椰林越南小館 (已結業)

尋晚一行六人, 原本諗住喺厚福街舊店幫襯, 但冇位, 俾阿姐帶咗去"隔離街"新店坐低.(即係寶勒巷, 其實隔咗幾條街有突).打開餐牌, 散叫粉麵廿零, 炒粉麵三十零, 大眾化假錢.一番討論後, 叫咗個六人餐, $428, 有:1. 越式拼盤: 有扎肉, 酸辣鳯爪, 春卷, 有蕎頭味o既香腸, 都幾豐富.2. 蒜茸法包: 三大塊, 好脆, 好香蒜茸味.3. 咖喱雞煲: 咖喱好惹味, 蘸法包都唔夠, order多兩個"靚仔"撈汁, 一流.4. 黑椒牛肉粒: 食咗一粒, 想再挾已經俾人挾哂, 但印象中係幾惹味, 牛肉粒爽口唔韌.5. 橙汁斑塊: 一般, 似西檸斑塊多啲, 冇乜人吼, 我食咗幾件.6. 菠蘿炒飯: 都幾多料, 有蝦同魷魚, 好味, 不過個菠蘿挖得好淺, 份量多啲就好.7. 馬拉盏炒通菜: 淨食會咸咗啲, 但送飯又好ok喎.8. 黑糯米/西米露: standard野, 但個人認為黑糯米會好食啲.埋單前用咗八張五蚊coupon(入門口前阿姐送o既, 每滿一百蚊可以用兩張), 除番每人七十五蚊, 可以食到咁多嘢, 坐得都舒服, 叫店員加茶都好快手, 整体嚟講, 大家都幾滿意.

星期日下午入去...一半都唔FULL...有D擔心..環境OK,右有卡位,地方大有電視機!叫左個香矛雞扒湯河,轉冬蔭功湯底+5凍奶茶,勁多奶..好似飲緊奶咁..個湯河就唔錯..湯底夠辣,真係冬蔭功唔用粉開雞扒燶左D..亦無香矛味啦!食物上枱勁快,5分鐘都無就到齊晒喇!

食完甜品搵地方食正餐, 赫然發覺距離下場只有40 分鐘, 見呢間越南餐廳d set dinner 好似幾抵食, 求其撞了入0黎. 被安排了坐0係「入」一點0既位置, 隔0黎有一車未洗的碗碟, 仲有d 冷飯菜汁, 環境好「冷巷」feel, 衛生幾差0下, 都幾倒胃, 唯有快快脆脆order 個春卷凍檬set dinner ($39 有春卷凍檬一碗, 小食一碟及飲品一杯) 快快食完快快走人.先0黎飲品青檸梳打, 其實係Sprite + 自己篤的青檸, 味道可以預計, 無乜特別.小食揀了酸辣(無骨)鳳爪, 食落唔夠酸不過好x 辣(不過我本身唔食得辣, 可能嗜辣的會滿意0卦), 麻麻. 上次0係中環明珠食的好食得多!再0黎春卷凍檬, 春卷有1.5 條(一條開二+ 半條), 0岩0岩炸起所以勁熱又幾油, 不過炸得一般脆, 餡料亦除0左豬肉同粉漿之外食唔到其他0野; 凍檬同其他地方食到的差不多, 配料就比較少, 食味亦一般, 不過不得不提d 炸蒜粒有幾難食, 雖然幾脆, 但食落口無蒜味之餘仲有油溢味, 唯有放棄. 食凍檬亦當然落了大量魚露, 不過呢度的甜又唔係, 酸又唔夠, 味道淡淡的, 麻

Ordered a $198 dinner set with prawns, fried rice, vegetable and assorted starter set for two persons.The prawn is small and not fresh. Below standard.Fried rice and vegetable only so so.Utensils are greasy and with residual water.The most awful thing is there is a notice in Chinese posted outside the ladies' room saying that as there is not much flush water, "大便" is not allowed! I was stunned.Bad experience!

我從來未食過可以如此難食既咖哩!!!D咖哩好似水咁!D青咖哩仲食到D粉><

上班日的中午，間中會到尖少咀的椰林越南小館吃午飯，味道不錯。可是，今天給我看見一件非常嘔心的事。 眼看一個女待應收拾好剩菜後，把人家吃剩的包春卷用的生菜片回收再用，雙手剛碰過吃剩的東西，便一手把生菜片拿起，放進備用的小菜籃中。一回、兩回、三回，都是這樣，非常嘔心。久不久，更有待應一邊抓頭、一邊整理那些回收的生菜片，髒得很!! 雖好吃，但以後不會再去。

每逢星期五都會同班同事LUNCH出去食飯既,寶勒行呢間食過無數次,上個星期五去食,一睇MEUN轉左喎,個餐牌靚左,價錢仲靚添,加左價$36(湯粉麵)之前食開都係$31,2咋嘛,而家個餐牌,$36包晒所有粉麵,平既貴既都放晒一齊,例如一碗牛丸湯河都係$36,仲有我朋友叫左個喇沙食,一料都冇,只得辣油同幾粒蝦毛仔,咁就叫做喇沙? 有冇搞錯...加價唔緊要,都要一分錢一分貨先得家,真係要好好考慮會唔會再去食...

昨日吃lunch, 叫左個午餐(36元), 包雞絲扎肉凍檬, 一碟蒸粉卷及一杯珍多冰. 雞絲扎肉凍檬=d雞肉好入味, 好似海南雞食d雞.蒸粉卷=一般一杯珍多冰-麻麻地不過都幾扺食架la.

剪頭髮前和薑餅人食午飯, 薑餅人帶我來這處一試.叫了兩個午餐.薑餅人要了香茅雞扒凍檬跟小食蒸粉卷.雞扒炸得脆身, 幾惹味, 但香茅味不足, 檬粉幾大碗.蒸粉卷熱辣辣, 幾糯軟, ok的.我要了香茅豬頸肉湯金邊粉, 豬頸肉得幾塊, 比較鞋身不夠爽, 金邊粉也很多, 但成餅粉結在碗底, 未有整散粉團, 湯底淡, 但幸好有炸乾葱絲和魚露點綴下不致太壞, 金邊粉幼幼滑滑.椰汁紅豆冰比較普通, 不是刨冰.

上個星期五同朋友去咗這間餐廳食, 叫咗4樣嘢:-1) 酸辣鳯爪;2) 牛肉撈檬;3) 豉椒炒青口; 及4) 蝦仁豬肉卷.每人一杯特飲. 以上4樣嘢都唔錯, 最緊要坐得舒服, 同埋個價錢都合理。值得推介。

平時好少去寶勒行食野.果日想食越南野,0係OPENRICE度見到呢間, 於時走左去試.個名同厚福街果間好似,聽講係分店.但寶勒行呢間好大好乾淨.我地雨個人,叫左熟牛湯河,扎肉檬.仲有不可不推介0既肉骨荼.好好味.D伙記亦好HELPFUL.

因為公司起附近~所以間唔中都會黎呢度食下lunch個人最愛豬頸肉湯檬,辣鳳爪,呢度d 飲品都唔錯架.椰汁冰同亞答子冰都好飲~~

呢間好似係間新餐廳，環境幾新，椅子係籐造,有大大部plasma電視果度既越南吊燒雞勁好味，７０元半隻餐廳內提供既調味瓶：魚露，都幾正宗，好味道！！(#^_^#)果晚叫左個雞絲札肉凍檬套餐，雞同埋札肉既料都好足～總之呢間野既食物好好味～～～直得一試