桃園麵家茶餐廳 (已結業)

lunch全部唔比食煙!!!!!所以一d都唔驚食完一身煙味~午餐通常都係好大碗飯好少餸所以我都係食日日都有的常餐~有好好味的煎蛋白同牛油多士~~

9月15日21:15終於捱到星期五，可回港小竭，回家前在這店充充電。要了店員推介的麵餐：牛丸、魚皮餃河，配通菜。牛丸、魚皮餃河：河粉幼滑一族；牛丸有咬而偏鹹；魚皮餃極突出，皮有魚味、餡料肉汁鮮美。通菜：幼嫩，腐乳鹹而不香。我本祇要雙拼河粉，但店員自動推介較"抵食"組合，要加分。店內貼上了提醒店員對客之道的通告，要對話事人加分。題外話：本是17:45收工，奈何因報關公司一個電話，便要和總公司聯絡，最後19:30才能離開深圳公司>m<。

又到了一年一度的書展，先在這裡吃午餐補充體力．正值午市，又適逢書展，人多擠迫．見餐牌推介咖哩牛腩一流，就叫了咖哩牛腩飯，男朋友叫了午餐．午餐有羅宋湯，火腿雞扒飯和凍檸茶．羅宋湯很多料，有點辣，我吃不下太辣的食物，擔心咖哩會很辣．幸好咖哩不但不辣，而且很香椰汁味，餸飯一流．牛腩好腍好入味，可惜午市沒套餐供應．下次不會再在午市來，實在太迫了

晚餐：咖哩吉列豬排飯+熱菜蜜塊吉列豬排大到唔信，佔o左隻長身碟一半，勝在新鮮炸起熱辣辣，而且d 咖哩汁唔係淋晌豬排面，而係先淋汁上碟，然後先放豬排上去，如果汁多o的，配菜多o的就仲正!!

o係咁多間「桃園」裏面只有呢間我絕無反感：可能因為佢D 款又多又雜，同埋我咁多次食都好好彩無遇到不愉快事件。今早主打係奶醬多熱啡。好奇怪奶醬多只收$6，而其他厚多雜多就$8（因為佢幫件奶醬多o係中間開多一刀？）味道當然係普普通通，但勝在超快上。熱啡係熱既忌廉咖啡。我係一個對任何茶記既用任何方式整既忌廉咖啡都有情意結既人（因為香D 滑D ），所以呢杯都唔例外...好飲。同個啡底唔曳。呢間桃園最衰係無多士早餐堂食...不過有既話，我諗佢應該回唔到本。

早排落好大雨呀，上完堂唯有逼住去附近食啦。呢日去左呢間桃園，叫左兩個餐，一個係砵酒牛扒加腸仔（原本係豬扒架，後尾轉左，茶餐廳轉野真係快），另一個係咖哩豬肉加雞肉天使麵。話明係餐梗係有紅白湯同餐飲啦。個白湯好特別喎，加左紅腰豆，搞到碗湯紅色。但係兩個餐就麻麻啦，係乜鬼砵酒呀？燒汁之嘛。個咖哩又冇話特別香。整體來講，都係一般茶餐廳水準啦，唔知唔落雨有冇咁旺呢？

世貿終於完左,今日可以過返平時係灣仔生活,收左工就去左桃園食飯,天氣凍凍地,食返d暖胃野,咁就叫左個咖喱牛腩飯,飯黎到,買相吸引,有咖喱香味,牛腩"蚊"到幾淋,仲幾多下.價錢平,月尾去食到得,岩晒打工仔.

