梨滿園韓國料理 (已結業)

第一次黎梨滿園食韓國野，除左燒肉原來仲有好多性比價高既set。前菜份量好多，而且味道好好。有南瓜，西蘭花紅羅白，唔少得仲有泡菜，芽菜。叫左人參雞湯$68Set, 人參雞入面係糯米餡，雞肉既精華滲落雞湯，飲落好暖胃同有香濃的人參味。海鮮煎餅$58係出名既韓式小食，粉既比例都ok, 有海鮮配料，不過油左少少。上湯海鮮烏冬$58，湯底較濃郁，咸咸地味道中等，但勝在夠健康。同韓式紫菜蛋餅$32，好似玉子燒咁，但係中間夾左紫菜，蛋煎得唔算老，味道ok仲有野飲Tim。

今晚約咗朋友晚餐，我哋揀咗位於樂富廣場嘅梨滿園韓國料理。可無限量追加的前菜辣牛肉粉絲湯＄55一人份量嘅鐵鍋，熱辣辣的上桌，紅卜卜嘅粉絲湯令人垂涎三尺！入面牛肉同粉絲嘅份量唔少，仲有其他配料，辣度適中，好快就被我哋一掃而光。韓式炸雞（芝士） ＄75非常大碟，雞肉炸得香脆可口，仲有一層層芝士係表面，非常邪惡啊！點埋韓式辣醬，就更加惹味了！韓式紫菜蛋卷蛋捲賣相精緻，雞蛋嘅質感軟滑，唔會過老，非常滿意。餐廳嘅價格非常親民，想食個超抵晚餐，梨滿園韓國料理係不二之選呢！

最近，一連食了2次韓國餐。估唔到樂富都有好味及低食的韓國餐。我地四個人叫了中價的四人餐，原本想如果個餐唔夠食再其他食物的，因為我地四個人都是大食怪，但最後是飽到差少少食唔完d食物。前菜~ 芽菜，芥菜，南瓜，泡菜，酸蘿蔔同魚仔，食完仲可以添加的。烤肉什錦拼盤~牛，豬，雞，份量是一人2至3片，自己慢慢烤，慢慢食。生菜籃配麵豉醬~新鮮生菜配蒜片，辣椒片，包住烤好的雞肉，牛肉及豬一齊食，非常之“正”。韓式炒年糕~翠玉瓜，韓式魚片，洋蔥，蔥段，年榚炒起來清清的味道。鹽燒鯖魚~香煎清魚，熱辣辣上枱，配有芥末鼓油食，我鍾意加點檸檬汁，把魚新味更加特出。香煎餃子~8隻香煎的餃子，外皮香脆，裡面有豬肉，粉絲同菜。餃子不會因為外皮煎到香脆，裡面變得乾身，剛剛好鎖住肉汁，非常好食。飯及豬肉湯~有一碗白飯及一碗香濃味豬骨靚湯，湯是煲至奶白色的。韓式生醃醬油蟹~ 服務員提醒過由於蟹是從雪櫃中取出未完全解凍 ，所以要等十分鐘，但我已急不及待立即品嚐，味道有點像雪葩的蟹，蟹鮮味十足，仲有點醬油味及小小辣椒味，令我想起在韓國買回來的醬油蟹，令人回味無窮。

一直覺得在香港食韓國野定價都唔低，但無想過在香港都吃到超值又好味的韓菜今次點左呢個特價晩餐人參雞湯HKD68，就有咁多野食，包白飯，配菜兩碟，例湯配菜好食，例湯亦不錯，人參雞湯簡直好食雞煮得夠嫩腍，而且滲透人參香氣，食落有參味，味道不鹹不淡，十分適中另外亦點了醬油蟹，味道一貫的好吃入口滲滿醬油香氣味道，十分美味而另一至愛，生牛肉亦係必吃，好吃又抵吃!當中的雪梨絲令整碟生牛肉增添清甜當然把鮮蛋黃，及所有配料拌匀後一起吃是保持最佳風味整體所有的食物都很不錯，雖然定價低，但質素及味道亦未有遜色，值得一試！

