板燒郎燒肉鐵板放題料理專門店 (已結業)

平日都會睇吓邊啲地方抵食，今次係Instagram見到呢間放題，於是就過嚟試吓伏定正。我覺得個賣點係在於學生半價😂，可以好平就食到升級版，而且我哋揀最平嘅時段都係169+1姐，學生唔洗太出血😂。最好食唔係海鮮生蠔，而係個鵝肝同和牛。和牛超有牛味🙈食落好有口感，原本仲以為係普通牛肉，真係幾有驚喜。不過最唔開心嘅就係呢度嘅生蠔係要燒嘅，而且仲要燒好耐先可以，不過食完之後就覺得等咁耐都可以嘅，但係都係覺得有少少唔開心啦，始終都係鍾意食生既，呢度嘅生蠔都幾大隻。最緊要同大家講嘅係訂咗枱都要早啲去因為呢間餐廳都幾多人食😭，我哋等咗半個鐘之後先可以入座，同埋嘢食最好係第一輪落晒先，因為好多嘢食都要師傅即刻整既，尤其係炒菜呀。

先講下價錢先啦，我自己就覺得宵夜時段最抵食！每個人都只不過係159+1服務費，就可以10點坐到兩點鐘👍🏻。呢間餐廳主要以鐵板燒為主，其次亦都有網燒同蒸氣火鍋，不過我覺得網燒係幾特別。最重要嘅就係食物啦，都可以話正常水平👌🏻，鋪頭都有心思，唔單止淨係有肉仲可以食炒菜😂，亦都有泰式料理，睇落去都幾多元化，最正嘅都應該係任食鮑魚😍，好少地方可以不斷叫鮑魚同埋長腳蟹，所以食藉住今次機會係咁食，不過就覺得肉有啲少，但係味道都ok。普通單嘅肉類冇升級版嘅牛肉咁好食，大元貝都大大隻，啖啖肉。可惜嘅就係間餐廳生蠔已經冇得再出，如果唔係又可以任食生蠔😞。不過店員知道有人生日，公司亦都送咗我哋一份小禮物同埋精心製作嘅生蝦蛋糕🙈👍🏻，都叫做幾開心。

平時都會一班姊妹出嚟食下野吹下水，所以通常都係揀啲任食嘅放題或者韓燒餐廳，而今日呢間餐廳就兩樣都有啦仲可以打埋邊爐，而且我哋宵夜時段仲可以食到佢哋收工為止，幾適合我班師奶可以坐咁耐吹水。 首先講吓價錢方面先，每位159＋1服務費，而且我哋在升級左每位＋88任食生蠔嗰啲，賣得大約都係二百幾左右啦，正常放題價格。至於食物方面就令我喜出望外，呢間餐廳原來都幾多種類，比起其他大型放題餐廳選擇多咗，而且價錢都平過佢哋，都叫做值番個價錢，不過都要試左個味道先再決定既。我就覺得佢哋刺身嘅賣相都唔錯味道同其他餐廳都冇咩分別，反而升級版嘅生蠔同赤蝦就真係嚇咗我一跳，生蠔肥美大隻、赤色紅蝦有成手掌咁大隻，味道新鮮口感滿足！肉類同海鮮就普普通通啦，不過有埋大元貝又唔錯喎！👍🏻最重要既係有清酒、梅酒任飲，班女人就開心到呢😂，我都一樣🙈。店員服務品質一流👍🏻有水準

難得今日成班巴打放工唔洗即刻番屋企同老婆交差😏，真係成班約出嚟玩架啦，喺Facebook就見到呢一間餐廳個宣傳，見到啲嘢食賣相都唔錯喎，又有我哋最愛嘅生蠔bb😍😍，咁咪不妨一試，睇吓係咪伏囉。到門口之後同店員講翻聲訂咗枱，之後店員就問我地坐唔坐房間，咁就每位加多＄20，咁我諗住成班老友一定嘈怨巴閉，咁咪加錢嚟到房間啦，又唔會比出面嘈到又可以同班兄弟傾吓計飲下酒，都覺得值回票價👌🏻。估唔到家園房錢之後店員嘅服務都唔錯，佢哋會成日入嚟幫我地清垃圾架😂，見到咁多垃圾同啤酒樽都唔好意思，於是就俾咗少少小費個侍應，值得讚嘅係你間餐廳侍應雖然好後生，但係佢哋禮貌好好服務態度精神唔錯。至於食物方面，小小唔滿意刺身上枱嘅時間，生蠔同魚生都要三四個字😞，不過見面同你講因為個場太多客，加上生蠔係即開嘅所以等一等，上到台之後梗係即刻試吓佢，食完之後真係覺得呢段時間等得非常值👍🏻😭，再加埋佢個獨制嘅生蠔醬汁🤤，酸酸甜甜有點辣味，真係好吸引，於是即刻再落單一打！🤤我哋都試咗好多壽司，啲材料係幾好食，但係就覺得個飯醋落得太少，可能係我哋食得平時太酸嘅壽司飯掛。不過最緊要嘅係出面嘅啤酒係瘋狂可以飲😂，同埋呢個清酒梅

