桂花小幸 (元朗廣場)

營業中

休息中

碗面入面有條下體毛髮 發現之前已經食佐幾啖 當時醒唔起影相留底 同個位男職員講返 仲死撐唔係下體毛髮 仲繼續推卸責任賴係供應商問題 真係嬲到震 永世唔會再去食呢間垃圾餐廳！！！！出街食飯已經預佐啲野食唔會乾淨得出邊 但都無諗過會咁過份有條下體毛髮係碗面度 離哂大譜 極度反胃！！！！平時出街食飯就算見到有隻蚊滋仔係入面都可以撩走佢當無事發生都無咁嬲 但今次真係忍唔到 仲要個位職員死話條毛係頭髮 條毛係又短又粗又彎曲 你夠膽死話係頭髮 真好野！從來未試過出街食飯可以差到咁 後悔無影相即時報食環署！奉勸所有人千其唔好食呢間垃圾！！！！

去元朗搵朋友，佢就帶我食呢間台灣野！呢間餐廳既裝修都唔錯，燈光柔和舒服我就叫左個牛腩滷肉飯便當，估唔到個牛腩份量都幾多，而且煮得好腍，個牛味都幾濃郁，仲有青瓜做小伴碟，爽脆又開胃朋友就叫左個酸菜魚米線，個魚肉都幾滑，個湯底酸辣度適中，呢個價位食到咁既質素性價比都好高小食就叫左餃子同埋牛油雞翼，2款都係即叫即整熱辣辣！雞翼炸香完仲保留住肉面肉汁唔會乾哂！最後食台灣野點少得杯台式飲品，我地分別叫左仙草奶茶加紅豆同埋特濃朱古力可可加奶蓋，香濃可可再加上Oreo 餅碎同埋奶蓋更加正！ 整體黎講的確唔錯呀

因為男朋友住元朗所以基本上我成日都係元朗搵吓有咩好西食～咁岩經過元朗廣場見到有一間滿座嘅台式小店就決定試吓🤔紅燒鍵心牛肉麵 $65 (養生清燉牛肉湯)紅燒半筋半腩牛肉麵 $69 (紅燒牛肉湯)牛肉濃湯水餃 🥟 $28/ 4隻鹽酥雞扒 $42夏日水漾鮮果茶 (+寒天) $39芝士奶蓋阿華田 $32上菜速度好快 基本上5分鐘已經上晒所有食物 快到令我驚訝😂我特意叫咗兩款唔同嘅湯試吓 一款係紅燒牛肉湯 另一款係養生清燉牛肉湯 明顯feel到紅燒牛肉湯油膩感較重 而另一款養生清燉牛肉湯 清淡得來又唔會覺得唔夠味 而且唔會覺得重味精 真係可以當湯咁飲 我個人就比較鍾意呢款請燉湯～而肉量質量都不錯 但分量略嫌偏小🥲如果可以再多幾塊牛展肉會更加好🤣🤣而且上菜速度真係實在太快 而且店員一日做亦都講明45分鐘用餐時間 雖然我明白繁忙時間都比較多人食 但始終略嫌有點太chur😩飲品方面 反而有驚喜喎 今次我叫咗杯水果茶加寒天 因為冇得揀無糖 所以我揀咗微糖 唔會太甜 而且加左寒天 好有咬口 會再encore😙

今日同朋友一齊食晚飯，揀咗呢間桂花小幸，貪佢坐得舒服，適合傾偈👍🏻👍🏻👍🏻雖然我哋只有三個人，但店員都好好俾我哋坐卡位，好闊落！古法黑草羊腩煲$88呢個餐今個月做緊優惠，可以免費升級做定食，多碗飯同一碗靚湯，男仔都絕對食得飽🤣🤣紅燒三寶牛肉定食（牛筋、牛腩、牛肚）$93分量比想像中多，好大件牛腩，好適合食肉獸！牛腩都整得好林，啲汁用嚟撈飯真係好好味🤤酥炸排骨滷肉飯 $76塊豬扒好厚，但一啲都唔太孩，幾嫩滑👏🏻椒鹽八爪魚丸 超濃郁可可特飲順帶一提，佢有一個自助水吧，可以自己攞餐具同斟水飲，好方便，而且啲餐具都keep得好衛生乾淨！值得加分👏🏻👏🏻👏🏻

