桂花小幸 (元朗廣場)

營業中

休息中

原盅燉湯定食套餐會跟燉湯同埋上湯浸時菜，是日燉湯係紅蘿蔔粟米湯，個燉湯望落好清，湯料非常充足，紅蘿蔔青蘿蔔粟米同埋肉每樣都起碼有兩舊～塔香三杯雞嘅九層塔嘅香味入晒去啲雞件同埋洋蔥度，食落好香！雞翼滷肉飯淨係用滷肉撈飯就已經可以食到大半碗飯，滷肉有肥有瘦，豬皮仲有啲彈性添🍚加$28可以要兩款小食，紫菜雲吞湯好足料，有5粒珍珠雲吞，刀拍青瓜就有啲太酸。套餐有幾款加$8或者$15嘅台式飲品，如果叫其他都有得正價減$5，脆脆阿華田加咗啲曲奇碎喺面幾好飲

去元朗yoho睇完電話殼，搵食搵到黎元朗廣場，都係相隔兩個輕鐵站，黎到呢間台灣菜，要排隊攞位，都肯定好野黎。好，坐低睇下有咩好食先。麻辣半筋半腩台灣麵，叫左中辣，但辣味又唔會蓋過牛肉湯。牛筋超肥美，滿滿骨膠原，食落又爽又彈。牛腩厚肉有牛味，夠腍夠入味。台灣麵QQ彈既口感。秘罈酸菜魚，啲魚片好滑溜，仲有好多片，加埋酸菜好開胃。台灣烤香腸真係好好食，果種又香口，油而不膩，正！黑糖珍珠鮮奶、奶茶，兩杯擺埋一齊，望落奶茶好似靚仔啲，各有各好飲，睇下鍾意奶定奶茶，珍珠都好夠彈力，甜度夠！

秘罈酸菜魚$88套餐包咗肉燥拌芽菜，白飯，花枝丸湯酸菜同魚都好好食😋魚肉又滑又嫩，配上酸菜，成個酸酸辣辣咁，忍唔住食多兩啖飯，終於明白點解佢係人氣Number 1🤣滷水豆腐$16滷水豆腐唔算太入味，但味道尚算可以凉拌貓耳朵$12亦即係涼拌木耳，配上陳醋同埋少少辣椒，十分之開胃士林胡椒豬肚湯飯$68奶白色嘅胡椒湯，睇上去已經好吸引了😍豬肚煮到軟腍適中，配上酸菜，十分之美味🤤紫菜珍珠雲吞湯$16好有灣仔碼頭小雲吞嘅味道🤣🤣🤣芒果綠茶氣泡茶+寒天&蘆薈$42好fresh,再加上寒一同蘆薈，增添咗層次感珍珠鮮奶烏龍+芝士奶蓋$40叫咗微甜，味道啱啱好，珍珠軟糯，淡淡茶香，唔錯😌

行街很熱，看到台灣店有手調飲品，來飲點東西，旁邊可以堂吃晚飯百香果多多梳打台式茶飲茶味濃，百香果烏龍茶的味道一試難忘，特別，香甜之百香果蜜和烏龍茶，口感清新，感受香甜和茶淡雅，百香多多梳打，清爽百香果和梳打水，口感亦是酸甜，解渴夏日水漾鮮果茶甜度固定，味道棒～有多款水果～火龍果，藍莓鹽酥雞魯肉飯朋友首選，鹽酥雞扒很大份， 配了魯肉飯，嫩肉感覺滿滿，台式風味！魯肉飯肉汁，鮮甜濃郁醬汁，香味四溢。簡簡單單之台式味道美吃魯水牛肚米線台灣菜餐廳之特別菜式，牛肚好吃，不出羶味的，很嫩滑。

