影片
營業時間
今日營業
12:00 - 15:00
17:00 - 23:00
星期一至日
12:00 - 15:00
17:00 - 23:00
以上資料只供參考, 請與餐廳確認詳情
咁多國家菜系中，日本菜算喺較多食嘅之一，然而，日本菜中，就以日式放題比較少食，大抵無以前咁食得，就好似自助餐都食少咗。最近，有朋友就極力推介呢一間新開嘅放題店「極．大瀛喜」，所以，就趁機同朋友嚟聚一聚狂野哋食番餐。成日話香港飲食業生意唔好，但嚟到真喺好大反差。先講個環境，地方好大，樓底又高，最欣賞喺間開唔同區域，分為A、B、C、D……朋友嚟到都易搵啲。雖然以金色為主調，有種金碧輝煌之感，但一啲都唔俗氣，通道、座位都好闊落，令用餐體驗更好。我哋揀食中午，平啲吖嘛，12:00pm開始陸續入座，一區一區坐滿，最後，近乎全院滿座。星期六、日、假期午市做到5:30pm，我哋食完離開時一樣見有人入座。而且，可以食足3小時，夠晒時間慢慢嘆。餐環境講咗咁多，順便介紹埋自助食物區，就晌入門口左邊，地方都好大，通道同樣闊落，唔怕人撞人。掃視一番，絕對令人花多眼亂，非常多元化，睇相你都見，照顧到唔同年紀層嘅人，包括有30多款冷盤小食、沙律，以及自助餐常見嘅凍海鮮，仲有燒味、炸物、熱湯、點心、生果、甜品、雪糕雪條、軟雪糕搭多種配料、自助茶啡、果汁、自家製健康飲品，同埋一大櫃多到數唔晒嘅飲品。淨喺呢個自助區都可以食飽人啦！除咗出面自助食物區之外，呢一款「放題A」可以點嘅食物分類有刺身、創作刺身、串燒、燒物、卷物、軍艦、壽司、創作壽司、火炙壽司、炸物、天婦羅、一品料理、煮物、蒸焗鐵板燒系列……等等，相信計計埋埋晒有超過百款食物。價錢就分日子、分時段，自行研究研究。如果貪心少少想食多啲貴價菜式，可以選「放題B」，等同「放題A」加多$80，就有近10款特別嘅菜式任點任食，例如：拖羅、北海道帶子吞拿魚蓉魚籽杯、上湯芝士焗龍蝦伊麵底、油鹽焗奄仔蟹……等等，等陣再分享！掃二維碼落單成為趨勢，一來減省人手，亦減少人為出錯，二來點咗乜可以睇番，一清二楚少咗啲爭拗，好老實，今日成餐飯都無漏單，至多有一、兩款食物上得較遲。更值得一讚嘅喺，有咩要注意晌單度都溫馨提示埋，所以，頭2.5小時主要食二維碼落單嘢，剩番30分鐘，就主攻自助區嘅甜品！飲品喺自助食物推影完相，第一件事就喺順手攞埋嘢飲，小弟一起手就先試柑桔青檸汁同洛神花檸檬茶，兩者都喺自家製，喂！有誠意喎，前者酸香清新，後者酸爽清香！放題B精選既然選咗「放題B」，第一轉就梗喺試晒所有菜式啦，包括：鱈魚乾海膽吞拿魚蓉Taco、拖羅、火炙A5和牛伴海膽、海膽三文魚籽親子杯、北海道帶子吞拿魚蓉魚籽杯、鯛魚薄切、魚籽醬配餅乾、上湯芝士焗龍蝦伊麵底、油鹽焗奄仔蟹、皇子糯米乳豬。