板前壽司 (已結業)

吃過幾次, 雖然每次都要等位, 但都覺ok.最正係火灸三文魚壽司, $9/碟, 最抵食, 又好好味, 口感完全同三文魚唔同，每次都食幾碟，正﹗另外推介仲有豚肉壽司, 即豬頸肉, 都幾特別, 仲有海鹽帆立貝壽司, 都好鮮甜肥美架﹗

尋晚同男朋友去板前等0左好耐先有位，好彩味道幾好，冇白等﹗我0地兩個人叫0左: 三文魚壽司軍艦鮑魚仔壽司軍艦三文魚子壽司墨魚壽司鰻魚壽司三文魚卷加洲卷燒三文魚甜蝦刺身炸蠔甜蝦湯0的壽司真係超多款式，款款都想試，叫0左普通幾款壽司，冇乜特別驚喜，但壽司味道、外觀都ok，惟一冇咁好0既就係款鰻魚壽司，口感好怪，片鰻魚0既肉質好鬆好散咁。三文魚子壽司幾好，一0的都唔腥，不過略嫌0的三文魚子0既酒味太重。燒三文魚唔係咁好食，味道係甜0既，表皮又好似好厚粉漿咁，唔係好0岩我口味。炸蠔味道幾好，好多汁，唔會炸到乾晒，但係太厚粉喇。甜蝦湯味道似飲緊龍蝦湯，幾好味﹗總括而言，刺身壽司ok，其他小食就比較差0的，可能係先入為主，始終覺得和花亭比較好味。

兩個人食左$207，都食左十幾碟野，唔算貴，但係就好普通，唔覺得特別好味而要等咁耐羅，唯一比較突出係個炸墨魚軟骨，幾好味，其他就真係一般。

hmmm~~我覺得幾好彩bor, 星期五夜晚6:30去到都有人等緊位,但係我同友人(共2人)去到就入到去啦bor~叫左勁多壽司...多到唔記得食左邊樣打邊樣,最好食既係池魚王、油甘魚壽司最深刻印象係特長版既鰻魚壽司!要捲起佢先可以擺入口lor,不過個鰻魚汁甜左d....最難食: 和牛壽司&豚肉壽司---起初仲以為有咩特別..食落不外如是~最抵食: 燒油甘魚頭!$80!!!!!!正ar!!!係其他日本料理店都幾難找到這個價錢!ps:因當時太肚餓....2個人食左4百幾蚊...>v＜

還記得早輪食過一次板前壽司, 內裡的日本師父手勢唔錯, d 野又幾好食, 於是乎又再去過, 點知今次去到, 發覺d 師父們好似有少少唔同左人咁, 請多左幾件後生仔, 咁都冇所謂呀, 坐低, 發覺唔多對路, 我同女朋友係坐迴轉枱既, 見到正面幾件後生師父不停咁講野, 但係又冇帶口罩, 同原本果幾件正正經經去做壽司既師父完全唔同, 佢地係冇帶口罩, 但係冇乜點講野, 一句起兩句止, 果幾個後生仔, 不停咁講野, 真係睇得到d 口水花係咁飛出泥, 有d 仲落左嚮魚生上面, 有一個就一路攪d 壽司飯一路係咁對住d飯講野, 唉, 真係我同女朋友見到都已經反反地胃, 轉頭食左一兩碟已經冇胃口走了......真人真事......大家自己小心.

已經光顧過很多次，由於工作的關係，每次都可以選擇人較少的時候去光顧，幸運地沒有遇過上面幾位朋友的不幸遭遇。我覺得他們魚片的質量有點不穩定，好的時候我覺得較峰壽司更勝一籌（碰巧幾次都是星期一，是否那天的來貨最好？），但不好的時候，那些還沒有完全解凍的魚片，實在有點恐怖。另一問題是日本師傅和其他本地師傅的差異很明顯，而且師傅間所做的飯團大小分別實在太大，只有一部分可以跟魚片的大小配合。無論如何，我覺得他們的火灸三文魚壽司抵食又好食，只要$9，味道甘香，而且水準穩定，值得推薦。

激死我, 響朋友處聽番來話呢間野既野食好味, 又有朋友約食飯﹐咪諗住一齊去試下。我地一行人五個人, 去到七點三左右, 已經見人山人海﹐咁正路咪去拎左飛先, 拎左飛, 見咁多人, 咪問一問派飛果個嗌到幾多號, 問左原來爭一百個左右, 咪諗住去行一陣先番來。佢規矩上係話過左三個號碼就要重新排過, 我地都好小心, 去左sogo行左一陣, 我就提議不如番去啦。我地係一行人三男兩女, 兩個女仔試緊杉。我地就決定, 三個男仔番左去先。番到去時, 見岩岩叫到我地個號碼, 諗住正死啦, 想入去果時, 派飛個女仔用極度厭煩既語氣話: 你唔係要五人﹐得三個人﹐你人齊未嫁。咁我話: 我另外兩個就到。佢話: 公司規矩, 唔得喎~ 你齊人再同我講啦. 跟住已經冇再理我地。轉頭就搵埋兩個朋友去第度食算, 雖然, 我未食過佢地既美食係有d可惜, 但係d 咁既餐廳真係去唔去都罷. 唉.

