梅貴緣 (已結業)

見過有FB專頁介紹尼間所以黎試下。結果覺得9成的食物(佢大概有廿款菜式)都係好難食。吾係「吾好食」, 係真係好難食。個黃薑粉撈爛飯簡直驚人!! 其他炒菜完全無味, 我白烚都整得好食D。得香口野叫做入到口。但佢個炸腐皮無敵多油其實都好吾ok。然後話就話有廿款菜但款款都好單調, 而且無水果甜品, 只有一款糖水。真心寧願去茶記食個穩陣的碟頭好過。週末中午收78一位真心覺得非常吾值。但我見尼間店都算多人幫襯, 可能係我人衰食佢咩都衰啦。

很喜歡這裡的素食,廚師充分了解每一樣的食材,煮每款菜都能突出每款食材的原味,味道清新款式不停轉換,經常有新款式refill炸物,清炒,麵飯,糖水都非常好味,美中不足係羅宋湯比較多油。老闆娘很好人,對客有禮,招呼非常好仲有學生和長者優惠,感覺到店主真正想推廣素食坐位雖然不是太寬敞,牆上掛著很多中國特色的相片,裝修簡單但優雅舒適。午餐時段自助餐$68一位,食到好滿足另外都提供散叫Menu,聽老闆娘講,佢地仲有水煮四川素菜,下次都想試下

一舊幾水嘩哈哈(晚餐素食自助餐)平通港九真堪誇發現深水埗奇葩不會將貨來就價有菜有花又有瓜(椰菜花、西蘭花)有炒有焗又有炸煮意多有艾D 牙素食口味怎會寡可口味美誇啦啦小店親切更室雅佈置簡潔賞名畫開心茹素一樂也齊推廣素食文化電話訂座畝黐牙 畝黐牙菜式計有：干燒伊麵、豉油王煎腸粉💚、白汁焗西蘭花、小炒椰菜花、紅燒茄子、炒時菜、炒黃芽白、清蒸南瓜、蒸冬瓜片、炸素餃(椰菜餡)、菜乾湯、麵筋、火龍果粒、涼粉、雜菜沙律等等，不勝枚舉。

今年爸爸生日話想吃素，聽朋友說這兒有間新開業的素食館，我們一家六口帶著戰戰兢兢的心情來試試。店子雖小，但人頭湧湧。素菜款式都算幾多，味道不俗，比想像的好。值得推薦

估唔到素食都可以咁多款式，第一次食素食自助餐係深水埗最平民化既小店，但都要$98/位，有點貴呀；另外可以外賣雙拼飯走；一早訂左位，但我早到左都要等差不多半個鐘先有得入去一出地鐵站都行左一陣先搵到，基隆街都幾長，一家人或者老年夫妻比較多，個個人行出黎都會多謝老闆娘同埋讚好好味我都好期待，終於到我地入去啦😋坐底係要自己拎碗、筷、碟、杯；飲品有檸檬水同茶，仲有中湯、糖水、粥、白飯、炒飯、炒麵野食真係比我想像中多，豆腐、聖瓜、節瓜、苦瓜、南瓜、通菜、菜心⋯⋯你諗到諗唔到既瓜菜都有最驚喜係第一次食素漢堡包，好味食到好飽既時候，新甜品出爐😍馬蹄糕。微甜，超好味，食埋個綠豆沙真係好飽啦😝下次再試食其他

見網上有人介紹過，我同阿媽去試過，好失望，性價比極低，假日收78蚊位食個半鐘，食物質素一般，因為下午2點才到，食物只剩下很少，選擇不多，只有10多款，而且冇哂食物也不refill, 這還算自助餐嗎？完全係大陸餐廳的經營手法！職員也不老實，明明下午2時半有8折，但職員說沒有打折，欺騙顧客2時即刻入座，收較高的價格！野飲方面，只有所謂的檸檬水和中國茶，味道跟水一樣淡，總之質素很差，不會有下次！以這個價格，可以吃到質素好過呢間嘅野啦！