今日同屋企人去左樂富睇野, 之後就周圍搵下有咩好食, 亞爸話想食韓燒喎, 行行下又真係比我地見到呢間韓國餐廳喎, 哈哈, 一於入去試下先. 我地3個人叫左個4人餐. 哈哈因為我地驚唔夠食. 有禮既店員會先為我地送上六款前菜, 有泡菜呀, 大豆芽呀, 白菜仔等等….. 正!! 如果有得再追加就好了, 哈哈….呢到D抽氣係可以調高低既, 當然啦, 如果唔想咁油煙就記得要打抵D LA.之後店員會為我地送上餐湯同白飯. 個湯都好清甜.跟住4人份既烤肉什錦拼盤就黎到啦, 有豬牛雞, 豬肉油脂分佈得均勻, 牛肉都唔會硬, 雞肉味道OK.之後仲有韓式炒粉絲, 鹽燒鯖魚 & 香煎餃子, 成個餐都好豐富架, 今餐真係食到飽飽LU. 除返開每人都係百0蚊.

好耐無黎過樂富啦, 今日黎搵個FD, 見到D商場都裝修得好靚, 仲見到呢間韓國餐廳, 一於同朋友入去試下先, 我地叫左個4人餐$428, 首先黎6款前菜, 有泡菜, 大豆芽, 魚仔, 波菜, 白菜仔, 白羅白.之後就黎個烤肉什錦拼盤, 有牛肉, 豬肉&雞肉, 同時店員會為我們送上白飯 & 例湯.將D肉類燒好就用生菜加點麵豉醬包住黎食, 咁樣食落會無咁漏, 又或者可以用來送飯, 正!!之後仲有韓式炒粉絲, 嘩….份量都唔少架, 煙煙勒勒, 味道適中.再黎條鹽燒鯖魚, 呢個正, 唔會好醒, 咸咸香香好送飯, 而且唔太多骨, 小朋友都食到.最後黎個香煎餃子, 啱啱煎好, 熱辣辣, 唔會太多油, OK.

平日返工放工經過樂富呢個屋邨商場，好少放慢腳步留意鋪位格局，只係留意到M記早排由街鋪搬左入商場樓上鋪之後，經過商場時隱約聞到M記薯條味。最近發現商場M記附近開左梨滿園分店，之後諗番自己都好似好耐冇同屋企人同女友食韓燒，於是決定相約去食晚飯。我們一行四人，第一時間先睇四人餐有咩食。$428就有韓國前菜、一大碟烤肉、4個小菜再跟飯同例湯，盤算一輪後覺得幾抵食，所以一於試下。熟口熟面的6小碟 ─ 南瓜、大豆芽菜、白菜仔、泡菜、薯絲、雜菇。淨係望住眼前呢碟烤肉都知好夠食。雞件同牛肉都醃得好入味。店員仲提我地可以用生菜夾住烤肉食呢。「節瓜煎餅」沾了蛋漿煎成金黃色，味道不變情況下，賣相已加分。平日雖然少食魚(因為總覺得挑魚骨係件麻煩事)，但「鹽燒鯖魚」可謂百吃不厭。魚身好在唔會太乾太鹹，加點檸汁食，味道剛剛好，好啱搭配烤肉食。飯後仲有橙食，簡簡單單又一餐。

天氣炎熱，少了户外活動，多了閒逛商場，很久没逛的樂富廣場地方真不少，逛完了找了間梨滿園韓國料理晚飯，這輪特別喜歡食韓菜，這夜㨂左個$428元的四人套餐，平均每人都是一百元多D，份量款式質素都唔差，幾扺食。前菜有六碟小食，泡菜仔、芥菜、大豆芽菜、醃蘿蔔絲、鹹魚仔同南瓜，各樣都不錯，尤其喜歡南瓜。跟住有豬骨湯，碗湯重有幾舊豬骨連肉啃下㗎。然後一個烤肉雜錦大拼盤，裏面有豬腩肉、牛肉雞肉。牛肉同雞肉都醃過。燒牛肉就要小心，燒一陣就食得啦，否則會太熟。可随意拿塊生菜將烤好的肉連埋生蒜頭、辣椒絲加埋啲麵豉醬包好佢一齊食，非常惹味。跟住仲有煎得香脆的鹽燒鯖魚，而香煎餃子裏面嘅菜肉比例平均，熱辣辣的每人都有兩隻。同埋韓式年糕，有啲辣，不過裏面仲有啲薄薄哋嘅魚片幾好味，其實呢個餐每人仲都有一大碗白飯，澱粉質同肉類小食等已經非常足夠4個人的份量了。

