影片
以上資料只供參考, 請與餐廳確認詳情
-
網上訂座即將推出
相關文章
好耐冇特登食宵夜，始終唔後生，要養生。今晚要少少肚餓，揸車經過長沙灣見到當嘢好似幾有氣氛！我喺門口望下望下，老闆娘已經走出嚟介紹我食沙爹牛腩撈麵，仲問我飲乜嘢，當時我都未決定坐低！見咁有誠意又咁熱情即管坐低試試去。呢碗沙嗲牛腩撈麵真係正到痹！牛腩炆到軟腍入味，叉起會痴住少少沙嗲醬，濃香帶少少辣勁。麵條彈牙掛汁，每啖都有沙嗲嘅花生香同牛腩嘅肉甜，最後撈埋底層嘅蔥花，鮮味再升一級，食完個口仲留住個香！飲埋杯凍檸茶走甜一流！下次想食宵夜一定會再來。
繼續閱讀
森記的墨魚丸河是我必吃之選。先喝一口湯，感覺湯底很清甜；之後再嘗一口河粉，煮得剛好，不會太軟；最後吃墨魚丸，第一口覺得墨魚丸沒甚麼特別，再吃幾口才發現好新鮮，而且藏在丸中的墨魚粒又彈牙，不會黏牙又不是粉粉的，非常好吃。所以我常會光顧森記，值得推薦。
繼續閱讀
呢間係我同老公平時既宵夜食堂。最鐘意食呢間既牛腩河。呢度既崩沙腩河真係好正。不過今日河粉賣哂，轉咗食粗面，都唔錯。佢個套餐好抵食。牛腩+面+菜+凍飲 只係56蚊。性價比真係超高。今日唔係好餓，無食佢既脆炸蜜糖雞翼，但平時有食開，有蒜味，炸到又香又脆，宵夜食真係好邪惡，但係都唔忍唔住叫嚟食。今日見到佢咁夜都有羊腩煲同雞煲賣，價錢唔貴，係一個人食既套餐，下次會嚟試下。仲有見到好多的士哥哥嚟呢度食宵夜添。
繼續閱讀
話羊腩煲好出名，竟然話全晚每一個客都食，吹水吹到離曬譜最過份係我哋嗌個雲吞麵（$34）同牛腩麵再加一杯熱奶茶（$6），她就同我講話送豬紅，結果冇嚟到嘢飲，到找數時竟然向我收豬紅的錢（$15）坦白港我係完全唔想食佢碟豬紅，不過見佢送咁就多謝佢同埋食埋，跟住我問佢乜嘢意思叫做「送」原來係雲吞麵再加16蚊是一個套餐（$50），裏面有麵有嘢飲（$6）同有豬紅（$15）加埋碗面（$34），黎齊咪叫做平$5囉。咁即係唔係送啦，而係要加十蚊黎換豬紅啦，佢仲要態度勁差咁同我講話即刻沖返杯嘢飲畀我我話我都趕住走啦唔飲喇，而家係你間餐廳唔記得畀嘢我飲，又話送豬紅結果又收我15蚊，一定唔會有下次囉，絕對係欺騙！
繼續閱讀
作為長沙灣的街坊，已經幫襯過很多次這裏的沙嗲牛腩飯，水準平穩，而每次這個餐都會附送一碗紫菜湯。今日再去幫襯，有個紮馬尾嘅中年女人，應該係員工，態度非常惡劣😡。我問佢：個餐係咪跟湯？佢答我：冇，改咗餐牌幾個月啦，仲指埋俾我睇。我同佢講：我上星期先幫襯完，一向都有湯跟喎😦。佢仲話：我都係跟老闆指示做嘢。我話：冇理由喎，一向幫襯開都有😯。跟住佢悔悔氣氣叫廚房俾一碗湯我，仲話俾多兩啖佢啦。嘩，串過碼頭咕喱！🤬🤬🤬好老實講，我都係欣賞你碗紫菜湯啫，唔俾咪唔俾囉，唔使咁串嘅，想趕客都唔使咁呀嘛。咁嘅態度，真係搞到我唔係好想再幫襯。🙂↕️🙂↕️
繼續閱讀
您可能會有興趣的...