極上牛気 (圍方)

營業中

休息中

極上牛気位於大圍新商場圍方，全新分店加埋全新商場，特別爽！即場Like埋極上牛気社交平台，仲會送你日本御守，拎個好意頭！Lv5 澳洲極上和牛＋海鮮放題 $438/位Lv5 / Lv6 包埋生啤同埋清酒任飲，爽呀！黑蒜豬骨湯｜日式牛骨濃湯濃香嘅黑蒜豬骨湯，能增強食材嘅鮮味，唔錯！日式牛骨濃湯帶微辣，口味有少少似咖喱mix沙嗲，都幾惹味！鴛鴦鍋只需＋$10！頭盤圍爐嘅頭盤，有齊極上牛気推介嘅菜品，夠晒打卡！試咗啱食就可以瘋狂落單，正！澳洲極上和牛｜澳洲穀飼黑安格斯牛｜SRF美國極黑牛靚靚嘅雪花紋，就係肉香與脂香並重嘅澳洲和牛，入口軟柔美味，成多幾碟都唔會heavy！另外兩款牛肉嘅質素同樣可以一戰！原隻鮑魚｜大海蝦鮑魚劏得好乾淨，海蝦超大隻！牛気嘅海鮮類都真係幾正！挪威三文魚刺身頗為新鮮，極得encore！貓山王 / D24榴槤窩夫全線牛気都有嘅期間限定馬來西亞榴槤甜品放題，用上100%榴槤果肉，仲有榴槤炸彈、榴槤雪條、榴槤大福等多款甜品，榴槤控必試！自助區極度多選擇，飲品有埋咖啡機！醬料區有日本生蛋！我最關注嘅甜品區，除咗有泡芙、布甸、蛋糕之外，仲有超級好味嘅蜜瓜軟雪糕，全部試晒唔過份！

未去過圍方，所以黎行下，行到咁上下搵野食，呢度餐廳好多人等， 所以如果想食火鍋放題應該早少少黎攞位會好啲，5:00前入座仲可每人減$40，佢有唔同level既餐揀，除左啲肉既選擇會多啲之外，好似其他火鍋食品好似餃子，甜品都係會跟唔同既餐多左啲選擇。 叫左昆布湯同麻辣湯，昆布湯就要點醬食， 麻辣湯都夠味，送餐速度都算快，除左肉類，仲有壽司可以加，壽司約有6-10款可以揀，肉類新鮮好食，另有付費火鍋配料可供選擇。出面熱盤都有6-7款，甜品種類都有幾款，飲品都好齊。軟雪糕有2款，唔係乳酪雪糕，但唔算重奶味，蜜瓜味好食，如果選level2以上既仲會有楊枝金露，布甸同榴連雪條揀。整體有得減$40，CP值高，同埋啲位唔迫，坐得舒服，野食又ok, 值得一提啲staff好友善，同埋有人會收野，唔會要等好耐先收。

今次嚟到超人氣嘅極上牛気 ， 叫咗Lv 4嘅澳洲穀飼黑安格斯牛+SRF美國極黑牛放題+海鮮放題😍

湯底叫咗個黑蒜豚骨湯同埋牛肉清湯， 兩款湯底都做得唔錯黑蒜斷骨湯仲有好大嚿豬骨落足料啊👍🏻😍呢度嘅牛肉質素出色就唔使講啦，澳洲穀飼黑安格斯牛肉質軟軟嫩，帶少少彈性，油脂分布平均， 帶有雪花紋，食完一碟又一碟啊
SRF美國極黑牛，牛肉味香濃都唔錯😝
海鮮放題有三文魚刺身任食、青口、蝦、 魷魚墨魚滑等等 ， 蝦大大隻幾新鮮❤️出邊嘅配料區選擇超多，淨係菜類已經有10幾款 ， 熟食區有山賊燒魷魚、 日式 汁煮牛肉、豬手 等等，每款熟食嘅水準都唔錯👍🏻另外仲可以嗌啲前菜今次叫咗個魚皮都幾好食

最後唔少得嘅係有甜品呀出邊有蜜瓜味同埋牛奶雪糕任食而， QR code甜品落單叫咗日式焦糖布丁、楊枝甘露榴槤、大福等等， 估唔到放題焦糖布甸同埋榴槤大福都俾到驚喜我， 焦糖布甸有蛋香味而且好滑，榴槤大福勁香榴槤味道😋整體嚟講， 食物選擇多而且質素亦做得幾好， 性價比超高，食得好開心


