森戶 (河背街) (已結業)

佢一開係香港的時候就已經上晒新聞話係主打平價omakase 仲要openrice 全好評。我內心滿有期待終於book到去到發現成間餐廳得自己一桌，仲以為係因為疫情冇咩人食生野。食完我就明啦。我地要左580蚊果款廚師發板。因為食廚師發板你唔知會有乜嘢，咁我就預先同侍應講我唔食吞拿魚。佢問咗壽司師傅，壽司師傅話佢哋嘅set冇吞拿魚。到上刺身嘅時候竟然有拖羅？！我：唔好意思，我啱啱話咗唔食吞拿魚侍應姨姨：拖羅嚟㗎，唔係吞拿魚！我：？？？？？之後佢走去問個師傅拖羅係咪吞拿魚師傅先話：係呀！呀！係wor 佢話唔要吞拿魚…之後都有換其他俾我。我之前喺第度食omakase, 有得坐吧枱,師傅會講解啲壽司🍣，對自己的野食好有認知。 呢間餐廳設計上無bar 枱，然後個侍應連拖羅係吞拿魚都唔知… 真係好誇張同埋刺身係第一道上嘅菜，成個場得我哋一枱… 我真係以為應該會記得。😂 一般快餐店整錯我無野 但係你行得中高級路線，我就有期待架嘛… 然後食物質素係做唔到omakase 水平 飯偏硬又大舊魚生不過不失無驚喜。鯛魚湯勁似魚味濃湯寶溝出黎最好食係個海膽壽司同臨尾有個薑味雪糕同芝麻雪糕🍦但係整體而言，性價比甚低。雖然而家做緊優惠，第二個人半價，但埋單計埋加一都要900幾蚊，所以一個人都接近500但係食壽司郎人頭200零蚊會滿足過佢好多，基本上係無下次。…查看更多

以前晚餐就食得多，放假可以食下lunch 就去幫襯下！同晚餐相比，午餐相對地就性價比更高！因為午餐包埋茶碗蒸以及麵豉湯！我哋叫咗兩個午餐，叫咗一客三色丼，以及一客日式咖喱吉列大蝦丼！🔹三色丼$148三色丼，有帶子海膽以及三文魚子🔹日式咖喱吉列大蝦丼$68…查看更多

咁岩喺呢頭附近做嘢，要搜尋附近有咩好食啦。畀我發現左呢間森戶。辛苦穩來自在食，豪少少叫個壽司拼盤。個湯好鮮甜，應該有用魚熬湯，飲呢個湯都覺得呢間舖係好有誠意嘅。開頭諗住壽司拼盤份量唔多就加多份鰻魚串燒。但其實食完個壽司拼盤都已經好飽。真係無令我失望，壽司的唔同嘅食材都好新鮮。吞拿魚好肥美。👍🏻👍🏻原來呢間有做廚師發板的。呢個鰻魚串燒都好正，個皮燒得夠脆，啲肉好彈牙又Juicy, 一食難忘。下次會encore.…查看更多

之前同朋友去了間新開嘅日本料理，哩個位置平時行去搭車會經過，見到個樣同裝修都唔錯，望望餐牌內有不同嘅選擇，但見到人地啲刺生都唔錯，於是就先點了刺生，點了個刺身拼盤，有肥美嘅油甘魚，入口味道甘甜，因脂肪多屯積於此，故入口最滑及鮮味；池魚嘅肉質緊實而爽口、略帶油香，味道一樣鮮甜；帶子豐厚的肉身極富彈性，味道鮮味甘甜，三文魚肉質純淨嫩滑，有濃郁的味道，豐富的油質；甜蝦味道鮮甜甘香，入口質感嫩滑，整體個刺身拼盤質素唔錯！另加了個蔥吞拿魚腩丼，吞拿魚加上大蔥剁成蓉，拌飯嘅時候，細緻地撈勻，每一粒米上，都被吞拿魚蓉包圍，大蔥吞拿魚蓉幼細香滑，軟綿綿的口感加上魚的油香，配大蔥的微辛引發出美妙作用，每一口飯都特別鮮甜美味！最後追加了串燒白鱔，燒得魚皮脆卜卜，而燒到鱔肉金黃非常香口！整體十分滿足，店員服務殷勤有禮，又多個地方可以尋鄉回味！…查看更多

