植幕宵 (已易手) 新餐廳

三月底我和 boyfriend 看 YouTube 片介紹蝦湯拉麪專門店「植幕宵」以及其老板 Dominic，看完即想一試。三月卅 (週四) 晚決定去試。當晚老板和三名全男班員工共四人，招待我們的侍應生彬彬有禮，令我們感到如在家中一般。我們點了兩碗醬油蝦湯拉麪 (蔥的分量可以自行選擇，我們註明要多蔥)，另加兩隻流心蛋。原本也希望試試鮑魚，可惜當晚鮑魚已經售罄侍應端來蝦湯麪，另加的流心蛋置於麪中一併上枱。蝦湯十足真材實料，蝦味濃郁。用的蔥是近蔥頭的白色部分而不是平常拉麪館使用的綠色部分，更加入了乾紅甜椒 (paprika) 絲，令已經更濃烈的蔥味再添一股香味。另外，湯也加入了少許花椒。本來小弟是最不喜歡正常麻辣的，但那少少的花椒，帶來微微的麻辣感，卻突顯了蝦湯的鮮味這個湯的濃稠度非常高，輕而易舉地掛上麪條。麪條不錯，唯一美中不足的，是分量偏少，而且不設替玉 (追加麪)，可惜。他們也提供刀削麪，但我們沒有試，因此無可置評。兩隻鮮蝦味道鮮美，連頭但去殼，不用自己慢慢剝殼，值得一讚！好物尋歸底，原來我們最後吃的流心蛋，正是最後的驚喜！他們全隻蛋完整奉上 (不少拉麵館把流心蛋切半奉上，這種做法是

知道要排隊同有機會賣曬，和朋友晚上八點幾去搏一搏，去到前面大約有8個等緊，店員出來了解我們幾位後就截單 (真係好好彩🤭)店面的紅色好靚、年輕活力簡約風格，外面放咗d汔水盤同植物都幾有型。等左15分鐘左右，入到去等食物期間同朋友影下相，隨便影出來都好靚揀完麵，先揀下飲品飲住先，店主一定係有品味之人，可樂有粉紅色罐雲呢拿味、Asahi又係未見過嘅全開罐款式，真係又好味d喎！朋友叫咗一支樽裝可樂，飲筒係都好靚嘅紅色。我哋仲見到有日本燒酎，好奇問店員可唔可以睇下，佢打開俾我哋睇，個樽好靚，飲完都拎返屋企😆😆😆到主菜上枱，我哋點咗兩碗特色蠔麵、一碗蝦麵，蝦🦐湯非常鮮甜濃郁、蠔🦪麵好有驚喜，出面未食過咁嘅味道，鮮味得來有少少刺激但又唔辣，配好滑粗麵，大滿足！

🍽 香港篇 🇭🇰 @onenightcamp -位於尖沙咀嘅一間拉麵小店，成間鋪總共只可以坐7個人，所以排咗足足一個鐘先有得食。食物方面，湯底味道食落嘅味道比較似非常濃郁嘅蝦子麵；至於麵，有拉麵同刀削麵，我個人就偏向刀削麵，因為佢個口感比較煙靭彈口，拉麵就相對地比較普通。總括黎講係好食嘅，不過就唔係好worth等一個鐘。-醬油蝦濃湯麵 💰98 🌟3/5追加溏心蛋 💰+15追加鮑魚 💰+30-食物：6.5/10環境：5/10服務：7/10

醬油蝦蛋濃湯拉麵，充滿香氣！面條彈牙有嚼勁，浸泡在濃郁的醬油蝦湯汁中，讓人垂涎欲滴。湯汁口感濃郁，帶有微妙的海鮮味，配上鮮嫩多汁的鮮蝦，讓人回味無窮。加上溫泉蛋，外層蛋白軟嫩，內層蛋黃熟透，滑溜的口感與湯汁相得益彰。最後，撒上蔥花和海苔片，增添了顏色和口感。總之，這碗醬油蝦溫泉蛋濃湯拉麵充滿豐富的口感和層次，十分推薦！

佢開業戈陣去，幾位好有心機既年輕人，好吧我路過就入左去，講真佢油到成間消防局甘真係吾係好想入哈哈我叫左惟一一個選擇，蝦面，一上嚟嚇我一跳，個碗真係大，碗面同啲湯我好辛苦先用一分鐘食完，完全係一個大男人12點放飯時間好難餓住去享受佢細心既烹調，最後我行左去兩送飯，相熟既「戶戶送」姐姐話：甘晏既，我話係阿食第二餐了，姐姐話95蚊碗面你係我度食到嘔都得，雖然率直，但係事實我真心支持你地嫁，面好食湯好飲，又夠濃，如果可以調整一下個好鬼慢既電爐，快手啲，面多少少湯多少少吾會浪費你地好多成本加油支持年輕人，創業吾容易，希望你真心睇到，改善後，你擺個牌係門口話啲面多左我經過見到入嚟幫親哈哈