住九龍塘以前想食牛氣要出尖沙咀或者更遠，宜家去大圍就得，勁開心咯！新開嘅，style同以前好唔同，空間好足夠，坐得好舒服，完全唔似其他放題餐廳甘逼。我地霖住豪一餐，揀左至TOP嘅LV6 ，除左日本九州黑毛和牛、澳洲安格斯牛可以任食，貴價海鮮日本帆立貝、大海蝦、鮑魚都可以任食。飲酒人士更加抵，SAKE，生啤可以任飲，抵到爛！日本九州黑毛和牛真心靚，牛氣超豪爽，order1份就甘大碟，而且賣相已經係非常出色，肉嘅花紋好靚，完全就贏曬咯。我地refill左幾次，分量質素都係keep住甘豪。牛肉質素好好，煮耐少少都係嫩口，肉汁飽滿，牛味十足，難怪叫牛氣啦~！海鮮都好新鮮，鮑魚、日本帆立貝、大海蝦真係一定要食，勁大隻，食到鮮甜味，兼肉質彈牙脆鯛魚片、水魷好難係其他火鍋放題食到，脆爽嘅口感 自助區好多驚喜，我就試左綠茶麵，都幾清新。就快ending先擺一舊芋頭入去煮，香糯綿軟，而且吸收左前面海鮮牛肉嘅鮮甜，好正！溫馨提示，芋頭食一舊舊好啦~過下口癮最後試個movenpick 士多啤梨味雪糕，心滿意足啊！

呢期話題性最高其中一樣野一定係圍方The Wai，雖然佢個英文名我真係笑左好耐，但身體最誠實，我都係話咁快就黎左打卡。行完一輪好肚餓就見到牛気，咁肚餓食任食打邊爐就最抵，而且呢間仲要係極上牛気，就試試佢有幾極上。我地叫左level 4 黑安格斯牛 + SRF極黑牛海鮮放題，每人$338，湯底同平時一樣咁多選擇，一人一鍋可以試兩款口味。食物選擇真係超級多！淨係行出去都已經有多種熟食拎，每樣試少少岩曬為食既我。海鮮好新鮮 🦐 食多幾隻蝦同帆立貝都已經夠回本。連飲品都有好多無見過既，其中有一罐coconut water我就最鐘意。呢個新商場其實都幾大，大家行到攰又餓我建議同我一樣試試呢間極上牛気喔

難得有日休息日將所有嘅元素集中於一身做運動，按摩，行街買嘢，食好嘢！好完滿既一天🥰而打邊爐就係我嘅不二之選之前有排喺將軍澳做嘢Lunch time有個半鐘痴線到每日都同個friend個牛氣打邊爐放題🤣🤣牛氣絕對係我覺得食物質素同性價比高既日式打邊爐放題之選！又有前菜自選配料任叫配料任飲任食仲有甜品！有誠意得來價錢行親民路線🤪見到近排有個新商場—》圍方就約埋朋友一齊行下街打個邊爐仲要咁岩撞正牛氣優惠每位-$40😙唔係唔食呀？😏今次我地叫左Lv 4 - 澳洲穀飼黑安格斯牛+SRF美國極黑牛放題+海鮮放題 除左牛肉質素一如既往嘅出色，其他食物都好出色，要留d個肚轟埋佢地落肚🤣我哋叫咗牛骨湯，牛既厚薄度同湯底好夾，感覺可以每片牛都索哂d汁上黎，大滿足，個人最鍾意SRF美國極黑牛，牛味凹肉質都係我心水嘅，朋友就鍾意安格斯牛，望落去感覺瘦d,無咁膩，但肉質冇咁冧滑，各有各出色😜配料入邊仲有我好耐冇見過嘅牛骨髓，滑嘟嘟口感好得意😗出邊配料區最搞笑嘅係有蟲草花，你估唔到一樣好似好中式嘅嘢，同日式火鍋有幾夾喎🤣另外私心推介嘅就係佢啲牛氣自家製嘅麻吉燒花生，其實佢係一粒好好味嘅湯圓，雖然個湯底係咸嘅，粒丸

