林昌記 (已易手)

之前係尖沙嘴分店食過一次，朋友介紹食佢地既白魚蛋，食過真係一直念念不忘。咁啱今次經過深水埗買野，見到原來深水埗都有分店，即刻買黎食～佢地既白魚蛋真係好好食，雖然細細粒但係好彈牙，點埋佢地既秘制辣油真係好正！據聞佢地既魚蛋每日都新鮮自家製，係咪真我就唔知啦，不過白魚蛋就真係好少見到有，而且價錢都唔貴，又好食～值得推介～林昌記仲有好多其他小食，每款好似都唔錯，下次可以試下！而且冇晒就無架啦，所以經過見到有就買黎食下啦～…查看更多

林昌記魚蛋真係好好食，每次經過都買黎食，魚蛋好彈牙，d秘製辣醬好惹味，尤其配白魚蛋更好，就算食完晚飯，一個人都食到鴛鴦，真係食唔厭，依家深水步有分店仲可以方便左。…查看更多

眾所週知，林昌記以日賣十萬粒魚蛋馳名。上次試過其白魚蛋之後，立即愛上。今次再訪，急不及待試其「黃金蛋角」。切成三角形的魚片頭，放入油鍋內炸至金黃色，再用手動離心機瀝乾油分，不消幾分鐘，已經可以端到我的面前，即叫即炸，很是吸引，咬下去脆口乾身帶魚味，不是一般的坊間糊口貨色，再蘸了沙律醬，份外惹味！一份黃金角HKD20已經有11粒，經濟至極，路過不妨一試！…查看更多

林昌記魚蛋就食得多 再唔係就食金蛋金角乜乜乜 但你又知唔知林昌記仲有賣----蝦子炒麵($25) 仲要好好食? 我都係最近先知!!😍你以為係撈麵咁簡單? 非也 佢係蝦子炒麵 真係即叫即炒 所以要等一陣 一路整已經傳來香噴噴既蝦子香 流曬口水🤤面頭超多蝦 d麵炒得超級香口 條條分明 一d都唔油膩同1999 麵質少彈牙岩岩好 仲啖啖都食到蝦 咬落好脆脆💕 仲有d蔥香 btw點可以唔撈返幾滴招牌辣油呢😈😈😈留意返 唔係間間分店都有賣呢個蝦子炒麵 就例如我去開尖東橋果間冇賣呢隻麵(好sad)…查看更多

我真係好鍾意掃食，邊行邊食的感覺，份外滋味！途經行過，見到每人都拮住白魚蛋，一路行一路食，探究之下，原來來自「林昌記」！小店堅持每日自家製魚蛋，原味魚蛋賣相雪白，跟一般街邊魚蛋截然不同，入口圓渾飽滿，鬆軟富彈性，爽口彈牙，感覺真材實料，加點辣油，更是惹味。相比起仿間的魚蛋，麵粉多，魚肉少，的確有很大對比！除了白魚蛋之外，還有「黃金角」、「金蛋」和「咖喱魚蛋」....等，無論是街頭小食，或作佐酒小吃，也是十分美味！…查看更多

之前聽過呢間好出名，有好多分店，但就一直都未試過，今次突登黎食。鋪頭都好近黃金商場，買完電腦就可以過嚟食，佢呢間嘅鋪頭細細地，但內在俱全。入面有好多嘅魚蛋味道同牛丸等等嘅食物可以揀，唔只食魚蛋。10蚊6粒魚蛋一去到門口，就好猶豫，究竟要揀咖喱味定係要揀香辣味，好想試吓咖喱味，但係難得見到魚蛋係有香辣味，我就揀咗黎試下。白色既魚蛋彈彈，香辣味要自己拎，呢個香辣唔係好辣，但夠香，值得一試。下次要食埋個咖哩味。…查看更多

行過呢度之前係所謂人氣的豆X妹米線位置，現在是林昌記，見佢標榜主打魚蛋，就停低買D來試試，我選擇了原味魚蛋，皆因我喜歡先試原味，老闆用一隻碗仔奉上，急不及待馬上試試，嘩！彈牙有魚味，根本不用加什麼棘汁之類啊，過開來深水埗一定要比面試下…查看更多

每次路經林昌記都會被佢的招牌和貼著的廣告吸引著，今天下班時又有少少口痕就一於去試一試雖然舖仔細細，但都有好多款選擇，淨係招牌魚蛋已經有不同味道提供，另有牛丸，炸金蛋等等。第一次試當然要食返鎮店既魚蛋啦，我就揀左麻辣味。魚蛋係白魚蛋，無炸過既，平時的魚蛋舖通常已經有一盆浸住麻辣湯底既魚蛋，但林昌記竟然係即刻撈過麻辣汁出黎，再撈落白魚蛋食落口一啲都唔粉，而且同麻辣汁超夾，仲勁彈牙，果然咁出名係有佢既原因，下次一定要食埋金蛋…查看更多

