棠棠居海鮮菜館

營業中

休息中

呢餐老豆生日飯，揀左去棠棠居試下晚飯小菜掂唔掂！老北京醬蹄$48先黎一個冷盤小食，肉爽，味道幾好！胡椒咸菜豬肚花甲湯$168花甲都算幾大隻，湯嘅味道偏咸！鮮菠蘿咕嚕肉$128唔錯，算係幾好食！賣相都幾靚！班腩豆腐煲$148呢個煲幾惹味，而且都唔算太油，不錯～海味什菜煲$88基本上咩菜都有啲，清清淡淡咁OK啦！秘製蔥油雞半隻$128雞有驚喜喎！雞肉好嫩滑呀！味道又好！瑤柱金菇炆伊麵$88炒得幾乾身，亦都唔油！味道適中！GooD！蓮蓉壽桃包$60見到有壽桃包雙眼發光😂我見到一定叫！呢度嘅70分啦！紅豆沙-係送嘅～好食但係甜到漏🤪總結所有食物都整得幾好，係可以有下次嘅飯店！

第一次寫食評，是因為不滿，我媽媽喜歡飲早茶，但我也不常來，是因為每一次來這裡，在門口那位帶位態度真的有很大問題，說話沒禮貌，只懂叫客人填表，不安排，不寫飛，說要問她才比，我已跟她說3位，她說不問攞飛便不給，這是什麼態度，食物好都要有服務好才可以，不知道為什麼不找一位服態度好一點的員工在大門為客人服務，她還用咪高峰跟我說話，我就站在她一面前，不知道為什麼要用咪高峰說話，因我不是熟客就用這種態度囡每日幫襯才有服務？真的是一間高級菜館

平心而論，雖然收費唔平，但食物質素係ok既(甘當然同區要揾更好食野，性價比更高既餐廳大把囉) 。飲完早茶後，我屋企人揾唔到茶單，我唯有去同收銀個員工講，指住係邊一張枱，個員工(呀嬸)好寸，話冇單埋唔到，之後又問係枱號，我返埋去揾枱號，根本張枱係冇寫任何枱號既，我唯有硬住頭皮揾呀嬸多次，屋企人亦好配合，高舉手等佢辨認，呀嬸繼續用好差既態度問'幾多位呀？',成個過程極唔愉快，係貼錢買難受。幾經艱辛，終於埋完單。出到門口，又見到門口職員聲大大不斷重覆問公公婆婆登記左未,用左安心出行未？可能對住熟客另一個樣呱？總之貼錢都唔會再來。

讚，新淨坐得舒服，枱與枱之間有足夠距離；員工都好積極服務態度不錯。差，第一茶葉淡而無味。食物質素，叫了兩個小炒煲冇滾起完全唔夠入味。龍躉煲$188份量很細而且又唔香，好冇誠意仲要唔平。叫咗四個餸冇一個特別好食買單七百幾蚊，呢個價錢大把選擇😅。希望老細執執啲廚師如果唔係嘥咗個場。

朋友介紹呢間值得試嘅飲茶地方，happy Friday放假就帶同阿媽同姨甥仔一齊去試吓，平時阿媽好少跨區飲茶，係我哋帶住佢先會去試新嘢今次呢間並唔係咩米芝蓮推介食肆，響平民地帶深水埗長沙灣一帶，點心款式亦都同平時飲開嘅茶樓差唔多，最特別嘅應該就係我哋嗌嘅雞蛋蒸腸粉！其實都只不過係蔥花蛋腸粉，我覺得如果改咗做煎腸粉會更加好。其他一般嘅點心我哋就叫左蝦餃、豆苗餃、韭菜煎餃，椒鹽魷魚酥、四寶雞扎同埋灌湯餃。所有蒸/煎餃類都不過不失，四寶雞扎我主要都係想食佢嘅棉花同腐皮🤪灌湯餃呢啲貴價點心本身叫俾媽媽食嘅，不過佢每次都會pass左比個姨甥仔食，偏心偏到出晒面！我呢啲梗係冇份分一杯羹啦，所以根本都唔知道好唔好食😣（見個賣相就唔錯喇）最鍾意食煎炸野嘅我們這一家對於椒鹽魷魚酥就真係耍手擰頭，雖然係熱辣辣不過又唔夠鬆脆，魷魚又唔夠入味，炸到好乾身（有啲過分地硬咗少少）

My friends and I had a very enjoyable dim sum at this place. Although we had all the traditional dim sum food like char siu buns, rice rolls and fried noodle rice, I must point out the key standout dish: the fried pork tripes. Normally, I hate eating pork tripes and it's usually too chewy and blend. However, for this restaurant, they have thin-sliced it and remove that extra chewiness and it's crispy on the outside! A must try!

