影片
上星期真係好鬼熱, o個日無意中o係通往得寶商場o既路途中見到呢間水果店 - 果道 好奇之下入去睇下有咩好介紹, 兩位老闆介紹我同男朋友飲"原隻西瓜汁" ($15)...椰青就見得多, 西瓜汁都可以好似飲椰青咁飲我都係第一次試, 好特別~可能真係太熱啦, 呢個西瓜汁入口好甜, 店主真係冇介紹錯, 一試無妨! 店主話呢間舖剛剛開冇耐, 主要賣生果同果汁, 呢個原隻西瓜汁係將一個西瓜的肉榨成西瓜汁, 再放返入個西瓜度俾客人帶走!之後我買咗一個香瓜($10) 同一個西瓜($25) , 個香瓜好似蜜瓜咁, 好甜 幾日之後再黎, 今次試飲檸檬西柚燈汁($16), 呢 3 款水果加埋o既果汁竟然冇想像中咁酸,飲落少少酸得黎都幾開胃~ 總括黎講, 呢間"果道"o既果汁真係好足料, 值得試下! ^_^
繼續閱讀