呢度交通好方便，朗屏地鐵站一出，向元朗廣場方向行5分鐘左右，見到麥當勞門口行入去，就會見到門面好靚嘅桂花小幸☺️☺️☺️喺門口望入去，以為位置不多，但原來入邊都幾闊落，仲有卡位👍🏻👍🏻👍🏻裝修都幾別緻，牆上有意思嘅字句，讓你心情輕鬆愉快，食乜都好味啲😆😆😆我哋三個人點咗三個主菜+3個特飲，真係好夠食！！古法黑草羊腩煲$88裏面有好多腐竹，鍾意食腐竹嘅朋友，一定好滿足，再加上濃郁嘅腐乳，絕配🤤🤤紅燒三寶牛肉定食（牛筋、牛腩、牛肚）$93全部都好入味，裏面有好多肉，份量好足，一啲都冇偷工減料👍🏻👍🏻👍🏻酥炸排骨滷肉飯定食 $76酥炸排骨好厚肉，真係好大份，啲滷肉都好多，基本上每一啖飯都可以有啖啖滷肉，正😄🤭🤭特飲可以自選無糖，微糖，正常，多堂，真係好細心，配合不同年齡的男女老少真係值得一試的台灣餐廳🤭🤭🤭👏🏻👏🏻👏🏻👏🏻

天氣凍凍地，想食啲暖胃野，見桂花小幸既餐幾十蚊有原盅燉湯就吸引左我入去。哩到裝修走文青系，但價錢係走平民路線！一個飯餐連燉湯同浸時蔬都係幾十蚊，再叫杯茶研社飲品（佢隔離賣take away個間），可以減$5。我叫左個鹽酥雞排滷肉飯套餐（$76），男朋友叫左個蟲草花杞子豬肚雞湯飯（$73），再夾左個滷水牛肚小食同兩杯飲品：珍珠薑奶茶+仙草凍奶茶。總數二百蚊左右。兩杯飲品都係用外賣杯裝既，但我杯熱飲就另外附左支鐵匙羹俾我食珍珠。薑奶茶一飲好暖身又好飲，好Christmas feel 😁先黎個牛肚，明明係小食，但都好大碟！同埋炆得好淋。我個套餐一黎到，勁大塊雞排！最期待係碗燉湯，真係原盅上，入面有蟲草花瘦肉同菇，啖湯好重肉味好正，出面飲壺湯都幾十蚊，哩到$76有湯仲有個餐，好抵食！男朋友個湯飯啲料都好足，雖然無湯，但飲落去都係好補身既感覺，好啱冬天食去暖身。間野唔貴，裝修又靚，感覺好好，又一間可以列入平時既晚餐飯堂內👍🏻

今日收工心血來潮 好想食台灣嘢🧐行過元廣見到呢間店門口有少少人潮😯就即刻拎張飛 等帶位入去～星期五晚市 接近七點🕖都8成滿，好快可以入座一坐低點完餐無耐 突然已經滿座 出面開始排隊啦👥👥👥👥👥同男友一人各點咗個定食套餐除主菜就包埋是日燉湯、上湯浸時菜🥬+$6可以白飯轉滷肉飯🍚今日係椰子雞紅蘿蔔湯🍲個湯幾夠味，熱辣辣上枱，足料有家的感覺😊另外再叫多兩個小食，都只係加$25，抵食滷水豆腐🧈份量幾多，夠入味，有咬口手拍小黃瓜🥒醃得好開胃！超推！食到停唔到！點少得台式飲品呀🤤熱黑糖珍珠鮮奶🧋幾滑，正常糖都唔會過甜珍珠軟硬適中，幾好咬，有黑糖味凍芝士奶蓋阿華田🥤奶蓋都ok厚、杰身，但芝士味偏淡下面就普通一杯華田，呢杯有少少失望算係好普通水準到主食黎啦，俾佢個份量嚇親真係幾大份吓，CP值超高特別個飯量真是小癲😮😮等於平時嘅一碗半有多古法黑草羊腩定食🐐🍱羊腩個羶味唔算勁，就算我唔係好食到嘅都能接受，唔韌、煮得幾淋，唔錯紅燒三寶牛肉定食🐮🍱三寶分別係牛筋、牛腩、牛肚個汁唔濃，我要點個滷肉先送到飯😂不過煮得幾夠時間，所以唔會硬、唔會𡁻唔開份量好大方，食極都有咁🤣🤣🤣Overall 呢間店幾良心，份量足，

