極上帝王水產

營業中

休息中

今晚預早同家人食中秋團圓飯, 為滿足胃口大嘅家人, 食放題就最好不過。選址旺角放題集中地嘅兆萬中心, 食過好幾間, 唯獨未試過9樓的「極上帝王水產」, 於是提前預約今晚一家人試試。兆萬中心入面嘅餐廳均有共通點就係價錢唔會太貴, 座位檯與檯之間就較為迫俠, 不過食物款式選擇多, 而且呢間仲提供無限時任食, 可以無壓力地慢慢食。所有食物經QR落Order, 食物上檯快, 黎得齊。食物包括有前菜、日式和牛壽喜燒鍋、火鍋、日式料理、壽司、手卷軍艦、天婦羅、炸物、燒物、泰菜、熟食主食等等…飲品方面自助取, 紙包、罐裝汽水、啤酒都有。單係刺身都已經有十多款, 包括有厚切三文魚、希靈魚、甜蝦、珍寶赤蝦、生蝦、帶子、北寄貝等等…每款新鮮唔腥, 蝦刺身仲幾爽。鹽燒海蝦: 燒蝦不帶燒焦, 表面沾上大量鹽, 不過蝦肉不會過鹹, 但口感不札實彈牙。海老天婦羅: 炸至金黃香脆不油, 蝦肉爽口。榴槤炸彈: 表面鬆脆, 內裡有半流心濃郁榴槤嘅香甜。招牌牛油粟米: 表面加咗砂糖, 同時又食到本身嘅清甜多汁。冰鎮菠蘿: 常溫菠蘿清甜多汁焦糖燒菠蘿: 清甜多汁嘅菠蘿表面有薄薄焦糖脆, 可示作甜品。泰式飛天通菜: 通菜翠綠

這家日式放題餐廳以其充滿日式裝修風格的環境和多樣化的菜品而聞名。我在這裡品嚐到了各種美味的日式料理，包括刺身拼盤、壽司、一口牛、炸天婦羅、炸物、壽喜燒、羊架和海鮮鍋物。餐廳的裝修風格非常傳統，營造出一種日式的氛圍，讓我感到舒適和放鬆。刺身拼盤是我開始餐點的首選，上面擺滿了各種新鮮的刺身接下來是壽司，這是日本料理中的經典之一。餐廳提供各種壽司選擇，包括內含新鮮魚片和海鮮的壽司捲，以及美味的壽司拼盤。壽司飯綿密鮮潤，魚片新鮮，每一口都令人滿足。炸天婦羅和炸物是提供的炸點選擇，包括炸雞翼和年糕。天婦羅外酥內軟，炸至金黃色，保持了食材的鮮味和口感。炸雞翼則呈現出酥脆的外皮和多汁的肉質，非常美味。年糕經過炸製後，表面酥脆，內部QQ彈，搭配特製醬汁，味道更加美味。還有罕有的壽喜燒，搭配濃郁的湯汁，創造出獨特的風味。有牛及蔬菜任食！此外，餐廳還提供了羊架和海鮮鍋物。羊架經過烤製後，肉質鮮嫩多汁，搭配特製的醬汁，美味可口。海鮮鍋物則提供了各種海鮮選擇

📍 極上帝王水產 (旺角)旺角西洋菜街1號兆萬中心9樓-日式放題 $2992小時任食任飲 一開始可以先選擇火鍋鍋底要壽喜燒或者海鮮鍋 我們選的是海鮮鍋 裡面有青口貝 蝦子等等的海鮮。之後也可以加點肉片等等的火鍋料 刺身有很多種 有三文魚 赤瑕 甜蝦 和一些螺類 大部分都算新鮮。也有很多像是串燒和天婦羅可以點。 飲料的部分也有啤酒可以喝 喝冰棒可以吃-環境 ⭐️ 3/5食物 ⭐️ 3/5推荐指数⭐️ 3/5 #food #foodporn #foodstagram #hkfoodie #hkfood #hkfoodblogger #香港美食