以下是Weekday 快食午餐鹽酥雞排滷肉飯（$74）（+$5 地瓜薯條+$3 凍 茉香綠茶+$6芝士奶蓋，Total: $88）鹽酥雞排：怕太熱氣，將雞排去皮食，但都食到雞味，肉質嫩滑，裹粉沒有太厚，份量都多。滷肉飯：滷肉醬/肉燥汁咁嘅質底，味道唔係平時食到個浸味，本人覺得唔太好食。地瓜薯條：正常發揮，有蕃薯甜味，沒有另加鹽或梅粉。飲品：跟餐一杯紅茶/綠茶，凍飲要加$3。我另加邪惡芝士奶蓋（+$6）茶底幾清香，不會有苦澀味。芝士奶蓋，雲尼拿味多過芝士味，飲落咸咸地。台灣菜嚟講，不過不失，元朗嚟講有更好的選擇。

之前同呀囡黎過，佢好鍾意食呢度既牛肉湯台灣麵，所以今日再次幫襯！😁😁清湯蘿蔔牛腩肉燥飯肉燥銀芽肉燥唔肥，稔晒，亦唔太咸，味道剛好！拌銀芽或飯食都一流！湯唔會好油膩，清得黎又有牛肉味！牛腩部位夠靚！又肥又瘦又有筋，但好稔，入味，好好食！酥炸排骨，燉牛肉湯台灣麵麵好彈牙，軟硬適中！個湯好香，有牛肉味，拌麵食一流！排骨即炸，好酥脆！粉唔會太厚，入面排骨好juicy!最中意點佢個千島醬，好夾，好好味！鹵水拼盤有雞翼、牛肚、牛展、豬耳同鹵蛋種類豐富！鹵得入味又唔會好重手，好好食，自己可以食晒一碟！芝士奶蓋烏龍茶同黑糖珍珠鮮奶佢地既珍珠做得唔錯，好彈牙，有咬口，唔會融晒甘份量夠大杯，好飲！會再黎既餐廳之一！

去元朗逛街逛到累，想買杯手調飲品消暑，但又差不多到晚飯時間，想起桂花小幸有手調飲品，又有台式食物，索性早點來晚飯吧！先來兩杯飲品，我最愛的黑糖珍珠奶茶$34，加芝士奶蓋$6。黑糖掛杯的畫面漂亮，愛看自己拌勻黑糖和奶茶，很有治癒感。黑糖濃濃的甜味，珍珠份量多而且煙韌，加了芝士奶蓋帶一點鹹味，鹹甜混和，像吃海鹽味糖的感覺，覺得自己配搭得不錯，哈哈！寒天水晶可可$30，原來寒天爽滑溜的口感，配濃濃的朱古力味，可以增加清爽感覺，不會覺得膩，凍飲喝下也挺消暑。鹽酥雞排滷肉飯$64，這裏的滷肉飯是大大粒的肉碎，跟一般台式餐廳不同，吃著更加有口感，鹵水汁帶甜味，拌飯吃超開胃。鹽酥雞排炸得非常脆，裏面雞肉新鮮有肉汁，味道香而不太鹹。跟餐加小食有優惠價，加了$8 必吃的鹵水蛋，入味得來，還炆得蛋白帶煙韌口感，只差還未變鐵蛋。還有紫菜魚丸湯$16，紫菜份量多，煮在湯裏香香的，夾著魚丸一起吃，爽口美味，把湯都喝光。我最喜歡這裏的蕃茄湯，點了麻辣鮮茄牛筋腩麵$88，辣椒油是另上的，所以不怕太辣，可以按自己口味加在蕃茄湯，這個辣椒油的麻味非常香，也不會太辣的。蕃茄湯是用新鮮蕃茄煮成，微微酸甜，配台灣面煙韌口感，

依間台灣菜好高質🥰🥰 環境佈置得好靚，食物選擇好豐富，價錢合理，唔使收加一，任何時間都好適合嚟食😚😚 除咗嘢食仲係茶飲店，有多款台式飲品供應🍜麻辣雞翼熱拌米線配紫菜魚丸湯 $70風味獨特好惹味🤤🤤 雞翼香辣入味，搭配彈牙米線，好飽肚仲配有紫菜魚丸湯，湯汁鮮美，魚丸口感Q彈，令整道餐點更加豐富滿足🥬上湯浸時菜 +$16湯底鮮美，讓生菜的鮮甜更加突出，非常適合作為搭配主食的健康選擇😚🍲紫菜珍珠雲吞湯 +$12雲吞內餡鮮美，配紫菜增添了海味🍵芝士奶蓋桂花烏龍茶 $32推薦！大大杯清新茶飲😍 桂花的芳香增添了清新感。每一啖都能感受到茶的滑順與奶蓋的綿密口感