極濃厚蝦湯拉麵🦐植幕宵🦐朋友係外國番來突然話想食拉麵，即刻嗱嗱臨上網搵下有嗱好介紹，結果就搵到呢間植幕宵🦐成間舖頭都係紅色做主調，一坐低店員即刻介紹番餐牌🦐琴次我簡左醬油蝦濃湯麵 $98🦐另加糖心蛋 （$15）同埋鮑魚 （$30）湯頭極濃厚，可以見到拉麵湯掛晒碗，蝦亦都十分新鮮彈牙，而蝦本身已經去晒蝦殼只係留返蝦頭，啱晒懶人🦐醬油鮑魚好入味，醬汁亦都唔會太過濃，而掩蓋左鮑魚嘅鮮味，食落唔會覺得好un

讚1 湯的確係好有蝦鮮 好食過其他蝦湯拉麵 同埋果隻醃左酒既蝦堅係好味 肉質滑得黎入味 2 店員幾有熱誠 好努力介紹食物3 環境幾有趣 好有露營風彈1 麵的確係偏差 唔鍾意咁既拉麵2 上菜速度係偏慢

之前見有報道過，所以晏晝收工就嚟試吓一入到舖頭，老闆好好即刻比咗杯熱茶我，仲提醒我小心杯茶比較熱，之後我就order咗個蝦湯拉麵同埋一份鮑魚醫肚嘢食好快就嚟咗，個蝦湯好濃，睇得出係熬製咗好耐，唔似有落味精，因為飲完都唔口渴. 另外啲蝦都好大隻同埋新鮮，啲肉唔會鬆散. 個鮑魚就感覺還好冇乜特別. 老闆好細心見我啲湯飲到7788，主動走來問我需唔需要加湯總括嚟講呢一餐係有驚喜值得推介既，我諗我都會keep住嚟呢度開餐，唯一要講嘅唔好就係個麵比較細，女仔食完都唔算太飽

本身想食尖沙咀某間餐廳但摸門釘，誤打誤撞遇到呢間拉麵店，醒起之前有朋友介紹過，諗都無諗就碌入去食🤪.間餐廳行露營風，不過就坐得比較逼，好彩當日計埋我地得兩枱客.餐廳得一款麵賣🍜就係蝦味拉麵，但另外可以揀要刀削麵，同加其他海鮮toppings/蛋🥚🦐我地兩個人就梗係試晒拉麵同刀削麵啦🤗🤗.上碟果陣店員有特別提出因為今次來貨既蝦比較細隻，所以俾左3隻，平時就得2隻架姐🦐🦐d蝦個樣好似無剝殼咁，但其實剝左😆😆食到埋口先至知，剝得好靚呀.個蝦頭d膏甜甜地，蝦肉未算好彈牙但有蝦味，而且仲食到有海鮮既甜味☺️☺️.湯底有好濃郁既蝦味，店員仲話係無味精👍🏻配搭埋櫻花蝦成個口腔好似有好多隻蝦游緊水咁🤣醬油味其實唔係好食得出，因為蝦味實在太濃🥰.麵質方面，兩款麵都好夾個湯底，刀削麵比較掛湯，食落質地比平時食開既軟身，有少少似食緊年糕🍥拉麵就正常，有少少鹼水味，但感覺就和風d😋不過，份量對普通男仔黎講就唔太足夠，女仔就ok既😣但餐廳又無小食可以追加，又無替玉，食完可能要去其他地方醫肚先得

一個人肚餓嘅好地方💪🏽做完運動之後好肚餓，點知行行吓就見到有個紅噹噹嘅舖頭就望一望，原來係我最需要嘅蛋白質，同埋最愛嘅蝦😍本身諗住是但食啲嘢，飲咗第一啖蝦湯，發覺湯味好濃郁，同埋冇任何味精，好啱我哋啲健身人士，最主要係驚食完水腫。之後問一問店員原來佢哋嘅🦐湯底都係每日用新鮮🦐去打爛熬製，咁唔怪得知食落去有啲似西餐嘅龍蝦湯感覺，最後我成碗湯都飲晒😂。揀嘅係刀削麵，啲湯底十分掛麵👍🏻另外都試咗糖心蛋，佢嘅糖心蛋味道係比出面多咗醬油嘅濃香👍🏻如果下次做完運動，經過都會再帶埋啲朋友仔過嚟試一試，希望佢哋嚟緊會有多啲肉類小食嘅選擇