款款都賣相精緻，一啲都睇唔出喺放題出品，同晌日式餐廳食嘅無分別，而且，用料新鮮，食材嘅配搭亦有心思，個人推薦鱈魚乾海膽吞拿魚蓉Taco、北海道帶子吞拿魚蓉魚籽杯、火炙A5和牛伴海膽，當然其他都好食，但呢3款晌食材配搭上好有驚喜，味道豐富。刺身、創作刺身食放題，唔易飽肚又較回本，唔使多講都喺刺身啦，10多款就揀啲少食、又貴價啲，包括松葉蟹腳、大赤蝦、藍鰭吞拿魚、北海道鮮帶子、北寄貝、象拔蚌，師傅更擺得好靚仔，更以冰鎮住，絕不馬虎。整體食落質素唔錯，蟹腳有海水嘅鹹鮮味，魚生鮮味十足，貝類又具咬口，值回票價。另一分類嘅創作刺身，都試咗4款：酒醉鮑魚、醬油乳山蠔、泰式虎蝦及櫻桃鵝肝，款款都做得的的骰骰，而且食得出食材高質，味道、口感都上佳。串燒、燒物、炸物再落嚟呢一轉就試啲熱氣嘢，一口氣點咗6款大家都最想食嘅：鹽燒牛舌、香草燒羊鞍、燒溫室甜菠蘿、極品金枕頭榴槤燒、榴槤炸彈及3.6牛乳脆皮鮮奶。牛舌、羊鞍真喺無得彈，燒得恰到好處，濃濃嘅獨有味道，而兩款榴槤嘢食，真喺滿足到我哋好榴槤之人。凍海鮮食完幾輪嘢，又加一堆熱氣嘢，喺時候回回氣，所以，出去自助區拎咗少少凍海鮮謏返嚟過過場，估唔到又幾唔錯喎，蝦肉、螺肉都好爽口鮮甜，而青口口感柔軟，唔會好似擦紙膠咁韌。蒸、焗、鐵板燒呢個系列其實都好吸引，不過，去到近尾聲，真喺食唔落咁多，仲要留肚同甜品搏殺，故此，精選咗3款一試，包括：甘鯛立鱗燒伴黑松露忌廉汁、金銀蒜蓉粉絲蒸蟶子皇、川式珍寶生蠔燒。以前食過立鱗燒，專登嗌嚟俾朋友一試，佢大讚好正，魚鱗脆到不得了，而蟶子鮮甜惹味，生蠔辣而不嗆，蠔味夠濃。甜品大募集小弟向來都好鍾意食甜品，所以，臨尾點都要留番兩乘空間俾甜品，先試噝二維碼落單嘅海燕窩椰汁燉木瓜同法式麵包開心果誘惑，前者燉得夠火喉，木瓜又腍又甜，加埋椰汁，好潤；而後者賣相極具打卡感，麵包外脆內軟，襯上雲呢拿雪糕同開心果醬，絕對喺甜魔誘惑。終極一戰喺晌自助區拎番嚟嘅「拼盤」，有Häagen-Dazs雪糕、Dreyer’s雪糕、榴槤雪條、榴槤大福、芒果糯米糍、芝士撻、芝士餅、焗榴槤布甸及蜜瓜軟雪糕配Nutella榛子朱古力醬，原來呢部Nutella機暫時喺全港獨有，加咗當然好食好多，至於其他甜品，都同樣好味，實在大滿足。今餐真喺食得稱心滿意，不單地方大，環境好，食物選擇多，供應充滿，而且，上菜快，又無漏單，招呼好好，啲店員好有禮。由頭領放到尾，除咗我哋嘅食力有番咗上下，點菜策略亦得宜，自知無可能試晒所有嘢，重點出擊啲心水菜式，先可以食得咁盡興！
繼續閱讀
餐廳環境舒適 食物選擇多元化而且荃灣店係全線第一間有分a，b餐嘅分別‼️‼️B餐‼️‼️多左上湯芝士焗龍蝦伊麵底、油鹽焗奄仔蟹、火炙A5和牛伴海膽、拖羅同鱈魚乾海膽吞拿魚蓉taco而呢兩個餐只係相差80蚊另外呢到仲有全港獨家嘅nutella醬機在自助區tim⚡刺生類⚡❶ 松葉蟹腳
肉甜鮮味，咬落去好Juicy呀🦀
❷ 三文魚
油脂豐富，入口即化，好滿足呀🐟
