桂花小幸 (元朗廣場)

營業中

休息中

位置:坐輕鐵可於豐年路下車，不用上橋，可過馬路，對面便是元朗廣場。環境🌿:設計以自然簡約為主，一進內便看見一邊放滿了書的書架，另一邊牆是以橙紅磚為主調，餐桌以淺木為主，好舒服。服務🌿:QR code下單，店員主動有禮，我們一坐下，主動送上餐牌😃出菜亦很快⚡️。晚市原盅燉湯定食套餐:+$8可加滷肉或雞肉1 🥘煲仔.塔香三杯雞+上湯浸時菜及原盅燉湯$98惹味雞件，三杯雞汁很夠味，很香濃。當中的配料有蒜，薑，乾葱，芫茜都是我的喜愛。是日燉湯🥣:海底椰木瓜燉土雞一開盅蓋，清香海底椰及滋補土雞味立刻渗出，特別適合滋補養生的人士😄2 🍅蕃茄濃湯水餃$283 古早味滷水拼盤(牛肉，牛肚，雞翼，蛋)一$684 芝士奶蓋挂花烏龍茶5 遇見珍珠可可食後感:味道香濃，但食完也沒有口渴的感覺。👍

其實行過好幾次都想試。見佢都成日要等位，今日見等一張台就等下啦。打開餐牌食物款式就唔多評論，都揀左碗半筋半腩台灣麵食。食完真係一片空白。第一次食台式牛肉麵既牛腩都衰過食煲湯瘦肉，又硬又散唔知點玩法。份量特別多，2件牛腩仔同4件半條牛筋，真係見到就想食多2碗。湯就更加正，無味之餘得個喊字。食左幾十年台灣菜呢間真心會有印象😡😡 相就無影，一向無打卡習慣，食完姐姐都立即收哂盤（呢個動作唔係不滿，都係服務一種）。

🏠大眾平民台灣風味美食😋位於元朗廣場既台灣餐廳，主打台灣菜同手搖飲品，店內裝潢舒適，燈光充足，好適合同朋友家人用餐，而且周圍都有一D 正面句子鼓勵大家，另有一番文青味道！餐牌以QR code 落單，方便快捷，同時餐牌選擇多，要慢慢睇下😂❇️滷水蛋滷肉飯套餐（配手拍青瓜、紫菜魚丸湯、上湯娃娃菜），仲有燉湯（綠豆薏米蓮藕燉排骨湯）🌀套餐非常豐富，滷水蛋同滷肉味道正正常常，珍珠飯撈埋d滷肉汁，非常有台灣味道！🌀手拍青瓜好清涼，又消暑👍🌀紫菜魚丸湯、上湯娃娃菜好有家庭味道，似媽媽煮出黎既感覺😂🌀燉湯都比較普通，冇特別，勝在唔係味精湯。❇️夏日精選～麻醬雞絲冷麵（配涼拌貓耳朵即雲耳）🌀夏天食呢個麵好正，好涼爽👍裡面有雞絲、青瓜絲、蛋絲、冬菇絲，麵既硬度都適中，唔會太淋，配麻醬好味道！涼拌雲耳同滷水蛋味道正常。❇️蕃茄濃湯水餃🌀蕃茄湯底味道似羅宋湯，係本人鐘意既味道，但餃子皮較厚，餃子餡內既豬肉比較實，唔鬆軟。❇️香濃珍珠奶茶🌀珍珠煙煙韌韌，茶味夠，好有台灣手搖飲品嘅味道👍❇️芝士奶蓋桂花烏龍茶🌀芝士奶蓋好正👍如果芝士味可以再濃d 就更好，相反覺得桂花味太濃，遮蓋左烏龍茶既茶味，同埋味道比較甜!

