椰汁大王 (已結業)

經過廟街好多次都見到佢大排長龍，但係由始至終都係阿叔一個人做哂! 勁!佢打正旗號係賣新鮮椰汁，我地叫左椰汁+蘆薈爽&椰汁啫喱，成榨汁過程你都可以好清楚咁睇到︰攞d椰肉落攪拌機攪下，再倒番出黎隔渣，再倒番落攪拌機加奶，完成! 飲落奶味很重，但係都有香濃既椰味，唔係好似某d果汁店既椰汁淡而無味。一間咁細既椰汁店，都有兩張枱俾客人坐低飲，可惜阿叔一份鐘都冇得停，垃圾滿哂都冇時間倒，要勞煩隔離既涼茶姐姐幫下手! 相對椰汁店，涼茶舖搵多個客都冇，真係同街唔同命!

椰汁大王 吹水大王佢成日都排晒長龍的見好似好吸引咁...就排下隊...買下野飲我去果間係深水步的新分店平心而論...佢係幾香的同平時果d 果汁店買到的椰汁唔同人地果d 好明顯係飲一堆糖漿糖水同埋奶味的但係呢度就好唔同佢真係溝左好多椰肉同椰汁....香係香d gei不過......排成三個字隊...仲要十幾蚊....值唔值就真係見人見智喇成間野最衰係個呀叔...係咁吹水...你會覺得好煩擾的

最近喺旺角見識完椰汁大王後, 師傅就對佢有少少念念不忘, 原本喺呢區又有一間一模一樣, 唔知係咪同一集團或老闆呢? 咁啱師傅路經此地, 好奇心嘅驅使下, 決定黎呢度試一試!行到埋去發覺同旺角店真係冇咩分別, 而價錢都係一樣, 應該係同一集團或老闆! 由於都比較夜, 所以唔多覺有人排隊, 於是師傅行埋去就要左一杯細椰汁! 只見佢即叫即整, 即刻將d椰汁再加冰, 放入攪拌器度攪, 幾秒後就倒入隻杯度比師傅! 椰汁幾凍幾濃, 不過唔算香, 而今次都唔算滑口, 加上d冰又攪唔溶, 好多泡同冰碎喺隻杯度, 亦即係杯椰汁得細杯嘅七成到, 感覺冇咁好, 一般! 總括黎講椰汁嘅質素比旺角店差d, 唔知係夜定係人流少嘅關係呢? 服務態度都尚好, 價錢十蚊一杯細嘅, 都抵飲! 師傅覺得做人都幾矛盾, 多人就怕排隊, 冇人排又好似整得冇咁好味, 莫非要好味就一定要排隊? 下次仲會唔會黎, 師傅會睇下人流而決定, 如果冇咩人嘅話, 都係少喝為妙!

在斜對面吃了麻辣魚旦，要快快找點東西去解辣，一個箭步，來了這裡。不要看是廟街街頭，也有幾張椅及檯給客人坐低慢慢飲的，座落其中，看著經過的各式人等，幾有趣。椰汁大杯13蚊，細杯的便宜兩蚊，當然來杯大的，還要打孖上。椰汁夠凍，但不會如土瓜灣某椰汁名店般是結滿碎冰的。椰汁幾濃郁，但略不夠香。市面上的所謂鮮榨椰汁，大都要加冰加糖加花奶，這裡也不例外，而成品也幾美味。最好的是，兩杯到肚，麻辣味覺盡清。下次在那邊吃了麻辣東西，也要走過來這邊喝兩杯椰汁。是我的「白加士街combo」。

一次同朋友經過廟街，見到椰汁大王，我地即時叫了兩杯椰汁，大約8-10蚊，我地都覺得好好飲，好飲個大陸椰xx牌的椰汁，佢間舗用新鮮椰子製，已經好難搵到了.