桃園眷村 (已結業)

今日很悠閒地一個人係旺角逛逛，行過朗豪坊，諗起呢度有鹹豆花食，即刻上來試下先我一個人好貪心地叫左兩樣野試，一個鹹豆花+一個芝士蛋燒餅。兩樣都好大份，所以食唔晒唯有打包😅呢度係叫左落單比個機你，等個機著燈就可以過去拎野食。首先係最想試既鹹豆花，有菜圃、紫菜、蝦仔同油條粒粒做配料。第一次食既我感覺好新鮮，覺得比甜既更好食🤤蝦仔好香、油條粒粒脆卜卜、豆花滑溜👍🏻我很喜歡💕至於芝士蛋燒餅，有片生菜消下濟，燒餅脆的，芝士蛋本身有落鹽整，咸咸香香加多片芝士，正不過下次一個人食叫一樣野就夠，食淨成大半個燒餅🙈🙈

晚飯時間嚟到朗豪坊有啲野做。有少少肚餓，想食啲小食，竟然諗起漢堡包，諗住食毛仔，點知轉左手。算啦！當試下新野，我叫左份滷肉蛋飯糰同埋一杯無糖豆漿。個飯糰太似粢飯，加上有保鮮紙既東西包住，於是徒手食。對比粢飯，手感上佢唔夠實在。 咬落去口感有點鬆散，魯肉同蛋不算太多，但有類似榨菜爽口的東西。無糖豆漿好大杯，真係好熱。飲飲下我的味覺很奇怪。我覺得有少少鹹，飲飲下又有少少甜。總括個人而言，我都係鍾意食港式粢飯多點， 反而豆漿，我覺得台式依隻幾好飲。

上次去台灣想食好出名既豆漿,仲專登搭車去食,但好可惜裝修食唔到。知朗豪坊開咗一間同類店,所以就去試一試。咸豆漿-之前無食過咸豆漿唔知原來咸豆漿有咁多料仲落埋辣油。唔知係咪都唔熱既呢。甜豆漿-無咩特別,唔係特別滑,特別豆香。夾餅蛋油條-又係一d都唔熱,個餅仲有d硬但脆既。個餅硬極都唔夠油條,應該係因為唔係即做,所以放到硬晒。蛋係ok既,但連匿個都唔即煎就真係好唔得。整體呢我估係即做會好食好多。匿個價錢去一d舊式粥舖食豆漿油條應該好食好多同好飽。

一張相已經影哂我地點既食物鹹豆漿＄28 有油條、榨菜、蔥同紫菜絲係鹹香既味道，所以豆味唔算太濃放耐左開始凝固，成為類似豆花狀嘅物質另外，滷蛋肉燥飯團🍙同港式粢飯差不多，但有點鬆散，似乎我每一啖都總會跌緊d飯或者肉碎味道還可，但以呢個質素好似貴左d仲有豬扒蛋燒餅$48燒餅好脆，加埋蛋同豬扒係好食既，但食半件已經好飽，而且好乾，食幾啖已經好想飲野好在隔離有同樣來自台灣嘅一芳三樣野，兩個女仔岩岩好，都有d食唔哂！全都是飽肚食物總結，唔知試唔試好既，其實可以唔使試當然，好鍾意台灣早餐嘅絕對可以一試

呢一兩日天氣冇啦啦又清涼咗好多🤔所以突然令我諗起之前好凍嘅時候飲嘅熱辣辣米漿🙈.位於旺角朗豪坊嘅桃園眷村，係主賣我一直都好喜歡嘅台式/上海式早餐類食品。我好想食咸豆漿同燒餅🤤但是日啱啱食完正餐，唯有正係叫杯飲品，咸豆漿同燒餅就留番下次啦😛呢杯米漿真係熱到打開蓋灘咗一陣都仲冒煙😂熱到辣親手唔係講吓㗎，因為同行朋友開蓋嘅時候真係唔小心倒瀉咗啲落手，過咗陣隻手紅哂😨😣.我本身冇飲過米漿的，直覺以為佢同豆漿差唔多😂抱住「飲杯嘢」嘅心態，但原來飲米漿就好似飲緊合桃糊嘅感覺🤣飲完一大杯真係又飽又熱😂飲嘅時候不禁問同行朋友，其實有冇凍米漿㗎😂🙈我試過一次知道米漿係點嘅就夠啦，都係豆漿啱我口味多啲😛