見佢係新開，又見d評論話好食，所以早幾日就同朋友去咗食呢間蝦湯拉麵。當日係平日8:00pm 左右。入到去一眼望晒，大約得十個坐位，坐得好逼。基本上一踏入門口就係坐位，所以就算佢有開冷氣，d冷氣都走晒，有d熱。🥵🥵🥵Menu 無乜選擇，基本上係得蝦湯一款，再揀要拉麵定刀削麵。我同朋友一人要一款諗住試試佢。另外仲叫咗個海螺。先嚟個刀削麵，份量少到嚇親。唔知佢係咪就收工所以份量咁細，但我係女仔都覺得唔夠食。成碗除咗麵就係得兩隻蝦同少少蔥花，蝦亦唔係大隻，蝦肉鬆散唔彈牙，但叫做有蝦味啦。🦐蝦湯係好味，飲完唔口乾。但刀削麵太厚身，唔入味，而且太厚要咬好耐，本人覺得麻麻地。正想同朋友交換食，點知佢個拉麵仲難食，勁重鹼水味，我等一次食拉麵食到咁重鹼水味，搞到連個蝦湯都好難飲。到個海螺，有十二三隻左右，凍食，但無乜味，再望返menu 先知係應該係醬油味❓❓❓真係食唔出。講到服務，都係一般，由入門口到坐低到叫嘢食，個員工都無出過一句聲，只係默默放低落單紙，再默默收起落單紙。另外就係呢度係無水提供，好似要你一定要俾錢叫嘢飲咁。而且飲品選擇都只係得汽水同啤酒，對於唔飲汽水同啤酒嘅人嚟講就真係無選擇。😔仲有，

醬油蝦濃湯麵-刀削麵$98好味指數：9/10醬油蝦濃湯麵-拉麵-糖心蛋 (+$15)$98好味指數：8.5/10見到呢間新開嘅拉麵店🍜裝修得幾靚，今日專登過嚟試吓。湯底本身好濃🦐蝦味，入邊仲有啲蔥花🧅紫洋蔥，以及大量櫻花蝦，而且唔算好稀，亦唔會好油膩。面底刀削麵會比較煙韌😬彈牙，而且配呢個蝦味湯底意外地夾，仲好掛湯，反而拉麵質感偏硬咗少少🤏🏽。另外糖心蛋🥚亦都做得好好，煙熏味道重，非常流心。蝦嘅份量有兩隻，幾新鮮，而且好彈牙，仲食得到蝦係用🌶️辣椒醃製過，有淡淡嘅辣味，非常開胃，而且有一個貼心位，係啲蝦全部都剝晒殼，令客人食得更方便。小店位置雖然唔係大街大巷，但食得出廚師用心製作，所以真係好值得顧客專誠嚟拜訪。

同老公好熱愛蝦湯拉麵，今日又掉低bb we time搵食，去左尖東搵好野食。飲品除左樽裝可樂汽水，仲有酒類飲品，裝水的器皿也很特別有心。💕湯底很香濃，櫻花蝦香，鮮甜少味精💞蝦十分彈牙，有特別調味，食出好似有少少玫瑰露💕蔥同紅花點綴增加層次，帶出鮮味💞面質可以加以進步，有輕微拉麵的鹼水味店鋪雖少，但紅色很搶眼，店家也熱情好客，很有人情味，價值合理，兩人埋單才200頭，樂像沒有收服務費，值得一試。

比外面嘅裝修吸引到入去食，第一次食，湯底有非常濃郁的醬油味道。蝦好新鮮，蝦頭咬落去仲有蝦膏。湯底可以試下飲埋佢，因為零味精。 如果較肚餓，可以試吓食刀削麵。麵質厚身，今次因為仲係試業，靚仔老闆話送多隻半生熟太陽蛋比我食。食材新鮮，叫咗個小吃-酒浸鮑魚，肉質非常新鮮。老闆招呼一流，下次佢話要試吓大螺肉，因為每日訂嘅份量有限，今日下午已經全部賣晒了。會介紹朋友再去食。聽老闆講佢地係小店經營，佢一早會去街市揀材料，所以要去嘅話最好早啲去食就重有得揀。

湯味濃郁，因為無味精，唔會飲完口渴蝦新鮮，拉麵🍜口感適中，鮑魚彈牙惹味，店內播住悠悠的音樂，環境舒適，自己黎食或同朋友聚會都岩！老闆服務態度很好，下次會再帶朋友去食