我喺Facebook錄到呢間餐廳最近嘅promotion ，見到有鵝肝和牛大元貝生蠔任食仲要有埋清酒同梅酒任飲添😍😍😍，緊係要試吓先啦。不過要提一提嘅係呢一間餐廳七點鐘係好旺場架，就算訂咗位都要提早到！廢話就唔多講啦，入到坐之後就即刻落單叫一打生蠔試一下先啦，不得不讚嘅係佢哋嘅生蠔係嚟自美國，海水味充足而且超級肥美唔會死死下。👍🏻👍🏻👍🏻之後就有其他嘅嘢食上枱啦，佢哋嘅炸物雖然係要等15到20分鐘，但係都幾好食！好新鮮 唔會話凍到林晒！新鮮滾熱辣。不過較為可惜嘅就係炒蜆，味道係非常好食但分量好少，同源店員講左之後佢哋即刻比左碟更加大嘅我地！服務態度勁好🙈🙈👍🏻，而且成日會走過來問我地有冇差咗啲乜嘢嘢食啦，見我哋食飽左之後仲會提醒我哋出面有甜品同雪糕記得食埋先走😂，好似驚死我哋食唔飽先走囉😱😱😱。買單都係每位三百幾蚊左右啦，不過佢原本唔星級嗰啲嘢食我哋冇點食，全程都係叫生蠔同刺身仲有炸物。😂我哋連爐都冇開到肉都冇食過咁就走左啦。不過好難得有咁高質嘅放題餐廳下次應該都會繼續再幫襯👍🏻

垃圾，!又唔抵食又唔好食!點解咁嘅價錢可以差到咁？order咗嘅嘢又久久唔到，嘢食唔新鮮，無味道!一個年輕女待應叫極叫應扮聽唔到睇唔到，得個經理同座門口個女仔叫好d……唔洗錢都唔好試

之前喺佐敦行街嘅時候見到有人派放題嘅傳單，見到最平149就可以食到放題，梗係要試吓啦。雖然話就話149但係都係要＋1服務費，不過唔緊要啦因為出得黎食都唔介意個少少錢呀！我哋揀嘅時段係最平10點鐘之後，入到去店員同我地講可以直接食到公司刪鋪，即係兩點鐘呀，＄50.1個鐘都唔使就可以食到咁多野，梗係上手升級埋88啦，原本都諗住加138不過唔係好多人都想食長腳鞋同鮑魚，所以就冇選擇到啦😂🙈。見到傳單話可以一次過試齊網燒韓燒同蒸氣火鍋，真係食左韓燒先啦😏，不過重點係食咗刺身先🤤，叫完刺身一陣就已經到上枱喇，落嘅份量好多，跟足order俾幾多刺身我，比其他餐廳都幾好嘅💪🏻，不過其他嘢食就有少少慢，可能係因為個場太旺，師傅未必做得切俾我哋！所以我都明白嘅。轉左蒸氣火鍋之後，我哋叫咗大元貝同埋啲海鮮去蒸熟佢哋！不過我覺得咁樣唔夠爽，所以都係攞蒸氣鍋轉做打邊爐！升級左嘅88和牛攞去打邊爐真係超級爽，呢樣真係令到我喜出望外！叫嘅份量好多師傅亦都比足我，搞到我不斷係咁叫😂，連店員都笑左。因為真係好食，再加上火鍋豉油或者燒汁，個味道更加正🙈，雖然我唔係啲咩食評家，但係真心推介呢樣食物！搞到我淨係掛住食和牛同

之前一看想來試下，看東西好似好多選擇，在openrice上訂臺話有9折！等待確認點知一直無人打來，我只好自己打去確認吧！可能太忙！入座時也說了係openrice訂台！點知到截單時要埋單我一時忘記了看單就給了卡簽，掛住食緊嘢🙈忽然叫埋單怱忙給了卡，事后才想起好似沒有打折，但也只是能算了！不過服務幾好！好勤換碟收嘢！食物也算可以！蚧唔得，刺身可以！出餐有點耐，還岀錯了去隔離台，幸好只有刺身，也好彩初頭我只給了2⃣️張紙，見隔離個刺身咁似我點的而我明明早給單紙為什麼咁耐呢！追問一下啫！唯有再畫過刺身單🙈

