極上千島櫻海景放題 (已結業)

海之戀商場3樓極上千島櫻海景放題主打的當然是日式放題，裝修風格以日式和風為主，室內空間都算大， 勝在有荃灣大海景的VIEW。加上可以帶寵物一起來嬉戲 ，也是寵物友善餐廳，都OK既。除此外，如果訂座也可以要求揀和風房間，配上古風的城堡，比較欣賞是以偽榻榻米為場景， 可以直接坐凳仔，當然就不用跪一晚啦。QR餐廳又快又方便，食物種類好多，有熱食、刺身、壽司、串燒、一品料理、自助區更有冷盤海鮮、沙律、日式小食、生果、麵豉湯、甜品、雪糕、炸物及飲品。如果4人以上一起落單， 廚師會將食物一併整理得相當美觀， 壽司放到如畫般美， 尤其是刺身船，使用乾冰令到更顯仙氣十足 非常岩晒拍影片來打卡唷~三文魚油甘魚希靈魚帶子吞拿魚赤蝦虎蝦甜蝦帶子赤貝象拔蚌八爪魚螺肉海膽龍蝦都可以任叫， 所有各式天婦羅，炸乜都有， 鵝肝壽司帶子壽司甜蝦蔥拖羅壽司醬燒牛肉壽司黑松露玻璃蝦壽司柚子油甘魚壽司各式火炙系列壽司， 料理最推介花膠、羊架、土匪雞翼、仲有椰汁燕窩 飲品更提供清酒呢，梅酒，酒類飲品呢。

我係4.15Pm黎到呢間餐廳，本身因為限聚令所以6.00Pm之後就唔可以堂食唔知係咪呢個原因 啲服務員黑口黑面 話係話放題 上個野食要隔半粒中先上 一共食120分鐘 等野食等100分鐘啦師兄有冇搞錯了 真心好嬲，自助區啲嘢冇左又唔補返 乜都冇得食，本身見Ig見呢度唔錯 冇唸過態度咁差！大家唔好過黎拉 啲員工好似見到我地見瘟神咁 黑口黑面真心唔知係咪做生意 好心你啲開門做生意都唔好咁啦認真 我都係想食個飯姐 使唔使咁啊大佬 體驗真心唔好

本身開頭去到，見佢電子落單之後不消5分鐘便把食物端來，感覺服務不錯。不過，食品款式的確不算多，除了上面這張宣傳海報的食品之外好像都沒太多其他食物有各款汽水以及梅酒等等，好像就是沒有啤酒，出邊當然還有螺肉、中華沙律等等，比較特別的就是有種叫做麻辣牛脷，雖然不算太辣，味道都不錯啊，夠爽口，有這種小食挺為開胃的。刺身其實挺不錯，不過家人經常都自行少量少量的點餐，不肯一次過集合多人的訂單一次過遞交，因此，刺身的排場沒有那麼大，只將三兩片的放在小小的容器，有少許失色。壽司的軍艦亦都算出色，因為很多時候軍艦的紫菜都軟化了，它的紫菜仍然有點兒脆口，吞拿魚茸味道亦都不錯。榴槤炸彈榴槤餡料極為香濃，不是個個能接受；反而比較特別的是有炸鮮奶，這種大量炸鮮奶好像中式的食品，想不到日式放題竟然也有鮮奶，內裏有香濃的鮮奶，質地滑溜。壽喜燒大大鍋，夠熱，牛肉份量都不少，浸得來都不算太老，壽喜燒湯底偏甜，挺為開胃的。此外，室內環境不算擠擁，另外還有大露台可以坐外邊，不過我們進食當日應該是近期最寒冷的一天，因此做外邊吹風很容易冷壞，不過帶着小朋友到外邊觀賞景色，也倒是不錯。不過臨走，俾咗張單你叫你埋單先，之後久久都沒

