森煌美食 (已結業)

最近在土瓜灣一間小食店吃了一個黑芝麻腸粉，醬好香，第一次食到這種醬的腸粉，店主話醬係自已磨，不用味精。難怪食完不會口渴，老闆自己都好注重健康，所以材料都㨂選健康為主燒賣係我每日都想食嘅，因為真係好好味，食得出這個燒賣同出面個d唔同，配上小小辣粉，真係正個麻辣炒米線係同事指定要食，因為食過一次，返尋味，叫我去買土瓜灣好多小食店，但真心講做得好食嘅唔多，好多質素麻麻，粗制濫造，食完一次唔會再食真心欣賞小店的誠意會繼續支持…查看更多

每天坐小巴回土瓜灣上班，總會經過這間森煌小食，每次看到門外的餐牌大大隻字寫著花膠魚肚粥都心想：「有機會一定要試一試！」，直到現在它已經開業三個多月，我才真正獻出了自己的第一次 =] ▼森煌店面很小，基本上都是煮食的位置，只有小小一排靠牆的座位提供，但普遍來說都是以外賣為主，所以舒適度就不是問題了！ 由於餐牌選擇滿多的，我和同事們在小店前苦思良久也未能下決定！結果不知是店員或老闆大力推介的情況下，我們就點了以下食物： ▼自家製麻醬撈粗薯粉 ($12) 這小店最大的特色是他們的自家製芝麻醬，據老闆說是他們每天即磨的，包證香滑！的確，這個粗薯粉的味道很特別，大量黑芝麻醬配上粗薯粉，同時混合了白芝麻增加口感，味道香濃！另外因為加了一點點醬油的關係，可以吃甜中帶鹹的感覺，卻不帶任何違和感，以$12這個價錢來說，簡直是好味又超值！ ▼即煎雞扒飯 ($33) 雞扒飯有咖哩汁和滷水汁選擇，是次我選擇了滷水汁，但與其說是滷水汁，它反而更像一個蒜蓉汁。雞扒外皮很薄偏乾，連一般雞皮應有的脂肪都好像流失了！雞肉尚算嫩滑，但對雞皮比較有高要求的我…就有點失望了。 ▼麻辣炒米線 ($33) 可選擇不同辣度，米線配料有豆角料、洋蔥粒和肉碎，米線炒得乾身但不黏口，可以隱約吃到麻辣香，夠惹味！ ▼花膠魚肚粥(右上) ($25) 粥底很綿，很滑溜，花膠和魚肚的數量不算太多，相信大部分都已經溶在粥中了吧 XD 冬天時份，吃一口暖粥，不只保暖，還頓時感覺自己補充了不少骨膠原呢，哈哈！ 小總結：另外的芝麻糊和腸粉就不多作介紹了，因為配上他們自家製麻醬的食品都非常有質素！整體而言價錢不算貴，而且店員態度親切有禮，人情味濃郁，為整件增加了不少分數！以後Lunch就可以多一個選擇了！…查看更多

見呢間小食店都開左一排又未試過,今日一於去試食一下,小食店主打天然無味精魚肚花膠粥同自家磨製黑芝麻醬小食.魚肚花膠粥粥煲得好軟綿,米粒開晒花,粥底清甜食完都唔會覺得口乾同渴👍🏻帶小小海鮮味,清清地食完唔會太飽滯.自家製麻醬撈粗薯粉自家製麻醬係黑芝麻醬,黑芝麻味濃而且香,粗薯粉有咬口彈牙煙靭,薯粉夠闊可以掛滿黑芝麻醬食一啖都可以食到黑芝麻既香.自家磨蔗糖芝麻糊小店會用比較健康蔗糖去代替,芝麻糊味香幾滑,味道唔會過甜…查看更多

咪以為小食就一定唔健康，呢間開咗 3個月嘅森煌美食就主打健康飲食，全店小食不但唔加味精同雞粉，就連腸粉嘅醬都特別選用芝麻醬，比起花生醬更有益。而控食又養顏就非花膠魚肚粥莫屬，$25大大碗，入面就有好多花膠同魚肚，足料養顏！魷魚亦都好厚身彈牙，超有驚喜！飲品方便就有21款養生花茶，冬天飲暖笠笠，好啱又胃食又要健康嘅女士們呢！…查看更多