❸ 藍鯨吞拿魚
質地滑溜，鮮味好突出，絕對唔會錯👍
❹ 拖羅
油脂香濃，入口即化，幸福感爆棚🤤
❺ 北寄貝
爽脆又彈牙，齒頰留香，好好味呀💥
❻ 大赤蝦
蝦肉嫩滑又甜，鮮味真係無得輸🦐
❼ 八爪魚
彈牙又有嚼勁，海味滿滿🐙
❽ 鮑片
鮑魚薄切，鮮味濃郁，口感超級好👌
❾ 北海道帶子
帶子滑嫩得嚟又彈牙，真係一食難忘💎
❿ 榮螺片
肉質結實，鮮味濃郁，齒頰留香🐚
⓫ 象拔蚌
爽脆甜美，口感豐富，好正呀✨⚡創作料理⚡❶ 酒醉鮑魚
醃製得岩岩好，鮑魚又彈牙又鮮香，超推介🍶
❷ 花海蜇
爽脆又清爽，鹹香開胃，一上枱就秒光😋
❸ 泰式虎蝦
微辣酸甜，蝦肉鮮嫩，泰味十足，好好味呀🌶️⚡軍艦/壽司⚡❶ 蛋黃醬皇帝蟹棒壽司
蟹棒鮮甜，再加蛋黃醬，味道真係無得輸🦀
❷ 火炙三文魚腩壽司
三文魚腩輕炙後油香四溢，入口即化，好滿足🔥
❸ 北海道帶子配蟹味噌壽司
帶子鮮嫩，蟹味噌濃郁，味道層次豐富，超正🦪
❹蟹籽軍艦
爆口嘅蟹籽，配埋壽司飯，簡直完美💥
❺ 海膽軍艦
海膽甘甜，入口即化，壽司界嘅 MVP！💛⚡串燒/燒物⚡❶ 鹽燒牛舌
牛舌燒得啱啱好，鹹香滿分，食到停唔到口😋
❷ 鹽燒雞軟骨
軟骨香脆，帶少少焦香，超惹味🍢
❸ 燒溫室甜菠蘿
燒過嘅菠蘿酸甜多汁，意想不到咁好味🍍
❹ 牛油燒翠玉瓜
翠玉瓜脆口鮮甜，牛油香氣真係加分💚⚡天婦羅/炸物⚡❶ 皇帝蟹棒天婦羅
外層香脆，內裡鮮甜，炸得啱啱好，好吸引呀🍤
❷ 日本南瓜天婦羅
南瓜甜而不膩，炸衣酥脆，口感好好🧡
❸ 酥炸桶蠔
蠔肉肥美多汁，炸衣鬆脆，濃濃海味💦⚡蒸焗鐵板⚡❶ 黑椒蜜汁薯仔牛柳粒
牛柳粒嫩滑多汁，黑椒蜜汁味濃郁，超正😋
❷ 甘鯛立鱗燒伴黑松露忌廉汁
魚肉細嫩，黑松露忌廉汁香濃不膩，當日最愛！💖
❸ 金銀蒜蓉粉絲蒸蟶子皇
蟶子鮮甜，粉絲吸滿蒜香，味道好爆💥
❹ 川式珍寶生蠔燒
生蠔鮮嫩，川式調味帶微辣，夠重口味🦪⚡甜品⚡❶ 極品金枕頭榴槤燒
榴槤味濃郁，外層脆，內裡滑，好值得一試呀💛最推介❶ 甘鯛立鱗燒伴黑松露忌廉汁
魚肉嫩滑，黑松露醬香濃，好味到返唔到轉頭呀🔥
繼續閱讀
間唔中要放肆一下😝荃灣開咗新嘅放題「極大瀛喜」💗有好多好嘢食！即刻帶埋屋企人去擦餐飽～果然！超豐富～仲發現有好多係荃灣店獨有嘅菜式🥰🦐海鮮🌟金銀蒜蓉粉絲蒸蟶子皇哇呢個真係必點！蟶子超大隻啖啖肉又彈牙～蒜蓉味好香。海鮮控可以吃幾轉。🌟清酒牛油煮花甲王入口牛油味香濃，花甲肉質滑嫩飽滿，味道唔錯。🌟吉品鮑汁花菇珍寶鮑魚鮑魚彈牙入味，花菇好厚肉～🌟油鹽焗大頭蝦啖啖肉鹹香鮮味，好香口。🌟 紅燒松葉蟹肉花膠翅去食放題居然有蟹肉翅任吃😝過足口癮。🌟甘鯛立鱗燒伴黑松露忌廉汁口感外脆內嫩，醬汁Creamy又幾夾喎。🌟川式珍寶生蠔燒生蠔大大隻，燒得夠晒香濃惹味～【期間限定】有上湯芝士焗龍蝦伊麵底🦞同油鹽焗奄仔蟹🦀無限量供應～以放題價格吃盡各式海鮮，超抵！