午餐時間～真心覺得好難食，刺身魚生完全唔得，除了三文魚，海膽叫左三件，其中一件冇料，D海膽少到好似一pat屎，唔食尤至何，一食啲飯變左紫菜怪怪地味，叫侍應啦，佢地態度冷淡，沒有感覺，之後轉食熟野～一黎睇見鰻魚燒到黑哂，羊扒唔似羊扒，有圖有真相，即係胃口無哂，今時今日疫情嚴進仲諗住多些堂食，但係有時真係幫唔落，真心無下次。

今個星期日唸住找個靚海景餐廳一家chill 吓。一入門口被帶位員的態度差劣😤嚇到個心離一離, 食茶餐廳都冇咁差！枱面, 櫈完全沒有清潔乾淨就帶入座，二百幾蚊午市放題係平，但係都唔使差到咁得人驚！搞到我要自己喺度抹枱抹櫈😾食物衛生情況不堪入目,放題自助食品完全沒有蓋好，就算沒有疫情也不能接受，何況現在疫情嚴峻。熟食尚可接受，但刺身類質素低下👎🏻，不新鮮及有怪味！白白浪費了美麗的海景！喺疫情之下明白飲食業難做，但係老闆更加要自己從食物質素及衛生做好啲！

今日同老公第一次去海之戀商場行Donki 之後，見到有間放題餐廳，門口擺設好有日本氣氛，二話不說要去食。 餐廳好大，除咗室內，仲有室外，我哋好慶幸被安排坐喺室外，因為出面可以望住個靚靚海景chill住嘆，一邊食，一邊睇風景，我都係第一次喺室外咁樣食放題。 食放題當然唔少得刺身，有吞拿魚、帆立貝、榮螺、象蛂蚌、鮑片、赤蝦🦐、八爪魚🐙，全部都好新鮮。仲有我最愛嘅芝士醬燒三文魚。 其他都仲有好多選擇，壽司🍣、燒物、炸物🍤、鍋物等都應有盡有。 出面自助吧有啲冷盤，蕃茄仔、中華沙律、泡菜、味付螺肉、青口等。 如果想暖暖哋可以試下佢哋個蟲草雞湯，幾足料，味道好甜。 飲品當然都有好多選擇，大家可以試下個鳳梨烏龍茶，味道唔錯，而最特別莫過於係熱嘅維他奶，冬天飲維他奶最正，我哋仲要坐室外，真係暖入心。 食完晒仲可以食啲甜品，有Appolo 雪米糍、迷你糕點，椰汁鮮奶燕窩，另外憑點餐紙每人可以拎一杯movenpick 雪糕添。

嚟依度食日式放題、已經係第二次、上次系食晚餐、今次改試食lunch、時間可以由十二點食到三點足足三粒鐘、超抵👍可能疫情嘅關係熟食大部分都沒有擺放、只有薯條同埋葡撻😪袛有一款湯係麵豉湯、由於自己不喜歡、所以沒有試到、我哋三個人去當然立即order魚生、生蝦、帶子、鮑魚片啦！熟食就order咗一口牛芝麻雞翼炒雜菜、龍蝦迷你手卷、最好味燴花膠、天婦羅蝦、蕃薯、炸鮮奶/芋圓、可惜沒有羊架！最大的驚喜當服務員拎魚生上枱時竟然係一個魚生船、而魚生船超級壯觀、好新鮮好好食yummy yummy😋😋😋千祈唔好漏咗啲炸物、真係好好食、尤其是個芝麻雞翼👍食埋個movenpick雪糕真係完美的句號🤤

荃灣海之戀又開咗一間放題日式料理餐廳，一日去覺得環境好闊落，而且仲要好光猛，環境令我感到好舒適。 食物方面： 水果類和頭盤小食嘅食物都係自助形式領取，旁邊還有不同嘅醬料以供人製作沙律使用的 放題食品方面，先叫番份刺身食下，就揀左三文魚、帶子、甜蝦和吞拿魚。 仲叫咗天婦羅，串燒，炸物和炒雜菜當然唔少得燒菠蘿，真係串燒界世一。 飲品： 橙汁、水、梅酒、清酒🍶和過10款既飲品供人們任君選擇。 甜品當然唔少得雪糕，呢間放題既雪糕是move pick 的！ 我今次就揀左panna cotta raspberry