住喺荃灣附近好多年了,荃灣一直都是多嘢食，食物質素非常優質，而且價錢合理。由於冇夜晚堂食嘅關係，我中午就去咗近楊屋道街市附近的森戶吃壽司和魚生了。森戶就在小巴站旁，很快就看到了，門面是雅緻的日式風格的裝飾。今日食咗午市定食特上北海丼， 魚生飯上邊鋪滿咗 吞拿魚腩，油甘魚，帶子，海膽，牡丹蝦，三文魚籽，三文魚 。 三文魚， 吞拿魚腩 ，油甘魚 都好肥美， 咬落彈口， 非常新鮮。 三文魚籽脹卜卜， 口感爽脆多汁。海膽和牡丹蝦都好鮮甜 ，海膽富有海味。呢個午市定食餐包咗一碗麵豉湯同埋茶碗蒸。另外我仲食咗真鯛薄切， 魚嘅顏色薄薄且透明 ，肉質好細嫩， 入口爽滑。 它是我最喜歡食嘅魚生之一。最近沒得出街食堂食，所以餐廳有好多優惠，6點之後外賣自取85折。中午去到6點，堂食/外賣自取堂食9折。Omakase $580 「戶」，Omakase $680「山」堂食/外賣自取第二個人半價，其他 Omakase 第二位都係半價。…查看更多

餐廳主打平靚正☺️omakase 都係$380起，而家12-6點堂食/外賣全線九折😛好抵食❁ 壽司拼盤 $188金線鯛、蔥吞拿魚腩、帶子、油甘魚等等，十種不同🍣 刺身新鮮肥美，壽司嘅飯份量唔會太多，唔會食到太飽太濟。壽司飯本身已經有調味，唔需要特別蘸上豉油。仲有味增湯、茶碗蒸，價錢唔貴，都幾多嘢食🙂❁ 蒲燒鰻魚丼 $88份量都幾大，燒汁鰻魚好好味，亦都好厚身，唔會一夾就散，味道很不錯 😌 配味增湯、茶碗蒸，真係好抵食。❁ 鮟鱇魚肝 $98有海底鵝肝之稱，配上柚子醋酸酸甜甜，咬落去會見到有啲橙色一點點，唔係調味料，係鮟鱇魚肝的結晶，最新鮮最靚魚先有😊口感細滑，淡淡香味。❁ 燒白鱔 $98/2串完全不腥😊白鱔皮燒得香脆，充滿油脂香味~…查看更多

趁午飯時間去光顧這間隱世小店,店面也很光潔,令人有一種舒服的感覺,餐牌也有很多選擇,原來現在做緊宣傳Omakase第二位有半價,不過未有心理準備,而且下午又要趕著上班,所以就叫了兩個set lunch,包括蒲燒鰻魚丼及炙燒海鮮丼,鰻魚肉身又厚又夠大件,鰻魚汁很濃味,海鮮丼當然加了一層火炙之後魚油香更濃郁,香氣撲鼻,最特別是他的醬油壽司醋飯,煙韌有咬口,大家還意猶未盡就叫了一客刺身拼盤有厚厚的帶子、牡丹蝦、深海池魚、鯛魚和白身魚。全部都鮮甜美味。証明性價比超高,店員更大力推介晚市外賣更有85折,真有衝動放工再來外賣。…查看更多

從來都喜歡光顧小店,除了有份親和感也希望給多些有心人的機會,知道在荃灣舊區有一所厨司發辦壽司小店,雖然限食令已頒佈,就趁午茶時間去捧場。店子座位不多裝飾也很樸素,再看看餐牌的Omakase 正在做第二位半價很吸引,但想先試試厨師其他菜色先,就叫了一客雞腎串燒很香口及调味適中,厨師推薦的鯛魚湯,很濃味,相信很足料,再來一客五品刺身有油甘魚、白身魚、池魚、甜蝦和厚身帶子,全都很鮮味。本來是下午茶也應差不多了,但厨師再推介火炙魚生丼,有三文魚、深海池魚、鯛魚、左口魚群邊和帶子,飯底是醬油壽司飯,超正。朋友則試了客蒲燒鰻魚丼,魚很厚身燒汁也很好味。無選擇錯,原來外賣更有85折,下次會試其他菜式。…查看更多

