森美餐廳

營業中

休息中

3點幾見門口寫住有tea set美式熱狗,之後入去, 一個客都冇, 叫個行街, 唔要野飲,個女人好串咁講, "要唔要都係咁多錢ga jer wor",我都冇叫佢平比我, 咁我就叫多杯熱華田,另外個男人再加多句, "你行街呀? 咁又唔同價啦wor, 個杯要加$2"我真係好憎佢地gei attitude! 個杯相鑽ga咩, $2... 你話凍飲都話呀...呢d都算了, 之後又另外一個比較好禮拜既男人比袋外賣呀...............個portion係for一個小朋友咁..........個杯係老麥細橙汁咁上下大, 連個熱狗都令人驚訝...係嘉頓熱狗包o既2/3咁大, 細過我手掌, 仲要用自家紙巾包住only, actually, 係會痴住個包ga張紙巾...條腸係普通雞肉腸再細小小tim!味道十分之普通, 好彩有半點良心加片細菜同蕃茄,但我相信呢間所謂gei西餐廳並唔知咩叫<美式>熱狗lor...食又平又正既熱狗一定非益群莫屬, 人地收你$10, 個size係呢度一陪有多, 仲要係珍寶腸, 呢度收$17, 態度又差又唔係好食, 一世都唔會黎!

同男朋友去食...set dinner...埋單兩個人夾埋$120都唔駛, 加埋一ga la有湯有烘麵包有小食(兩隻XO醬青口+ 一個焗蟹蓋) 有正餐(牛扒飯+ 吉列炸蝦石斑魚塊意粉)有餐飲又甜品個小食同正餐真係好好食呀

聖誕節的食評到而家先出.門口細細..出面有一隻好大好紅牛光管,幾易搵.D SET 唔抵食,所以散叫.先黎一個焗田螺,D 田螺唔同一般食到D 味,好濃.另外叫左羊仔BB 扒同森美牛扒.BB扒是侍應介紹,果然好掂,好嫩,我同男朋友都可以食得好SO,所以0岩哂.另外森美汁食唔出有咩特別,但個扒就好好味,生熟程度剛好.成日掛住個羊仔扒~

慕名而去, 失望而回.晚飯時間去. 坐扒房. 當日點菜:羅宋湯/ 忌廉湯:唔會因為係坐扒房而好飲d. 一般茶餐廳水準--浠.麵包:好味! 但encore要收錢.炒磨姑:落左一d肝臟(唔知係唔係鵝肝)一齊炒. 幾香.同麵包一齊食, 正!和牛扒配森美汁: 為左試真塊扒o既味, 森美汁另上. 果然....$200和牛扒無牛味...森美汁原來=中式黑椒牛仔骨味o既汁.....燒豬寸骨:幾好味, 不過似燒'鈉'店d燒排骨味.羊鞍: 朋友話好味wor.龍利柳: 好一般.不過, 侍應姐姐好醒. 知道我地share, 就幫我地切埋.

這食店有點名氣. 我只試過lunch 未試過dinner. Lunch 普普通通啦. 個人認為, lunch 的食物和名氣完全不相符. 沒有驚喜. 但我估dinner 水準會好D.平均而言, 服務水平一般, 可能覺得自己是名食店啦. 有點高傲. 店分兩部份, 扒房的燈較暗, 有浪漫feel. Lunch 是同價, 不會扒房貴一點. 桌布不太清潔, 其他還好. 座位okay, 可以舒舒服服吃一餐飯.

今日又落雨,同男友想去個坐得舒舒服服既地方食lunch,男友見我尋晚食法國菜食得咁happy,佢又想食西式lunch,於是1點左右呢間老牌港式西餐廳試試.入到去眼見得兩臺客,環境方面頗昏暗,很有懷舊味道,仲系舖上格仔臺布,感覺好relaxing!我地叫左2個lunch set$30:菠菜石斑跟意粉及燒汁牛柳跟飯;餐跟餐湯,麵包,餐飲及生果.餐湯:羅宋湯及忌廉湯2種.羅宋湯比忌廉湯好飲得多!忌廉湯同canned既無兩樣!麵包系成個大餐包你得,只可惜系用微波爐反叮,要扣分.菠菜石斑意粉---石斑size頗大,肉質頗滑,同其他茶餐廳既截然不同!另外頗多菠菜墊底,芝士方面系用goat cheese,睇得見吾系求求其其,抵讚!意粉就一般啦!燒汁牛柳---男友頗滿意,牛柳無梳打粉味,肉質尚算嫩滑,$30比到咁既食物質素,算系咁!餐飲要左咖啡及奶茶,咖啡吾合格!味道帶酸.反而奶茶很不錯,英式奶茶相當滑溜,口感一流!最後送上2片西瓜.埋單連加一$77,服務亦算合格!想靜靜地食西餐又吾想去d高級西餐廳的話,呢度絕對可以考慮!

