板長壽司 (已結業)

同一個商場有執淨一間既元綠同板長，但媽媽成日都會話食元綠所以一直冇機會試板長，極力爭取下今次終於可以一嚐板長喇。入到去店員好快就安排到位置，而且態度親切，落單係用tablet既，十分方便。媽咪想食烏冬，但選擇較少，只有兩個湯烏冬、一個冷烏冬同一個冷麵。最後選擇海鮮蕃茄烏冬，另外仲叫左壽司同天婦羅。用tablet落單後好快就上菜，灸燒三文魚、三文魚都比較新鮮，唯一略嫌三文魚唔夠肥美。玉子同蟹棒都足料，玉子既味道同一般出面既唔同，比較甜。海鮮蕃茄烏冬既材料都好豐富，有帶子、八爪魚、蟹柳、蝦天婦羅，食既時候天婦羅已經淋哂，但味道搭夠，肉質都比較實。烏冬食落都比較淋，如果煮既時間短少少會較好。最後係南瓜蕃薯天婦羅，無論南瓜定蕃薯都好甜，而且炸得好好，炸皮不會太厚，仲好脆。食過一次板長之後，上層果間元綠應該會被永久打入冷宮，哈。

板長壽司 很耐沒有吃了 跟家姐一次逛街前到板長吃個午餐板長壽司有平有貴因為不時做特價 廣告中的螢光魷魚 吸引到我去嘗新 用蛋皮代替紫菜 但蛋皮味道一般 海參壽司等味道也只是中尚三文魚腩 三文魚 帶子 食壽司一定會食的 三文魚入口即溶 帶子鮮甜 大粒 赤蝦 赤貝 赤蝦值得一讚 也頗大隻的金茹肥牛 每次食得好狼狽 因為牙齒很難把金茹分開但醬汁好香好好食鵝肝壽司 煎得幾香囗整體兩個人食了大約五百多元 壽司飯有些一夾就散了 味道還可以

是日同媽咪大嫂同埋男朋友4個人去左板長食野，去到唔洗等位...坐左張可以坐6個人既卡位，坐低左就有個女仔埋黎問有無用過佢地既平板點餐，我地就話無...之後就教我地用，其實都係拉上拉下，拉左拉右，十分簡單...佢地塊平板好似Samsung Galaxy Tab 7.0 Plus咁大部倒...睇落好似好方便，但如果一大班人一齊去既話得一部就好麻煩，傳黎傳去都唔知點到幾時先有得食...與其話方便食客，不如話方便員工，唔洗行黎行去落單咁麻煩，又唔會落錯單，落漏單...睇到眼到花埋終於落好單，之後就有部Printer印張單出黎，部平板又可以睇反自已叫左咩...冷烏冬:好有咬口，比起湯烏冬更加煙韌 冷烏冬個汁:一個字，淡...同無味無分別...大蝦天婦羅:蝦都算大隻，熱辣辣幾好，塊葉都幾得意，估唔到食得，咬落去又唔覺咬到葉，好似同炸粉融為一體咁...不過食完隔左一陣有小小苦味出返黎...吉列蝦:普普通通無咩特別...吉列魚柳:食落去原來係鯖魚黎，口感好漿，好難食咖哩飯:聞落去好重咖哩味，但食落去無咩味三文魚壽司:有d好厚，有d好薄，薄個d仲切到爛左小小...味道ok...吞拿魚沙律壽司:普普通通

由於媽咪無煮飯，所以叫外賣，叫完pizza hut外賣之後，隨即就上網叫賣板長外賣...上網落單真係方便，禁幾下就得，之後仲會有人打電話黎確認訂單，包無錯...原本諗住間野係樓下附近會快d，但係打電話黎既時候都同我講要預70-80分鐘，無計，可能星期日！不過等到我地連pizza hut外賣到左+食完，都仲未到，足足等左90分鐘先送到黎！ 打開門，點知送黎個個人係經理級，成身西裝，睇到都呆左，因為送外賣既應該係綠色衫個d人...原來佢話因為人手唔夠，又多訂單，送唔切所以就佢送黎，咁就算啦，雖然係等得耐d！由左至右去...！三文魚卷:望落去見唔到入面係咩，但食落口應該只係飯包住紫菜，再放塊三文魚係上面，三文魚幾新鮮，而且夠大塊 軟殼蟹卷:咬落去其實只係食到真係有炸野既感覺，感覺唔到真係蟹，可能岩岩整起，個蟹熱辣辣食會好d！加州卷:無咩特別，普普通通！紫菜蝦卷:比起個蟹好得多，真係食到蝦既感覺，而且上面有紫菜碎，幾特別！ 玉子壽司:玉子同飯既比例係2:1，絕對抵食，玉子又夠甜，唔錯！ 八爪魚壽司:無食，不過屋企人話ok！

由於是日家人突然有急事，只好自己一個落街食。1象拔蚌，好細份但不乏鮮味。2象拔蚌腹，比象拔蚌大件但無象拔蚌甘有鮮味及有口感。3平目魚背，推介，魚油肥美嫩滑得黎亦因魚種關係肉質爽嫩，是日另一推介。4呑拿魚，不過不失呑拿魚愛好者值得一試。5車海老蝦，是日失敗之作，舊飯散曬之餘，熟蝦亦完全食唔到蝦味。6赤鯥，有幼骨，但可連骨食。肉質幼細，但缺乏鮮味及嫩滑。7鰤魚腩，魚味似油甘魚，但魚油豐富，的確肥美嫩滑值得一食，拖羅愛好者必試。8伊佐木，肉質較稔，略有咬嚼口感，魚味較為清淡，清淡之選。9金目鯛，肉質細滑，油脂適中，略有鮮味值得一試！！10天然海立，有骨，可能唔好彩真係好失望。11三文魚醬油漬，抵食推介，但唔係人人好哩只味。12珍味鮟鱇魚肝，夠粉易入口，但缺乏鮮嫩，如果嫩滑些許就perfect!!