台灣食物總是百食不厭，提早放工於是晚上出街食飯。天氣開始轉涼，於是就選擇了一個燉湯套餐，而朋友也不甘示弱叫了一個酸菜魚麵。.很推介，這個燉湯套餐，一個套餐有四樣東西包括湯配菜、米飯及雞翼，不用加一所以60幾蚊很抵食。燉湯是用燉湯壺裝的，暖笠笠十分窩心，而且入面也有不少湯渣，剪一剪雞翼的滷水醬汁，又可以當半個餸食。燉湯果然是很清甜。白飯可以選擇雞肉飯或鹵肉飯。.如果想食麵酸菜魚也是暖笠笠之選，酸香酸香的十分令人有胃口，也有不少魚肉及酸菜，材料豐富。可以選擇米線或自家製造的台灣麵，台灣麵很有質感。.另一個暖笠笠之選，當然是餃子。我們叫了四隻湯餃及四隻煎餃，超級多肉汁，正。.來到台灣餐廳，當然少不了台式飲品，當食到亂粒粒的時候來一杯冰涼的水果茶及酸梅茶更正！

呢間文青小店，位置好方便係元朗廣場地下，裝潢走簡潔自然原木風格，佈置充斥文藝感令人好想坐低躲懶一下蟲草花杞子雞湯飯 ($68) 揀左暖身推介，濃濃的蟲草花加上熱雞湯，好飲又暖胃，足料湯料雞件，配埋小食好豐富呢!手拍小黄瓜 +$15滷水豆腐+＄10台飲揀左生薑奶茶+紅豆，奶茶+紅豆偏甜了點但很暖心呀另外朋友叫左鹽酥雞扒雞排米線 ($63)，就選紅燒牛肉湯，呢到雞扒份量十足夠大件，加配埋小食好飽足 滷水蛋 +$8紫菜質丸湯 +$ 15滷水豆腐 +＄10台飲揀左芝士奶蓋鐵觀音，奶蓋必選，揀左少冰無糖，能飲出淡淡茶香，絕對係一個好嘅配搭

今次去元朗廣場，試了一間台灣小店，食物水準相當不錯，最欣賞的是三盛紅燒牛肉麵，很啱我胃口👍湯有濃郁的牛肉味，腱心牛肉、牛腩、牛筋都炆得恰到好處，份量也足😋另外點了台式麻油雞湯飯，鹹淡味道適中，不覺得有味精😊；另外滷水蛋$8 一隻，軟硬度適中，也夠入味，值得一試；小食紫菜貢丸及魚丸湯屬於正常水準，不會令人失望；小店的職員態度與服務也很好，店舖環境清雅，最欣賞一些牆上的金句，在這裏用餐也相當不錯呢！

芝士醬酥排骨吐司(半份)多士烘到軟硬適中，夾住酥脆惹味嘅排骨，加埋芝士非常可口。配桂花雞翼，外皮酥脆，肉質嫩滑，蘸桂花蜜一齊食，清甜又唔膩。蕃茄湯米線，湯底酸酸甜甜好開胃，米線爽滑煙韌。加配小食手拍小黃瓜同紫菜貢丸湯，酸爽嘅小黃瓜係超讚嘅開胃小食，貢丸都好爽口彈牙。跟餐飲品熱玫瑰烏龍茶，茶味同玫瑰香味都好出好清甜。手工芝士蛋餅可揀火腿或肉鬆，揀咗肉鬆。餅皮外面微微焦香，煙韌軟糯，又有蛋、肉鬆同芝士嘅香味，口感同味道豐富。配外脆內軟，香甜可口嘅地瓜條，靜心玄米茶解膩一流。鹽酥雞排滷肉飯台灣美食點少得鹽酥雞同滷肉飯。鹽酥雞排嘅份量十足，外皮酥脆無比，肉質嫩滑juicy，鹹香嘅味道令人唔停到口，配埋香軟惹味嘅滷肉飯，最佳組合。加配小食涼拌貓耳朵，即係黑木耳，個醋嘅酸味好出，加上小小辣，木耳又爽口，強烈推薦。夏日水漾鮮果茶有鮮橙，藍莓，士多啤梨同火龍果，酸酸甜甜，好fresh。鐵觀音珍珠鮮奶茶珍珠Q彈，奶味唔會搶咗鐵觀音嘅茶味。

