影片
營業時間
今日營業
11:00 - 22:00
星期一
11:00 - 22:00
星期二
11:00 - 17:00
星期三至日
11:00 - 22:00
*截單時間: 21:00
以上資料只供參考, 請與餐廳確認詳情
今（14-5-2025 Wed）朝，去醫院維修後，都lunch hour喇，返荃灣同攞咗假嘅老公食晏先，之後再整嘢。老公提議呢間，好的，佢先到達坐低，我嚟到後睇menu，亞姐就走嚟催問我哋想食咩嘢？佢話嘢飲可以遲啲叫，使唔使咁趕？最後我哋要咗同樣$75.00嘅lunch set，有餐湯，今日餐湯係忌廉湯，料係有粟米同火腿粒，粟米未完全煮透，湯嘅味道同稠杰度一般。1分之後保雲酥雞扒薯菜，同西班牙黑毛豬意粉到嚟，先食西班牙黑毛豬，係彈牙，但味道一般，意粉口感都正常。2.8分老公嘅保雲酥雞扒薯菜呢？香脆炸蒜味道濃，雞扒juicy好味，可惜我今日本身都唔舒服，否則會食多啲。5分嘢飲呢？老公要咗西柚可樂，我要熱蜜桃紅茶，我杯熱蜜桃紅茶嘅糖漿都落得唔少，茶嘅口感順滑，都飲到兩者嘅味道。4分上次食評係2023年11月15日刊登嘅呢篇：https://www.openrice.com/zh/hongkong/review/yeah-%E6%B0%B4%E6%BA%96%E4%BE%9D%E7%84%B6-e5130895
繼續閱讀
由以前仲有樓上間舖時已經經常去lunch，但今次同屋企人去食完都覺得不論食物質素定服務變哂，好失望！首先一坐低個阿姐已經係咁chur落單，話想睇一陣先但轉個頭已經又出現問你食咩，食緊嘅時候又不斷行埋嚟搵嘢收，其實張檯已經唔係大張，啲嘢擺到啱啱好，我哋食緊個飯時佢都要夾硬伸隻手埋嚟收走個湯，感覺真係好差！仲有個黑毛豬以前係有2大塊，今次嚟係得2塊好似豬柳漢堡size咁，仲要勁柴，超韌，少啲牙力都食唔到，個羊脾仲衰，又係好韌，仲要有陣怪味（唔係羊so味），同屋企人食幾啖已經完全唔想再食，話哂幫襯咗咁多年，一直覺得係有質素嘅西餐廳，由以前五十幾蚊一個lunch食到而家要七八十蚊都仲有定期嚟，但今次之後真係唔想再嚟！唯一keep到嘅係多年嚟杯熱奶茶都係唔好飲，同埋轉凍檸樂唔使加錢
繼續閱讀
野食好食 價錢唔貴性價比好高，但服務態度極差，如果想受氣先好去食！一坐低唔夠兩分鐘就問食咩（餐牌係啱啱放低），我地話睇一睇先，轉個頭就黎問食咩呀，待應就話：「終於諗到啦嗎」但其實我地入左餐廳唔夠5分鐘。因為用餐時間有60分鐘，所以想食埋野先叫野飲，唔想咖啡凍。個待應又係走黎問飲咩呀，我地話想落menu睇睇佢勁唔情願。之後又走黎好悔氣咁話：「諗到未呀。」唔明點解要咁急咁push 客人，又唔係有人係外面等位，唔知咩事
繼續閱讀
呢間港式西餐小店雖然位置偏僻啲，但係平日午餐都有唔少街坊同附近打工仔食🫶🏻 食物質素幾好而且好高cp值☺️ 🌟保雲酥雞扒 配飯/意粉/薯菜 跟餐湯及餐飲($70)侍應姨姨好親切，介紹我哋試吓呢個特色雞扒，保雲酥姐係舖一層麵包糠同香草然後焗香，本身係用喺法式烤羊架，但係餐廳就改成擺喺雞扒到，食落有薄薄地嘅脆衣好香蒜香同香草味😋 薯菜部分都好好味，薯角熱辣辣炸得岩岩好😛🐟燕麥龍脷柳 配飯/意粉/薯菜 跟餐湯及餐飲($70)龍脷柳外層好脆又唔會好油，入面就好嫩滑而且有魚香味幾正😉最後想推介大家餐飲揀香橙🍊茶🍵唔係好多地方有，比起檸茶我覺得橙茶更加fresh同好飲😍📍森美餐廳 荃灣西樓角路178-184號華都中心地下A2號舖🍽️ 8/10#janfoodiary_西式 #janfoodiary_荃灣
繼續閱讀
同事介紹去呢間森美餐廳食午餐，去到已經好多客人等位，我哋都等左10分鐘先有位。見到有黑毛豬都1516緊應該叫牛定豬，估唔到佢哋又煮得幾出色🥰！本身包左白湯同飲品，我主菜就黑毛豬🐖配意粉，一上菜見到2大塊豬柳，唔係豬扒咁簡單🤭👍🏻，一切落去就知道好淋又嫩口，果然食落去首先有燒香過既外皮，肉汁豐富，肉質鮮嫩加上燒汁提升層次，配意粉食我都唔夠喉呀！🤪🤪，好彩豬肉份量夠多，食到最後一啖先滿足曬。
繼續閱讀