2022年第一篇係介紹呢間「極上千島櫻海景放題」嘅日式放題，今日同朋友嚟食，餐廳內闊落，食物種類算多，刺身新鮮肥美😋😋如果夜晚去食仲有夜景睇，超浪漫！加分位：1.座位9/10（有獨立房榻榻米/窗邊位望海/室外位/室內普通位）2.羊架9/103日式壽喜鍋9/104.榴槤炸彈8/105.三文魚刺身9/10（肥美）6.油金魚刺身7/10（肥美，但有筋）7.希靈魚刺身9/108.吞拿魚刺身8/109.花之戀9/1010.鮑魚仔軍艦7/10（夠特別）11.清酒梅酒9/10（任食）扣分位：1.如果MOVENPICK雪糕係任食就好啦，每人限取一盒，大家記得拎飛出去拎MOVENPICK雪糕👉👈星期日中午每人$238+10%中午12點入座，可以任食3小時，我哋個半鐘就停左口！🤣🤣🤣個人口味總評分：8/10（老實講呢個價錢唔洗$300一位食到好味羊架嘅放題，場內日式和風設計仲有分幾個場區，又有清酒梅酒任飲，又有海景望，如果MOVENPICK雪糕任食一定比20分）😂😂😂地址：荃灣大河道100號海之戀商場3樓3013號舖#荃灣美食 #壽司 #放題 #刺身 #吞拿魚 #羊架 #天婦羅 #香港美食 #castel

早幾日已在電話預訂了今天的生日放題，食物沒有驚喜，一般放題質素，酒煮蜆係食咗咁多次放題最唔好食嘅一次，刺身新鮮程度普通，有輕微漏單情況，值得稱讚係地方夠闊落，有青馬大橋日落景色，但埋單時價錢和我電話預約有很大出入，明明訂位時講好會送生日蛋糕不翼而飛，仲同我講今日係紅日冇任何優惠，18字真言在心中，仲要問返我知唔知接聽電話人名，俾佢搞到咩心情都冇晒，最後都叫俾返少少優惠我，我都算唔想再嘈落去，點知又搞錯咗我人數，我親自走出收銀解決，門口負責安排座位姓范同事仲要話返我轉頭，話係我冇睇清楚張單就簽名，即刻火都嚟埋，真係要叫個最大嘅出嚟同我講，好彩經理都係一個明白事理嘅人，聽我講完來龍去脈就做番佢哋自己搞錯個價錢比我，但最終都係欠個蛋糕影相，因為聽電話嗰個人根本冇寫低有人生日需要訂蛋糕。

除夕夜嚟到食放題，價錢比平時貴唔緊要，因為預左，加價係正常，但係食物唔加碼，都應該保持平日水平，但係最好口碑嘅牛舌售罄，都算，但鮑魚仔本來已經細隻，仲要切薄片🤪偶有漏單情況，最離譜係鹽燒雞軟骨串，由坐低落單，到重複3次落單，中間追過1次，到最後last  order再追單，才終於有得食，但食落口，竟然有少少雪藏味。😡 必食推介:馬拉盞抄揶菜 (馬拉盞味夠香濃)紐西蘭香草羊架 (肥瘦適中，剛剛熟，不太韌)帆立貝刺身(夠厚身)三文魚刺身(夠厚身，肥美)北寄貝刺身(新鮮)西京燒比目魚(煎得香脆)榮螺片(爽口) 可以一試:牛油燒翠肉瓜(ok, 多汁)有機鮮菠蘿串(ok, 鮮甜)日式壽喜鍋 (湯過甜)鮑魚仔軍艦 (縮水，只得切片鮑魚仔)瑤柱滑雞粥 (水太多，但味ok) 中伏之選:迷你海膽手卷 (很腥)黃金咖哩炒蟹 (咖哩汁太杰)黃金芝士燒帆立貝 (沙律醬太多)土匪雞翼 (全無土匪味)溫室南瓜天婦羅 (粉漿太厚，南瓜唔甜) 其他食物都係一般放題食物、質素，無驚喜、無特別，如果唔係講環境，其實一般日式放題都係咁上下。

