棋哥燒鵝餐室

營業中

休息中

未入去見都冇人排隊，但入到去都full。咁坐底就嗌咗一個燒鵝瀨，另外再嗌左個油菜。個燒鵝d肉質好老又好 ’鞋’口😖😖😖。而個油菜又老又黃，唔好食，仲要個瀨粉成$58，超唔抵食😓😓😓

星期日約左班朋友出銅鑼灣食tea聚一聚，朋友講開呢間燒鵝試過唔錯，咁啱今日工人姐姐放假無人煮飯，完左聚會就買兩盒外賣雙併飯盒返家醫肚，傍晚5點幾人流唔多好彩唔駛排隊燒鵝排列整齊掛係廚窗，隻隻色水都好均勻，見到已流晒口水了叉燒燒鵝隻併飯- 叉燒較瘦但都唔算鞋，燒鵝表面色澤光滑但較深色，但完全唔係燒燶左，雖然外賣返到屋企半個鐘先食但鵝皮仍keep到少許脆，燒鵝帶有煙薰非常美味，跟一般燒味店的燒鵝完全唔一樣，食完口腔仍有餘香，令人回味無窮脆皮燒腩仔燒鵝雙併飯-燒腩仔味道唔錯，不過外賣返到屋企已淋左，下次堂食會好d

搵你笨，$40食瀨粉，六件鵝-三塊係皮、兩件是骨、一件得少少肉。有相為証。$40個下午茶只有皮同骨！乜燒鵝都食唔到！完全不敢相想象！十蚊碗都唔值！食完好似冇食過！超差！超揾笨！以後不會再試！！！

今日早收工，實在太開心啦。唔知去邊好嘅時候，都係決定食阿媽煮嘅住家飯。咁內冇返屋企食既我，當然要斬料慶祝下啦。我啲同事話，呢間嘅燒鵝好好食，就買啲試一試。燒鵝雙拼$148服務員不斷推介我食燒鵝髀，但我成日覺得只係食得一種肉太單調，咁我就揀雙拼去試試。燒鵝俾隻燒鵝髀，都幾開心架。個脾嘅既色夠深，結實且夠晒味，不過仲有少少靱，點甜酸醬會好食啲。另外一個我就揀咗叉燒，好中意架，叉燒又腍又甜又香，即係一流吖，對比起燒鵝我更加中意食叉燒，你都一定要試試叉燒喎。

今日晚上試一試呢間近期備受追捧的一間燒味店，大約夜晚8:45進入鋪頭度，店內仍有坐有一半客人，我睇睇餐牌，套餐燒味雙拼飯連飲品$63，價錢同燒味名牌太興相若。一場來到當然要試試招牌燒鵝，落單一碟肥叉燒鵝飯連凍檸檬茶少甜。等左大約十幾分鐘碟飯先至上到枱，鵝髀正(可能接近收工時間，所以有髀食，因為我見隔離兩台都係鵝髀），食落皮夠脆，肉夠味，好！整舊叉燒，肉質林但有咬口，唔錯！有啲鹹酸菜伴碟，幾特別。(因為通常食滷水鵝飯先至會有鹹酸菜伴碟）整體來講我覺得棋哥比太興出色。

本身打算只吃快餐，但眼見這間食店有很多人等位，既然山長水遠來到灣仔，就排一下隊吧！一邊排一邊想，主打燒味的食店，明明每區都有這類的食店，為何這裏有這麼多人排隊也要來吃呢？！不過見大家都排，無理由唔來食我點了這個原隻燒鵝髀飯！這麼大的燒鵝髀，也是第一次見！主菜燒鵝髀肉質幼嫩，一點也不老而且那層皮很薄不油，加上燒過，就更加脆口好吃！另外，特有的醬汁在燒鵝髀上，入口不鹹之餘，味道容易入口，更令人想吃多幾啖！上乘的食材加上大大件，一下子就把碟上的飯吃掉！非常飽肚呢

慕名一試燒鵝，叫了下庒，皮脆有煙熏味，味道不錯，不過酸梅醬不夠酸偏甜，跟鵝不配，整體是不錯的。奶茶夠奶，但茶味麻麻，唔似港式茶餐廳奶茶，奶茶控會失望。總的來說，可以一試。

次次都Pass店門口，都望著肥肥D鵝，但係都匆匆趕路. 今次... 叫外賣🥡送屋企，真係好食好味好開心. 燒鵝：皮脆脆吾肥，點著上庄，鵝肉扎實完全吾會油膩. 同埋好入味啊太好食啦

與媽媽在灣仔辦完事已經2:30pm，發現街市對面有間燒鵝店人山人海，又剛好有下午茶，就決定試一下。😈門口掛了很多燒鵝很吸睛～叫了一個全日餐和下午茶A餐。全日餐炒蛋又滑又大份👍🏻，還有火腿和牛油方包。叉燒入味又夠林，唔錯唔錯。仲有我最愛的熱檸賓～😋😍燒鵝瀨粉加了$10轉鵝胸，皮爽肉軟多汁，同酸梅汁真係絕配👏🏻～加埋甜甜酸酸的咸檸七，十分開胃。🤤下午茶每人不用$50，抵食又好味，值得encore.