呢間餐廳係我朋友介紹，聽佢講好似好好食，咁咪過嚟試吓囉。於是就一家大細過嚟食嘢，入到門口就有店員招待，透過佢哋推介之後我哋決定加＄20入房坐低食嘢，房間係獨立房又唔會好細間，最緊要唔係好似出面咁嘈，一家人可以靜靜地咁樣傾吓計食嘢👍🏻，呢點真係做得幾好。放題最主要梗係食啦，一開頭我哋就叫刺身食，唔洗一陣間刺身已經係枱面上，食物上枱速度都幾快，唔使一陣間我叫嘅食物已經上晒我嘅枱面度啦，唔使好似其他餐廳咁要不斷吹單而且佢哋比嘅份量亦都好充足，唔似其他餐廳咁叫好多但係比好少嘅份量我，原本都無諗住＋88，但係見到隔離枱嘅生蠔同赤蝦真係好大隻好鮮甜而佢哋又食得津津有味喎，搞到我身痕加左88😂，的而且確係幾好食，赤蝦我仲食完即刻係咁叫，生蠔亦都非常好味，可惜係拖羅唔係幾適合我。壽司味道都還可以，本身有帶小朋友去餐廳食嘢，佢哋個嘴都幾嘴刁嘅，小朋友叫咗蟹柳同埋玉子壽司丶鰻魚壽司，佢哋多一件不留咁樣食晒，搞到我要自己嗌多次食😂，鰻魚見到係即刻燒好好食入口即溶。而我哋之後轉咗做蒸氣火鍋，上層煮海鮮，下層打邊爐😂，啲扇貝好好食，不過等嘅時間就要耐小小。提提大家，88既和牛唔單止可以攞嚟燒，用嚟打邊爐再加火鍋

平時我同班同學仔都會出嚟聚一聚食下野，不過我哋呢班人好鬼大食，所以通常一係就打邊爐一係就食放題同埋韓燒。係OpenRice發現呢一間餐廳10點鐘之後係可以任食三個半鐘，絕對適合我哋呢班友仔啦。😏😏🤤一次過滿足晒三個願望。去到餐廳門口已經發現人山人海嘅客人，但係都阻止唔到我地想食呢間餐廳😍😍，因為見到走嘅客人都話好抵食下次會再過嚟幫襯😲，於是我就好期待嘅心態喺度等位啦。等左一陣間就已經可以入座啦🙈，一到去梗係即刻嗌嘢食啦仲諗咩，員工話俾我哋知學生原來係有優惠😱😱😍😍😍，半價升級就可以食到生蠔丶大元貝丶和牛丶赤蝦😍😍😍，真係超級抵食。佢哋嘅食物種類真係多到呢我落單嘅時候都諗咗好耐，最後決定就全部咩都叫啲嚟試吓啦，佢哋嘅刺身真係好正，生蠔超級肥美大隻，我哋班人一打一打咁樣叫🙊，佢哋好似蝕本生意咁樣係咁出俾我哋，淨係呢啲都食到我個肚飽晒啦，都唔知啱啱叫完嗰啲嘢食點算好😭🙈，不過仲有大把時間慢慢食，所以我哋就喺度打住啤牌慢慢食慢慢消化，食到咁上下店員會入嚟幫我地收碟收垃圾，仲會好好問我哋有冇叫咗啲嘢食未到，即刻幫我地跟進，而且態度又好好丶笑容燦爛🤤。所以到最後嘅時候，都比左少少貼士佢哋，見到佢哋

最近就嚟到阿媽生日，諗住同佢食餐好嘅，知道我阿媽鍾意食長腳蟹，於是就係OpenRice搵到一間專食牆腳鞋嘅放題餐廳，見到佢哋個poster話係全港第一阿拉斯加長腳蟹，於是就同阿媽講慶祝去呢間餐廳食，佢當然梗係心郁郁啦，於是就打電話去預約啦。去到之後同職員講訂咗位佢哋就問我地加唔加20$可以坐房，咁樣梗係想喊啦食得舒服啲又靜啦。房間嘅沙發同擺設都唔錯，重點嘅事會有部大電視俾我哋一間房，有需要嘅時候只需要㩒個鐘就會有專員過嚟幫我地服務，完全係VIP嘅服務，店員即刻幫我地拎晒所有野連郁都唔使郁😍，佢哋服務態度親切有禮，笑容好好比我感覺好舒服，阿媽都話下次都想繼續過嚟食。至於食物方面，我不得不提及嘅係個主題長腳蟹，我哋一坐低之後店員已經遞上長腳蟹，冰盤識得發光之餘師傅亦都將蟹擺得好靚，不過阿媽太心急掛住食搞到我都唔記得咗影相呀😂😂😂。其他方面我就覺得炸物同埋泰式料理值得一讚，尤其是係嗰個黃金吉列炸蠔同埋和味一口牛，牛肉粒炒得非常軟身，我食完一碟又叫，食咗三四碟先滿意😂，佢嘅壽司亦都唔差，種類真係幾多架，刺身亦都非常新鮮！食咗咁多肉之後當然梗係想食返清淡少少啦，估唔到嘅係佢哋竟然有炒通菜炒雜菜，