最近朋友生日，我就請朋友去食「極上帝王水產」、食完先發現個名寫到咁把炮都係咁😅諗住食放題可以就各人口味，點知最後食唔飽先好笑🥲本來高高興興去慶祝生日，點知有個咁慘烈既經歷、本身見到個場咁少客人都知麻麻地，但無諗過差到咁囉。見傳單上無寫價錢，打算吾係黃金時間去平啲，點知上到去食，同佢地樓下講既價錢都唔同！價錢都算啦，野食ok我都可以接受，點知性價比差到咁🥲乜都無得食，最基本刺身都限住你食，盤盤都九個字先到，俾無限時我食都冇用啦，等都冇心機。等都算，刺身極唔新鮮，仲差過爭鮮，質素好差！諗住熟食會好啲啦，但肉類好渣、吾知師傅定啲肉既問題，老到一個點、無味、好韌，性價比好低。樓下條友話係無限時任食，但出單速度慢、又係咁上錯野食同吾跟數量。食物已經令我十分之灰心，唯一係職員識對你笑，笑都冇用啦，野都冇得食，笑到八萬咁口我都吾會有心欣賞。

約咗個朋友行旺角，想行下買啲嘢。佢話今晚好肚餓，想食勁勁勁多嘢，乜都想食嘅情況下，首選一定係放題，乜都有得試下，想食多啲又有得揀。行過見到廣告promotion，就去咗兆萬呢一間，極上帝王水產 300元唔使食足120分鐘。坐底先亂點一大盤刺身，選擇都幾多，但係哈就已經有三四款，太耐冇食甜蝦，細細隻，一啖幾隻。另外仲有基本嘅三文魚赤貝帶子赤蝦希靈魚八爪魚蟹柳等等，全部都冇漏單。第二個特別係，呢間放題主打食埋壽喜燒，旁邊會放個爐俾你，自己放牛入去再加壽喜燒汁，在按自己鍾意可以放豆腐金菇蘿蔔，變相除咗食放題嘢，仲可以自己打埋邊爐。點餐有一堆火鍋配料可以揀。串燒同天婦羅，都簡單揀咗幾款，炸蝦牛舌，全部都熱辣辣新鮮嘅。甜品雪櫃都幾多嘢揀，揀咗條鐵觀音芝士奶蓋，茶味幾好甜甜地，另外芝士奶蓋鹹鹹地好得意。另外入座仲可以揀一款食品，揀咗店員推介嘅心太軟，仲送咗一杯雲呢拿movenpick雪糕🍦，正呀！真係飽到第二日都唔使食早餐正價都係$300嚟講，放題嚟講算係質素唔錯。久唔久想大食一餐，平平哋嘅就放縱一次。

🔥晚市2小時任食放題 $299/位🔥/💟入座即送每枱1份海鮮鍋/壽喜燒鍋🥘💟每位客人可選1份特色刺身/海鮮/甜品😻.💫前菜 沙律: 多款沙律 豆腐 湯等🥗.💫即炸天婦羅: 即叫即炸香脆天婦羅🍤南瓜 三文魚骨腩等.💫高級爐端燒: 即叫即做 各款燒海鮮和蔬菜 推薦鹽燒牛舌 厚切又彈牙🥰惹香羊肉串 同燒菠蘿都係必試✨.💫唐揚之炸物: 多款日式炸物 可樂餅 雞翼 炸蠔🦪香芋丸 榴槤彈 芝士年糕 蝦多士 炸雞等等推介炸牛奶🥛.💫火鍋湯底及配料: 4款湯底供選擇🍲還有肉 海鮮 蔬菜和麵食作配料😚.💫特色外國菜: 泰式飛天通菜 海鮮湯 白汁籃青口✅.💫築地生魚片直送: 15+款新鮮刺身🌊多達3款蝦刺身擺盤精緻 味道鮮甜😋.💫職人手握壽司: 特別的黑松露系列壽司等🐿️.💫即席手卷 軍艦:有鮮甜海膽手卷 和軟殼蟹手卷海膽手卷正💯.💫特色火灸壽司: 過10款壽司🍣包括火炙左口魚及蟹籽花之戀和多款特色卷物😚.💫星級主食: 蟹粥 烏冬和拉麵等.💫還有飲品和甜品自取吧🍨/款式超多而且食物質素佳❣️

