椰皇閣餐廳 (已結業)

午餐試試這間,$29一個餐,叫了燒雞肶伴火腿配薯條,及匈牙利牛仔扒配意粉,中湯是節瓜湯,竟然不太咸,仲有兩舊節瓜添,雞肶味道可以,牛仔扒很林,不過最喜歡的,還是它的奶茶,絕對有港式茶餐廳的水準,還是用瓷杯的.是意外的驚喜,綜觀其他炒粉麵飯,價錢和它的服務成正比--不高.值得一提,這裡標榜以禮待人,雖然沒有樓下網民的遭遇,但對於這裡的伙計來說,沒有對我們不禮貌已是以禮對我們了.來這裡食它的平就夠了,千祈不可要求服務,餐紙上的以禮待人纯屬廣告!

我每星期食2至3次,D野食既味道同份量都唔錯,價錢都唔貴,特別係下午茶.不過侍應態度真係唔好,好睇心情,有一兩個阿姐經常好大聲講粗口.多人既時候確實要等耐D,不過生意也是確實好.

平時都有到這間餐廳食早,午,晚三餐.一早知呢間嘢D服務員態度差,但今早真是忍無可忍. 話說今早同我個女去呢間嘢食早餐, 先坐下就有侍應走來等寫單, 對了, 是站在你身邊而不是問你要什麼. 這時我還未決定要什麼,所以就跟他說:<轉頭再搵你.>這時她已用十分不滿的眼神啤著你,不過我都算. 好了,當我決定要什麼時,她剛好經過,而我只是說:<唔該寫寫嘢.>但她竟用十分負氣的態度說:<等等喇你.>什麼意思? 不用付錢? 到她走來的時候,依然是沒禮貌地等落單, 這時我便說:<不用, 我又不是走來乞食.>二話不說就走, 出門口時還看到什麼:<以禮侍人>, 真可笑,還說:<一日五餐陪著你.>好難, 誰想一日五餐對著一班像父愁未報兼像殺距全家的人食飯. 如果<椰皇閣>的董事看見這文就應檢討一下, 為什麼可以縱容員工這樣態度對侍客人.. 如果可以服務欄上可以填< 0 >, 我務必填< 0 >

朋友仔知我無飯開一個人食又唔想我辛苦去煮同我行過港灣豪庭後黎左買飯盒好彩仲買到tea set要左蒜蓉雞扒飯跟熱朱古力拎走都唔駛加錢,讚蒜蓉汁加左茄汁一齊煮好開胃雞扒有兩片煎得剛剛好唔韌飯份量好多食唔晒朱古力夠味唔會太稀見堂食炒飯份量激多抵食

以茶餐廳的標準, 這裡的食物也還過得去. 座位也比一般茶餐廳坐得舒適, 還有闊螢幕的電視機. 只是人手實在不夠. 那些阿姐的脾氣也麻麻. 別要催她們來菜, 否則只會換來凌厲的眼神...有次星期日, 想order 個特價下午茶. 個阿叔話星期日d特價下午茶昼布些才有. 好了, 當我點了正價餐後, 轉個頭, 他就取個特價下午茶的餐牌放到桌上. 吹脹.

琴日收工後朋友仔話肚餓陪我食個早飯佢就當食tea近近地o係屋企附近搵野食見呢度有下午茶至六點三仲有沙津,薯條,飯麵等等選擇就黎試下天氣凍我又唔想之後再食晚飯要左漢堡豬柳飯跟熱好立克($18)朋友仔成日無食野又要左蝦醬海鮮炒飯跟熱菜蜜($18)我以為我個漢堡豬柳即係一片漢堡扒加一片豬扒點知原來只係燒汁加兩片漢堡扒十個失望怪自己蠢蠢朋友仔好好咁話要同我對調最後我食既蝦醬海鮮炒飯唔算好油但蝦醬味唔係好夠料都算多當然呢個價錢全部都係急凍海鮮有蜆,魷魚,蟹柳同蛋等等飲品就正常貨色服務都算係咁啦佢落錯單先黎左杯熱咖啡同佢反映番就即時換番俾我又無黑晒面佢d setting同餐牌全部似足以前既椰林閣但以食物水準黎講當然唔及啦只為飽肚都ok既