我約咗朋友去了一間名為「桂花小幸」嘅餐廳食lunch ！ 招牌菜有「三盛红燒牛肉麵」，材料包括有腱心牛肉 、牛腩&牛筯）， 用上台灣麵，配上養生清燉牛肉湯，非常好食！「三盛红燒牛肉麵」很有台灣特色，肉質鮮嫩，而且多汁，牛腩，肉質鮮嫩，入口即化，湯底濃郁，台灣麵， 硬度適中，掛上香濃養生湯，非常滋味。古早味滷水拼盤，包括有腱心牛肉、牛肚、雞翼&蛋， 滷水雞翼非常好食，香料同醬油被雞翼吸收晒， 正呀！ 我哋仲叫咗現做煎餃子，即叫即煎，香脆可口，鮮嫩多汁，非常好食。《仙草冬瓜茶》&《鐵觀音珍珠鮮奶茶》， 兩杯飲品都非常好飲， 仙草冬瓜茶清涼解渴，夏天必叫！

身邊個個個都去晒旅行🥲我冇得去玩 生活真係好乏味🥲老公帶我去一間 充滿台灣味台灣感覺ge餐廳食餐晚飯 調劑一下～🥰近近地係元朗廣場ge 桂花小幸～特濃蕃茄雞排台灣麵蕃茄湯好濃，蕃茄味好突出🥰👍仲有d蕃茄肉，真材實料用蕃茄煮出黎😍台灣麵質係爽口～ 但為免浸到淋晒，建議盡快食喔！雞排份量都好多😂台式小食拼盤(炸花枝丸,桂花雞翼,炸餃子,地瓜薯條)炸物過口癮一流！😆味道偏淡，配上濃味ge主菜就岩曬～而且份量好多😂 我諗三四個人share都夠～抵食台式古早套餐：滷水蛋滷肉飯 配3款涼菜，時菜，紫菜魚丸湯好豐富～ 一個人食真係飽到反艇😂涼菜分別係茄子，青瓜，雲耳酸酸地好開胃～滷水蛋滷肉飯滷肉份量足夠～滷水汁都夠，撈飯夠味～反而滷蛋有點乾💭整體黎講e個套餐真係好抵食！😂臨走仲叫左杯夏日水漾鮮果茶😍大大杯好多水果，味道唔會太甜飲落冇罪惡感😂👍

元朗聽落就好似好遠咁樣，不過其實各大商場都有唔少嘅好嘢食嘅，今次就去咗食一間平民化嘅台灣嘢，質素同埋價錢都好合理唔錯㗎餐廳就喺元朗廣場，完全唔難搵，入到入面之後環境都非常光猛，燈光偏向柔和，進餐環境來講幾舒服㗎鹽酥雞排滷肉飯一擺上枱嘅時候即刻覺得好驚喜，鹽酥雞扒件件分明，每一件嘅炸粉唔會好厚，肉質都算鮮嫩，最緊要係熱辣辣㗎，唔會擺到凍晒先至上比客人；滷肉飯味道可口，唔會有過多嘅肥肉，食落口唔會覺得油膩感好重，值得一讚。紅燒腱心牛肉麵不得不讚紅燒牛肉湯底好夠味呀，湯底偏向濃郁，加埋台灣麵之後十分惹味；牛腱心都好厚身㗎，咬落口之後直頭係化骨綿掌咁樣，唔會有筋，軟綿綿嘅質感真係好好食。酥炸甜不辣甜不辣嚟講唔算太多炸粉，亦都冇一種油膩感好重嘅感覺，食落口都覺得好煙韌。滷水豆腐隨套餐加嘅滷水豆腐味道濃郁，滷水味十足。芝士奶蓋桂花烏龍茶嘢飲嚟講呢，我就比較偏向茶飲類走甜嘅，因為走甜先至試得清楚個茶底㗎嘛。餐廳嘅桂花烏龍完全冇令人失望，桂花味濃郁，茶味都夠，加埋芝士奶蓋之後係雙重享受。香濃珍珠奶茶奶茶味足夠，茶底尚算濃厚，珍珠煙靭。