同朋友黎咗行朗豪坊，好耐無行呢度，原來都有好多間食店已經轉左。呢間好似係一間出名嘅連鎖早餐點，出名豆漿、油炸鬼同埋燒餅。環境係幾好，好有文青feel，日頭黎嘅感覺會好啲。我地係食夜晚，揀咗呢幾樣食。紅棗豆漿，有棗嘅甜加落豆漿，幾清新，唔會怪。功夫辣雞腿燒餅，唔會好辣，好開胃，幾好味。呢個係燒餅油炸蛋，不得了（好邪惡(￣O￣;)），好好味，我最愛嘅芝麻包，有埋蛋，成個包係好match。108元還可以接受，可以下午黎睇下佢裝修。

過江龍桃園眷村好似好好人氣咁，咁岩係朗豪坊睇戲睇戲前就揀左輕食呢個台式早餐睇下係咪咁正我地叫左個台式香腸蔥蛋飯糰，因為都幾多人叫，佢又即叫即整都等左幾耐下，飯都好大舊啊! 咬落去都啖啖料，真係好似台灣食個D咁不過味道淡左少少，可以重味DD之後叫左個豬排蛋燒餅，又係超大份佢個燒餅同我EXPECT既好唔同啊~~好似整脆左個外皮咁樣，入面仲有菜， 豬排同蛋菜中和左個油膩感唔錯唔錯跟餐叫左個冰豆漿，又係好大杯，不過都係豆味好重，甜度差少少作為香港人都係鍾意甜DD既野

慕名而來，一直想試。適逢到朗豪坊工作，工作之後便與友人到此以早餐當晚餐。對，就只是一份燒餅、一份飯團、一人一杯冰豆漿，已經令我們十分滿足！尤其是燒餅：不是很硬很挺身那一種，但就是很香很香，回味再回味，並且回家後立即推介朋友。眼見隔離枱長度如baguette的油條，已經決定短時間內要再來光顧，雖然那飯團沒有我期望的好吃：飯粒不黏、立刻散開、進食時頗狼狽。可是....午夜夢迴，肚子痛並需坐上馬桶幾轉，一直到第二天也還有餘波。得知友人情況也一樣，於是好意致電餐廳想傳話一聲，以免更多食客受影響，但可惜電話一直也接不上。☹️

卡包放在盤子被一同倒進垃圾桶，服務員再三表示檢查過盤子是空的。還揚言卡丟了再買就好，但是個人綁定的八達通和信用卡怎麼買？在我們自行翻出來後又表示沒看到也沒有辦法。這樣的服務態度真的很失望。

一個休閑的下午 經常經過朗豪坊就會看見這間新開張數月的台灣小吃店 買的都是豆漿粢飯蛋餅等 買了食物後有一部機顯示叫你自取 今次第一次試了鹹豆漿和台灣腸雞蛋飯卷台灣腸很好吃 而鹹豆漿亦是第一次嘗試很有趣的是裡面有十數塊油炸鬼，紫菜。幾特別的 下次想試埋蛋餅 看來都蠻吸引的

一向都好鐘情台灣既早餐，去親台灣都一定會好神心每日早起去食早餐依間餐廳終於都開到嚟香港，之前每次經過都好多人，懶得等今日終於都嚟到食餐牌種類唔多，只係簡單既燒餅同飯糰係典型台灣早餐店既選擇同朋友一行兩人就嗌左一個燒餅同一個飯糰share嚟食肉燥滷蛋飯糰($32)上枱時熱辣辣，用量幾足，每啖都係有配料，食到最後都唔會淨係得飯少少美足不足係佢隻滷蛋係晒一邊到，我嗰邊無，朋友嗰邊就有兩塊不過整體嚟講都幾好味功夫辣雞腿燒餅($48)燒餅入面就淨係得菜同雞腿雞腿好大塊，而且好嫩滑又入味但可惜唔好熱同埋如果加啲醬既話，應該會好食啲，依個食落齋齋地😂朋友話如果加個板燒雞腿包既醬，肯定會大排長龍😂😂😂雖然唔算驚為天人，但價錢唔算太貴，簡簡單單食個燒餅/飯糰都係個唔錯既選擇

