板長壽司 (創紀之城五期) (已結業)

這次係我最後一次食板長壽司，一個字「差」，燉蛋凍嘅，軟殼蟹手捲凍嘅，Miso湯都係暖嘅，壽司亦係一般，另外侍應全部好似趕收工，冇d笑容，入去食嘢好似欠咗佢哋錢咁，「元氣壽司」就好食好多

嚟到觀塘商場，行咗陣都諗唔到食乜，經過板長壽司見到佢嘅午餐餐牌又幾抵食喎，所以就決定入嚟試吓啦因為通常叫得呢啲雜錦丼，都會預咗佢係用啲頭頭尾尾嘅下欄貨，上枱後見到佢嘅賣相都唔錯，有油甘魚，吞拿魚，三文魚，玉子，青瓜，仲要有咁多三文魚籽，樣樣我都鍾意食，真係有驚喜呀(唔知啲刺身款式會唔會因應當日嘅魚而更改呢)刺身都好新鮮，只係有啲位有少少根，不過都可以接受，$68算係咁。套餐包埋蜆肉味噌湯，蜆肉鮮甜，令成碗味噌湯生色不少，好飲

平時食開板長都係係尖沙咀，但自從漆咸道南分店執左都少左去。今日同家人經過觀塘Apm分店，估唔到又唔錯播！每次必點嘅鵝肝壽司，外面脆口，入口滿滿油香，實在令人回味！三文魚壽司普通左少少，但燒三文魚壽司值得一讚！燒到好香，入口即溶，忍唔住再叫多一轉。最後嗌左支清酒。成個晚飯就完滿結束啦。連銷壽司店嚟講板長質素都唔錯，下次去觀塘又多個選擇！

黎板長唔一定淨係食壽司既，食下炸物，熟食都唔錯。推介溫泉玉子炙燒佐賀和牛丼，和牛肥美，還有黑松露，可是今次份量竟然少過平時！仲成好多肥膏，係咪夜左師傅冇材料！炸雞軟骨好好食，點埋沙律醬就一流啦~ 要食壽司的話就推介醬油漬三文魚壽司和火炙鰻魚壽司。

跳舞前醫肚，經過見到好大條鰻魚就即刻入去鰻魚大過飯~都算肥美，魚尾燒到有少少焦香，鰻魚汁撈飯好味麵豉湯~正常味道~無乜特別~唔太咸係會員特價區有北海道海膽壽司~叫左一客試下，因為鰻魚飯份量大好飽，食唔落2件$35嚟講都算多片，而且比起出面既軍鑑大塊，除左其中有一片有少少澀之外，其餘都係鮮甜，建議片紫菜可以大片少少，一來用手好難拎起（用筷子夾…塊紫菜又好似就跌），二來想紫菜包住食的話…根本就包唔到…

係apm搵食，最後都係去返連鎖餐廳。板長都算係連鎖壽司店入面唔錯既選擇今次揀左個lunch set係主打吞拿魚既有各款壽司+麵豉湯+茶碗蒸。壽司入面有三款吞拿魚：小卷；吞拿魚；拖羅味道正路，可以接受，不過拖羅有d筋..

 I recommend the "Golden Swordfish Sashimi". I don't know what it is, the taste is fresh and refreshing, and it is not good, delicious. "Sparkling jade" is one of my favorites. I found that the ones I like to eat are low-priced hahaha. Sweet egg flavor. The sweetness of the "Sweet Shrimp Sushi" shrimp is not bad.

入到去由落單去到上第一碟野要搞成半個鐘，食物質素比其他分店差好多，火炙鵝肝手卷又凍又乾身，連油都冇滴，好似擺左好耐咁，其他壽司味道亦麻麻。員工服務態度又差，每次送野黎都一野dum度枱就走左去，粗口粗腳好似發脾氣咁。出菜又慢，每次上菜相隔要成10-15分鐘，仲要每次上得一兩碟仔。埋單又要等好耐，個員工收左張信用卡之後就咁擺係枱面去執枱，完全冇諗過幫我收錢，等左一輪忍唔住開口問得未先話pass比第二個人收，離晒譜。唔會再有下次

平日8點幾完全唔使等位。全場只係坐左一半左右。見到做北海道主題。有北海道海膽帶子三文魚籽。叫左個三文魚籽試下。唔太覺同之前食有咩分別。而魚類壽司方面。劍魚油甘魚正正常常。火炙魚背唔錯。火炙幫助帶出魚油。魚肉爽口。三文魚醬油漬壽司好肥美。好鍾意食佢嘅醬油味。最後個天婦羅就唔多達標。炸醬薄。不過裹覆度唔夠。只可以話似係炸南瓜同蕃薯。唔似係天婦羅。唔係會員次次都要用佢部平板落單。雖然係叫做比實體menu高科技。不過其實load得好慢。成日都要等d相慢慢彈出嚟。同時覺得都幾污糟。拎上手有啲立。如果有人定時清潔就會更好。

