椰皇閣餐廳 (已結業)

見同學仔食評話雞同牛都好食，另一食評又話飯好食，即管叫呢個下午茶餐試吓。碟飯一嚟見到啲汁嘅顏色，嘩，點解有少少偏橙嘅?雞又細塊!味道方面，飯唔見得特別好食、雞有雪味但淡而無蒜茸味嘅汁又幫唔到手，搞到成個飯都好難食！唯一可取係個熱菜蜜，冇過份加水溝淡，幾好味㗎!

今次回到大角咀, Shopping過後, 見這間餐廳客人比較多, 於是入去醫醫肚. 地方不太擠迫, 但冷氣卻不夠; 侍應們也是典型香港人: 說話, 行動俱快, 也算有禮貌. 下午茶時段剛剛開始, 而我們又未吃午餐, 於是選了些較飽肚的食物. 等了一會食物便送上, 我們先點了西班牙炒飯和鮮茄蓉碎豬扒焗飯.一上枱時, 還以為是送錯了! 這個西班牙炒飯, 怎看也比較像西炒飯! 賣相不像樣, 沒有西班牙炒飯常見的海鮮, 只有雞蛋, 火腿, 香腸, 青豆, 粟米粒, 不正是西炒飯嗎? 叫它做西班牙炒飯, 實在名不符實. 不過, 撇開它的名稱, 其實這碟飯的味道也不差, 飯起碼炒得乾身, 飯粒是粒粒分開的, 沒有"一舊舊", 而且帶著陣陣蕃茄醬的微酸味, 加上港式材料, 吃起來也很開胃的.鮮茄蓉碎豬扒焗飯, 無論看起來和食味都跟某快餐店的一哥豬扒飯很相似. 蕃茄塊和豬扒的數量也不少, 但面層的芝士較少. 可惜, 豬扒雖然不硬, 但肉汁卻較少, 飯粒沒有先炒過, 但混著蕃茄同吃, 味道也是OK的.吃到一半, 發覺好像不大夠, 所以追加了這個焗芝士野菌冬菇意粉. 可是, 侍應漏了單, 要再三催促才送

我班friend好鐘意去呢間到食，今日我就決定佢地去食下啦。1）食物:食物選擇多質素ok啦，雞飯同牛排味道挺好，分量足，價錢唔算太貴。好適合學生去食，而且送湯飲整體而言食物質素不錯，（海鮮除外）2）服務質素：非常非常非常差。我明白中午學生放lunch，會好忙。但係我地座低都要睇下先知食咩ga，一味催叫我地點野。我明明係叫薯菜，上離俾左飯我;,仲話落左單唔可以換。明明你錯，仲要理直氣壯？我個friend叫佢俾我刀，叫左成6分鐘！如果改善一下會好些。整體來說，還是可以。一個月lunch去食一兩次冇咩問題，但成日去就....（你可以忍受其服務質素）

到紅磡交收完畢，買了心頭好，為了避開地鐵原站出入會被罰十元，唯有由南昌站出，再步行遠一點回來。吃的時候已經是差不多三時，但看看內裡還是有很多顧客。因為肚餓關係，一心要選一個較飽肚的焗飯。在焗飯款式裡選了最經典的茄汁豬扒飯。下午茶款式由西多士到餐蛋麵到炒粉麵到焗飯焗意粉...........都係同一個牌度.好似尋寶咁自己慢慢揀！花多眼亂鋪仔細細都幾先進，電腦打單凍飲加3元，但都幾大杯，比一般茶餐廳的凍飲杯高一個SIZE左右。茄汁豬扒飯的豬扒是預先切好的，幾細心，而且肉味頗濃。茄汁焗到微乾，而且有芝士墊底關係，混和茄汁後好像有點意大利飯的味道。飯最值得一讚，竟然全熟得來還幾有飯香。最可惜係原來下午茶的焗飯是迷你版，份量不太夠。服務都算不錯，出餐也頗快。衛生就一般，沒有見到特別不濟的情況。

今次係第一次來食,但感覺不太好...首先我睇唔出咩叫日式,都只是用上蟹枊...第二,海鮮都冇隻蝦,有的是青口,和厚粉的小魚枊第三,我不覺得河粉係冇炒過,食落好似只係用水浸泡過第四,唔明白叉燒同肉片係主角,其他海鮮很小除左食物外,服務同環境都可以ge,坐得幾舒服...但,我不會想再來食了...

呢間餐廳可以算係我既飯堂,水準屬於中上,款式多價錢合理,味道一定唔夠幾條街以外既金家樂架啦,但用唻醫肚OK架.首推焗飯,其次煲仔小菜! 我老婆鍾意食吉列豬扒薯條.服務好好,好有返屋企個感覺,我每次都要飲佢d例湯架!