今日興致勃勃想食放題，同朋友經過見到哩間板燒朗既樣好似唔錯，決定去試下😋無book位，但可能早啦，入面唔係太多人，可以即刻入去坐低左，就有人黎問我地加唔加88蚊升級食多8款食品，嗯......同朋友商量完決定加啦，因為我食拖羅同鵝肝，佢想食蠔，計落都抵既，但係......哩個係后悔既開始😑加左88蚊吃升級既野，右邊既吞拿魚明明就唔係拖羅😑，蠔完全冇蠔味😔，蝦係好大隻既但味道一般哩個係加88蚊升級既牛肋骨，食左成餐得哩個叫做好食有驚喜，其他既我真係不予置評😥哩間野食物唔太，同我平時食開既放題相比可以話係冇咩可以揀，重點係哩盤刺身咩味都冇，有既都係豉油味，為左唔浪費食曬都唔想再叫黎食啦😩升級先食到既鰻魚，我唔要求佢熱辣辣，至少係暖，結果係凍嫁😐決定升級先話我知冇鵝肝，點解小姐你sale之前唔同我講呢？！我話加你先話冇我既至愛事但送兩隻聖子俾我就算，我好無奈囉😤😤蜆，冇特別成餐埋單差唔多700蚊，我地兩個大人就係食左咁多野啦，因為太多野都唔好食，唔想辛苦自己個胃去消化😒

上網見食評唔差，見佢10點後$169加一唔算好貴，諗住試下啦，去到坐低之後，佢地就sale我有個加$88可以升級任食8款高級啲嘅野，咁我見有鵝肝就join左，點完好耐都未到就吹下佢地，佢點知同我講無晒，無晒sale嘅時候又唔講，我有啲覺得比人呃，即刻嬲到賣單走，兩位賣單$566，食唔食得過自己諗！！

尋晚喺板燒郎食完，兩個人埋單$504, 我俾$600佢找，找返黎見到幾張銀紙同一堆一兩蚊，目測十幾蚊，見佢找到咁散都係想人俾多d貼士，我咪留十零蚊俾佢做貼士，結果找完數一數，紙幣只有60蚊，加埋我只找咗63蚊…我即刻揾個侍應同佢講找錯錢，叫返個女人返黎…職員: d散子有3x蚊，入面有5蚊10蚊銀架我: 咁係我睇錯，我本來只係諗住俾幾蚊貼士職員: 咁你係咪想拎返？我: 係呀(其實我幾肯定找返黎嘅錢係冇5蚊10蚊銀)隔一陣佢又返黎，左手俾一個5蚊同一個10蚊我，我一接，佢右手極速夾埋其他散子走咗去，我數一數，一共收返$78, 佢以搶錢方式拎咗$18貼士…本來想再追問，但當時我都趕時間，而且我心諗，呢位估計係經理嘅職員咁樣槍貼士，真係幫公司做臭個名，不如等今日得閒開post, 希望佢老細知道公司運作情況，但如果呢d係跟公司指引做，就請原諒我多事了

今日经过咗敦 发现楼下有幾張海报宣传呢间板燒郎一于决定上去试下 上到去店员问我地坐吾坐房 只糸加廿蚊 入到去房间非常整洁 好干净 仲系独立房有埋电视睇 整体环境上都非常满意 开始点食物了 食物种类非常丰富 如果想食埋生蠔 长脚蟹都只系加多138非常便宜 😄😄至于食物方面 冇嘢留单 上菜速度非常快 而且服务员态度非常好，当中仲有几个靓仔。😂食物味道节制得非常好。 生蚝非常新鲜 比起酒店我觉得仲抵食过酒店。个人推介呢间真系吾錯 如果朋友聚会，朋友生日都可以来呢度举办绝对唔会失礼朋友