今日係去書展嘅大日子， 去之前梗係醫飽個肚先，係人都知道會展入面啲食物好貴。於是乎就去咗鵝頸橋底下嘅呢一間燒味舖食飯 ，叫咗一個燒鵝五寶飯 ，同埋一杯凍檸茶。 燒鵝五寶飯入面有燒鵝、叉燒、油雞、紅腸同鹹蛋 。首先要讚好既係佢既燒鵝 ，真係好香好好味， 外面塊皮仲有少少脆脆地 ，脂肪唔多但係又有少少，恰到好處，咬落去啲肉香即刻充滿曬成個口腔。另外佢個叉燒亦都係一絕， 絕對唔肥，份量都好足夠。 佢個油雞亦都係充滿豉油嘅香味 ，雞身好嫩滑， 十分之滿足嘅一餐。

呢間棋哥燒鵝都開左幾間分店，今日甘岩黎開港島區，經開鵝頸橋，見到大大隻燒鵝掛左係度，唔係唔去食嘛😂英文餐牌都有，應該有唔小遊客光顧。睇下有咩食先，港式碟頭飯，五寶飯都好正，咩都有。但是我都是要食最愛的燒鵝脾這碗老火湯好住家，店員服務態度好好，提我小心燙口，眉豆花生唐排雞腳湯，跟餐加$8元，非常足料，而且完全冇味精，住家湯水，抵讚👍新光乳豬飯$63，除左燒鵝，乳豬都好出名，表皮燒到脆卜卜，肥瘦勻稱，好甘香，飯邊配菜有菜莆，送飯一流。燒鵝脾$108，我選擇配瀨粉，好大隻，啖啖肉，不算太肥，但皮同肉之間有薄薄的脂肪，咬落去咇汁啊，好正，好值得，唔怪得成日都甘多人排隊食。我會掛住呢度的燒鵝脾，如果叫燒鵝例牌都只是$58，好抵食，幾時九龍先有分店啊?

as per the title, it is bad. poor in quality and bad services. they need to reconsider the business if they continuously offering such a poor quality goose, and bad service. 服务态度真心一般，烧鹅濑粉是温的，烧鹅带有一股奇怪的味道，类似冰箱储存的味道。不建议尝试，真的是看来了open rice 的review 才进来品尝，谁知中招。连评论写差些都不让发。shut it down if you are not interested in the business anymore, you disgrace HK quality food n services.

呢間棋哥燒鵝開了大半年 我係在三個月前先第一次嚐試過 它飯店名字有燒鵝當然是點了 嘩！燒鵝第一啖食落去好有柴香味道而且燒鵝皮夠脆皮！😋我試過其他食燒鵝飯店都沒有這一間更出色的，我還有試過佢的六寶飯都很有質數喜歡大餸的客人真係覺得好滿足的一餐而且價錢公道$6x已可品嘗 ！還有一個二人套餐可選擇 （有一個例牌燒鵝 燒腩仔 二個白飯或者米、瀬粉，還有例湯或飲品選舉）都只是二百頭 👍🏽這餐廳我超like極力推介😋

約了朋友有節目，食個快靚正的晚餐，路經灣仔鵝頸橋，見到大大隻燒鵝掛住在廚窗位，引到我們入去食啦一般茶餐廳格局，裝修新淨，座位都算闊落。餐廳除了散叫，還有一人餐，二人餐，四人餐，仲有散叫燒味例牌，或燒味餐飯，見到燒鵝吸引，我同朋友都好麻甩，要食燒鵝脾啊。燒鵝脾瀨粉$108係燒鵝脾啊😍一隻鵝得兩隻脾，貴都係值得的。燒鵝脾超肥美，鵝皮有光澤，油多肉嫩結實無渣，鵝味濃郁，鵝皮香脆，瀨粉顏色晶瑩，看起來便令人食指大動，質地滑身，連湯帶油一起食，非常滿足。新光乳豬飯$63真正皮脆肉香，肥瘦度適中，吃多幾件都唔膩，醃料又唔會搶去肉風頭。好正😍跟餐加$8是日例湯，寫到明不加味精，飲落足料，住家湯，花生眉豆雞腳豬骨湯👍油菜$15晚飯時間這餐廳都好旺，已經有人排隊等位，真係唔錯，燒鵝好出色👍下次想試下五寶飯，全部燒味都可以食到。兩個人平均每人$100，都算抵食，滿足💕

燒味、相信是香港人兒時的集體回憶、今日路過巧遇見外賣櫥窗掛滿了一隻隻的靚燒鵝出爐向我招手、剛好12 點開始有點肚餓、一於搵個位置坐底試一試。～ 燒鵝飯 食胸鵝肉微紅帶滿滿嘅肉汁、一睇就知老板有良心願意用靚貸、試一口鵝肉後有微微茘枝木嘅煙燻味、雖然係叫鵝胸位啖啖肉但原全無渣、D肉汁同鵝油嘅油脂香停留在口腔內久久不散、飯相信係選用泰國絲苗、煮飯師傅功夫了得、D飯粒粒分明受熱均勻收水剛剛好。最劃龍點晴嘅係伴碟果幾條菜遠同D甜咸菜、可以讓口腔嘅油脂清一清爽。成碟飯賣 $58 蚊加杯熱飲、價錢非常公道！～ 燒鵝瀨粉 食胸燒鵝瀨粉係個人嘅童年回憶 Comfort food ~ 正 ！又係一間用心經營嘅舖頭、支持小店！