一個人返到黎荃灣 諗住求其食啦點知入到黎呢間日本餐廳 竟然有驚喜😍叫左一個刺身、一個丼、一碗湯非常滿足🙂🙃🙂🙃首先 真鯛刺身 (薄切) 好新鮮 有8塊每塊魚肉都爽口 配埋小小三文魚子食幾正加埋店舖秘製for呢款刺身既酸汁 更加惹味同開胃比平時食開既更好味 推介大家試下叫埋個鯛魚湯個底有D似麵豉湯 有D頭腐粒同蔥飲落都幾香魚味 又唔會腥之後就係主食—北海丼份量都好多 飯佢已經撈左D豉油 同埋唔會散開 抵讚上面既刺身有三文魚 (2塊)、油甘魚 (2塊)、中拖羅 (2塊)、帶子 (2塊)、牡丹蝦、海膽、三文魚子同樣刺身都係好新鮮 仲都幾厚切🤤個中拖羅油香極正 夠曬肥美 我覺得簡直可以媲美大拖羅🥰唔知大家食牡丹蝦會唔會啜埋個蝦頭 我就會喇呢度連蝦頭都咁鮮甜海膽雖然唔會好多 但都係鮮甜唔會苦 三文魚子就好多好大粒我唔會話佢好平 但絕對物有所值 想食高汁日本野可以試下另外我臨走前喺門口都發現左樣野就係晚市禁堂食期間有3個優惠Omakase 「戶」同「山」可以第二位半價‼️ (早知搵frd一齊食)12:00-18:00 堂食/外賣自取又有9折 (我下午茶時間去都有有得堂食)6點後仲有85折!!我覺得我一定要搵frd去多次 試埋個omakase🤤🤤p.s. 比埋少少環境大家睇…查看更多

今日又黎到荃灣搵食，穿過大街小巷，搵到呢間日本菜小店，起一起底原來都有幾間分店，就試試佢。餐廳裝修簡約，木系色調加埋刺身吧枱，帶出日本既風格。睇睇餐牌，價錢就同平時既日本料理店差唔多。我地叫左一份$198 特上北海丼同埋12件自選壽司，仲叫左份燒牛舌。先到既係岩岩即燒既鹽味牛舌，賣相好，熱辣辣咬落去彈牙，香口，鹽既調味岩岩好，非常好食！再黎既係海鮮丼，刺身既色澤睇得出係新鮮貨，每一片魚生都好有份量，加埋個調味上佳既壽司飯，每一啖都有豐富既口感同味道。睇下呢塊大拖，係呢碗丼既MVP，極濃既油脂味仲可以keep到一段時間。即叫即握既自選壽司上枱，我個人鍾意食魚類，所以全部高檔既白身赤身都揀哂，再加幾款壽司控必食既帶子，赤蝦等等。每款壽司都非常出色，手握既壽司飯夾落唔會鬆散，每塊肉既大小當然都非常慷慨，好滿足既感覺。特別想提呢款火炙左口魚，係我既最愛之一，火燒既焦香將魚脂爆出黎，令到成舊壽司充滿濃厚既味道。…查看更多

喺荃灣買完嘢，經過呢間外型幾靚嘅日式餐廳，見到入邊嘅格局都唔錯，就入去試吓。由於太耐冇去旅行嘅關係，真係特別掛住日本嘅海鮮丼，於是就嗌左個特上北海丼同燒牛舌。鹽燒牛舌：牛舌上菜嘅時候好有驚喜，因為坊間好多日式餐廳嘅燒牛舌都會好乾爭爭同埋比較偏硬身，呢間真係完全唔會！每一舊都係厚身仲要彈牙，一舊可以咬好耐但又唔係嗰種又唔開嘅感覺，醃料調味都好好，唔使落檸檬汁都好好味，大推薦！特上北海丼：啲魚生鋪得好靚，滿滿一碗，呢碗飯足足有七款唔同嘅海鮮，絕對滿足到我想食多樣食物嘅願望。刺身全部都好新鮮，牡丹蝦大大隻，係啖啖肉呀！三文魚籽食極都仲有好多，配飯一流～另外我最欣賞嘅係佢嘅中拖羅，花紋好均勻，入口係一種幸福嘅感覺，淨係呢兩舊拖羅我已經覺得值回票價！必食！總括而言，餐廳嘅嘢食質素偏高，性價比來講係合理，餐廳都舒適唔會好嘈吵，下次掛住日本海鮮丼嘅時候有多一個選擇啦～…查看更多