第一次幫襯呢間餐廳，會選擇呢間餐廳既原因係一次可以滿足兩個願望：日式放題任食同打邊爐。手機落單，首先緊係要點左刺身先啦，再黎就係熟食同打邊爐。一大盤刺身上到枱真係好滿足，刺身種類選擇頗多，估唔到係有長腳蟹腳食，所有刺身都好新鮮同鮮甜，而且分量唔細件。然後就係熟食，分量同樣唔細件，睇下牛舌大件又厚身，食落唔會柴同乾，唔錯。鯖魚係原邊上，試過係其他餐廳食係一邊既一半或三分一件，一整件甘上枱，可以滿足我鍾意鯖魚既心啊。所有熟食食得出係現整，因為上到枱仲係熱辣辣，食熟食緊係要熱食啦。最後係壽喜燒打邊爐，我地主要都係食肥牛同金菇，食物吸收左壽喜燒既甜味，味道唔錯。食左甘多野，要啲甜品做總結，呢度有多款雪糕選擇，總有一款岩口味。

平時食放題/buffet都中意揀有主題嘅，呢間主打多款刺身+壽喜燒。一坐低店員話會幫我哋落一份刺身同壽喜燒食材，轉頭上左一大盆刺身😱有三文魚腩、帶子、有頭蝦、泰式生蝦、螺肉、魷魚、長腳蟹等等，份量十足。食完刺身就開始整壽喜燒。首先用牛油揸勻個鍋，跟住就可以「煎」下牛肉，落少少壽喜燒汁，食落真係好香牛味。之後可以係個App叫火鍋配料，娃娃菜、金菇同冬菇吸左湯好好食。食完刺身同壽喜燒都好飽了，但都試左少少壽司同小食。火炙壽司質素唔錯，三文魚油好香；其他燒牛舌、燒日本蕃薯仔、芝士年糕、炸蝦都食勻晒，過足口癮🐷全場店員都係後生仔，個個都好爽手，服務好食都食得開心啲🥳

朋友生日飯，整體食物質素好差。刺身唔新鮮，壽司嘅飯偏硬、炸物粉漿厚實。唯獨牛肉壽喜鍋較為好食。 想食生蠔、海膽要加錢$99，如要$4xx/位，已經可以去殿大喜食。

以前與朋友經常食放題，貪的就是食物款式繁多，能滿足每個人的口味偏好，聽聞兆萬樓上還有幾間屹立不倒的放題，極上帝王水產的價錢看似吸引，決定試試，放題用QR code點餐，極之方便✨晚市放題（$299）🪄日式和牛壽喜燒鍋入座即送，沒想到放題竟有一鍋的壽喜燒提供，鍋中滿滿的牛肉片和蔬菜，醬料的甜和鹹度恰到好處，不錯🪄刺身拼盤放題必點之選，今次點了三文魚、帶子、珍寶赤蝦、甜蝦、泰式生蝦、北寄貝、玉子和蟹柳等，食材都非常新鮮，肥美豐潤，尤其是蝦類刺身的種類多樣🪄 壽司手卷此外，壽司手卷也很出色，嘗試了火灸左口魚、籃鰭吞拿魚壽司，以及海膽和軟殼蟹手卷，左口魚入口即溶，吞拿魚和海膽都非常新鮮，令人驚喜的是海膽完全沒有腥臭味🪄 天婦羅炸物和爐端燒當然亦點了不少天婦羅炸物和爐端燒，炸物香脆可口，質量可媲美外面的餐廳炸物：巨海老天婦羅、室溫南瓜天婦羅、松葉蟹棒天婦羅、香芋丸、烤牛奶爐端燒：孜然燒羊肉串、鹽燒牛舌、燒菠蘿訂座還可以每人選一款精選菜式，點了海膽、松葉蟹腳、Movenpick x 比利時朱古力心太軟，海膽和蟹腳鮮甜，而心太軟口感像布朗尼，加草莓雪糕同時解膩

