棋哥燒鵝餐室

營業中

休息中

今晚食乜好，放工又攰又唔想諗野之際，眼前出現咗排得好齊整嘅燒鵝，原來已經行到去鵝頸橋棋哥燒鵝，呢度出名燒鵝今晚就叫個燒鵝併燒腩仔啦，外賣返屋企慢慢食，一打開飯餸都滿滿，仲有兩條菜同少少酸菜，燒鵝好香，腩仔唔太肥，如果D皮脆D就好啦。

今日去銅鑼灣開會，lunch 求其起sogo買個飯團頂住，開完會後肚餓到暈，同事話附近有間燒味飯店好正，唔使諗，快D去，去到不用等位，但餐廳D坐位都幾密，不過都ok嘅，可能下午茶時段唔多人，所以感覺唔太迫，看看餐牌，餐廳主打燒鵝，就要一個燒鵝飯，加杯咸檸七。朋友就叫左個茶餐，义燒意粉配炒蛋多士，奶茶。先說朋友的茶餐，（朋友告知）炒蛋香滑，多士香脆鬆軟，比好多茶餐㕔做得出色！义燒，甜甜的林滑鬆軟，但不夠肥，下次要叫肥义。🤣🤣🤣不過最好是撘左條菜心，感覺健康D。期待的燒鵝飯，其實都幾大碟，皮脆，肉香，但唔太肥，醃味幾好不太咸。一樣撘條菜心，窩心。仲有少少鹹酸菜中和返燒鵝的油膩感。最後飲番啖鹹檸七～！幸福～！

今天同朋友一起去銅鑼灣發現橋底開咗間棋哥燒鵝餐室，門口都好多人排隊買外賣。我同朋友當然想試一試新野啦！我同朋友2個人叫左個每人一個餐加半隻燒鵝，其實真係有啲誇張。燒鵝真的不錯👍🏻如果想試吓嘅朋友可以叫例牌，唔使好似我哋咁叫咁多價錢可以接受，要等位。

今日去左食鵝，真係鵝鵝鵝😥😥😥燒鵝連鎮店，越來越多，今天見到銅鑼灣有新店，價錢又唔係貴，咪試下囉。本人對燒味就麻麻地喇。可能係柴灣食過，感覺不外如事，所以🙄🙄🙄不過fd就對燒鵝情有獨鍾，咁就試下吧我們點選了一個二人套餐，包括一個例牌燒鵝，一款自選燒味，一碟油菜，飯或粉，兩杯飲品。咁既價錢也算差不多吧，我們還加了一個例湯。自選燒味，我們點選了半肥瘦义燒。义燒嚟到，感覺好似好 juicy，食落去肉質很淋很滑，沒有柴皮感覺👍👍👍燒鵝味道也很入味，肉質鬆軟，加上有點點肥膏和鵝皮，味道不錯，值得食完再食😍😍😍加上可以配瀨粉，感覺無咁漏🤣🤣🤣例湯就不過不失，味道OK, 不過不太入味。眼見都很多外國遊客光顧，剛好同桌的另一對遊客正是，可能因為餐牌沒有英文，而又不懂叫菜，她們本想食燒鵝，怎知四寶飯原來沒有的，後來我們發現，也請了她們食左一嚿，個遊客說 delicious 😋😋😋, 舉起隻手指公🤣🤣🤣，所以這一個決點，有待改善。

朋友推介這裏的燒鵝好吃，今天剛巧路過，就來試了一下。這裏可以散叫，也可以叫餐；我覺得餐的份量比較多，而且來到主要是品嘗燒鵝，就沒有叫餐了。散叫也有很多選擇，主要是燒味，而我一心想試燒鵝，就來了燒鵝瀨粉。朋友則叫了燒鵝油雞，也是對版。我幸運地得到了燒鵝脾，份量甚足。一咬下去，燒鵝是有柴味的，即是用傳統燒法，很有誠意；最讓我奇怪的，是隔離坐有一對男女，他們在吃了燒鵝之後，頻說有怪味，想來他們是沒有吃過用柴來燒的燒鵝吧。以 HKD63.00 一碗的價錢，我覺得很合理，你說他很驚艷就沒有了，當然也和庸記或裕記有一大段距離，但味道還是可以的，這個價錢我絕對覺得是超值。值得一提的是這裏的服務甚好，最少服務員有笑容有傾有講，付錢時收銀也會說多謝，我覺得這是不難做而且是基本的東西。本來想著來到要排隊的，但六點來有位，七點就開始要排隊。如果不是要等太久，值得一來。