這天來到「港灣豪庭」，已是下午茶時間，見有點肚餓，打算隨便找一間茶餐廳醫肚，發現這茶餐廳門外的宣傳牌中的下午茶餐中竟然多達33款，結果便被吸引進來幫襯了。雖然這間茶餐廳以「椰皇閣」為名，但與大眾化連鎖西餐廳「椰林閣」應該沒有關係，看它的門面、裝修、陳設、價錢，相信應該只是服務區內街坊與港灣豪庭的住客為主。叫了兩個下午茶餐，一個是「奶油多」加「熱朱古力」，一個則是「鹵水雞髀」加特飲「果粒藍莓果汁」。1）「奶油多」：這奶油多的煉奶與牛油下得不夠多，多士也烘得不夠香脆，水準只是平平而已。2）「熱朱古力」：這熱朱古力倒不錯，朱古力味足夠，即使不下糖，也可喝到香甜的朱古力味。3）「鹵水雞髀」：這鹵水雞髀算是合格啦，鹵水味雖不太濃，都還可以，雞髀不是太大隻，都算ok啦！4）「果粒藍莓果汁」：這杯飲品最搞笑，原來「果粒」是這台灣出品果汁的品牌名稱一部分，全名是「正品庄果粒」健康特飲，要是不看清楚，真的很客易會誤導人以為它真是有粒粒果肉的果汁呢！至於味道，這特飲的味道是偏甜的，酸味不重，有點像利賓納，不過都叫做幾解喝啦！埋單$35，都算是街坊合理價吧！

腳仔累, 港灣豪庭一帶又好dry, 難得有得坐下卡位抖抖, 旨在飲杯野睇下書, 但電視太大聲了。雞脾+熱華田, 才$15, 想點? 其實雞脾都算大隻, 味道OK, 但我仍飽不想食住, 於是take away. Just drink, get some warm water & rest. Fine!

我本來好久都冇去食嘢.點嗰日我朋友話嚟揾我食嘢我話好啦！去椰林閣食啦點知佢就去咗 椰皇閣算啦佢都坐低咗囉.我朋友叫咗個咖喱魚柳飯凍奶茶$35(咖喱好香唔係好辣呢個價錢已包飲品低)我就叫咗個焗猪扒飯熱奶茶$35(個汁ok唔差有件半豬扒好大件)畀我想像中好唔使加一

突然想去這個未去過的新場「港灣豪庭商場」逛逛。發覺商場並不是很大，食肆選擇也不算多。行了幾間就選擇了這間店名酷似「椰林閣餐廳」的「椰皇閣餐廳」進午膳。本來我都知道兩者是不可比較的。雖說店名相近，而店內粉飾亦有幾分相似，但此「椰皇閣」確是只合符茶餐廳的水準，而絕對不是「椰林閣」的那種西餐廳格局。點了個29元的週末精選午餐，照燒雞扒伴廚師腸 配飯 跟燒汁、羅宋湯 及 凍檸茶(加2元)，確實齊全的一個餐，但整體都是麻麻地。碟飯賣相很快餐feel，燒汁像淡味茄汁，所謂廚師腸是普通凍肉腸仔，羅宋湯似加入味粉，只有杯凍飲OK…感覺上只是一般茶餐廳貨色。餐紙上的「以禮待人」是謊話吧！有位亞姐大聲的自言自語講粗口，埋怨工作做不來，像是向週圍的食客吐苦水。我都明白打份工辛苦，但光臨食店鮮有遇到如此工作態度差勁的服務員，尤其是在一個新商場內。此外又聽見有人不耐煩地訓示另一人有關「落單」的問題，需要向我查詢再作實，可能是新員工訓練不足。惟餐廳環境和衞生方面尚可令人滿意，為整體評分掙回一些分數。如時間適合，趁早霸到好位(卡位)，來這裡純粹醫肚還可以，不能太計較食物質素和服務了。依然是那一句話：一分錢、一分貨。

卡通豬扒 失望爆棚尼呢度食野....叫左個午餐....燒汁豬扒飯...有紅湯...有野飲....紅湯淡如水.....冇聞冇味....想點?豬扒又薄又un....成間野黑蚊蚊....想扮有格調?定係想慳番d電費?但係咁的野食質素....就係格格不入law.... d 侍應又叫極都唔應....唔得....

五香肉丁雞翼米線($22)--雞翼很大隻,五香肉丁只有幾粒,米線又少喎!海南咖喱焗海鮮飯($25)--咖喱味很香,海鮮料亦很足,算是一個不錯的咖喱焗飯.

豉椒肉片飯--豉椒很夠味,肉片也很淋.豬扒炒公仔麵--本來是叫叉燒炒公仔麵,不過嚟錯咗,可惜公仔麵炒到不倫不類,可幸豬扒還可以,煎得很香.不過連埋熱飲都唔駛$30.無謂要求咁多啦!

今次外賣叫咗干炒牛河,牛肉還可以,但河粉的味道就很淡,有啲失望.

買咗個焗豬扒飯,連飲品$32,佢塊豬扒好大塊,同個盒一樣大,還有一塊細嘅,入面還有幾舊菠蘿同蕃茄,唔錯,又多汁,幾好味.