實係服務，經理侍應都好友善，好傾，會介紹食物，話比小朋友知邊啲飲品啱佢地飲食野除左食物，服務好緊要，要吓

上星期同幾個friend去左元朗食唐朝日本放題，地方都算大，食物種類都ok刺身都算新鮮長腳蟹腳好食，但生蠔唔夠新鮮，冇味、而海胆一般而磯燒鮑魚好食食物一般，但侍應服務差，冇乜customer service，完全扣分

本身同朋友都鐘意食放題，見元朗新開左間就黎試下。可能我地早食，六點黎到唔使等4個人都直接有位。本來諗緊要唔要星級放題好，見到有生蠔同鵝肝任食都幾吸引所以就要左星級放題。一開始就出左去拎野飲同沙律，飲品款式比較少，平時飲開Coke Zero但係冇，但勝在朋友飲啤酒都有得任飲。沙律有好多款，自己夾左幾種撈埋一齊食，味道唔錯。一開始都叫左唔少野，差唔多食既都叫齊哂，但係上菜極快，快到張枱都放唔哂。但係侍應服務唔錯，即刻張隔離張枱併埋過黎，變左4個人坐6人枱。首先黎既係火灸壽司，賣相靚仔，除左有個蟹棒壽司冇叫之外其他都叫齊。蒲燒鰻魚：外相同預期既有啲出入，第一次見咁樣仲係白色肉既。但係味道一流，有鰻魚果種脂香味之外個汁啱啱好唔係太濃味。蒜香三文魚腩：我自己對就咁食蒜頭麻麻地所以冇食，但朋友話唔錯。黑松露三文魚：第一次見呢種配搭，黑松露既味好濃，但反而令到唔係好食到三文魚既味。個人覺得呢個配搭有啲怪，不過可能某啲人會鐘意。同時黎既仲有呢個牛肉壽喜鍋，個味偏甜，但反而似係日本食過既壽喜鍋。食落少少膩但牛肉唔羶。跟住就係呢個蒜香牛柳粒，有驚喜極好食，非常入味，牛粒好軟。我地食完之後都再叫左兩次，每次

今晚突然想試新嘢， 所以去咗間新嘅放題 ，服務一流，侍應殷勤，笑容好 ，上食物快，冷盤款唔錯， 刺身正，新鮮鮮甜，擺靚仔曬先上枱， 特別係帶子超級大粒呀，未見過咁大粒， 壽司仲有海膽款吸引有誠意， 甜品仲有韓國雪條添， 雖然食物款式 唔係好似出面嘅放題咁多， 但係質素搭夠左， 值得推介朋友再嚟呀， 雖然地點偏僻人流比較少，但確係一個隱密嘅搵食地方食好地方， 餐廳唔係好大， 但係坐得比較舒服餐廳格調優雅，食物質素很不錯，住喺元朗嘅朋友仔多咗一個好地方食嘢聚腳打牙骹

食物出得快，味道好。而且近乎一對一约服務!刺身方面，帶子、甜蝦、馬刀貝、三文魚都好新鲜，可惜無我任勁鍾意的赤貝，但有好朋友喜歡的北寄貝。鍋物選擇如常，亦有我喜歡的蟹粥。天富羅、串燒、卷物的選擇都不多，但全部都好味!