外帶飲品店其門如門，但今日想同朋友坐低飲杯特飲傾吓偈，即刻諗到呢度。特飲選擇好多，有兩大版紙😂我和朋友都揀了益力多系列：百香多多梳打（$34）和蜜桃烏龍多多（$34）。冰度和糖度可自選👍🏻我的百香多多梳打選了半糖，不太甜非常好，裡面也有椰果，有嚼口👍🏻👍🏻另外叫了些小食：椒鹽花枝丸（$28/3隻）、桂花雞翼（$28/3隻）和酥炸甜不辣（$28）。特別喜歡那個雞翼，淨食會覺的比較乾，但佢配了一個桂花醬汁，帶點香甜，感覺無咁熱氣😂 酥炸甜不辣配甜酸汁也不錯😋喜歡吃魚的我們也想嚐嚐二人份的特盛秘罈酸菜魚（$128）。喜歡佢有啲酸酸辣辣，魚都滑，朋友話個湯都好飲😋呢度勝在環境佈置清新舒服，所以係食飯傾偈的好選擇👍🏻 tea time 佢仲有抵食tea set , 不過我和朋友想吃小食類唔想太飽就無叫啦～

喺元朗呢度，佢地味道絕對係最正宗嘅，環境又舒服，臺式小吃選擇好多！每次去都必點嗰鹽酥雞排麵，雞排炸得夠薄夠脆，新鮮肉汁鎖得死死地，嗰麻辣番茄湯底一淋上去，味道層次分明，超開胃！仲有嗰黑糖珍珠鮮奶，每次必叫，特別係加咗芝士奶蓋之後，口感濃鬱順滑到飛起，黑糖香、奶香同Q彈珍珠搭埋一齊，真係百飲唔厭！  

在元朗的台灣餐廳來說，桂花小幸一定是必吃之選。1️⃣秘罈酸菜魚花枝丸清湯+肉燥拌芽菜+白飯+滷水蛋$96看到餐牌上寫着「期間限定」和「Top1 必吃」便點了來試試，真的不錯。由於是小辣，所以不會將應有的酸味蓋過，而且因為湯底不太辣，所以可以把飯連湯一起吃。魚片很嫩滑，不會一夾就散。2️⃣紅燒三寶牛肉定食（牛筋、牛腩、牛肚）是日燉湯+上湯浸時菜 $102這個定食真的能滿足喜愛吃牛的人。牛筋不會太過啫喱狀，而會保留一些韌性; 牛腩煮很軟嫩，不會令人覺得正在吃一大塊肉; 牛肚非常爽口，會讓人忍不住一口接一口。3️⃣夏日水漾鮮果茶$34充滿不同款式的新鮮水果，每一款都是這杯鮮果茶重要的一員。除了茶香，還會聞到不同水果的香氣。4️⃣百香多多梳打 $34最近太熱了，讓人忍不住要喝一些有氣泡的飲料，百香果加乳酸飲品製成的這杯梳打十分清新解渴。

想食下台灣嘢，嚟咗元朗廣場的桂花小幸，八點多來到都仲要等位㗎，十分受歡迎。攞完飛，大概等咗十分鐘左右就有得入座，埋位即刻落單先，係門口已經揀定食咩啦😋⭐香菜熱拌牛肉朋友揀咗台式小菜餐，有一份主食，再配花枝丸清湯、肉燥伴芽菜同白飯，賣相唔錯喎。主食點了香菜熱拌牛肉，辣到選了大辣，入口有好香嘅芫茜、蒜、洋蔥味，麻麻辣辣好惹味，牛肉嫩滑香口，下飯一流。⭐鹽酥雞扒滷肉飯+滷蛋自己點咗滷肉飯再加配滷蛋，份鹽酥雞扒居然有兩層，有成十幾件雞，又香又嫩好好食。飯係珍珠米，配上半肥瘦嘅滷肉好甘香🤤滷蛋入味有蛋香，整體感覺好食有飽肚。⭐現做煎餃子落單時冇諗過個飯咁大份量，仲加咗一份餃子添，一份有四隻，即煎的餃子皮香脆，點埋個餃子醋真係幾正㗎。⭐仙氣火龍果茶 & ⭐芝士奶蓋白桃烏龍茶想食台灣嘢嘅其中一個原因就係想飲台式飲品啦，叫咗一杯水果茶一杯芝士奶蓋茶。水果茶點了火龍果口味，餐牌寫話現打的，紫紅色好靚喎，完完全全係火龍果味無添加。芝士奶蓋厚身，又香又滑好好味，配上無糖茶好飲👍唔使加一，抵👍