😍其他特色料理🌟金湯燴花膠花膠滑嘟嘟好軟腍～配以金湯清清地，唔錯。🌟極品金枕頭榴槤燒榴槤控超開心！金枕頭大大件好好肉，燒過後榴槤味更香濃。🌟法式麵包開心果誘惑賣相靚靚，配以冰淇淋和開心果醬，不過都幾大一份，幾個人share一份比較好。自助區仲有全港獨家嘅nutella醬機～配雪糕/甜品超正！當然唔少得我最鍾意嘅麻辣小龍蝦，新發現仲有豉汁蒸鱔好好味😍飲品仲見到有鴨屎香檸檬茶添🍋
繼續閱讀
📍極．大瀛喜 (荃灣)荃灣大壩街4-30號荃灣廣場6樓609-613號舖今晚我和友人到這家新開的日式放題任食兩小時餐中，晚上九時我們入座，並且使用QR code自助點餐。最大的問題就是刺身多次出現漏單情況圖中的兩盤都不是我們點的款式及份量這讓我們不清楚是上錯桌還是漏單而隨意安排刺身沒有完全切開向職員反映後 情況也沒有改善✨海膽軍艦 海膽👍🏻👍🏻👍🏻✨吉品鮑魚花菇 醬汁濃郁 鮑魚Q彈✨珍寶鮑魚 肉質厚實 鮮嫩可口✨清酒牛油煮花甲王牛油的醇厚與清酒相輔相成✨金銀蒜蓉粉絲蒸蟶子 食材新鮮 蒜蓉粉絲香味俱全✨川式珍寶生蠔燒鮮美生蠔與香辣蒜蓉調味 惹味十足✨殿堂級鐵板鵝肝多士 肥美鵝肝煎至外焦內嫩 搭酥脆多士👍🏻✨上湯芝士焗龍蝦伊麵龍蝦肉質鮮甜 與濃郁芝士和高湯結合底部的伊麵 吸收了湯汁精華✨油鹽焗奄仔蟹蟹肉鮮嫰 鹽焗完全突出了蟹的鮮味 ✨酥炸桶蠔 外脆內嫩炸至金黃酥脆 搭配酸甜醬汁口感酥脆而不油膩✨西京燒比目魚 肉質鮮嫩 帶有淡淡甜味無論是口感還是味道 熟食的質量相當高 食放題最吸引當然是刺身 但刺身多次漏單的情況 令整體用餐體驗大打折扣————————————————————整體用餐體驗✨味道(4/5)✨環境(4/5)✨服務(1/5)✨性價比(2/5)
繼續閱讀
♂∥ 荃灣分店期間限定推出免費升級套餐B，記得先預約，就不會浪費時間排隊，性價比高，三百蚊食足三個鐘，裝潢華麗銅光閃閃，座位安排稍嫌迫。ﾟ･𖥸──────-ˋˏ 𝓜𝓮𝓷𝓾 ˎˊ-──────𖥸 ｡ﾟ･𐃯 （A）星期一至五放題成人 HKD268𓌉◯𓇋 刺身壽司𖦹 拖羅：不得不點吧，肥美入口即化𖦹 甜蝦𖦹 油甘魚𖦹 三文魚𖦹 象拔蚌𖦹 松葉蟹腳𖦹 鱈魚乾海膽吞拿魚蓉TACO𖦹 火灸貝島特選和牛壽司：細件又濃肉味𓌉◯𓇋 海鮮料理𖦹 油鹽焗奄仔蟹𖦹 油鹽焗大頭蝦：蝦肉結實新鮮！𖦹 川式珍寶生蠔燒：勁多炸蒜！𖦹 上湯芝士焗龍蝦伊麵底𖦹 鹽燒鯖魚𓌉◯𓇋 高檔料理𖦹 吉品鮑汁花菇：一口大小，軟韌適中，鮑汁很入味𖦹 金湯燴花膠：很有膠質𓌉◯𓇋 燒物𖦹 極品金枕頭榴槤燒：超驚喜，燒出來味道更甜更香，口感軟綿𖦹 燒溫室甜菠蘿：好甜𖦹 燒香草羊鞍：熟得剛好，阿媽很滿意𓌉◯𓇋 炸物𖦹 黑糖糍粑：外脆內有黑糖流心𖦹 紫心香芋丸𖦹 芝麻雞翼𖦹 鹽燒雞軟骨̍̊˙· 𓆝.° ｡˚𓆛˚｡ °.𓆞 ·˙‧̍̊ ‧̍̊˙· 𓆝.° ｡˚𓆛˚｡ °.𓆞 ·˙‧̍̊
繼續閱讀