極上帝王水產

營業中

休息中

黎到呢度食日式食放題好選擇，可以一次過食埋壽喜燒鍋，兼有自助飲品任飲🥳 ，飲品有多款選擇，包括汽水啤酒，Jolly Sandy 都有必食壽司刺身，先送上刺身拼盤及日本壽喜燒牛肉，可以一邊食刺身一邊食壽喜燒 刺身有好多不同款式，又有象拔蚌，泰式蝦刺身，樣樣都好新鮮，而且好多選擇😋 雪糕雪條雪米糍等放係餐廳門口，可以任選擇，而食物可以掃二維碼點餐，非常方便，有刺身、壽司、炸物、天婦羅、小食等，還有軍艦壽司同手卷等

每次放假特別鍾意去旺角行街睇戲,今日特登去旺角睇戲跟住喺附近食飯,睇完戲朋友帶咗去兆萬中心日式放題食物質素都幾好。極上帝王水產,餐廳喺兆萬中心9樓。上到餐廳裝修得好有格調,座位空間感好足夠,喺度食飯感覺真係幾舒適。兩小時任飲任食,有刺身,壽司,串燒,鐵板燒,天婦羅,飲品全部都係任飲任食。第一時間點咗個刺身拼盤,有海膽,生蠔,三文魚,希靈魚,甜蝦,帶子,赤蝦,泰式蝦,魷魚, 賣相真係勁吸引一睇就知食材好新鮮,赤蝦味道鮮甜蝦肉爽口彈牙連蝦頭嘅蝦膏都特別香口,三文魚夠厚身食落去好有口感,有少少魚油脂肪味道特別香,海膽味道鮮甜口感綿綿,味道甘香食到停唔到口,泰式蝦加少少泰式醬,酸酸甜甜,蝦肉特別爽口。熟食方面我就最鍾意食燒羊架,羊架醃到好入味,食落去肉質嫩滑羊肉味香濃,一啲騷味都冇,咬落去仲好juicy味道好香。另外鹽燒活海蝦都值得推介,蝦肉有少少鹽香,特別鮮甜,蝦肉爽口彈牙呢個口感真係冇得彈。

最近同朋友一齊食放題，一開始我哋叫咗好多唔同種類嘅刺身，三文魚、蝦、帶子等等，三文魚好大份，好新鮮；泰式蝦刺身都幾好食，有泰式醬配搭牛肉壽喜燒鍋有牛肉、菜、金菇、蘿蔔、粟米等等，店員會幫我哋倒入壽喜燒汁，然後再將蔬菜放上去，最後放牛肉，整體嚟講我覺得呢個嘅味道都幾好我地嗌咗好多唔同嘅壽司，有玉子、三文魚壽司、火炙三文魚壽司等等，我最鍾意都係三文魚壽司，三文魚有鮮味，唔會要點豉油先有味海膽手卷比我想像中精巧，一啖可以食晒，海膽都佔咗手卷嘅十分之六牛油粟米🌽牛油同粟米渾然一體，好香呢間放題嘅地理位置幾唔錯，好容易搵，而且成幢大樓都有唔同嘅嘢食，呢間放題算係多人，證明嘢食都唔錯，職員上菜都好快

今晚食個豐富大餐，餐廳主理日式放題，可以盡情食個大滿足 一進餐廳就見到不同種類雪糕雪條，而座位係以卡位形式，有晒自己空間 兩小時任飲任食放題，放題除左壽司刺身外，還有壽喜燒鍋😋 先黎前菜，再有壽喜燒牛肉同蔬菜，燒烤牛肉後，就可以加壽喜燒汁食鍋物 刺身拼盤好大盤，有三象拔蚌，日本甜蝦，泰國生蝦，珊瑚蚌，希靈魚及海膽等 其他食物可以掃QR Code，飲品雪條布甸甜品等就可以係自助區攞，啤酒汽水好多選擇 網上食物有天婦羅炸物，串，壽司，手卷，軍艦壽司，刺身，小食等等，甜品雪條都好多款