嘩！d提子酸到呢...睇左幾篇食評都係話食唔到跟住話人服務安排差。真心佩服。琴晚同老婆阿囡去食，冇上次咁好彩，排左大概半個鐘。價錢由$78加左做$88，但款式多左好多，咕嚕素肉、素鵝、素雞、素魚生、素漢堡、芝士菇、椒鹽豆卜等等。d素肉好似真既咁，味道都唔差。老婆就話隻水餃好得，但我就覺得淨係得d菜唔夠咬口；阿囡就瘋狂食炸糉，都真係幾好味。至於上次食過果隻炸南瓜餅，一出就俾人搶，我先食得一舊，唔夠喉囉，唔該呀梅貴緣整多d啦。老老實實，間舖堅太細，座位都幾迫，出入拎野食都唔太方便。老婆話下次要帶埋我外父外母黎...間野冇電話訂位架，今次又食唔夠3百蚊做唔到會員，又定唔到下次即係幾時，咁多人下次要排幾耐呀...

打電話去就話冇得電話訂位、只可以親身去訂位、亦都會預留啲坐位比walk in客。第一次去時6:30到，想等7:30walk in位，佢就話7:30 full book（仲over book!) 咁之前又話會預留位比walk in客？！好啦、橫點去到就book下次啦。第二次去到時7:35，係我地遲左5分鐘，跟住佢就已經將將枱比左walk in客，今次又比人walk in嘅？！咁佢地4個人，我地得2個人，賺多一倍喎、龍門任擺、你玩曬啦、一定唔會再黎

食物非常普通，又無得訂位，都算啦...最大問題係明明三個人坐左一張四人枱，撘多一個人入嚟都合理，但撘多三個人喺旁邊坐圓櫈係完全唔合理囉！迫到完全食唔到野！太過分囉！我知你係sell自己平價自助餐，但都唔係咁樣做生意囉！一定無下次！

早2個星期六係網上見到呢間小店打算第二日試，咁就book左12:30去下啦，當我準時到達個時竟然見到人龍出現。但店內又有人享用緊食物，當然我見到入座前要先俾錢嘅，咁我禮貌地問問係排隊入定點?一問之下原來條隊係for book左枱嘅人，咁我諗排隊俾錢再入都好合理丫，收個錢好快啫。到仲有4個差不多排到嘅時候開始有人藉問野為名打尖，收錢個女士(⬅⬅負責人，因為網上見到佢做訪問)完全唔識handle件事，一邊同隊頭嘅人講道理，一邊又安排打尖嘅人入座。而我由12:30企到13:00先入到去，當我一路排已經見到前面有對已訂座嘅人都因為負責人處理不當又講一大輪道理而嬲到走左……我心諗食個飯啫，由佢啦~排一陣、都由佢啦~點知愈接近龍頭我就明白點解收個錢都要排半個鐘!就係因為個負責人做野好慢又顧住每個客人講道理，睇得出佢係個種心境平和做事井井有條唔打亂得schedule，一亂就要用自己方法control嘅人。我都係個中意嘆慢板嘅人，但都明白處理客戶要按情況處理。大佬呀！我食個飯啫、唔使搞到中午時份係街係咁曝曬又要俾人打尖就係為左你同每個人講道理、講點解排隊、講點解要book位、講點解有個飲食概念…你要講

小店💪💪超強素菜話說我呀爸好鍾意捐窿捐罅搵食。今日揾我食lunch,話食light d. 食全素，極力推介呢間招牌都未搣既vegetarians all you can eat.我呀爸活佢裝修時我已經知，難怪佢從來唔靠open rice.入到去， 佢話先收錢114。我就攞張500蚊紙出嚟，以為每位114點知原來每位38😱😱， 心諗38蚊位仲要任食會有啲咩畀你食，實中伏。點知real surprise. D野非常健康少油仲好好味，個枝竹同蕃茄蛋蘿蔔糕都好ok....之後我不停話38蚊個lunch點做。第一次真心覺得佢快D加價長做長有,btw佢煲天山雪蓮好x10味， 淨係碗糖水都值28蚊啦，仲有水果， 飯粥饅頭奶黃包....真係抵到爆真心推介!updates......上面呢篇我第一次去時寫既食評最近一次去,sunday dinner, 已加到$98, lunch $68-78. 仍然覺得價錢合理，同好食