天氣凍咗想飲下熱湯暖胃，所以叫咗兩個原盅燉湯定食套餐～～紅燒三寶牛肉定食🍱三寶係牛筋牛腩牛肚，牛筋煮得好軟，完全唔需要用力咬，牛腩亦都唔韌，味道合適，牛肚切成幼條都容易食，整體份量都足夠🥢鹽酥雞排滷肉飯🐓滷肉肥瘦各半，脂肪入口即融，大大提升白飯嘅油香，就算其他飯都可以加$6要滷肉或雞肉🍚套餐包埋上湯浸時蔬同燉湯當中以燉湯最有驚喜，估唔到台式餐廳都飲到好味嘅燉湯，今次係紅蘿蔔椰子煲雞，飲落非常清甜，仲有好多湯料🥕煎餃子係熱辣辣嘅，裏面仲有啲肉汁🥟基本上所有茶飲店嘅特飲依度都會有齊，芝士奶蓋阿里山金萱嘅奶蓋頗為濃厚，十勝紅豆奶茶有長匙羹紅豆食，夠貼心～

同朋友想搵間座位舒服既餐廳，見到依間幾闊落，裝修又靚靚地文青風咁，就入左去trytry鹽酥雞扒麵($59) 加兩款小食(滷水豆腐•紫菜魚蛋湯+$25) 加滷蛋(+$8)一黎到既時候嚇親我~雞扒同豆腐嘅份量都好多！差啲食唔晒🤣 另外湯底濃郁配上麵條味道啱啱好，唔會過鹹原盅燉湯定食套餐-煲仔塔香三杯雞定食($88) 加滷肉(+$6)加滷蛋(+$8)套餐包左一份時菜同燉湯，個湯無味精足料，野飲選擇十分多，整張台飲店的menu, 平時都可以係門口叫外賣手搖。 黑糖珍珠鮮奶($34跟餐減$5)勁大杯！怕甜既朋友可以小黑糖檸檬寒天冬瓜茶($28跟餐減$5)Q彈寒天球，加上酸甜的冬瓜檸檬無講餐食，飲品都很大份，滿足的一餐。

元朗廣場多野食好多人都知, 而入邊有間桂花小幸就成日見佢好多人等, 今次就黎試一試佢！6點黎到已經開始好多人入座, 裝修有文青感覺, 而內裡放左幾多書下, 有好幾本其實都有興趣睇!1/ 酥炸排骨滷肉飯🐖$76- 是日燉湯- 上湯浸時菜上枱時, 估唔到係咁多嘢食大份, 燉湯好濃味, 但又唔覺得好味精👍🏾白菜🥬用上湯浸住味道入哂菜內, 忍唔住湯都飲埋😋排骨大大份, 肥瘦度岩岩好, 滷肉汁撈飯直頭正！2/ 煲仔三杯雞定食 + 滷肉🐓$94- 是日燉湯- 上湯浸時菜一煲仔上既三杯雞肉質嫩滑而有煱氣, 但肉就唔係好大件, 同樣飯配左滷肉汁提升唔少分！3/ 黑糖仙草凍鮮奶 $34 + 黑糖珍珠鮮奶加仙草🧋$39超大杯既黑糖鮮奶加上超香濃嘅黑糖, 甜度對我黎講岩岩好👍🏾

街坊推介元朗廣場的桂花小幸，說味道不錯，所以趁周末假期來試試。午飯時間見到很多人在排隊等入座，看來確實有口碑。等了大概半小時，餐廳環境尚算舒適，營造「文青」氣氛，頗為有趣。跟朋友點了兩份午餐，小妹選了鹽酥雞排麵餐，轉了米線，份量頗大。湯麵有多款湯底可供選擇，養生清燉牛肉湯的肉味香濃並帶藥膳風味，超級正！跟味道較素的米線亦十分匹配。鹽酥雞排外脆內軟，鮮味多汁；肉汁都保留在酥皮中，保持肉質鮮嫩。追加滷水豆腐，台灣風味滿滿。鮮茄牛筋腩麵，番茄湯底味道極之濃郁，濃濃的番茄酸甜味極之開胃；竟把全碗湯干了！牛腩軟腍香滑之餘，十分入味，幾乎停不了口。另外再點了客煎餃子，味道尚算不錯。肉餡甚有份量，如果有多點肉汁則更完美。桂花雞翼，酥炸雞翼配搭桂花糖漿，香香甜甜的挺特別。吃台式午餐，當然要飲時下最流行的台式搖搖特飲！日式紅豆抹茶：宇治金時飲品版；芝士奶蓋白桃烏龍茶：濃厚芝士奶蓋交叠清解烏龍茶再帶點白桃清香，喜歡其矛盾複雜的感覺。美味豐富的一頓午餐，飽肚又美味，更有台式特飲作結，十分滿足。