想食台灣野，就去左元廣個邊搵食，都去過幾次桂花小幸，覺得佢啲野好抵食又質素隱定，又近近地屋企，就去食哩間。因都我又想食牛筋又想食雞扒，所以我同男朋友就叫左個紅燒三寶牛肉定食同鹽酥雞扒台灣麵share食，加左個炸餃子。哩到最正係有得叫杯台式飲品，跟餐有得-$5。我就叫左杯芝士奶蓋桂花烏龍茶，男朋友就叫左杯檸蜜多多梳打。飲品都係大大杯。定食set跟埋燉湯，燉湯又係哩間野必試既野，個湯好清甜同足料。啲食物好大份，個三寶牛肉定食有牛筋、牛腩同牛肚。每樣都好大件。雞扒麵又係超大份，個麵既湯底揀左養生清燉牛肉湯，有種藥膳味。個小食煎餃都係用左大大粒既餃子，一碟4粒，煎到個皮脆脆地，好食。最後食到好飽，哩間野作為日常晚餐飯堂真係唔錯。

市區人真係好少會入元朗，今日難得同男友入黎元朗郊遊遊，去到元朗廣場嘆冷氣就順便搵嘢食。餐廳所在呢個商場都幾多餐廳，星期日眼見幾乎間間餐廳都要等位，而桂花小幸都一樣。我地兩個人大約等左15分鐘，貼心係餐廳門口有張櫈，行到腳軟都有櫈坐黎等位，抵讚！秘罈酸菜魚湯飯 $78男友餓左成朝頂唔順要食飯，估唔到都幾大碗飯，酸菜魚都幾大兜，我就唔食得辣嘅，但食落都受得住，男友話7小辣咁上下辣度，酸味都足夠嘅，我自己就好怕食酸嘢，我覺得係可接受範圍。三盛紅燒牛肉麵 $85呢碗麵入面有腱心牛肉，牛腩同埋牛筋。肉煮得好淋好入味，幾抵讚佢啲麵可以簡湯底，我簡左雞湯好濃雞味！如果唔想食台灣麵重可以簡米線，選擇好多，手機落單重可以簡走芫荽，好貼心！台灣烤香腸 $35我男友真係好中意食台灣腸，幾乎去台灣餐廳都一定會食，呢間烤得好香脆，甜甜脆脆咁好開胃。仙氣柚子茶 $32呢間餐廳重附有台式飲品店，餐廳用餐可以叫廢水飲超正！柚子茶係真係有新鮮柚子肉係入面，男友話想飲果時我重以為係沖出黎果啲。可以簡甜度，但呢款唔可以簡冰度，我覺得半甜有啲甜，但啲冰溶多左之後就還好，酸酸甜甜咁呢個天氣飲好消暑。仙草冬瓜茶 $26呢個真係無

元朗廣場的桂花小幸長期都人氣高企每次黎到都全店滿坐是日下午茶時段來食午餐幸運地唔使排隊拎到qr code就快快落單先 肚餓了😆🥢三盛紅燒牛肉麵朋友點了三盛紅燒牛肉麵有腱心牛肉、牛腩、牛筋全部厚切大大件但已炆得軟腍唔會韌 正😍湯底鮮味不過甜 微辣對胃麵條揀了台灣麵 掛湯有咬口👍大大碗夠飽肚🥢鹽酥雞扒滷肉飯自己就點左滷肉飯加伴菜share食上到枱真係好豐富雞扒炸得酥香鬆脆珍珠米軟綿綿滷肉汁香口👍🥢滷水蛋加左一人一集滷水蛋雖然無日式溏心蛋咁吸引但滷水汁都正㗎🥢滷水豆腐&涼拌貓耳朵涼伴菜揀左豆腐同雲耳豆腐滷得入味雲耳酸辣爽口很開胃兩樣都意外地大份量呢🧋黑糖珍珠奶茶&芝士奶蓋阿里山金萱食台灣野就唔少得台式飲品朋友的黑糖珍奶揀左少糖減左黑糖個甜度就剛剛好珍珠有咬口奶茶夠滑自己嘅芝士奶蓋茶就走糖無糖茶更清香芝士奶蓋綿密鹹香兩杯都好飲喎😋去到四點終於有吉枱都仲有唔少人入黎食下午茶㗎😁

