極上帝王水產

營業中

休息中

無咩野食不特止， 食物質素亦非常一般，最搞笑係book咗7點, 話食兩個鐘, 點知8點就 遞張單過嚟叫人埋單,跟住8點10分已經點唔到野食，剩番果50分鐘變咗只可以飲野同食雪糕同豆腐花。

Went in for dinner with a booking at 7pm, was seated at 7:30.Waiting area was by the elevators/ice cream fridges/door to kitchen and very crowded so much so that it was difficult to exit the elevator or get to the counter or let kitchen staff past with food.Seating for five was a four person table so already your comfort is not a priority here. The tables themselves are so packed here you can hardly move to get drinks and the seats are so close to the table you have to eat like a t-rex.Sashimi a

日子太久沒在西洋菜南一帶覓食，撞正母親節，殊不知兆萬中心整個場要正午12點先開，本身排住隊整整齊齊等入場又在11:53分被大廈保安叫散，免得阻住旁邊地舖開門……於是乎成班五六十個覓食人就散落兆萬門口，搞到12點一開門就要一窩蜂迫入這劏舖商場……到此商場食午市放題先要有此心理準備。店名就好有氣派，舖面認真單眼佬看世界……同行之縮水阿伯話零趣味，因為欠缺自己可出去大廳揀多種甜品、拎熟食的暢快感，壓根兒就沒大廳，並且每條走廊只容一人通過。卡位梳化凳皮已裂開大片、枱的邊緣有頑固油脂，唯有用張鋪枱餐紙蓋住。甫坐下，男侍即呼籲我等第一回合要要手寫點菜紙及盡點可點，廚房太多單趕不及之類，節日流流亦只限兩小時食。首下單時明明點了多款刺身均要十二件，來到的最多有幾款只得六片，大部分得4片，明明沒叫日式蛋卷無端加6件進去濫竽充數，蟹棒是機壓的蟹柳，而且那款最吸引的連頭大蝦也只來了4隻…..加單時用手機掃更加沒這款、赤貝、帶子等追加…..是勒住不許你再吃好東西的感覺。而且加單後都要等至少20分鐘才上菜。手捏壽司的魚生比刺身暗啞得多；多款熟食總是欠點食物香，適合想減鹽人士，偏淡。近𨋢的雪糕櫃普遍只得亞菠蘿牌，

見好耐冇食放題，臨急臨忙上openrice 見到呢間有6小時任食（12-6），於是book咗2點9先講環境，一入到店鋪，覺得衞生欠佳，坐低已經見到張枱痴立立油淋淋🤢侍應態度都麻麻，特別係個女侍應，問佢嘢好似唔想答咁，仲要黑口黑面，唔講以為我爭佢錢🙃食物質素都好差，刺身全部切到細細塊，鍋物啲材料全部都好唔新鮮，啲菜霉霉爛爛，牛肉係佳寶最平嗰啲質素，燒物比較好食嘅只有牛舌 ，天婦羅就超厚炸漿😵‍💫另外，講明係6小時任食，我哋2點9先入座，4點半就話last order，不過我同男朋友已經食到好頹就冇追問原因，未夠5點就埋單走😮‍💨

我係母親節食，雖然知一定旺同已瞭解限時100分鐘，不過訂時話$289一位，到現場即加至$309，都已到可以點？雖然講100分鐘時間，但在70分鐘冇通知下已截單，叫order食物已摧幾次至黎，到黎食時想加單已停，全晚其實只叫一Round已完.鏈（全部約落左4次唔同食物，份量唔多), 呢D叫放題任食，定只係借個位俾大家食小小嘢，傾都冇得傾，因太嘈同太迫。宜家限聚令一定唔合規定格。同埋一定冇下次😡.

餐廳環境超級逼，一個普通身形嘅人都要好小心行。岩岩去到就喺咁催要填紙仔，話有得送每人一客食物，到最後都無送過比我哋。仲狂催我哋揀海鮮煲定壽喜燒，我哋都未決定好就喺我哋面前自把自為幫我哋落咗海鮮煲，然後嚟到仲要無味嘅😊啲刺身一啲都唔新鮮，仲要有啲不明嘅黑色嘢，見到真喺覺得好唔衛生。落咗單嘅嘢仲要喺嚟唔齊，要問先有🤷🏻‍♀️成間店最好質素嘅得啲嘢飲，喺講緊罐裝同紙包，姐喺唔關佢哋事，飲品種類又少，仲要喺雪櫃攞出唔都喺唔凍嘅。我真喺唔明點樣收得落$340🙄😅