選擇日式放題有一大好處，就是以一個價錢，去食多種類食物，大吃大喝的我，今日就去到兆萬中心9樓《極上帝王水產》，吃一個$269（仲有95折），由中午12點至6點，可以大吃6小時的午市日式放題。第一轉，先用手寫單入刺身，海鮮鍋/壽喜燒，第二轉加單食物，就用QR code自行下單，有刺身、壽司、爐端燒、炸物、天婦羅、沙律前菜、火鍋配料，及數款泰式小菜等，另外有一張訂座優惠，每人仲可選擇一份特選美食。刺身，三文魚肥美，油脂均勻，紋理清晰，入口鮮甜鯛魚刺身，肉質結實彈牙，有口感赤蝦，非常新鮮，肉質Q彈北寄貝，赤貝、馬刀貝，新鮮脆彈雪場松葉海鮮鍋有大大隻青口，蝦，蟹柳，日本魚蛋，菜，奶白色湯底，魚鮮味濃新鮮刺身三文魚腩，油甘魚，車海老，珍寶帶子，加入有獨特香味的松露，增添壽司的味道。火炙左口魚邊，油脂豐富，入口滿有魚油清香。牛肉軟腍，羊肉串帶有羊騷味，加上孜然調味，非常惹味三文魚骨腩，加入七味粉調味，惹味燒菠蘿，燒香後的菠蘿，入口更甜，個人最鍾意的食物牛舌，厚厚一件，入口軟腍避風塘雞丸骨，微辣蒜味香濃，脆口芝士年糕、香芋丸，外層香脆， 餡料甜香，入口軟糯。

極上帝王水產放題，是一間位於旺角兆萬中心的日式自助餐廳，以新鮮海鮮和精緻壽司聞名。這裡的食物種類繁多，從生蠔、蟹腳、三文魚、吞拿魚、鰻魚、帶子等海鮮，到壽司、刺身、天婦羅、燒物、拉麵、壽喜燒等日式料理，應有盡有，讓人目不暇給。而且，這裡的食物都是即叫即做，保證新鮮美味。我最喜歡的是這裡的生蠔，每一隻都肥美鮮甜，搭配檸檬汁和醋薑，真是一絕。另外，這裡的壽司也很出色，米飯煙韌有彈性，海鮮片厚實多汁，每一口都是享受。我還嘗試了這裡的拉麵，湯頭濃郁香氣四溢，麵條彈牙有嚼勁，配上烤豬肉和溏心蛋，非常滿足。這裡的服務也很好，店員親切有禮，上菜迅速，還會主動幫客人加水和收拾碗碟。這裡的環境也很舒適，座位寬敞，音樂柔和，氣氛輕鬆。極上帝王水產放題，是一間值得推薦的日式自助餐廳，無論是和家人、朋友或情人一起來享受美食，都是不錯的選擇。這裡的價錢也很合理，而且可以任食兩小時。如果你是海鮮和日式料理的愛好者，不妨來這裡試試吧！

今天和同事一起在廣華醫院做完嘢收工，大家趁難得早收便去附近兆萬中心行吓，重溫大學時代的美好回憶。兆萬樓下街頭一如以往仍然有很多姐姐們在派食市傳單，她們的熱情推銷讓我們不得不幫襯一下，我和朋友見餓餓地，於是決定上去位於兆萬中心9樓的極上帝王水產享用放題美食！這家餐廳提供多達200款多國美食，40多款人氣飲品和20多款雪糕雪條甜品，而且價格非常實惠，午市只需 $249 就可以任食六小時！如果你在中午4:30-5:30入座，也只需 $269，而在黃昏5:30-6:30入座，價格為 $289，黃金時段晚上6:30之後入座亦只喺 $299，用餐時間雖則列為兩小時，但餐廳表明如果沒有客人等位，餐廳均允許食客任飲任食任坐到凌晨1點，非常親民，以客為先，值得一讚！另如果你和朋友一起用餐，而且有人本月生日，四位以上成人惠顧可獲一位半價收費，如果八位成人惠顧，更可獲一位成人免費，但需要提前一天預訂。進入餐廳後，店員會先送上一份「關西壽喜燒」和一大盆「築地直送刺身」給食客享用！餐廳採用美國肥牛作壽喜燒食材，並附上製作方法供食客即場自助烹調製作，玩味十足，食完還可以追加火煱配料繼續打邊爐。刺身方面亦有驚喜位，