作為深水埗飲茶控街坊， 多左一個可以同屋企人飲茶嘅地方係開心嘅。第三次黎飲茶，之前兩次覺得茶水同點心都幾好，雖然紅日預咗等半個鐘頭以上都照黎，因為紅日？入座計一個鐘之內埋單有九折今次試吓炒野！香辣海鮮炒飯👏🏻👏🏻👏🏻👏🏻幾正喎夠香，飯炒得乾身，少少辣，食完想再食😂薑蔥牛柏葉再次encore!!!! 好味又爽口其他酒樓有d會過咸，有d又會有d啫喱狀嘅醬汁食落好奇怪呢間牛柏葉幾好食飲茶最愛吃蝦餃嘅我雖然未至於皮薄多汁，但還可以啦，都會再食，算幾大粒燒賣⋯⋯下次唔再叫，特點唔係好值懷舊乾蒸牛肉燒賣因為唔係到到有得食，有啲期待，又有啲失望⋯⋯平平無奇，咬落去有啲實得得咁

呢間算係區内較好質數飲茶地方！中午來飲茶，通常都要預早d 來攞位。。平時都好多人下。。尤其疫情後限聚令二至四人一枱，好多時來到都要等！疫情後，坐位安排空間寬闊左，枱與枱之間無咁迫點心新鮮即叫即蒸！至愛叉燒餐包。。而家吾係咁多地方有得食，新鮮出爐，咬落飽軟熟，餡叉燒同醬汁比例剛好，吾會好有槳糊感覺！基本點心。。炸雲仔剛炸起，皮超脆蝦爽口！腸粉，燒賣保持穩定，腸粉皮厚薄適中，做得吾錯。牛栢葉吾會太韌咬吾到，有d 地方真係做到好似擦紙膠咁咬吾開的😆！糯米卷細細個味道帶甜，口感吾會軟糯，好味灌湯餃餡料有蝦，蟹柳，肉粒等，算豐富。。！服務方面吾錯，疫情中樓面侍應算多足夠招呼茶客！衛生情況好！價錢方便同區來講較高點。。以上午餐每人$150左右

今日我同家人等位B136號飛，點知叫完B 135號，個阿姐無端端同站在我後面的師奶們說，你們不是B 131嗎？他們拿飛出來，他們的飛其實是B137!😡但個阿姐話係佢自己寫錯喎，就給她們入坐😡😡😡了！之後我們再等了20分鐘，就一直只叫A 飛！還有，下午茶時段，是沒有午市正價時段那麼優惠。因為午市1小時內離枱，有9折優惠，而下午茶，只有下午茶餐牌是優惠價，主要是粉麵，其他菜式到是正價。下午茶時段，星期一至五(非公眾假期)，早沒有一小時離枱9折優惠的。大家要注意。

之前屋企人生日訂左隻長腳蟹黎食.. 超級好味.. 唔會好似其他地方咁.. 走哂肉又冇乜水.. 同埋食其他小炒都好食..仲有個壽包有蛋黃架...出面好多地方都冇蛋黃..見我地食到咁開心仲有糖水送.. 等過左限聚又可以約朋友再去食先

約咗朋友去佢屋企睇網上演唱會時間關係趕唔切出街食所以就睇吓佢屋企附近有咩好食啦經過呢間見到外賣有68折 都OK喎同朋友講不如食中菜 買魚翅佢話我痴線 但知道咁抵佢就話隨便我😂西蘭花炒龍躉球折完好似140左右估唔到份量都好多 塞滿晒成個盒有八件大大件龍躉球 好夠鑊氣龍躉魚皮充滿骨膠原 食完覺得自己皮膚好咗一人份濃湯魚翅呢個仲抵 折完幾十蚊 一人一個啦梗係以前成日都去澳門食魚翅因為覺得好平點知原來而家就算香港食都唔貴趁住疫情外賣咁多優惠多啲消費幫襯下啲本地餐廳先希望大家都可以頂得住捱過呢個疫情啦

我姊推薦的店，我是第１次來，位置在元州街靠近東京街明渠，偶然坐巴士經過，生意挺好的店！本來訂座晚上7:30，提早半小時到達，客滿，還是等了20分鐘才有位。今餐由我姊負責點菜：#七吋蟶子皇，晚餐三寶之一，蒜蓉米粉絲蒸蟶子皇，有４隻，剛好每人１隻，味道好！#翡翠炒南非鮮鮑魚，也是晚餐三寶之一，鮑魚有咬勁，好味！#手拍青瓜併陳醋黑木耳，晚餐三寶本來是鹵水鴨翼，我們不愛吃鴨，改成這個，但不好吃！青瓜不新鮮，黑木耳太酸！#當紅炸子雞半隻，雞的size比較小，肉不多，但味道挺好的！#海味雜菜煲，足料，好吃！性價比不高的店！