今日天氣天陰陰的，還沒有下雨，所以我也沒有帶備雨傘出去食飯。一邊行一邊想，凡事沒有絕對的，未到最後也不知是什麼的结果。正如今日午餐的選擇，走了一會兒， 終於想到了要去哪間食午膳。到了門口，看看餐牌。我見到我最喜愛的牛肉丼，所以二話不說的坐底了及也點了溫泉玉子牛肉丼，跟餐還有配了蜆麵豉湯呢!主菜未到之前，我一邊飲茶一邊看手機， 悠然自得。温泉玉子牛肉丼除了中間有温泉旦白，周圍全是牛肉，用料十足，吃落牛味濃郁而且鲜甜，不太咸，可見用料新鲜。温泉旦夾住飯食，食落有些特別，也十分滋味。蜆麵豉湯有蜆，有冬瓜，有些海鮮味，喝了十分好飲。原來遲30分鐘午膳，一個人在APM,也可以找的位食，這裡 環境都舒適闊落,下次會再次光顧。

Lunchtime同同事搵地方食飯，見好耐未食過就黎食板長，APM呢間分店座位好多，等左唔洗10分鐘就入得了！例牌嗌左個鯖魚定食，48蚊有飯有燒魚有味噌湯真係抵到爛！個鯖魚燒得好香好好味，飯量亦都足夠。另外我仲為食嗌左火炙三味，有玉子蝦同埋蟹柳，大件夾抵食！今次再特別少少，同同事3個人夾份食個三文魚拼盤，有齊三文魚壽司，火炙三文魚壽司，刺身，沙津軍艦，真係好好食！每件都食到好濃郁既三文魚味，推薦大家一試！😋

生蠔新鮮肥美厚肉， 冇腥味，鹹度適中，少少海水味加上酸酸的source,非常配合，清爽清新，可以encore，價錢都合理，下次可以再戰。另外叫左三文魚拼盤，一碟多款三文魚壽司都只係一百元。不過，總體質量普通，唔係太香三文魚味道，當中火灸三文魚壽司同沙拉三文魚軍艦比較好味，火灸後三文魚魚油香更為凸出，而沙拉就好配合到三文魚令佢味道更好，味道唔會太單一。而油甘魚加黑松露都唔錯，如果喜歡黑松露既石油味應該都會鍾意，但油甘魚味就唔太出。另外我最喜歡就係劍魚腩壽司，清爽得黎好一陣好香既魚油香味，同壽司飯非常配合。總括而言，板長質素正常份量十足，價錢合理，生蠔令人驚喜，推介👍🏻

因為本人都喺九龍東出門嘅時間比較多，所以都會去多啲觀塘嗰邊嘅apm商場，而且嗰邊嘅商場都幾好行，地方又大選擇又多，所以都會去一去，而喺商場入邊嘅一間日本壽司我就比較鍾情，呢間就係板長壽司，一來覺得入邊嘅空間比較寬敞，而且有不同種類嘅座位俾你坐，而且本身嘅綠茶都幾好飲我都幾鍾意，而食物方面都好合我嘅口味，佢嘅三文魚腩壽司抵食又大件，其他壽司我都鍾意食，熟食方面嘅選擇都好多而且不是會轉款所以都食出耳油，而且又有不同種類嘅汽水話，酒類飲品

又到左星期五嘅晚上，一個星期最累的日子，是時候好好的慰勞自己啦！就來吃日本菜渡過這個晚上吧！觀塘的板長壽司店沒有令我失望呢。這是新推出的炸八爪魚🐙，非常令人驚喜，酥脆的外皮包着又軟又好口感的粒粒八爪魚腳，送酒簡直一流呀！另外壽司🍣一啲都唔差！我最愛吃這裏的火炙鰻魚壽司和火炙三文魚壽司。鰻魚燒得剛剛好，配上鰻魚汁。三文魚是腩部位，更加肥美。板長壽司是連鎖店，質素非常有保證。嗯，吃了令人滿足的日本菜，為這晚上劃上美好的句號。

老闆因為貴人事忙，好少返嚟香港，難得今日返咗嚟，於是我哋又去左老闆最喜愛嘅板長壽司食午餐，老闆係日本人，日本人究竟有幾鍾意食壽司？就係每次返香港都會只係去食板長壽司，哈哈。板長嘅職員已經認得我老闆，每次都會另外攞京蔥同姜俾佢，以前未有即磨Wasabi，員工都會另外攞即磨Wasabi俾我老闆㗎。而家如果你唔係叫午餐，係散叫壽司，每一台都會比即磨Wasabi，老闆話佢哋啲壽司同日本壽司嘅質素差唔多，果然係有保證啊。我最鍾意食佢哋嘅鰻魚壽司，燒得好均勻，醬汁唔會太鹹，點埋啲山椒一齊食好香，另外當日有日本嘅海膽，日本嘅海膽雖然唔係好大塊，但係真係好甜呀，同加拿大海膽比，佢係比較甜嘅。大滿足的一餐。