黎到近期最多人講，新開嘅「圍方」商場行街，順便可以食埋想咗好耐嘅呢間火鍋放題新分店。近期仲做緊優惠，抵上加抵。 同朋友揀咗「Lv 4 - 澳洲穀飼黑安格斯牛+SRF美國極黑牛放題+海鮮放題 」埋單每人都係3百蚊左右～🥢番茄湯：9款湯底揀咗蕃茄味，味道尚可🥢火鍋料：差唔多40款唔同嘅火鍋食材可以自己去夾，樣樣都有，都幾齊全。最正！係可以自己拎生雞蛋🥚🥢熟食：見有6款熟食都幾靚，但志不在此，已skip🥢主題牛肉：每碟都高質，啲肉好紅好鮮- 澳洲谷飼黑安格斯牛：牛肉比較細嫩，油脂豐富- SFR美國極黑牛：好大塊，色澤好靚，入口即溶- PRIME美國肩胛肉眼：牛肉質地較柔軟，同時牛味較濃🥢刺身：雖然唔算多，但火鍋店黎講，算鮮算夠肥🥢甜品： 有兩款自己啫雪糕🍦～ 之外仲有幾款切餅同埋最得意嘅貓爪型忌廉甜品。另外，鍾意食榴槤嘅都要留意～ 呢度有由馬來西亞榴槤甜品系列～正呀

大圍站開咗個新商場圍方 呢日下晝就嚟趁吓熱鬧 行吓呢個商場😁 所以就嚟咗呢間餐廳食lunch 餐廳未開門 門口已經有好多食客等緊啦🤣 我嗌咗個黑安格斯牛SRF極黑牛海鮮放題 有好多食物 午市仲有得減40蚊 好抵食鍋底風味沙嗲湯 花生味幾香 另外係月見壽喜燒 配牛肉食真係好夾🥰 肉類呢間嘅肉類質素好好🥩 有多款牛肉 澳洲榖飼黑安格斯牛 呢個肉質軟腍 SRF美國極黑牛 肉質較瘦 但牛味濃郁😚 我地仲叫咗特選牛小排 PRIME美國肩胛肉眼 穀飼牛肩肉 同埋有牛舌👅 牛舌幾彈牙 咁多款入面我就最鍾意SRF美國極黑牛 牛味濃郁真係幾正 牛肉以外都有精選雞腿肉同特選豚肉嘅選擇🤣特選海鮮除咗肉類 都有好多款唔同嘅海鮮 挪威三文魚刺身都係任食🐟 火鍋嘅海鮮選擇有日本帆立貝 花膠 青口 大海蝦 墨魚滑 脆鯛魚片 爽脆水魷🦑 海蝦彈牙 有咬口 花膠唔會太韌 自助吧自助吧嘅食物排列整齊有序 亦有清晰嘅牌仔說明食物種類😁 丸類有芝士丸 芝士豆腐 墨魚丸 蟹子丸 仲有較特別嘅芝麻同埋花生麻吉燒 熟透之後好似湯圓咁😍 外層煙韌 另外有豆腐同埋各種蔬菜 生菜 娃娃菜 仲有脆卜卜嘅炸魚皮 響鈴 除咗火鍋配料 喺食物未

📍#極上牛気 (大圍)大圍車公廟路18號圍方4樓432號舖♡人均消費: $744 @ 2▪️▪️▪️▪️▪️▪️▪️▪️▪️▪️▪️▪️▪️▪️最近入商場都要大排長龍嘅圍方開左好多新店😍 好多食肆都正式開業😍 沙田友去搵食又多個選擇啦。牛氣原本已有多間分店，圍方店更有極尚牛氣之稱，7 月 24 日起，全線牛気推出馬來西亞榴槤甜品系列😝 榴槤迷要注意啦‼️✨涮涮鍋▫️川椒麻辣湯▫️秘傳牛肉清湯我哋加$10揀咗鴛鴦鍋，麻辣湯係屬於小辣嘅程度，比較香多過辣。而牛肉清湯比較清淡，比較適合烚比較吸湯汁嘅蔬菜。✨澳洲穀飼黑安格斯牛食放題嘅好處就係唔使就住食😋適合一眾食肉獸，呢款牛肉油花比較少，但分布就比較平均，肉質比較軟。✨SRF美國極黑牛SRF美國極黑牛比較上有細緻d嘅油花，亦都有比較濃厚嘅牛味。個人比較鍾意食呢款牛肉。✨手工火鍋配料▫️手工白菜豬肉餃▫️手打牛丸▫️手打黃金蝦丸手工配料方面可以喺QR code落單，亦都可以去自助吧選取。全晚最驚喜嘅係手打牛丸，超有牛味又彈牙，咬落去嘅時候仲有牛肉汁逼出來，完全唔係一舊麵粉，好有食越南湯河既感覺。白菜豬肉餃都唔錯，餃子皮厚薄適中，餡料都算大嚿😋✨海鮮海鮮方面可以自由追加，包括有青口、帆