自從看見 網上的食評後就到 玫瑰園齋菜館 嘗試齋菜， 卻這裏的服務態度卻如同小學雞一 般， 我六點 鐘 到門外等候, 他告訴我們七點半可以準時入座， 還說沒有籌， 直到六時半才派發 籌號, 從一開始我們拿到的是5號， 眼見3號和4號也進去， 我們已為也快能進去結果 告訴我們要先讓預約的人進去， 有多餘位置時便可以讓我們進去 結果直到七點半， 我們發現畀我們 遲來 以拿到 籌號 的人比我們更先進去, 試問這樣開門做生意的餐廳， 如此對待顧客的態度正確嗎？ 試問齋菜的旗號的人如此對待別人正確嗎？ 別以為自己是什麼天王老子! 你只不過是連螞蟻都 不如 的餐廳， 員工和老闆娘的態度令客人反胃， 尤其現在正直佛誕假期中， 我建議老闆應該明辨是非依 規矩做事！！！！！！！！！

下午12點鐘去到，啱啱有兩個位，所以先可以即時入坐，裹面大部份都係上咗年紀嘅人，場面非常嘈。我同媽媽比咗錢之後就坐好，咁啱就有另一批客人黎到，老闆見狀，就同客人講無位，客人問要等幾耐，就話要等好耐，叫佢地唔好等，跟住成班客人就走咗。（有趣😂）之後，又有另一個客人黎到，見無位諗住叫外賣，點知正當要收錢嘅時候，老闆話自助餐嘅野食都已經出唔切，外賣做唔到，又一張單離開咗。（嗯，非常有趣😂）到食物啦～我見到一個鐵盒上面寫住炒飯同炒麵，我一打開啲蓋，飯呢？無飯嘅?啲炒麵得幾啖，連一碟碟頭麵嘅份量都無。（唔係呀！）跟住續個續個鐵盒打開，都係得三分一嘅餸，有8成嘅餸都係同樣製法嘅菜同菜。（笑咗😂）素肉都係得兩至三款，由以上觀察，大部份野食都係即整，所以出貨出得慢，雖然我欣賞佢地對食物嘅要求，食物亦都唔會過多油，味道亦都唔會太淡，好值得欣賞，但係管理上要花更多心機。我見坐位需求量大，所以我都快快手食完就走，我食咗大約一個鐘頭，成個鐘頭裹面都係得一兩個客人走咗，等待時間真係比較長，如果去到無位想等位嘅話，最好個日嘅時間比較空閒先好去。啲齋鹵味味道不錯，豬仔包，春卷都好味，但個炸南瓜糕似炸咗嘅糯米糍，味道

頭先同個friend諗住去深水埗食強記，點知full晒要等唔知幾耐，照等啦。等等下見到對面有間好似係餐廳既野窗上面貼住d咩58、78。八卦過去望下，有位阿哥就係咁一輪嘴講：素食自助餐78蚊任食，xxxxxxx(中間果d聽唔清楚) 咩都有....咩話78蚊？有冇咁著數？講真我唔係幾鍾意食齋，不過見佢咁平，入去行個圈睇下佢有咩食啦，反正強記唔知要等幾耐。頂，入到去睇咪又係冇位，間野都算細間，眼見應該冇30個位，俾人行既地方唔多夠闊，其實同入面d夾緊野食既客迫住行。真係咩都有，炒飯、炒麵、菜s、豆腐，瓜s、煎糕s、炸野s、菇s、糖水、湯、甜品s、生果等等，仲要有檸水同中國茶飲。我同個friend見咁筍即刻話試下，好彩咁岩有兩個客食完，唔駛等。食物味道唔差喎，似係一般酒樓食果d餸菜，佢地有埋番茄蛋，蛋都算齋？炒飯都有蛋，事但啦，我又唔係信佛。當中有隻叫唔知咩炸南瓜餅真係幾好食，外脆內軟，又唔算太甜，我啪左3舊。傾下食下坐左成個鐘有多，飽到一個點。埋單走人，原來加一都唔駛，真真正正$78任食。我本身都唔多食齋，不過食完今次應該會再叫d friend同屋企人黎再食。