復活節假第一日，吃完晚餐，經過朗豪坊，知道這件很出名的，見到仍然開 （因為之前幾前8:30已關），又不用排隊等位，於是來吃過宵夜。叫左一個特別的咸豆漿及一碗甜豆花。知道這裏這兩款好出名的，而咸豆漿我從未食過，所以打算試下。兩大碗上碟：咸的非常特別。有油炸鬼，咸酸菜，紫菜，蔥花，仲有辣椒油，嘩，真是口感十足。我未食過咁多層次的豆漿，好似成碗粥咁，好特別，好美味。另一款甜豆漿，就和其他一般差不多，多了少少豆。好滑，好有豆味。好大碗，吃完好飽。下次來吃晚餐時，再試粢飯、燒餅等。

呢間係上海紮根嘅台式早餐店成為最近嘅熱話，以白色簡約風佈置整個店外環境。每個角落都貫以相同風格。呢度用平板show 俾你睇食d 咩，選好到收銀落單。平均每款食品價錢約40幾左右。咸豆漿 $28味道咸咸辣辣，豆漿面有油條、菜甫、紫菜、辣油。顛覆左我本來對豆漿淡而無味嘅感覺。咸豆花 $28對比咸豆漿配料更豐富。菜甫、油條、蔥、櫻花蝦。啖啖豆花都食到各種配料，口感層次豐富。台式香腸蔥蛋飯團 $42飯糰飯粒比較分明。台式香腸大大條，蛋餅夠濕潤。燒餅油條蛋 $36芝麻燒餅嘅外皮，脆到一掂就會碎。不過，芝麻味勁香、厚厚油條超脆、香蔥蛋餅夠濕潤！豐富層次一啖食晒入口度！豬排蛋燒餅 $48每個燒餅都附有兩塊豬扒，醃得超入味！生菜脆卜卜，新鮮！

店舖位於朗豪坊MOS Burger舊址, 買完野食可以選擇坐係室內或者室外進食, 不過室外鄰近吸煙區, 所以今次還是選擇了安坐室內用餐. 看著餐牌一直心大心細, 因為有好多野都想試想食, 最後係每樣都想試D既情況下都係叫多左了…鹹豆花豆花上滿佈紫菜, 榨菜, 蝦乾仔仲有D炸油條粒tim. 豆花食落幾滑但係略嫌咸左D, 同埋配菜既味道太濃亦掩蓋左豆花既香味.香腸蔥蛋飯團呢個我自己較為失望既一款,因為我認為一個好既飯團,配料一定要頭到尾都覆蓋到口感先會夠滿足,如果只得中間有而頭尾都無的話總係會差少少吧.所以香腸長d蛋多d咁就good喇豬排蛋燒餅是次最喜歡的食物.燒餅夠脆,豬扒搭配蔥花蛋本身也是無得輸的組合, 再加上生菜感覺上無咁油膩. 記得趁熱食呀油條炸得脆身, 份量夠. 值得推介紅茶豆漿味道夾埋幾新鮮, 紅茶同豆花大家都搶唔到大家風頭咸豆漿幾大碗同足料, 飲完都幾飽

在朗豪坊找吃，路過此店，見好似簡簡單單，有豆漿，飯團，燒餅。。。當真簡單到連菜單都無，只得點餐枱上的文字餐牌。。。相都無一張！抱著一點期望，點了個辣雞腿燒餅熱豆漿賣相一點不吸引，燒餅挺脆，但是口感跟雞腿肉配起來很不搭配~雞腿肉醃了很久的感覺，就是雞腿肉加了一片生菜夾在燒餅裡賣48蚊，比麥記貴多了，都無麥記咁好味！另外豆漿還好，大杯熱豆漿，不是太甜~可能我點錯了吧，可能飯團比較好吧，不過這樣兩樣東西70蚊，又貴又唔係咁好食，我都唔會去下次嫁啦！