諗住2021最尾一日食餐好少少嘅😅點知嚟到間咁伏嘅放題，完全唔值300一人。除左第一輪嚟得快，之後起碼等半個鐘先有嘢食🥲未試過食放題要等咁耐。格上食完啲垃圾碗碟又無人收，搞到成張枱都係嘢。啲刺身都還好中等水平，但件數完全唔係我地點嗰啲，點2件嚟5件，完全錯晒亂咁嚟😅食物質素都好普通，完全無surprise。總之唔明點解呢間嘢可以喺海之戀生存到，唔知幾點會執笠呢😅奉勸大家節日唔好嚟食，完全handle唔到多人嘅situation。原本好好心情比呢間嘢破壞晒😐

D刺身都唔知似D咩 D肉可以系臭味 啲壽司係梅嘅D海膽好似屎咁 叫人點食呀 望到都冇胃口啦落單叫D串燒 羊架可以1粒鐘都未嚟 🙄冇下次 🙏🏻魚又燒到好似炭咁 叫人點食 哎💩

依家放題餐廳真心超高質好味呀！誠意推薦！成間餐廳都超級野可以選擇～ 除咗可以隨手去拎嘅野食仲可以自行點廚房即叫即煮嘅嘢食～我覺得食三轉都食唔晒d款式，建議每樣試小小，試到大愛先至再叫多d! 燒羊架！真心燒到勁香呀！啲羊嘅油脂超好味！砂煲雞粥真心勁勁勁好味！同朋友既大愛！由於太好味我哋叫咗三碗，佢個粥真係煲到勁香滑！完全冇味精！食完唔會口渴！真係一定試！極罕有放題有咁好味既粥！真心想講食完生冷野再食啖粥真係幸福到不得了！放題裏邊有滑滑嘅花膠都真心無諗過煮得咁淋仲要大大件好足料！😍正呀迷你蟹籽手卷！同海膽手卷都好好味，迷你嘅份量唔會令到你好飽之如又可以食到奢華嘅食材！帶子壽司左口魚壽司等類～ 都係唔錯的！花之戀小卷卷的好可愛～ 芒果蝦卷，燒菠蘿都唔錯自助區仲有小葡撻拎～ 個湯真係好好飲！雪糕櫃嘅雪糕糖心糯米糍好好味😝室外環境都唔錯

同朋友去完行街就決定去荃灣食飯啦～ 朋友話要帶我去食高質放題呀～一去到餐廳發現花多眼亂超級吸引！好多款式既唔同食物都可以去拎！飲品除咗汽水可樂等之外仲帶梅酒呀！真係唔多放題有梅酒飲咁抵玩！雪糕貴到超級多雪糕！仲要有好多沙律前菜可以自行選擇！除咗係普通細食沙律之外，仲有中華沙律，泰國沙律等可以拎，熱食有湯有糖水仲有薯仔格格等～真心估唔到咁多嘢可以拎黎食～ 個湯好足料！糖水都唔錯！飲完食完自助區就進入正題開始用QR code 落order啦～ 首先嚟咗個壽喜燒牛肉火鍋暖粒粒既湯暖下胃先！跟住就係自選既刺身拼盤啦～ 超級超級多選擇啊！啲刺身真係好新鮮甜蝦又好味三文魚又正！可愛嘅小卷物有海膽同埋龍蝦沙律～ 炸椰汁球同查手羽雞翼都好好味呀！燒牛舌真心誠意推介！一定一定要試，放題都咁有心燒到咁高質，食完一串立即再叫4串😆炸雞軟骨都唔錯既～ 炸天婦羅真係超好味！！炸粉好薄！好香脆啊！不得不提梅酒！加埋梳打水！正正正！飲得好開心仲有Movenpick 雪糕可以用張QR code 換！係莓味同Mable walnut 呀😍大熱既好味味道！不得不睇個海景真係好靚！對住個海景食放題真係不得了！仲可以坐室外添