板長壽司 (已結業)

去堂食 野食唔新鮮 勁腥💩之前去過其他分店 都冇乜嘢 ok 嘅但呢間真係 食到想嘔🤮完全係差到離晒譜因為大部分都係外賣自取冇服務態度都好差好冷漠只有麵豉湯好飲第一次寫食評 唔想其他人一齊伏🤮

今日全日喺Facebook見到啲人因為520而瘋狂洗版 令到我好想記低今日因為今日我得一條友食飯 今晚突然間好想食壽司但屋企附近好似得哩間選擇 落到去無人所以就一條友包場食壽司 我叫左油甘魚腩壽司 三文魚壽司火炙三文魚壽司 火炙魚背壽司 芝士飛魚子壽司 一口帆立貝壽司 哩度寫好紙就要俾咗錢先嘅 之後等左5分鐘都唔使啲壽司就出現晒係我面前 去得連鎖店壽司鋪食都唔會expect佢好好味不過可能呢間係主要做外賣既所以啲魚生好夠凍 侍應都好有禮貌 值得一讚其實今日唔見唔代表唔愛 可以掛住你都已經好幸福😚

今日係我姨甥一歲生日嘅大日子！所以我們叫咗「板長壽司」外賣速遞到會！落單嗰陣個店員話要等一個鐘，但等咗四十五分鐘就送到，個速遞員亦好有禮貌！打開送到嚟嘅壽司全部都係冰凍嘅，唔會有暖咗嘅感覺，因他們會放好多大包小包嘅乾冰去保持壽司嘅新鮮度，食落壽司嘅味道仲係非常新鮮同鮮味十足，真係非常細心！魚類壽司嘅肉質相當新鮮嫩滑！帆立貝壽司超鮮味爽口！赤貝壽司非常爽口彈牙！珍寶赤蝦壽司相當爽滑彈牙！全部都超新鮮！諗唔到叫壽司外賣速遞嘅味道都可以保持到好似喺分店堂食嘅新鮮度！真係值得一讚！

是日同同事講起成日行去759個邊，都冇試過呢間嘢，所以襯有空檔就黎試下。本來以為入到去仲有得行入去，點知真係一眼睇哂甘大。不過俾人一種好舒服，安靜感。餐廳主要係做外賣，所以堂食都係用紙點餐款式吾算多，但價錢算實惠，岩哂有選擇困難症既人。天氣愈黎愈熱，所以揀左番茄牛肉烏冬套餐。個餐包左三件壽司、烏冬、茶。對於女士黎講，係輕食既好去處。壽司望落幾新鮮，飯仲暖暖地，壽司吾覺有雪藏味，尤其橙橙地個舊壽司(吾記得係咩魚)，薄薄一層油脂滲哂出黎，聞落香，食口感軟綿綿，好好食，整體好滿意。 至於個烏冬，湯底幾濃，飲落有胡椒味重，吾錯。烏冬合格，未至於好滑，但接受到，只係吾太吸收到湯汁，食落會有一濃一淡既感覺。反而佢有鰻魚套餐，大大盒，賣相吸引，下次可以試下。PS:餐牌寫住加一，侍應話其實吾洗，感覺又抵食左。

這分店我以前也幫襯過幾次,一向不錯.今日想食sushi,所以order外賣自取.我和太太二人order了兩個sushi set.我叫了sushi set a, salmon為主, 裡面其中有一款"salmon with soy sauce" sushi. 從來未聽過,唸住試下新嘢,回到家一看, 它貌似生魚皮的sushi. box set 裡有6pc這款, 試了1 pc, 其他全部吃不了,胃口全失了, 從未如此嘔心過...太太叫了sushi set c, 帶子冇貨,強制轉北極貝, ok, 算. yellow tail sushi更是腥的..., 而其他都是一般, 非常失望.以前他們的sushi都不錯,但最近,如強制轉換sushi (要求加錢轉自己喜歡的sushi也不可以) 的行政模式和變得難食的食品真令我失望.

今日下午老公突然話想食壽司，但我又吾餓就叫佢叫一個人份量，我陪佢食小小甘啦，之後打去叫外賣，之後叫完哂，聽果個男仔又吾耐煩趕收線甘，之後算啦佢講完佢講既野我都未講完就收我線，ps 佢一次問我兩個問題 1,外賣等75分鐘 2,560蚊 比卡定現金 我答完之後，佢就一倫咀炸完要炸既說話出黎之後cut 我線，之後等等等等等等足105分鐘，追兩次先話出左車，之後壽司到，點左既鵝肝又無黎，個d 壽司就暖哂吞拿魚變到黑哂，暖既親子卷陣味有d up 味，烏冬雖然分開湯但都係成餅野甘，點左果個鵝肝無到都算啦，費事再有聯絡，品質愈黎愈差。以後吾會益呢間野。之前叫過幾次呢間送既每次都叫蟹湯，但每次都係無味既，之後試下叫甜蝦牛乳白湯，點知仲衰，連舊年糕都無紫菜又無，果幾次已經算嫁啦，今次真係差到不得了，從未寫過食評既都一定要上黎寫一寫。有怨無路訴，相當憤怒！！！！！！！！！！