. 旺角人氣放題 | 刺身拼盤x牛肉壽喜燒📍#極上帝王水產🍲壽喜燒套餐可選壽喜燒或海鮮鍋一份🤗揀左壽喜燒🫡有張紙教你點煮: 先用牛油燒熱個鑊、再落肥牛片、再加入壽喜燒汁、最後落埋野菜就完成✅ 湯底好味😋肥牛同野菜索哂啲汁、甜甜的好滿足☺️🐟刺生拼盤💖回本之選！多款刺生、勁大盤上枱😻好鮮味！令人胃口大開👏🏻北寄貝同埋油甘魚好食🙌🏻🍣壽司 🍱主食🍤炸物🍢串燒

記得主食、炸物、串燒都要預早20分鐘order 😎因為即叫即整架！😍呢度大推燒菠蘿、牛舌同炸物🥰 燒菠蘿真係好出色，上面有焦糖脆脆🤭 牛舌有份量又好食🤤炸物真係熱辣辣上枱、特別好食係炸鮮奶同芝士蝦球🫶🏻天婦羅嘅皮都唔會淋晒㗎👍🏻
🍮甜品甜品控🤩凍櫃有多款小蛋糕/甜品、門口位置仲有勁多款雪條、糯米糍等😍好給力！🥤飲品有幾個大雪櫃裝不同類別飲品架😃—————————(˶‾᷄ ⁻̫ ‾᷅˵)————————總結 :員工服務好好☺️另外時間有3小時可用餐、除左日式、仲有西式及泰式選擇、絕對超💓加單上枱速度總體都算好快！魚生新鮮、壽司多款式、炸物串燒都唔錯👍🏻飲品同甜超級多選擇🤩

兆萬中心對香港人一定唔陌生，好多人都一定會去覓食，因為地點方便，又多種類，火鍋放題任你揀距離油麻地地鐵站5分鐘路程，潮流特區隔離，位於兆萬中心9樓嘅極上帝王水産，今日就嚟踩踩點一上到去嘅時候，有好多日本poster 裝修，仲有2個大雪櫃裝住各式各樣嘅雪糕都有好多人嚟食，8點半去到都幾乎全場滿座咁款，唔book枱都食唔到一入座二話不說當然叫盤大刺身先啦，乜都叫乜都食，每一款刺身都好新鮮好厚切，三文魚啖啖肉，最令我驚喜係有大蝦，好新鮮好彈牙，食佢10隻都回本啦之後佢主推嘅係壽喜燒，每張枱都預先有個爐同汁汁係枱，仲好貼心有張紙教你食用次序先用牛油熱鍋，再燒一燒肥牛，淋汁汁，食得！之後仲可以加菜加丸落去打邊爐添，個汁汁係佢哋獨家調配，甜甜地，唔會話太鹹，好正之後都叫咗啲炸物，一品料理，壽司等等，每樣都好高質，好滿足好飽呢家每人訂座仲有野送，可以揀海膽，蠔，蟹腳或者心太軟雪糕我就揀咗心太軟雪糕，即叫即焗，流心之餘唔會太甜太漏，配上雪糕好正