大圍新開左個商場😚，之前睇新聞見人頭湧湧，所以就等熱潮過後先去😜，行行吓發現有間牛氣，好耐都未食過，於是就入左去食😆～🌟Lv4. 澳洲穀飼黑安格斯牛+SRF美國極黑牛放題+海鮮放題 $338有幾款湯底供選擇，我地要左牛肉清湯😃，湯底清甜得黎又唔會蓋住牛肉嘅肉味😛～呢個放題套餐主打澳洲穀飼黑安格斯牛同SRF美國極黑牛，緊係要食多幾件啦🤭！澳洲穀飼黑安格斯牛油脂分佈平均，帶雪花紋🤩，肉質軟嫩但帶少少彈性🙂～SRF美國極黑牛牛味充足，牛味比黑安格斯仲香濃🤤，而且咬落滿口油香，入口鬆軟😋！正👍！其他牛肉，例如特選牛小排同 prime美國肩胛肉眼😆，雖然牛肉味冇咁豐富，但質素都唔錯，不防一試😊！除左牛肉，仲有雞腿肉，豚肉可以揀😜，但我自己就主力食牛，所以冇乜點試😂～海鮮方面嘅選擇都非常多😍，有帆立貝、花膠、大海蝦、墨魚滑、脆鯛魚片同魷魚😊，總括而言全部海鮮都非常新鮮彈牙，而且份量充足☺️！最有驚喜係呢度竟然有挪威三文魚叫😆！一般餐廳都較多提供日本三文魚，所以挪威出產嘅我比較少食🤣～三文魚口感細嫩，味道鮮美😙！出面自助區仲有多款前菜、丸類、蔬菜、麵類、熟食、飲品同甜品可以自己拎，非常豐富🤩！值得一提

今日第一次去圍方行吓見到呢度有牛氣佢哋做緊午市每位減$40 大優惠 即刻衝咗入去🤭今次揀咗Lv 4 (全部共有6Lv)Lv 4而包咗澳洲穀飼黑安格斯牛及SRF美國極黑牛放題所以已經有一定質素全部肉都肉質鮮嫩 色澤均勻 肥瘦適中而家我再點都無令我失望 有keep住質素除此之外仲包牛舌、牛肩肉、雞豚肉等愛肉之人絕對夠食有餘而且套餐仲有海鮮當然唔少得食返塊花膠補一補😋特別一讚 爽脆水魷真係好爽 好彈牙原來7 月 24 日起全線牛気仲推出馬來西亞榴槤甜品系列🤤Like埋社交平台仲有D24榴蓮果肉窩夫🧇😍由於夏祭 店舖仲有期間限定御守

門口大排長龍，好彩一早過黎攞飛，係門口時職員用心詳細講解餐牌，好有耐心的服務態度。我地專登揀咗Lv5套餐有靚靚嘅頭盤 黎打卡，澳洲和牛質感軟嫩，口感極佳!!! 榖飼黑安格斯肉油花分佈均勻，牛肉味都好濃郁，亦試咗其他唔同款牛，整體質素都好唔錯。值得一提嘅係赤雞雞爽肉，肉質細嫩結實有彈性，真係好好食幾款海鮮帆立貝，鮑魚，大海蝦，魚片質素都好高，好鮮甜。自助吧嘅食物選擇都好多，除咗基本火鍋配料蔬菜之外，仲有一d比較少係出面放題餐廳見到嘅食物。關東煮，日式蒸蛋，甜品，燒魷魚等都好唔錯!另外我地揀嘅套餐仲有限定嘅好多榴槤甜品可以食，岩曬我呢d榴槤迷環境闊落坐得舒服，絕對係聚餐好選擇