灣仔有不少出名的燒臘店，公司附近就有幾間，今日因為OT 關係，就太約7點去左棋哥食個快飯。揀左叉燒油雞雙拼飯，除左叉燒油雞，仲有少量奄菜伴碟，味道唔太咸，而且算爽口。第一主角:叉燒, 蜜汁夠濃夠甜，送飯最夾，落單時沒有指定要肥要瘦，廚房就切左件半肥瘦，食叉燒最怕又瘦又干，這份o岩晒我口味。第二主角: 豉油雞，廚房好好斬左隻雞脾俾我!豉油雞脾，滑得來沒肥膏，夠入味，唔使加薑蓉都ok. 甜叉燒配豉油雞加白飯，係近日食過最正既燒味飯，價錢同快餐店差唔多，上菜都好快，OT 必選。

老遠嚟到 銅鑼灣區棋哥燒鵝,咁出名諗住有料到,太激氣,咁出名我都唔睇價錢點個燒鵝飯先,佢仲有飲品送,覺得唔錯,唔係貴 ，63蚊加埋嘢飲，嚟到... 燒鵝皮好靚 但係裏面全部冇肉嘅，食得出係有心機燒，香;我諗夾埋一碟等於我去大家樂食 三件，有冇咁少呀，雖然 好似好食 ，但係我都未真正食到係咪咁好食 就已經食完。一向大餸的​我，飯我都食唔曬 因為冇曬啲餸 ，但係眼見其他又唔係太少喎 唔通我同經理講..得咁少我唔夠食咩,總之越食越勞氣, 而家食到六成飽下次我諗都唔會再嚟

想吃燒鵝但又不走到老遠的深井，原來灣仔都有好選擇。在鵝頸橋底附近的這家食店，以燒鵝和其他燒味等作為主打。由於上菜時間快，絕對是分秒必爭的打工仔的一個好選擇。鵝皮非常香脆，單是吃這片皮便已經值回票價。鵝身比較肥，但因此亦非常滑，肉相對不多，只有豪一點叫鵝肶才會有比較多肉，或試一下你的運氣看會否剛好有肶。我的經驗是鵝肶的機會還是蠻高的。大抵可能是生意好所以也很走便賣出一隻鵝的緣故。同事試過點蜜汁叉燒，據說小小肥味道十分好，但也有同事覺得太甜。我試過燒腩仔，皮脆得很，加上它的黃芥末絕對值得一試。而且令碟都會有鹽脆花生伴碟，由於數量不多，每次都要爭食🤣如果點碟頭飯會有菜甫，味道剛好用來送飯，也是用心的配菜。晚市店員的服務十分親切有禮，她更提我下次可以點兩個一人而不是一個二人餐。雖然會貴八元，但就會多一碟菜，另外可以選四款燒味而不是兩款，真的非常貼心，值得一讚👍🏻👍🏻

今日放工去銅鑼灣上課，淨返少少時間都吾知食咩好，咁岩見到有燒鵝食，見餐牌又吾係貴，快快趣去食返餐念左好耐，最後食左個 燒鵝飯燒鵝皮好脆，表面充滿光澤肉質好柔軟，配菜有酸菜，超好味眉豆花生雞腳湯，好濃郁，雞腳又淋又大隻都多豆，豆好淋，雞腳好入味，好想食多碗再叫左份鮮牛油多士，多士同牛油都好厚身，多士少少脆，一吙咬落去，牛油好香滑滿口牛油香~~一個人好似食多左少少，好飽，搞到上課恰著左，游左魂，下次一個人食返常餐

細個個陣lunch會食燒味飯，之前係灣仔翻工成日食燒味飯，夠平夠飽。但有時燒味質素不定，甘好彩今次呢間又幾高水準。去到個時已經夜晚，入面勁多人，一晚應該做到幾轉😂叫左個叉燒切雞飯，叉燒肥瘦均勻，好易咬，又重蜜香味🤤最中意有少少焦香位切雞就未算啖啖肉，但勝在冇碎骨男朋友叫左個燒鵝飯，好重味，又易咬，d皮少脆又夠油，真心正！份量亦算多，值回票價！我就要左熱檸茶，另外仲叫左個湯，勁足料！又冇味精，一定要飲