趁今個月多食海鮮🤣🤣見呢間除基本刺身壽司 好多熱食選擇 幾特別😎 日泰西特色放題 $229起(另加一)午市嘅話12:00-17:59 任食6個鐘 超誇張 有機會為全港最長時間嘅放題😱首先入到去係聞到陣牛油香😳因為有壽喜燒 好誇張! 先煎、後加湯汁煮 每枱都玩得好興奮🤣刺身擺盤氣勢滿分😍味道當然好好 新鮮👍!! 必加泰式醬汁 意想不到嘅話好食😳最推薦三文魚 好鮮味壽司試了鰻魚 雖不算厚身 但醬汁不會太多 所以整體平衡👍白汁藍青口好驚喜 好 大 隻 燒烤食物 尤其羊架 肉質味道都合意有炸蝦餅! 薄身但依然彈牙炸榴槤球&心太軟(即朱古力蛋糕🤣)好濃郁😍 如果有膩感 來一塊菠蘿! 爆汁清甜 我一個人KO 4塊🤣再瘋狂啲 可以來一個火鍋🤡有4款湯底10種配料 我就冇能力挑戰啦 交比大家•̀.̫•́✧最後每人一條雪糕/雪條 揀咗藍莓乳酪 完美結尾😎留意好多點1件 最後都係俾2件🤣唔好衝動一下嗌太多特別一提 有位餐廳職員好熱情好客🤣用餐體驗好加分

-極上帝王水產-@旺角.當諗唔到想食咩的時候，放題就最方便，咩都有唔洗諗。去到兆萬的極上帝王水產 ，食客好多，不過都唔洗等太耐就可入座。.Menu選擇超級豐富，用手機落單就唔會漏單，隨時點菜都無問題。.先黎大大盤刺身，淨係蝦都有三款選擇，另外仲有三文魚、油甘魚、帶子、希露魚、北寄貝和玉子等。刺身都幾好，完全無雪味無腥味，個人好喜歡個帶子，夠大隻厚身，肉又夠軟嫩。.估唔到放題連壽喜燒都有。先用牛油燒香牛肉，再加湯底同配料，暖住食個鍋。蔬菜盤有冬菇、白蘿蔔片、娃娃菜、金菇等，食晒可以自己再落單。.炸物必點榴槤波，外層香脆，裡面係滿滿的榴槤蓉。估唔到仲有炸牛奶，外脆內流心，正。.串燒點左牛肉、雞肉和羊肉都偏重孜然味，夠惹味。另外都推介牛舌，夠厚身爽口。.飲品櫃好多選擇，連啤酒都有。.臨走記得攞返枝雪條，選擇超級多，仲要係有日本、韓國雪條，唔係平價雪枝。.

我第一次寫食評，今次真係忍唔住，人生最差的放題比我遇上,連加一，話比左95折，$325一位，魚刺身得三文魚和希靈魚，其他食物質素差，以前沙角村冬菇亭99蚊打便爐都仲好過。7xx個讚，真係唔知點黎？！

💁🏻‍♀💁🏻💁🏻‍♂💁🏿‍♀💁🏿💁🏿‍♂🏷極上帝王水產 Deluxe King Japanese Restaurant @旺角 是間多朋友讚的樓上日式放題餐廳！位於兆萬中心9樓，一出𨋢門，就看見門口得個裝滿雪糕，雪條的大冰箱，店內外都用一緻的和風旗幟裝潢，還會播放輕鬆寫意的日本音樂，整個氛圍都輕鬆舒適。菜式方面，也超級多元化，不但有磯燒海鮮、日式火鍋，也提供炸物、壽司、刺身等等日式料理，讓人眼花撩亂。一開始就在海鮮鍋和壽喜燒之中選擇了鱈場松葉海鮮鍋，伴隨着沸騰的湯水起筷，海鮮鍋十分豐富，蜆肉等海鮮超級鮮甜，也有海水的鹹香味，不過時間一久，湯水就更加濃縮，每一口都夾雜整煲海鮮的精華。日本直送生蠔和炭燒鰻魚串也相當不錯，上餐速度不慢，生蠔🦪和鰻魚相當大份，配上醬汁也很夾。刺身方面，由擺盤看出餐廳的創意風格，用一個像打開了的蜆殼的皿器盛裝刺身，有點像從海洋中打撈出來一樣，挺有格調。壽司方面，醋與飯的比例可以改善，醋味太大了。說起串燒，幾乎每種串燒都試了，普遍都是孜然粉配上不同質感的肉類，熱吃和攤凍吃好像沒什麼差別，比較一般。 不得不提的是海鮮忌廉湯，足料之餘食材之間配合得天衣無縫，不停衝擊我