每次想吃台灣麵都會想起桂花小幸，他們家的味道在元朗來說是最正宗的，店鋪環境也很舒適，還有很多台式小吃可以選擇。🔸鹽酥雞排麵🍜雞排係每次都必點之一，外層粉漿夠薄，炸得夠酥脆，吃到新鮮即炸嘅口感，保留到肉汁，加埋今次叫咗麻辣番茄🍅湯底，味道好夾，特別開胃！🔸涼拌貓耳朵貓耳朵即係小雲耳，口感特別爽脆，酸酸辣辣好開胃。🔸番茄花枝丸米線喜歡番茄的朋友絕對不能錯過，濃濃的番茄湯底，再配上原塊番茄，大大的滿足，花枝丸夠彈牙，米線口感剛剛好。台式飲品今天選了仙草奶凍茶和夏日水漾水果茶，兩杯的味道都很好，不會太甜，很適合夏天喝。

好耐好耐之前 係將軍澳食過一直都好想再食 但又懶入將軍澳有日搭車經過 先知原來元朗有分店🫣今日就捉左男朋友去食🤭文青風格嘅裝修 最岩我呢啲偽文青去打卡😎📸🍜三盛紅燒牛肉麵（腱心牛肉、牛腩、牛筋）男朋友揀左微辣 紅燒牛肉湯味濃 帶甜牛肉夠入味😋牛腩位仲要係牛肋條位😍炆到入哂味 半溶化狀態 口感一流👍🏻🌶️麻辣雞排台灣麵突然想食到好辣好辣好辣 所以揀左「大辣」🔥辣度有啲料到 愈食愈過癮🤣雞排超級大塊 炸粉厚度適中 脆卜卜 好香口仲送左碟貓耳朵酸酸甜甜 好開胃😋套餐有優惠價加小食🌟🥣紫菜魚丸湯紫菜湯清清地 驚喜魚丸竟係係花枝丸😮🥣紫菜珍珠雲吞湯有5粒雲吞 抵食👍🏻🍹蜜桃烏龍多多烏龍茶底 有著淡淡嘅蜜桃香 加上主角多多愈飲愈開胃揀左正常糖 都唔會太甜🧋芝士奶蓋抹茶芝士奶蓋嘅厚度係過份🫣 飲完肥十磅🫣奶味偏重 打到勁滑勁creamy 杯野勁飽肚總括黎講 抵食得黎又好食 性價比都幾高份量足 牛肉麵嘅餸超多 雞排又超大塊最恐怖係杯野飲都係mega size⬆️⬆️一碗麵+一杯野食 已經飽到上心口😆仲要飲品選擇多 剩係飲品都兩頁menu 總會揀到杯岩飲😋

工作做到無停手，港九新界四圍走，走吓走吓走到大西北-元朗，元朗都真係出晒名多嘢食，可惜我又唔多熟路，又無做功課，喺元朗大馬路附近就走咗入元朗廣場。台灣式小店到午飯時間已很多人，見幾個人排隊，我都排吓，等大約5分鐘入座，點咗個鹽酥雞排滷肉飯，加杯熱咖啡。鹽酥雞炸得好脆，粉唔算厚，台式炸物的確係另有一種特別味道，再加上淮鹽咸香脆，滷肉肥瘦適中唔會太重味都好食加上珍珠米煙韌彈牙。環境方面可能係商場舖比較細， 裝修係簡單台系風格靚嘅，但座位就有啲逼。