因事要到少 踏足的樂富 ，很久沒到了這區了而這裡也起了很大的變化，商場多了不同品牌商店，異國風味食肆林立選擇很多人氣很旺。今天處理完一些事項已經很晏了肚餓非常，走到樂富商埸醫醫肚！ 眼前一亮……遇上了"梨满園韓國料理"甫入 見裝修很地道的韓國餐廳 模式枱上吸油煙氣管和红色的吊燈很有韓味感覺……可能是下午茶時段吧，一些本區街坊食客進了場男女老幼，拖男带女的很熱鬧！顿時有一種 很親切很街坊的感覺店員很有禮貌很熟'絡 地 招呼，再看看menu只有下午茶餐沒有午餐選擇了，我們選了……免費的餐前小食豚肉炒年糕 / $ 39 飲品一杯醬汁很惹味少少辣，年糕炒得很煙有嚼勁 不糊口，好入味，豚肉滑，配菜甜！上湯海鮮烏冬 / $ 41說實在，碗烏冬上枱時的賣相不太討好，但入口就 有種截然不同的感覺！湯清甜，烏冬滑，蝦鲜甜爽口，食材非常新鮮 ！整碗味道鲜美！有驚喜！小食~燒多春鱼 / $ 38鱼身燒得香脆！凍飲 + $ 8很滿足今天的下午茶，很抵食，味道好！難怪深受街坊捧場喇！

返左香港又放假真係密密飯局，見哂啲想見既朋友，今日接朋友放工，就近去左樂富商場，兩個人唔知頭唔知路就揀左吃韓式燒肉😗六款前菜，有得添☺️湯都清清地，唔太鹹，清下喉嚨準備食野。生菜包有埋蒜頭真係好開心，生菜好新鮮又脆。一大盆肉品，有豬五花、牛肉同雞肉，睇落唔多，食到最後已經比哂朋友吃。韓式炒粉絲，食食下已經將佢加埋入生菜包度食，意外地夾，朋友負責清牛肉，我就狂食粉絲🤤🤤仲有飯，真係飽到加零一🤦🏻‍♀️🤦🏻‍♀️

呢幾日比另一半係咁洗腦話買部Switch可以一齊玩，無佢符起上黎唯有周圍睇下邊到有機買又唔洗食炒價。點知係樂富UNY撞見岩岩返貨，即刻原價入手，機率真係難過中六合彩 。買完機之後行過兩步見到呢間梨滿園，陣陣既燒肉味瀰漫而黎諗起好耐都無食韓燒，就同佢入黎燒返一晚。呢度座枱擺設十分寬鬆，每張枱頂上都會有一台吸油煙機，烤肉果陣可以拉下吸走油煙唔使搞到衫褲都一陣味。我地叫左一份二人套餐，驚唔夠食就額外再叫多一份烤金沙牛仔骨。 二人套餐包左前菜、烤肉什錦拼盤、生菜籃、炒粉絲或炒年糕、例湯同飯。落完柯打冇耐六款前菜已經立即送上，單單係前菜就已足夠食飽我地個肚咁濟。因為整得真係幾好味，其中腌蘿蔔絲同薯仔絲最吸引，蔔絲酸酸甜甜好開胃，薯仔絲就爽脆而且薯仔味濃郁，搞到我地兩個食唔停口。個餐可以係炒粉絲同炒年糕之間揀一款，咁我地揀左前者。炒粉絲乾身得黎仍然保持煙韌，牛肉片份量亦都好足，味道調得刪剛好，雖然食落好似有小小偏油，但同前菜配搭起上黎仍然醒胃。烤肉什錦拼盤，質素絕對在水準之上。而且豬牛雞款款肉都有，可以一次過滿足晒三個口感願望。學韓劇入邊嘅食法，將肉烤到微焦然後用生菜包住，再加泡菜、蒜粒，一啖放入