原本好地地食餐飯，都冇咩期望。見到有生蠔，心思思試下啦。間野下面寫238，上去又會唔同左價錢。睇返食評，原來好多都敢寫明搵笨。唔出聲就照收，出聲就話同隔離台攪錯。生蠔普普通通，但我驚食完會柯，講真隻蠔唔似出面食果D, 冰盤上隻蠔唔凍既，你自己唸啦。刺身唔好食超失望，重要三文魚追到收台先會上比你，前後追左5次，次次員工都會應你會追會跟進，只有其他垃圾比你食。建議一班人食飯要慎重考慮，要預左會比人咋型，講真果句係街隨便食一間散叫都重會抵食好食過佢。

兆萬中心多放題一向出名😂上OpenRice 睇到呢間幾多like又見到價錢幾抵就上去試下！新出的壽喜燒同磯燒等高級食物 吸引 提早OpenRice 訂有優惠🫣刺身拼盤👍🏻刺身種類極多，每款質素都唔錯，有兩款係大推大推。-挪威厚切三文魚-迷李北寄貝刺身-手切象拔蚌刺身-手切三文魚刺身-泰式生蝦刺身-榮螺片刺身-大赤貝刺身-北寄貝帶子刺身-珍寶赤蝦刺身 ☺️ 呢個珍寶係有一隻手再大啲 好鮮甜！ 呢個再encore 多次-日本有頭甜蝦刺身-去頭甜蝦刺身-鮑魚片刺身-希靈魚刺身-寶幸玉子刺身 😍 呢個好有驚喜同口感！蛋好厚實加少少咬口！-松葉蟹棒刺身入座會送鱈場松葉蟹海鮮鍋/日式和牛壽喜燒鍋日式和牛壽喜鍋燒個擺盤好靚，係個大大個的打邊爐鍋，湯係裝係個樽自己倒，然後一盤牛肉+娃娃菜+金菇+冬菇+芋絲 （ps有個小牛油 唔係係咪可係當鐵版燒試下🤣牛肉味肉都幾濃，都有6片，食完唔夠可以係app個火鍋item再加其他蔬菜/肉/ 再另選湯底覺得個湯都幾岩食，再fill 多盤蔬菜+肉+響鈴好似當自己食緊打邊爐😂😂飲品同甜品選擇都幾多，有新出果隻無糖 0 卡汽水🤭

話說男朋友好鐘意食放題，疫情真係禁足左好耐。經朋友介紹，話呢到勁抵食，仲有男朋友最愛既壽喜燒同磯燒，現家好小有地方食到磯燒🥰一開頭我地已經叫左刺身盤，刺身肥美新鮮有口感，唔會有腥臭味，好鍾意佢個肥美三文魚同埋鮮甜帶子，最緊要仲送海膽，食到我心心眼，最正係塊塊都好厚，勁滿足！壽司選擇都好多，仲有啲火赤、甚至黑松露香味等等，岩晒我地女仔眼闊肚窄既心態，因為唔會話好大舊飯，多數放題既壽司，都會好大舊飯，但呢到岩岩好，可以試多幾款。另外叫左鍋物牛肉鍋，湯汁夠味，肥牛入口軟林，值得推介！另外值得一提係，可以按自己喜好再加錢升級選擇壽喜燒定係磯燒，見到隔籬枱order都聞到好香，但我最鐘意食鍋物，下次有機會一定試埋個磯燒。😍

生日飯食放題就最好，咩都有可以食到而壽星女亦非常鍾意食放題！好彩我哋預早左book檯，當日全場爆滿‼️坐低無幾耐，我哋就瘋狂點嘢食，我哋升級左要埋生蠔、海膽任食，每位都只係加$90侍應好快就為我哋端上一盤刺身船有三文魚、海膽、甜蝦、生蠔、帆立貝、北寄貝&吞拿魚！生蠔好有驚喜，口感好爽口，i like it三文魚好肥美，同埋海膽一啲都唔hea無腥味的升級左之後會有甲羅燒，會有個磯燒爐的，由我哋自己做大廚，燒出嚟真係好好食侍應經過會幫手整一整，話比我哋個大約幾時食得！埋單每人都只係$300幾，真係勁抵食

求其搵間試下，正所謂一分錢一分貨，平日晚餐連加1，285蚊一位，先上正常刺身盤，不過三文魚仲細塊過壽司上面果塊，估佢唔到另外，本來我地唔想食鍋，佢話免費，自動比左個我地，算~照食跟住追加一轉刺身，叫10款野，黎到唔齊，其他普通熱食都有類似情況，就係叫10樣黎得8樣咁其他熱食正正常常，唔會話好好食，款式唔係太多正所謂一分錢一分貨，佢呢個價錢，都預左俾咩貨色，都係可一不可再，我情願食貴少少，下次都唔會再幫襯