有網友推介依間新店，所以就黎trytry！🤦🏻‍♂但去土瓜灣都幾煩下😂好遠吖😂😂今次係港島區出發，所以係北角搭船落土瓜灣，船程$7.5⛴落船行5分鐘就到lu1⃣麻醬腸粉🍙 $10 評分: 7.5/10 有別於普通腸粉，店家既麻醬除左係自家磨製外😍仲有幾款揀：花椒麻醬，白芝麻醬同黑芝麻醬😼黑芝麻醬好香，味道好實在👍🏻平時食開嘅麻醬會比較油同比較kok喉，呢個好順好舒服🤗同平時食開嘅好唔同👍🏻👍🏻正 2⃣自家麻醬撈粗薯粉🍝 $12 評分: 7.5/10 一小碗，粗身薯粉帶嚼勁，好好咬🤘🏻撈埋黑芝麻醬一齊食，食落幾夾下🤤但若果多d辣，食落會更惹味😊其實仲有自家製咖哩，望落都好正😋有機會會去試下餐廳: 森煌美食 地址: 土瓜灣馬頭角道51號地下C號舖 營業時間：星期一至六 0700-2100…查看更多

土瓜灣有正小食之足料花膠魚肚粥+麻醬撈粗薯粉。全部即製，落單後即做，送到嚟熱辣辣。個粥好香又綿又有膠質，好似細個食嘅豬骨粥咁，唔似宜家連鎖店賣嘅粥，等食時睇到舖頭標明冇落味精、雞粉。粥入面有三舊花膠，已經煲得好腍，𡁻兩𡁻就吞得。店員推介麻醬係自家製，入口果然好香好好味，好快KO咗個粗薯粉，如果唔食粗薯粉仲可以㨂腸粉，撈埋個醬應該都好得。食嘢時有人嗌外賣魷魚，店員都係即刻淥熟，仲可以加咖哩汁添，個汁聞落都好香。店員話自家製芝麻糊都好食，今次試住兩樣，下次一定回來再試。…查看更多

看到小店的廣告版, 就去買了份麻辣炒米缐, 好好食出面的一向是撈米湯米，第一次食用香料肉碎豆角炒成的米線，好香用料十足，值得再去! 另外自制豆漿味道不錯也不甜~…查看更多

阿媽上星期話隔離街腸粉檔啲芝麻醬好正， 仲有黑芝麻醬，咁星期五放工過去，去到已有好幾個人。首先我就叫咗個腸粉先 ，個醬真係好正，出面未食過。個老闆介紹我食即炒麻辣炒米線，咁我就買咗個外賣返屋企食，仲試埋佢個咖哩牛腩，人參八寶茶，買賣屋企人嘅晚餐外賣， 炒米線個味真係好特別，好惹味好香！另外仲要買多份腸粉比屋企人食！埋單都係百幾蚊，好抵！不過可能人手不足，會等得耐少少，老闆叫我下次打咗電話 過嚟，之後先過嚟攞。地方細，但都有幾個坐位。真心好食，下次會再嚟！…查看更多

花膠含有豐富嘅膠原蛋白，呢個係人都知。我哋食花膠多數都係嗨酒樓或屋企，從未諗過會嗨小食店出現。公司附近最近開左間叫森煌美食嘅小食鋪，佢除左有我哋平時食開嘅魚旦，燒賣，魷魚，腸粉之外，佢哋竟然有😍花膠魚肚粥😍，仲意試新野嘅我趁今晚OT完就走左去食粥。嚟到門口已見到好多人買外賣門面細細，但大大隻字寫住花膠魚肚粥就好搶眼，相信經過間鋪嘅人一眼就會睇到。碗粥送到時已落有少少胡椒粉，啱哂我！🙊標榜冇雞粉同味精嘅花膠魚肚粥，食落口唔腥，而且粥入面有花膠3大塊，果然真材實料，好味😋😋😋佢哋嘅魚肉燒賣加上自家醬汁一樣好食到令我驚喜😬，健康嘅理念，上等嘅食材加上細心嘅服務，間鋪真係好到冇得頂👍🏻👍🏻👍🏻可惜胃太細，想試嘅野又太多，唯有每次試一俩樣🤦🏼‍♀️ …查看更多