天氣熱，想起桂花小幸的小食和飲品夠消暑，晚餐就和家人去開胃一下。先來特飲，蜜桃烏龍多多，酸酸甜甜的益力多茶底，配料有蘆薈粒粒，爽口清甜，味道配搭得宜，在汗流浹背的時候喝點酸甜的冷飲，整個人都舒服不少。珍珠奶茶是我的最愛，見到有紅豆珍珠奶茶，又試試味道如何。加了奶蓋，有芝士鹹香，但仍然喝到濃茶香味，紅豆煮得夠軟，不會太甜，配Q彈的珍珠，邊喝邊吃有口感。下次會試試特濃珍珠奶茶，因為這裏的茶底真的很香濃！番茄雞翼花枝丸麵，喜歡特濃蕃茄湯，味道酸酸的，口感像羅宋湯般濃郁。這裏的台灣麵口感煙韌，與番茄湯一起吃真的很開胃。鹵水雞翼煮得非常入味，花枝丸爽口有彈性。這個湯麵可令人開懷大嚼呢！特別推介這裏的滷水蛋，鹵水非常入味，蛋白有彈性，連蛋黃一起吃，越吃越香！另外可以追加小食，$28選有兩款，份量其實不少的。喜歡黑醋茄子，粗條切，咬下滑溜又多汁，口感很好。手拍青瓜有酸酸的醋，青瓜清新爽口，與家人一起分享，非常開胃。燉湯晚餐，配上湯浸時蔬，主菜選了鹽酥雞扒滷肉飯。這裏的滷肉厚切大粒的，拌飯吃口感與味道俱佳。炸雞扒很大塊，炸得脆脆的很香口，愛吃肉的家人很滿足。燉湯非常足料，這晚的湯是老黃瓜豬骨湯，燉出來

餐廳整體裝修好文青，牆身係書架設計，而且真係有D書可以比人係到睇，好令人有放慢節奏既感覺🔸鹽酥雞排滷肉飯($64)😋 一整塊大雞扒，炸得好酥脆，邊邊位置會乾少少，少少淮鹽調味恰宜，滷肉飯飯粒粒粒分明，油香滿溢，仲食到豬皮帶黎既膠質🔸桂花雞翼 (5隻)($42)雞翼炸至酥脆，跟枱上桂花蜜，由自己控制甜度🔸麻辣牛三寶麵套餐 (牛筋、牛腩、牛肚)($89) 附送 涼拌貓耳朵 (細)份量多，牛筋軟糯、牛腩入味、牛肚爽口，而且辣度可以自己選擇👍🏻 貓耳朵酸爽餐廳附屬有一間台式飲品店「茶研社」，堂食都可以點他們的飲品~🔸凍香濃珍珠奶茶（跟餐正價-$5）茶底香濃，而且珍珠數量都唔少🔸凍芝士奶蓋桂花烏龍茶（跟餐正價-$5）冷泡茶+奶蓋，因為我自己唔太鐘意飲奶，所以覺得奶蓋奶味重左少少

同朋友係元朗做完野 經過見到桂花小幸 記得有朋友之前都提過下依間餐廳 一於決定試下🤣 咁我地就簡左兩個原盅燉湯定食套餐😛🍀紅燒三寶牛肉定食三寶分別有牛筋 牛腩 牛肚 分量好多😋 牛筋好大件 好彈牙😍 牛腩牛肉味好香濃 配飯或者麵都好夾😉 牛肚同樣好入味 夠晒爽口彈牙🤩🍀煲仔•塔香三杯雞定食上枱已經聞到好香🥰 雞肉吸晒啲醬汁味 味道超級香濃 好入味 配飯一流😚 燉湯好夠熱 材料好足吾會淡😜🍀芒果QQ綠茶（凍）食台灣菜當然少不了飲台式飲品🫶🏼 一路飲一路咬下啲QQ果 愈咬好似愈入味咁🤣