今日行完街 諗住揾啲野醫下肚 所以去咗樂富商場揾到間韓國野 入到去至知仲有下午茶添下午茶餐都幾多得揀 有成2頁menu 包你一定啱食 價錢都幾實惠 幾十蚊 有前菜 仲包熱飲前菜方面味道都唔錯 唔會太咸石頭鍋飯最鐘意多菜 真係好多 仲有辣椒醬 拌一齊 正正！ 啲菜同飯一齊食 又fresh 又有口感 我揀咗牛肉 估唔到牛肉份量都幾多 唔會得幾塊 飯量都係完全係午餐份量 一啲都唔似下午茶😂最後仲有飯焦添 好滿足

有朋友從美國回港，足足五年無見！終於俾我sip到期食飯，為左就朋友，約好係樂富食飯！估唔到樂富變左咁多！真係好大鄉里出城feel!商場裝修完好靚！諗住同老友坐低慢慢傾，所以揀左韓燒！呢間韓燒裝修真係好似韓劇入面d燒烤店我地叫左二人餐，再加個牛肋骨粉絲湯。二人餐有前菜，烤肉拼盤即雞肉，豬肉同牛肉，配生菜、蒜片同麵豉醬，炒粉絲、白飯同牛肉湯。前菜好味，份量剛好，最好味係泡菜同醃蘿蔔，送飯一流！烤肉拼盤份量足料，三款都醃得好入味，肉質新鮮，配燒肉汁真係無得輸！炒粉絲好好味，下椰菜一點都不鄙吝，粉絲煙韌有口感！另外牛肋骨湯濃郁。兩個女生，真係捧住個肚走，今晚真係大滿！埋單先三百幾！OMG🙈真係好誇張，性價比超高！已約友人返美國前再食多次！P.S. 中間有段小插曲，我地烤肉烤到一半時發現鐵板開始污糟，店員見狀二話不說幫我地換上新鐵板，典型劉華式服務態度！抵讚👍🏻

去探朋友 順便喺佢屋企附近食飯附近多數係連鎖集團 呢間可能係小店 街坊生意 價錢都幾親民先有六小碟 除咗泡菜自己唔鐘意食 薯仔絲 菜芽菜 菇同南瓜都係少少調味 唔係酸嘅 爽口 小菜 開胃嘅燒肉拼盤 豬牛雞 份量都唔細 慢慢燒慢慢食 一d都唔急雞有醃過 好滑 牛肉就碎d燒好的豬肉片同燒過嘅蒜片用生菜包住 搽面豉醬 普遍嘅食飯 飯同湯 蕃茄薯仔糖 薯仔好林 好屋企嘅味道 飯係珍珠米燒好的雞肉沾醬油 好送飯！牛肉炒粉絲 粉絲好碎 都好林 調味偏重 每啖都好入味牛肉都係碎d 但勝在料多！

今日打風，街市買餸勁貴與其係咁，老豆建議落街食，我就冇所謂，但係我細佬就話一定要食韓國嘢，咁就順下佢意食韓燒啦餐廳為處於地鐵站附近，地點都幾方便一開始我地點左四人餐食韓國餐前菜係唔少得嘅，有我最鍾意食嘅中華沙律， 好爽口夠凍餐廳將食物一次過放係我地面前，鍾意食乜就食乜，唔使等拼盤入邊有牛舌，牛肉，五花腩同埋雞將生菜墊底加上燒肉放上蒜粒，加小小辣椒醬， 識落唔油膩韓式煎餅，食落辣辣地又幾開胃，而且想到枱面仲係熱辣辣韓式薯仔雞鍋分量係勁量級，配上大量香料醬汁，雞肉都算幾滑，送飯就一流