今日雖然係 10.1 不過都要出去港島區做野....聽聞有間燒鵝店好高質, 就走去一試😋燒味店係新裝修, 環境唔錯, 有卡位, 比一般茶餐廳嘅衛生好😊Menu 方面都係般燒味咁, 有單併/雙併粉麵, 都會有例牌比大家選擇! 另外都會有多士類嘅茶餐提供😆而我地有2個人, 2個人都叫同一樣野😂雙併乳豬燒鵝米粉! 米粉就冇咩特別, 不過湯底好清, 食得出冇落味精啊~而重點嘅燒鵝實在名不虛傳唔單止皮燒得夠鬆化, 肉都夠嫩, 而且女士最愛唔會太肥膩。相對乳豬就比較失色, 雖然皮夠脆, 不過真係太肥 lu, 而且燒得太燶! 但係整體都唔錯啊~總結: 我地有2個人, total 食左 HKD146, 呢度嘅燒鵝實在好好食👍大家可以試下~雖然價錢唔平, 不過係一間有質素燒味店啊！

開完了一個馬拉松式的會議, 十分之肚餓, 為了早點回家休息, 在公司附近快快吃過就好。因為肚餓, 和要慰勞一下自己, 這餐就吃豐富一點吧。+$8轉老火湯, 湯色澤像老火, 材料很多, 不能期望與家煲的原汁原味相比, 但和一般的茶餐廳比, 算很有誠意了。+$15 有油菜, 份量十分充足, 一日只食這一碟, 也應該夠纖維量, 讚賞蠔油放一邊, 可自行添加不會太鹹。選了乳豬拼燒鵝飯$73, 以為雙拼份量兩樣都減少, 卻又不覺, 兩者都份量十足, 燒鵝竟然給了我最喜歡的脾位, 實在太幸運了!燒乳豬, 皮薄脆得來香, 肉和脂肪比例剛好, 不會食到一口油!燒鵝皮雖不脆, 但也燒到幾香, 亦不會太肥, 鵝脾肉當然是嫩滑, 無可挑剔了!吃燒鵝最好是配瀨粉, 瀨粉爽滑, 鵝的油香油脂, 滲入湯粉裡, perfect match!附上了乳豬醬汁和鵝的酸梅醬, 從細節睇得出這餐廳不是一般快餐店。棋哥燒味很有水準, 價錢實惠, 一百元已能吃得飽飽, 值得回頭!

同女友行過見到間鋪頭都幾光鮮、燒味舖頭之中都算幾靚，所以就同女友入去食個燒味飯(因為佢唔太喜食燒味)，外貌協會很重要⋯⋯各位睇相就知有幾難食，去大家樂食燒味飯仲好過佢！總之大家入去食之前就諗清楚，喺香港食燒味就好似買六合彩咁，好彩嘅就斬舊靚嘅俾你，唔好彩就餐餐食骨頭，所以我未中過六合彩...

在鵝頸橋附近的棋哥新開張時長排長龍。今日一早來到 所不用排隊便可入內當然叫個店中名物燒鵝瀨粉來試試。一上台見到是鵝脾滿心歡喜。一咬下去 有浸煙燻過的香味可惜再咬下去 肉太靭咬不入所以只能吃皮。像這樣的燒鵝幸好只是沾整碟的一半,所以還可以嘗到鵝肉的味道。 鵝肉沒有so味不過都是偏靭的。至於湯底是偏淡 但食得出沒有味精。這是抵讚的。就棋哥燒鵝來說除左皮帶點香味是驚喜以外肉及湯粉也不太吸引。是日盛惠太約HKD58包飲品。

午餐時間成日都見到人龍既棋哥，小妹選擇放工先黎食，叫左燒腩仔飯同燒鵝飯，以銅鑼灣物價，又唔算貴wor，5X蚊包飲品。燒鵝有驚喜，好香被木煙過既味，完全無鵝既蘇味，燒鵝多肉多汁，又新鮮整起，仲暖暖地，好味道燒肉味道剛好，唔太咸，皮夠脆，仲係5層肉添合格！但第一次黎，唔知原來飯量比較少，無叫多飯，所以我地二人叫多個乳豬飯乳豬飯夠脆夠熱，味道剛好，都好好味！！但就唔夠燒鵝驚為天人下次黎要記得叫多飯同食燒鵝，同埋晚飯時間黎食會好啲，唔洗排隊