森記廚房 (已結業)

早餐常餐30蚊(凍飲加2蚊)難得30蚊可以食得飽既早餐份量都好多架，碗面夠曬大碗，男人都食得飽其實森記的食物真係出名大件。。。試過下午的快餐，2個人食一個都飽白飯的份量好多，所以覺得會食唔曬就記得少飯啦。凍檸茶的茶底不錯，米線都煮得軟熟(最怕硬米線)，炒蛋不算多油。不過，森記的奶茶就一般般，不算特別好飲，屬正常。(哈，圖中的沙爹牛肉係來自男朋友的。)早餐去到11點半都有，啱曬成日遲起身既人。11點半後就只有常餐供應，炒蛋會轉為庵列，但係也會變成40蚊，所以大家都係早啲起身好

服務差,店員老是傾計,出餐例錯派。茄汁焗飯,沒茄汁味,是橙色的豉油汁。老闆不管理伙記,對客人同樣没禮貌。親眼見過,伙記亂放下焗飯,食客用含在口的牙簽去撩開醬汁,查看塊扒有無比錯,卒之真係錯,伙記拎走再派枱。真係恐怖,永不會再去。

最近先搬來粉嶺，平時經過呢一間餐廳中午時間同晚餐時間都一直非常多人，今日早左落去諗住隨便食餐晚飯，發覺呢道竟然冇人！就走入去叫咗個「咖喱雞扒飯」$62，如果你要叫嘢飲同餐湯要另外加＄10 。一上枱就發現份量大大份，雞扒足足有兩大塊，大男人都一定食得飽，薯仔先炸過，雞扒亦煎香左，煎香完嘅雞扒仲好滑嫩，果然係好有心機嘅餐廳，成個飯唯一美中不足嘅地方就係咖喱汁本身唔夠香，無咩味好普通可惜在於個汁唔好食，所以對於我來講性價比唔夠高，所以下次就未必再食咖哩

這間店真的要給喊面.店內的例湯卻是隨機派,坐我對面的男士有例湯卻我沒有.店內職員做事很馬虎,入單時把類桌的單撈亂,收到單時卻愕然竟是鄰桌.然而坐位也最職員挑選(外面也有空位,而我進店時已兩時許,應也不是正值繁忙時間),意粉也煮得太冧了,蜆肉還有沙及腥,芝士汁也是普通的忌廉湯,也不是芝士汁.整間店的管理差得要給喊面.雖然老闆也公告他的店只是平民店不應那麽苛刻,但也不應代表服務可以馬虎了事的嗎?同様的價銭附近的戶江軒或銀河給他好很多.要不是鄰區的華明正值裝修,相信也不會光顧此店.

其實粉嶺區真係無乜好野食，呢間我覺得唔錯，所以好多時都會黎食，但今次真係要放上網比大家睇睇。呢個無下午茶黎，芝士焗肉醬意粉，個肉醬食到燶味多過肉醬味，仲要脆卜卜，點食？

因為平日關係而時間尚早, 所以唔需要排隊。之前已經食過好多次, 都有叫水煮牛肉。因為佢可以帶比你想要既"麻辣"感覺!!! 咖哩雞排飯都好好食, 好大碟,其他餐廳可以得1塊半, 呢度有成2塊以上, 而且入晒味, 好香好好食!西蘭花炒斑片都正, 不過魚肉略少, 每人都可以得2塊左右,而且薄到0.5cm, 切片果位肯定係高手~ anyway, 係好味, 不過不失!

阿叔話花都開了一間森記，所以叫我們母女二人陪他試試。叔叔叫了一個北菇滑雞飯，而我叫了一個火腿奄列配米線。北菇滑雞飯－不錯，ｄ雞好好味，好滑，但由於叔叔因為痛風的關係，不吃北菇，所以我把所有北菇吃了！火腿奄列配米線－不錯，蛋好好味呀！但喊臉主要是給服務態度！首先，我們叫的是北菇滑雞飯，但落單後侍應竟來的是牛脯飯，叔叔和我都發火（叔叔有痛風不能吃牛的），，因為入了電腦都拿錯給客，過份！之後，我媽媽給錢時，侍應們又顧著談話，結果找錯錢給媽媽，令我媽媽大感不滿！所以，列入黑名單，永不錄用！