首間長時間放題12:00-18:00/4:30-11:00🤩佢地店員服務好仲好有禮貌👍🏻👍🏻極上帝王水產放題多仲好好味😋最喜歡係有燒肉同火鍋兩食🤭仲係壽喜燒湯底🤤話明水產當然有刺身同海鮮食啦😚全部都非常新鮮👍🏻每位客人可選擇特定既美食😚生蠔，海膽，松葉蟹刺身，松葉蟹膏蓋燒Movenpick ×比利時朱古力心太軟😍呢幾款係最吸引😍 刺身拼盤都有好多款選擇，食落好鮮甜仲好肥美下添👍🏻好鮮甜，三文魚好肥美😋我最鍾意食甜蝦又甜又多膏🤤海膽刺身非常新鮮香濃鮮甜🤤晚市仲有得任食海膽同生蠔添呀😍下次一定要黎食晚市🤪兩食😋佢地既牛都唔錯可以燒黎食或者壽喜燒湯食😚一牛兩食😆燒牛佢地用牛油🧈煎好香好好味😋湯食都好濃牛味好多汁好正🤤兩種食法你都咪話唔正呀喂🤪佢地壽喜燒湯底都好濃郁👍🏻食下食下我都唔知食左幾多碟🤭最好係有蔬菜可以放湯一齊食添😋減下肥膩感😆炸物都唔錯👍🏻全部都係即刻炸👍🏻咬落熱辣辣好脆口👍🏻鐵板鮮蝦滑好新鮮好彈牙😋爐端燒每樣食物都唔錯😋仲燒得剛剛好😚羊肉串同蝦我食左好多🤭佢地既燒菠蘿加埋燒焦糖超甜，本身已經好甜，加埋焦糖超好食🤤飲品區淨係飲品款式都好多款👍🏻好喜歡飲呢罐青檸梳打🤪少糖又好飲👍🏻甜

位置極度方便就喺旺角兆萬中心9樓重點！呢間係一間性價比非常高嘅放題👍🏻👍🏻😎價錢唔貴，但係食物質素好好👍🏻💕食物夠熱🔥店員有禮💕飲品甜品款式夠多😋海膽質素非常好（用韓國或加拿大海膽）👍🏻而家平日仲有加長時段😱可以由12:00食到6:00～4:30到11:00😱😎二百幾蚊就可以食到😎真係要推介‼️一嚟到一盤大刺身，非常新鮮，海膽同生蠔好吸睛😍甜蝦、三文魚、馬刀貝、泰式蝦刺身⋯⋯🐟🦐🦀🦪佢哋嘅爐端燒物、炸物⋯都非常出色🔥😎我哋叫左燒蝦、孜然燒羊串、七味三文魚骨腩⋯⋯‼️重點推介佢哋嘅焦糖燒菠蘿🍍同埋鐵板燒鮮蝦滑🦐真係好味到暈🔆‼️再重點推介😂佢哋嘅日式和牛壽喜燒鍋🍲即時喺現場用牛油燒完啲和牛，非常香，有牛味再加入壽喜燒嘅湯汁😋真係一鍋兩食😆😆讚！仲有佢哋有好多款飲品，雪條（而家好多人搵嘅韓國雪條佢哋都有好多款）👍🏻如果提早訂座，佢哋仲會有小食一份送～💕例如海膽、生蠔、松葉蟹膏蓋、醬燒牛油大元貝⋯⋯⋯由於我哋掛住食壽喜燒牛肉，忘記咗食馬卡龍，所以下次一定要約朋友上去再食過🤣🤣😎

話說好姊妹失戀🆘我用最老土嘅方法「化悲化為食量」去氹佢開心！💪🏻海鮮刺身款式繁多件件新鮮，而且炸物熟食豐富款款即叫即整熱辣辣好味。除咗有機燒仲有壽喜燒應有盡有，啤酒仲要任飲，係度喪食將內心所有空洞暫時填滿，再讓時間把美好回憶沖淡。🙏🏻Gals talk 期間暖男侍應貼心適時「啲野啱唔啱食呀？」「有無野食未齊？」「要唔要再啲野食呀？」等等，面帶笑容語氣溫柔，重點：顏值唔錯！如果全部真空著晒圍裙....🫣可能連失戀都可以遺忘😤