已經好耐無黎…係我同男朋友都最喜愛既茶餐廳之一！今晩再黎桃園…因為懷念佢既魚皮餃，所以趕時間都要食！六點鬆D，得幾枱人…郊外靚油菜，要左生菜配腩汁(因為我倆唔愛蠔油)…噢…從未見過咁混濁既腩汁！好好味！有好濃郁既牛腩味…估唔到$10一碟普通既油菜都可以俾我嘗到咁正既腩汁，相信佢既牛腩一定唔錯。潮州魚皮餃撈幼麵(撈腩汁)，四粒魚餃，有紫菜同生菜做配菜…魚餃皮白色，一睇就知係真材實料，厚得黎有口感，豬肉鮮味，同以前一樣咁好味！咁好食既魚皮餃，真係唔知邊度有！就連紫菜都咁好味…湯底係用雞同豬骨煲足十二個鐘既濃湯，好好味呢！幼麵雖然有D醶水味，但質感拍得住永華麵家既竹昇麵。加埋腩汁撈麵，好美味！甘荀菠蘿沙冰加紅豆…好大杯，一次滿足三個願望…飲到菠蘿味時又不失甘荀香，紅豆軟腍度適中，略嫌豆豆甜左少少，但係配撘新鮮，要加分！餐牌中有好多特色食物，種類多，又夠創意，最緊要好食又價錢合理。不過服務同地方就一般喇！但要食好野都可以將就少少既…

平日lunch根本無法有位(除非願意等位)今日5點同老表黎食tea,要左個油酥餅+雞肉沙爹$18及咖哩角薯仔沙律$18,凍飲加$2要左凍檸茶及凍華田.油酥餅同雞肉沙爹都幾好食,但份量就細左d!自己吾鍾意食薯仔沙律,所以無法評論.凍茶一般啦!

8-8-2005 1655縱使私底下幾乎冇同的同事一齊出去午膳，但下午茶既時段一定會pass紙仔俾大家填充。我點了越南冰皮春卷拼薯條，此冰皮不同月餅既冰皮，的皮似雀巢的春卷皮，裡面唔係好多料，其實好普通，廿蚊，有得食又有得笑已經值回票價。題外話：近排有好多同事都帶飯，叮好的飯，還未入黎食，我一定會大叫：「邊個邊個，開飯啦！」跟住一齊準食飯時又會叫：「各位開飯啦！」似乎公司的人都好鍾意食野兼食量驚人(但未去到小暴龍級數)，會唔會因為係同這裡有關係呢？

d 椰汁好水紅豆唔夠$15唔好飲不過佢平時d野食係唔錯ga

今日放左工搵地方食晚飯，行行下諗起係呢度睇過其他食家的食評話呢度o既咖喱不錯...橫掂次次去親都係食set dinner ，今次就試下新野~一坐低即刻叫左個咖哩牛腩，唔使三分鐘就有得食! 第一啖試下個咖哩汁，不太辣而椰汁味重，是接近香港人的口味。再食下個牛腩，都幾腍，份量亦足。價錢方面盛惠三十蚊，論抵食就只算一般。論咖哩我都係比較喜歡同區「得成」的咖哩，咖哩味重D，份量比桃園的多同埋平D (以晚餐計)。如果大家去開呢間野食我會推介食set lunch / set dinner，比三十幾蚊就可以食到其他地方賣四五十蚊的dishes好似羊胺及煙鴨胸之類，咁o既價錢有呢D野食都算少見。

琴日去完game show 帶0左男友去桃園食晚飯。自從唔洗再係灣仔番工都冇再食過呢度0既咖哩牛腩，仲係依然咁好食！連男友都讚呢！

可惜食晏時間實在太多人, 座位好迫, 食完幾乎趕人走. 最好non-peak hour 先去食. 晚飯時間會少D人.推介: set lunch 同set dinner 都有水準; all-day 茶餐也不錯; 仲有粉麵餐. 熱飲會抵飲D.

呢度食飯時候都唔少人，好彩今日一個人來就唔使點等位，好快有得坐低。叫了咖哩雜菜蛋餅，咖哩是馬來風味，重椰汁味而少辣味，雜菜是紅蘿蔔、西蘭花、粟米芯等，加隻煎蛋都唔錯。