堂堂一間棠棠居居然有豬油撈飯？！今日又晏咗收工，同事話一齊去食飯，諗到冇咩好食突然有人講起豬油撈飯，其中一友人就提議去棠棠居了。去到門口發覺居然好新淨，心諗呢個深水埗長沙環臥虎藏龍，間間都係武林高手，你如果得個樣唔好食我實「her」你噶！ 但一路行一邊見到人地食緊豬油撈飯， 口腔分泌即時增加，又名口水都流埋。簡簡單單咁講下d 配角：菜芯炒牛肉－ 算足料嘅但係火候有點過，菜有d燶，牛肉醃得入味爆炒火候適中。椒絲腐乳唐生菜－ 呢味餸係睇調教腐乳醬嘅比例，廚師教鹹甜適宜我覺得唔錯。椒鹽鮮魷－ 呢個畀五粒星， 脆漿教得好好，炸嘅時間又perfect，達至皮脆、漿鬆、肉唔老，你啲魷魚呢家嘢煮耐啲都嗌非禮㗎喇，食完你係知道碟餸同個廚係真心相愛的。咕嚕肉－ 選用半肥瘦嘅肉，炸得夠挺，落鑊炒完個芡overall 覆蓋住啲肉同配料而又唔會too much，算高分之作。好喇，到主角喇， 登登登凳..... 就係豬油撈飯！坦白講我今晚食咗三碗，豬油比大x華嘅濃同full body，配微甜豉油，呢個配搭真係一絕聰明，大x華嘅豬油撈飯冇錯係好好食，佢個頭抽同豬油好夾，但過咸，令到齋食豬油豉油撈飯都可以食成餐飯。

聽朋友介紹話呢間啲小炒好得😊所以就決定同男朋友去試一試....入邊啲職員大部份都非常有善，值得一讚👍🏻不過啲嘢食就真心麻麻哋啦⋯⋯可能因為本人唔食得海鮮同埋牛肉🙈個friend推介蜜味欖角三度排，所以今晚都有叫........唔知係個大廚一時失水準.....還是咩其他原因，個三度排啲肉質都幾乾身吓！咬唔係好開個隻😭第二樣餸就叫咗鮮菠蘿咕嚕上肉我本人十分之喜歡食咕嚕肉，所以平時嗌小炒都一定會嗌佢😋鍾意佢香口又酸酸甜甜咁不過呢個鮮菠蘿咕嚕上肉居然唔夠5分鐘就煮好左！一咬落去就知道佢唔係新鮮炸出嚟先炒嗰隻，真心非常失望😔佢收$118一碟，我真心覺得佢可以炒一碟更好，更新鮮嘅咕嚕肉出嚟招呼客人🥺（老實講我食過某間連鎖快餐店啲咕嚕肉好食過同新鮮過佢好多，價錢都相對地平一節☹️）因為只係兩個人食，我哋最終只係叫咗三樣餸........而第三樣餸就叫咗杞子雲耳炒鮮百合！呢個就相對地好食啦⋯⋯總括而言.....佢哋啲服務算唔錯，同埋佢哋每人會送一碗糖水做飯後甜品☺️不過今晚我哋叫嘅食物水準就真係唔係幾啱我食啦！

三月中的星期六中午 到上址飲茶, 午市$10/茶 , 小$23, 中$26, 大$29, 特$33, 頂$37是日點心有: 义燒腸(大) $29 腸粉係呢度嘅強項, 惜豉油落多咗d,豉汁蒸鳳爪(中)$26, 正常味道, 蛋黃流沙包(中)$26內餡有流沙但如果外形做得再好一點會更好效果,香菇素菜包同樣係中點同樣係唔突出的包, 瑤柱鮮蝦菜苗餃三只(大)$29呢個就蝦肉多同菜苗都好夾, 潮州蒸粉棵(小)$23金珠咸水角(中)$26 呢兩個差不多每次必叫, 因為每次都無失手, 同牛肉球(大)$29一樣每次都會叫,亦同樣穩定質素之選,鮮蝦炸雲吞(中)$26 但個樣似係明蝦角囉,腐皮劵同肉片蒸飯兩個同樣係(大)$29桂花椰汁糕三件$18另一天晚上來食晚飯, 又OK喎! 炸大腸唔肥又脆皮, 淮山小白菜合格, 黑椒薯仔牛柳粒-呢排有機會嘅話不斷試食,水準有高有低但呢個係差不多最高嗰間,因為牛柳粒嘅高科技化學成分唔算高, 牛肉味剩返少少。 還有一個紅酒豬軟骨都做得好好! 下次還是有機會再來試其他的。