事緣就係咁o既，話說有日放lunch time既時候，同個同事諗住近近地係附近食啦，所以就去呢間野到食lunch勒。開頭都冇咩野o既，點知食食下野既時候，就發覺放係布下面o既手忽然間好鬼痕喎，咁我咪下意識咪睇下隻手囉，點知唔睇由至可，一睇就見到隻小強就係我隻手臂遊玩緊，嚇到我即刻大叫同猛fing隻手fing就佢啦，攪到成間餐廳既人望鬼住我，真係「瘀」爆... 不過「瘀」唔緊要，最緊要係間餐廳d侍應仲對我投以不悄既目光，好似覺我做俾小強突襲而大叫係我唔o岩咁，仲求其俾過碟野我就當算數，真係火都o黎埋，我同我同事都冇咩胃口再食，又見又差唔多完lunch time，咪谷鬼氣就人算囉...

窮困o既生活... 景樂執左...見到呢度有平飯盒, $15-$20都有!食左個$20肉醬意粉,幾好味, 茄味較少, 肉醬份量適中, 意粉有咬口,不過好奇怪, 佢有d殼米係d肉醬度, 唔知係唔係特登架呢?食得過架都, 又多一個選擇...

一去到~同個waitress講book左table佢竟然老點我地入扒房佢完全冇講清楚原來響間'扒房'食貴d既我地出返去'public'果邊食~我唔明d food響同一個kitchen出點解咁分??可能氣氛好d?是但la~咁我點左個西冷la真係不過不失..........金鳳/金鷹好好多

20050403 12.30pm其實我放假好間唔時都有o黎食lunch, 又有電視睇, 又平, $30幾蚊鬼咁多o野食. 星期日晏起身肚餓同男朋友食o野. 佢揀呢度wor.set lunch 都係果o的咁o野啦, 雞扒雜扒跟飯或意粉呀咁, 不過個羅宋湯超正, 勁好味, 洋荵有炒過先放湯煮. 又多料, 非常之推介.

好失望呀，我就到birthday，tonight 就諗住去幫襯扒房，去到先知今日檢查爐具，冇得食。間餐廳我細個時有同mummy 去，but 都冇試過扒房，都有十年冇去過lu~~今日諗住去懷緬下，點知佢又冇開。

今朝請左假去睇醫生同body check，因為要驗血所以成1030先食早餐。行左去森美到食，一入去得個阿婆晌到o岩o岩食完，坐低嗌左三文治同雙蛋拼通粉。個治幾好，包夠林，料又唔太鹹。雙蛋+通都ok。有機會去試下晚餐先，不過睇menu唔平。

煙蠔釀牛柳係好掂, 但唔好坐出面食, 同是煙蠔釀牛柳, 坐出面食(平20-30%)係難食, 坐扒房食係好味, 唔知因咩(但一定唔係環境影響)最記得森美d紅燈, 坐扒房係暗到好似坐黑房咁基本上睇唔到自己切緊咩, 食緊咩.哈哈.

20041103 8pm今次特登o黎試個森美汁,坐扒房.(其實住得咁近而家先o黎試係有o的過份)2人吃- * 煎牛扒配森美汁($100) - 要7成熟, 專誠o黎食o既森美汁只係一般, 其實即係黑椒汁有o的酒又多o的料咁je.牛柳則不俗.* 煙蠔釀牛柳($100) - 要7成熟, 呢個就真係正到爆啦!!! 牛扒內藏煙蠔, 個汁就用上煙蠔碎+磨菇粒所製, 肉夠肉味. 嘩~ 諗起都仲想食~每個+$30 轉set, 有餐湯(羅宋湯, ok啦), 即製蒜蓉包(極度得, 強烈推薦!!!!又香包又軟滑, 最緊要係新鮮即造), 同埋餐飲咖啡或茶.service 一流, 老闆女解答問題極仔細. 環境當然麻麻地啦, 西環呀大佬.

由細到大... 每次只會叫鑊仔牛柳...唔會太'un'~ 好好味~~^^但始終係西環...所以對服務唔太高要求~