今日行過深水埗既林昌記，點了⋯（1） 白魚蛋（2）炸魚角（3）牛魔王（牛筋丸）（4）加哩炸魚旦拼燒賣（1） 白魚蛋，林昌記用98%魚肉去整，非常彈牙同埋好有魚味，加埋林昌記自家制辣椒油，真係一絶，推介！（2） 炸魚角，附送沙侓醬，魚角彈牙，唔係唔好食，只係冇乜特別，唔試都得！（3） 牛魔王（牛筋丸），好彈，好重牛肉香，仲有白蘿蔔粒同埋蔥，超級好食，我哋一行兩人，encore左兩㳄，真係非常好食～（4）咖哩炸魚旦拼燒賣，冇乜特別，唔叫都得！必食推介： （1）白魚旦 （2）牛魔王 （3）林昌記辣椒油…查看更多

最近出左海鮮燒賣$20 9 粒魚蛋燒賣雙拼就25$ 魚蛋一如既往的好。 10$ 7 粒 以魚蛋黎講唔算平， 但佢食得出有魚味， 彈牙 熱辣辣 貴唔貴就見人見志。 燒賣入面有章魚。 ok ge ,唔錯， 不過雙拼好貴 ， 下次都係叫$ 10 魚蛋算Openrice 個營業時間錯， 人地1:00 先開， 我摸左2 次門釘。 …查看更多

🍢📸 #tagnshare連續店篇🙋🏽高妹小編💰金蛋($20/11粒）🤤好多人都食過林昌記廿蚊一碗白魚蛋⋯今次試佢個金蛋👍🏻好有驚喜wooo⋯真係炸到金黃色⋯佢個炸漿整得幾好⋯唔會好油膩😜即叫即炸😉等十分鐘都值⋯一炸完魚蛋會脹卜卜😍涼左之後魚蛋會縮返細粒⋯脆面變左一個殻咁又脆又好味⋯🆙高妹建議大家千島醬可以吱係旁邊⋯太多會遮蓋左魚蛋味😉正阿👍🏻.…查看更多

當一個人決定吃晚餐時，第一個想法一定是買回家吃，並且選擇一些平時不會和家人食的東西。林昌記，牛丸夠彈牙，魚蛋夠爽口，蝦子麵的蝦子夠晒多，又香又濃。但好食還好食，對於一間外賣店來說，外賣碗真是一個很重大的角色。店員將麵放在碗裡面，壓得實實的，一進食，蝦子全掉到地上，令地面好污穢。不如訂大一倍的外賣碗，相信客人會食得更方便😌…查看更多

食完晚飯都還未去吃甜品，又被一間小食吸引住了這次引我過來的是這碗牛魔王，但等待的中途我又後悔了……因為其他人要的全是各款魚蛋呢，唯有下次再試吧😂這間林昌記裡標榜的主要是手打的丸類。我想應該是手打的，一來這牛丸的肉質真的比平常的彈牙，肉汁也很豐富（加上他們特製的辣油吃更惹味）， 一不小心就會被肉汁燙著。二來牛丸的大小不一，小的如波子般，大的如大棗般。如果不怕燙的話，其實一口一粒也是很方便啦，但對喵舌頭的人如我基本沒啥影響啦…轉眼間十頭牛魔王跟蘿蔔粒就被消滅了，而我這（偽）老孫亦繼續踏上消滅妖魔（美食）既征圖👣…查看更多

街邊魚蛋成日食，食過番尋味既就唔多，打着良心魚蛋旗號既林昌記就真係實至名歸!!!!比起不鮮不香，粉糊沒彈性既街邊魚蛋真係有heart好多!!有白魚蛋、魚蛋、牛丸、炸魚蛋、炸魚片頭等~都幾多選擇~魚蛋魚肉比例應該超高，粒粒都夠彈牙，質感綿滑而鮮香十足，配埋佢地d招牌辣椒醬真係完勝魚蛋界!!!!!牛丸細細粒，都夠彈性同牛味十足，都幾好食，咖哩魚蛋就個汁麻麻地，炸魚片頭都ok，又唔算太特別LOL飯前既前菜整兜魚蛋，真係一大享受!!!!建議叫魚蛋/白魚蛋就夠😎😎😎…查看更多

有好幾次經過都已經想食,係俾佢個睇落有古色古香晚招牌吸引左。到今日再路經呢度。決意要會一會佢。今次只係叫左十蚊七粒魚蛋黎試下味。估佢唔到,竟然係白魚蛋。魚蛋夠彈牙,無腥味,無雪藏味配埋佢咖喱醬,唔錯。唔會太辣又夠香。…查看更多