好耐冇食放題，諗住開返晚市過黎試下唔試由自可，一試真係好大鑊先黎係送既野，限量一件我地揀左甲羅燒同海膽海膽係臭既，未放落口都聞到朕壓味甲羅燒我喺第二度未食過，所以唔知係點，但哩度既甲羅燒我放入口就一係蛋黃醬味，一d 都食唔到蟹味刺身唔太新鮮，蝦係幾好，其他一般甜蛋唔知點解入面包左d 奇怪既魚松壽司亦都麻麻地，油甘魚食落去完全唔似油甘魚，條邊個係赤紅色，亦都冇光澤，食落唔爽口個呑拿魚蓉杯簡直係詭異，點解個顏色會係熟既顏色，但個質感係生既吞拿魚蓉，真心唔敢擺入口比較好食既有：炸鮮奶炸芝士薯餅炸榴槤係正常燒牛舌夠淋燒菠蘿有層焦糖，好味出面有甜品櫃，但每人只限一支，而牌子唔係movenpick / haagan daz 之類，只係apollo 同一d 韓國牌子，所以直頭冇興趣試飲品唔多選擇，都係汽水同紙包飲品，仲有d 啤酒咁，但就冇無糖既茶揀，唯有斟熱茶環境方太就太窄，張枱太細，仲想放個爐上鍋同埋拎個爐黎淨係燒一個甲羅燒，可想而知係幾咁狼貝服務正常，唔會黑面，上菜永遠唔齊中間有兩次等左10 分鐘張枱都係空既假期繁忙時間$309 +10%，哩個價錢食哩個質素既野真係唔係好接受到，又唔算好多野揀，

朋友好鍾意食放題，最近出咗消費券當然要同朋友食番餐好既啦!今次就選擇左兆萬九樓的極上帝王水產，最吸引係疫情期間有六小時午市放題，由中午12點食到夜晚6點，價錢只係$229😚壽司方面推介火灸壽司盛，三文魚好厚身，大大條蟹棒配埋沙律醬一嚿接一嚿呢度仲有自己最期待嘅多款炸物天婦羅炸粉唔會太厚，熱辣辣好滿足！虎蝦食落去幾彈牙 另外仲有平時比較少見嘅多春魚呢度仲有多款鍋物選擇，今次叫咗白酒煮蜆，蜆肉冇沙大大粒，另外牛舌雞軟骨等串燒經過輕輕調味已經好有咬口！唔錯有冇朋友同我一樣都好鍾意食壽喜燒呢？大家可以因應個人喜好升級食埋壽喜燒同磯燒等新美食，分量多之餘醬汁非常惹味香口，值得一試

終於有得食晚市，又可以最多4人一枱，其中一樣想食嘅野就係放題，精打細算嘅朋友一早睇定消費卷所有嘅優惠，佢就話呢間用消費券提前訂座有5% discount，都好呀！第一次嚟覺得都多野食，有刺身、燒物、串燒、炸物、壽司、飲品、甜品 ，其實都好夠食，而且一坐低就送左盤巨型刺身船比我地。刺身肥美，象拔蚌好爽口，仲有北寄貝同赤貝都新鮮。有埋泰式生蝦同生蠔！同埋啲壽司都幾好味，我最中意食火炙壽司，而佢啲壽司刺身夠肥，夠油脂香。串燒都叫咗好多串，燒得唔會太乾，雞翼都入味。臨走先見到原來可以俾錢升級食手壽喜燒同磯燒，唯有下次再嚟食！

千期唔好去食🤬😡🤬😡🤬😡話說琴日突然收到朋友約食飯，係無book檯既情況下，又適逢係星期五（假期前夕）已經6點半出到旺角想睇下walk in有無位，有幾間食開既第一輪都無位咁唯有是但一間，行到兆萬樓下有一大堆哥哥仔係度派傳單，咁就接曬上手，萬中挑選咗第一個比單張我既餐廳去試一試上到去已經覺得有少少伏，原因係樓下話$238起/位，食三個鐘，👩門口入坐就話$309/位，只可食1.5小時，咁我就話咁我要諗諗，得1.5小時太少，同朋友主要想坐底傾下計，咁佢話比2小時你地啦。我地話其實而家都7點多d入坐，堂食只能到10點，你都開唔到多一場架啦，佢就答我，如無人可以比你坐😒😒 我同朋友都覺得周圍都無位，所以都照食啦🧐入到去迫到成個雞咁，同隔離檯差不多一齊食咁制一坐底有個好熱心既侍應👦🏻叫我盡快填左張紙點刺身，佢話人多呀，會盡快上比你食住先，其他野用QR點，跟手仲話送份特別野比我地食，叫我點埋，我選了鵝肝多士 QR code 點完，唔洗10分鍾內天婦羅🍤、炸物全部到曬，全部都係預先炸定，油淋淋既食物，軍艦壽司紫菜全部淋曬，食曬呢一輪食物咁我專心等我既刺身，因為其他野真係難食。🍣🍱刺身我追左4次，等了