突如其來的限食令，朋友都一窩蜂湧出來吃最後晚餐，放工搭Van仔去荃灣河背街，一落車就見到森戶，最後晚餐食好啲，日本菜啱晒口味。室內裝修精美，乾淨企理，抗疫衛生措施也做得很好，隔離枱食 omakase , 我哋就想叫壽司串燒。日本雞腎串外脆內軟，好脆好香，唔使調味已經好夠味，好掛住日本的感覺。鹽燒牛舌燒牛舌厚身帶鹹香，口感好正，必食推介！燒到香氣撲鼻，超吸引，熱辣辣放入口，越食就越想食。壽司拼盤最愛三文魚籽軍艦、蔥吞拿魚腩軍艦都好好食，紫菜好脆口，質素高而且有驚喜，下次再試埋其他軍艦。北海道帶子肥美鮮甜、吞拿魚赤身新鮮而且入口即溶、甜蝦爽口冇腥味，全部都滋味無窮。迷你三文魚籽丼食完壽司都唔夠飽🍣決定再叫多一個Mini Salmon Roe Rice Bowl，橙黃色的三文魚籽，粒粒飽滿，晶凝通透有光澤，入口爆汁，鮮甜好味。天氣凍冰冰，最後飲一碗熱辣辣又有益的鯛魚湯，鯛魚湯感覺足料，魚味香濃，溫暖感覺好滋味。呢個價錢真係抵，今次食晚餐，嚟緊會試埋午市堂食，超級期待。…查看更多

身為一位親民，呢間日本料理稱得上親民價！經商台介紹下首先試過觀塘分店，水準高。居於荃灣，恩喜地他們分店也到臨此地，行幾步就食到，荃灣人一向好口福。荃灣店已經是第三次幫襯，朋友一行三人，都點饌680 Omakase。近來知道荃灣森戶經歷不愉快事，特意再來支持。親民我不是識食之人，只懂觀賞同品嚐食物好食或者唔好食。森戶水準一向穩健，友人亦是第一次試Omakase, 今次就是入門級，親民價而食物很有份量，每樣食物都職員介紹，亦有建議食法，窩一窩我個親民心。第一道刺身，樣樣都知，但不是市民面樣樣食到這種鮮味。當中清淡的白子在汁料配合下，叫醒味蕾亦敲響胃鼓。亦有師傅即興請我們試食的安康魚肝，680蚊仲要有驚喜，大乜樂一定比唔到你。蝦呀，鮑魚，真蠔,果d粗野親民我唔寫了，貴客各位自己諗，諗唔到就黎試。跟住到茶碗蒸又有加料，一般應該無既海膽，蟹肉同三文魚子，又係師傅心情靚送既，睇落份量唔多，但佢為食客比甘多我，我都珍而重之分好多啖先食曬茶碗蒸d dressing.接住到壽司，當然有我依家寫食評都唔記得左個名的少有魚類壽司，軍艦，火炙，好幾道壽司沒有影相閒日當晚人客未滿，所以出品感覺特別用心serve 我地。omakase 門派各有不同，森戶保留就是一種廚師不用太多言語，而用觀察去了解每個食客需要，從而特製別出心裁的食品給你。這趟入門課大家都可以試試…查看更多

呢間餐廳幫襯過幾次，唔算CP值好高，不過味道都有水準嘅，最重要係近屋企！壽司可以單點，如果想抵食啲就可以叫壽司餐，可以根據餐紙有既壽司選擇，不過同一款最多叫2件！我地多數叫自選12件！小食方面：炸野幾好食魷魚筒都超正刺身飯比起壽司我鍾意壽司多啲烏冬都好食，夠彈牙…查看更多

平時搭車成日經過的日式料理店今晚同朋友去左食😋叫左10件自選壽司最愛左口魚裙邊 三文魚都好好食辣味帶子都意外好食 下次要試埋其他軍艦平時食日本野都中意叫埋蟹子沙律可以解油膩 清爽好食燒牛舌！雖然少略咸 但口感好正好有口感 推介！！燒到超香 一定要襯熱食仲有叫左鵝肝壽司 一樣香氣撲鼻好驚喜 外脆內軟 好想食多幾舊🤣最後一味餸係七味粉炸雞軟骨叫黎過下口癮 想食啲香口野好脆好香 唔洗點沙律醬已經好夠味都有少少咸 但都唔影響好味既～😋今次係食晚餐 下次會試埋午市套餐期待☺️🥢…查看更多