16
4
1
營業時間
星期一至日
12:00 - 21:00
付款方式
Visa Master AlipayHK 支付寶 現金 八達通 AE Apple Pay Google Pay 微信支付 OpenRice Pay
其他資料
當面支付
以上資料只供參考, 請與餐廳確認詳情
食評 (24)
等級2 2022-04-10
561 瀏覽
佢一開係香港的時候就已經上晒新聞話係主打平價omakase 仲要openrice 全好評。我內心滿有期待終於book到去到發現成間餐廳得自己一桌,仲以為係因為疫情冇咩人食生野。食完我就明啦。我地要左580蚊果款廚師發板。因為食廚師發板你唔知會有乜嘢,咁我就預先同侍應講我唔食吞拿魚。佢問咗壽司師傅,壽司師傅話佢哋嘅set冇吞拿魚。到上刺身嘅時候竟然有拖羅?!我:唔好意思,我啱啱話咗唔食吞拿魚侍應姨姨:拖羅嚟㗎,唔係吞拿魚!我:?????之後佢走去問個師傅拖羅係咪吞拿魚師傅先話:係呀!呀!係wor 佢話唔要吞拿魚…之後都有換其他俾我。我之前喺第度食omakase, 有得坐吧枱,師傅會講解啲壽司🍣,對自己的野食好有認知。 呢間餐廳設計上無bar 枱,然後個侍應連拖羅係吞拿魚都唔知… 真係好誇張同埋刺身係第一道上嘅菜,成個場得我哋一枱… 我真係以為應該會記得。😂 一般快餐店整錯我無野 但係你行得中高級路線,我就有期待架嘛… 然後食物質素係做唔到omakase 水平 飯偏硬又大舊魚生不過不失無驚喜。鯛魚湯勁似魚味濃湯寶溝出黎最好食係個海膽壽司同臨尾有個薑味雪糕同芝麻雪糕🍦但係整體而言,性價比甚低。雖然而家做緊優惠,第二個人半價,但埋單計埋加一都要900幾蚊,所以一個人都接近500但係食壽司郎人頭200零蚊會滿足過佢好多,基本上係無下次。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-04-07
266 瀏覽
以前晚餐就食得多,放假可以食下lunch 就去幫襯下!同晚餐相比,午餐相對地就性價比更高!因為午餐包埋茶碗蒸以及麵豉湯!我哋叫咗兩個午餐,叫咗一客三色丼,以及一客日式咖喱吉列大蝦丼!🔹三色丼$148三色丼,有帶子海膽以及三文魚子🔹日式咖喱吉列大蝦丼$68 繼續閱讀
(以上食評乃用戶個人意見 , 並不代表OpenRice之觀點。)
等級3 2022-01-30
261 瀏覽
咁岩喺呢頭附近做嘢,要搜尋附近有咩好食啦。畀我發現左呢間森戶。辛苦穩來自在食,豪少少叫個壽司拼盤。個湯好鮮甜,應該有用魚熬湯,飲呢個湯都覺得呢間舖係好有誠意嘅。開頭諗住壽司拼盤份量唔多就加多份鰻魚串燒。但其實食完個壽司拼盤都已經好飽。真係無令我失望,壽司的唔同嘅食材都好新鮮。吞拿魚好肥美。👍🏻👍🏻原來呢間有做廚師發板的。呢個鰻魚串燒都好正,個皮燒得夠脆,啲肉好彈牙又Juicy, 一食難忘。下次會encore. 繼續閱讀
(以上食評乃用戶個人意見 , 並不代表OpenRice之觀點。)
等級4 2022-01-29
186 瀏覽
之前同朋友去了間新開嘅日本料理,哩個位置平時行去搭車會經過,見到個樣同裝修都唔錯,望望餐牌內有不同嘅選擇,但見到人地啲刺生都唔錯,於是就先點了刺生,點了個刺身拼盤,有肥美嘅油甘魚,入口味道甘甜,因脂肪多屯積於此,故入口最滑及鮮味;池魚嘅肉質緊實而爽口、略帶油香,味道一樣鮮甜;帶子豐厚的肉身極富彈性,味道鮮味甘甜,三文魚肉質純淨嫩滑,有濃郁的味道,豐富的油質;甜蝦味道鮮甜甘香,入口質感嫩滑,整體個刺身拼盤質素唔錯!另加了個蔥吞拿魚腩丼,吞拿魚加上大蔥剁成蓉,拌飯嘅時候,細緻地撈勻,每一粒米上,都被吞拿魚蓉包圍,大蔥吞拿魚蓉幼細香滑,軟綿綿的口感加上魚的油香,配大蔥的微辛引發出美妙作用,每一口飯都特別鮮甜美味!最後追加了串燒白鱔,燒得魚皮脆卜卜,而燒到鱔肉金黃非常香口!整體十分滿足,店員服務殷勤有禮,又多個地方可以尋鄉回味! 繼續閱讀
(以上食評乃用戶個人意見 , 並不代表OpenRice之觀點。)
等級4 2022-01-27
146 瀏覽
住喺荃灣附近好多年了,荃灣一直都是多嘢食,食物質素非常優質,而且價錢合理。由於冇夜晚堂食嘅關係,我中午就去咗近楊屋道街市附近的森戶吃壽司和魚生了。森戶就在小巴站旁,很快就看到了,門面是雅緻的日式風格的裝飾。今日食咗午市定食特上北海丼, 魚生飯上邊鋪滿咗 吞拿魚腩,油甘魚,帶子,海膽,牡丹蝦,三文魚籽,三文魚 。 三文魚, 吞拿魚腩 ,油甘魚 都好肥美, 咬落彈口, 非常新鮮。 三文魚籽脹卜卜, 口感爽脆多汁。海膽和牡丹蝦都好鮮甜 ,海膽富有海味。呢個午市定食餐包咗一碗麵豉湯同埋茶碗蒸。另外我仲食咗真鯛薄切, 魚嘅顏色薄薄且透明 ,肉質好細嫩, 入口爽滑。 它是我最喜歡食嘅魚生之一。最近沒得出街食堂食,所以餐廳有好多優惠,6點之後外賣自取85折。中午去到6點,堂食/外賣自取堂食9折。Omakase $580 「戶」,Omakase $680「山」堂食/外賣自取第二個人半價,其他 Omakase 第二位都係半價。 繼續閱讀
(以上食評乃用戶個人意見 , 並不代表OpenRice之觀點。)