好耐冇食過放題，今次朋友提議去旺角這間放題餐廳，放題有三個餐，不同時段有不同的價錢，最經濟的是6:30後入座，價錢只是$299，另外加一，全部落單都會用QR code。主要貪佢食物的選擇非常多，除了有基本的壽司刺身，還有串燒，壽喜燒，炸物等等。食下熱食，等個胃唔會太寒涼。日式壽喜燒，先將新鮮牛油去煎熟牛肉，再加入壽喜燒汁，丶丨了就可以再加入各類蔬菜。食完壽喜燒，我們就品嚐刺身和各樣放題的菜式，菜式非常豐富，有天婦羅炸物串燒，有我最喜愛的燒菠蘿，非常清甜。每樣食物都是即叫即整，所以串燒非常熱騰騰的，炸物也非常香脆，亦有我最喜愛的炸榴槤，炸芋頭和炸鮮奶。最後還可以享用甜品，有雪條糯米糍等，味道的選擇亦非常多。#極上帝王水產 #旺角放題 #旺角美食 #壽喜燒 #刺身

好耐無食放題，上網搵見到兆萬咁近，仲要竟然有埋壽喜燒，即刻book來試試佢一坐低就真接叫曬兩樣主打刺身同壽喜燒刺身全部都好新鮮厚切，我自己就好鍾意食蝦，依度有4款蝦！赤蝦，天使蝦，甜蝦，玻璃蝦，全部都好鮮甜！刺身帶子用個竹籃載住，有啲蟹子喺上面，帶子比出面其他放題都大粒，三文魚超厚切，放入口好滿足😌壽喜燒比我嘅感覺一直都係得幾片，好快食完好失落，要靠碗飯先飽，但放題當然食盡佢！牛肉水準絕對比得上主打壽喜燒嘅店，油花充足，食完一round叫第二三轉都係一樣咁高水準，一個字，正！除咗刺身壽喜燒，仲有好多款式嘅食物包羅萬有，例如馬拉盞通菜，炸鮮奶，燒羊架，厚切牛舌…不能盡錄，全部都相當有水準！最後要讚一讚雪糕！放題通常都係雀巢，雪米糍，但極上帝王水產好有心思，大部分都係來自日本/韓國嘅出名雪糕雪條，好多雪糕關注組都有推介！連超市賣39蚊得6粒嘅朱古力雪糕粒都有！總結極上帝王水產款式種類多，食物質素/性價比都高，又就腳，值得一試！

🫶🏻Budget唔多，但又想食好多野，日式放題就啱晒啦！👅晚市放題（$269）刺身款式算多，同埋堆疊得好靚！好有食慾！尤其係三文魚，真係都好大舊厚切，每款食材都唔吝惜。有希靈魚、松葉蟹棒、馬刀背、泰式生蝦、榮螺片，總之好多好多！個壽喜燒鍋都好香噴噴，全部食材都係QR code自己oder，食咩點咩！難得咁平嘅價錢一次食咁多野！放題有得食壽喜燒，真係好少見～呢間餐廳嘅飲品、雪糕都算好多款式，其餘榴槤炸彈、吉烈廣島蠔、餐前沙律、串燒、手卷啊，就唔一一列舉了，自己黎食啦！👍🏻

刺身刺身件件厚切，淨係蝦都有4款比你揀！推薦珍寶赤蝦🦐、帶子！又鮮甜又大隻👍🏻👍🏻👍🏻入座每位送生蠔，生蠔隻隻都脹卜卜，一啖放入口好滿足🦪🦪😋😋壽司手握壽司好有誠意，飯團真係一粒粒飯，唔會好散/好實👏🏻最有驚喜係灸燒左口魚邊壽司！左口魚邊大塊又厚，長到成粒帶子咁，一放入口充滿油香，好正❣️壽喜燒好難得有間壽司刺身放題有埋壽喜燒食，仲要品質唔差，牛肉好重牛味，就算熟哂都唔會靭，又齊所有壽喜燒配料，再加埋個烏冬，完勝✌🏻✌🏻✌🏻甜品多款雪糕雪條任君選擇，好多都係韓國製🇰🇷，重點係，有幾條雪條係OK成日斷貨，竟然係呢到可以任食😍😍😍