#桂花小幸：品味正宗台灣滋味，享受活潑舒適的用餐環境位於元朗廣場的桂花小幸餐廳，走進這家餐廳，就已經立即感受到那份溫馨家常的氛圍，好像去到了台灣一樣好悠閑。.我們今晚食了2個麵，味道很不錯呢：.清燉牛筋麵紅燒牛肉湯：精髓在於紅燒牛肉湯，將牛筋燉煮至軟熟，與滑嫩的麵條完美結合。每一口都散發著濃濃的牛肉香氣，讓人陶醉其中。.秘罈酸菜魚台灣麵：有鮮美的魚肉與酸菜為主要食材，經過神秘的秘罈烹飪法，味道酸香，讓人回味無窮。.另外也叫了牛肉濃湯水餃（4隻），鮮嫩多汁的水餃，搭配濃郁的牛肉湯，忍不住一口接一口，4隻很快被我們食完了。.食麵可以以優惠價加配小食，有滷水蛋、手拍小黃瓜和紫菜魚丸湯。滷水蛋香濃可口，手拍小黃瓜脆爽多汁，紫菜魚丸湯則是鮮美養生。.去到台灣餐廳，當然是少不了品嚐到經典的台式飲品，如芒果鮮奶和黑糖珍珠鮮奶。芒果鮮奶口感濃郁，滿滿的果香；黑糖珍珠鮮奶則是濃郁的奶香與黑糖珍珠的完美組合，正呀。.在桂花小幸，不僅可以品嚐到正宗的台灣滋味，還可以在舒適的環境中與家人朋友共度美好時光，體驗一場台灣美食的盛宴。

桂花小幸的位置在非常方便、容易到達的元朗廣場，鄰近有豐年路輕鐵站和巴士總站。店舖裝潢走文青路線，十分適合打卡。1️⃣三盛紅燒牛肉台灣麵(養生清燉牛肉湯底)$85很大一碗牛肉麵😳！牛筋充滿膠質，喜歡它不是被燜成啫喱狀，而是保留了彈牙有嚼勁的質感。相反，牛腩則燜得又軟又嫩，很容易咬開。再來就是腱心牛肉，由於這個部位是經常活動的肌肉，所以肉質結實，裡面亦滿佈牛筋，吃起來很有口感。另外，湯底的確有淡淡的藥材味道，很好喝，不至於濃得像在喝真正的藥材湯，湯跟爽彈的台灣麵一起吃，讚！2️⃣煲仔 • 塔香三杯雞定食 配是日燉湯&上湯浸時菜$98 加配紫菜魚丸湯 +$16主角三杯雞肉質尚算嫩滑，而且加入大量洋蔥、蒜頭和九層塔，十分香口。用煲仔的好處能保存食物的溫度，非常好。是日燉湯真材實料，大量海底椰、瓜、豬肉令整個湯香甜可口。3️⃣凍仙草冬瓜茶(正常糖、少冰)$26選了正常程度的冬瓜糖，但也不會太甜，剛剛好。仙草凍滑溜，夏天喝冬瓜茶真消暑！4️⃣夏日水漾鮮果茶 (微糖少冰)$34果然很適合這個炎炎夏日喝，茶底清香，水果亦很新鮮，裡面包含帶有微酸的莓子、青檸等，十分清新！

每次經過元朗都畀呢間好有文青風嘅台灣麵店吸引今日嘅晚餐就一於試下你啦餐牌嘅選擇都幾多有牛肉麵，有酸菜魚，仲有好多飯類我哋就叫左一個牛肉麵同一個酸菜魚嚟試下同時亦都揀咗兩個配菜紅燒牛三寶麵呢個牛肉麵包含牛腩牛筋同牛肚牛腩炆得好入味牛筋亦都非常嫩滑牛肚則有一種彈牙嘅感覺加上湯底非常濃郁係一個必食嘅推薦酸菜魚湯飯酸菜魚份量好大湯底微辣非常惹味魚片亦很嫩滑涼拌黑醋茄子茄子相當入味，食落清爽手拍小黃瓜又一清新前菜，食完較為開胃日式紅豆抹茶飲品份量相當大杯綠茶味都幾香濃配上甜甜嘅紅豆係絕配仙草冬瓜茶又一消暑恩物飲落非常暢快清爽