一向都有幫襯開板前壽司, 覺得佢d 野比同區既峰仔新鮮得多, 價錢亦合理, 但昨晚發生過一件事後已經以後都唔會再去, 我平均一星期都去一次, 由上月開始, 門口寫等位單叫人入場既變左惡型惡相既女人, 我上次排既時候已經受過佢氣, 黑口黑面加好似當你地乞兒咁既語氣, 問下佢叫到幾多號都好鬼晦氣, 尋晚去排, 拎左張排位單係爭成50 個號碼, 咁於是乎就走開去行陣先, 當時我係同埋老婆同佢個妹同佢個小朋友一齊, 行左番去, 岩岩叫過左我地果張既一個號碼, 咁諗住, 只係爭一個號碼, 叫佢補番, 佢用極差既語氣話唔得, 加叫我由頭再排過, 個小朋友見嘈起上泥, 嚇到大聲喊, 同媽咪講話要食壽司, 要食呢間, 果件女人仲要板起塊面兇條靚仔, 擺到明話咪扮野呀唔會俾你地入......本來想叫個經理出泥, 但係諗住攪到同ｄ咁既人嘈完先有得食都背隻骨落，撕爛張飛掉番俾佢就走，反正，同區係咪得你一間壽司鋪呀，做到咁巴閉？鋪仔泥炸喎～

一向都有食板前壽司,都食過幾次,D食物其實唔錯,近期佢有痢疾都唔怕佢照去,都好捧佢場.不過頭先岩岩諗住又去食,點知就一肚氣返黎.話說我地一行三人去拎飛,NO.係223號, 當時叫緊210號, 我地見唔係要等好多個,於是就企係門口等一直無行開過,點知等左一陣,佢一直順住叫到220,之後又叫返轉頭叫218, 但係叫完218之後居然由226開始叫到231,我地估計係因為我地三個人所以要等多陣啦,點知我地居然聽到佢同有3個人既225講話下一張到佢地,嘩,有無攪錯,223同224都冇叫過,於事我地同佢D串串貢既侍應講唔係下一張到我地先咩,點知佢D侍應話已經叫左223,下??? 我地企係隔離,3個人6隻耳都聽唔到佢叫過,之後佢又話我拎飛既時候話2個人,咁都得,但係其實係佢寫錯NO.比錯飛,跟本一開始既時候佢已經寫錯我地係224,但係比左223我地,好啦,都算數啦, 咁我地問佢到我地未, 佢居然大大聲話"我地叫到231啦喎,你地拎過張飛再排過隊啦",E~~ 咩唔係岩岩話225係下一張咩??佢地唔係話未過3個NO.都唔使再排過咩??點睇都好,就當我地真係聽唔到, 225同223都係差兩個NO.啫!有

刺身幾好！唔貴！燒大鰻壽司千祈唔好叫，勁難食！都未試過食炸物食一啖就想拎走佢！不過如果只係食刺身同壽司都ｏｋ　ｇａ！

食Tea 吾使排隊!平過峰,火灸三文9蚊,抵食.Uni not bad.好好又吾係,但Price is rite!嘩!有隻1蚊銀甘大既Fly...人生中見過最大!

尖沙嘴店食物中毒事件前曾光顧銅鑼灣店，Ｄ壽司唔凍，食ｏ左肚痾，不知是否食物中毒（醫生說是腸胃炎）？

板前壽司好差勁!!!我等個半鐘，以為會有好食!因為以前次次經過都見到有好多人等位!!但.........真係令人好失望, 我見到有位男師傅用自己條圍裙抺刀(當時佢切緊墨魚),見到即刻無胃口!!我以後都唔會再食板前司的!!

今日同男友係唔知食乜之下,行到去板前~~因為要睇戲so~我地無乜時間上去cafe試新野~~去到板前雖然係落住毛毛細雨,但依然好多人等位~我地等左廿張枱到,終於都入到去!!!^0^.....不過未入之前一定有d阻滯,有3個人過左成10個NO.先過黎追問-.-好心la~人地叫得好大聲ga la仲走出黎叫tim~咪再等過囉!!!最重要係阻住本小姐同大爺入去食晚飯嘛!!!(講笑既姐^v^)入到去環境ok幾舒服(視覺),可惜迫左d,三文魚刺身好新鮮~(得意在有件炸魚皮)..板前蝦好鮮(有d似食緊辣辣壽司咁太多芥辣)海胆軍艦好味夠鮮!!!仲有三文魚子壽司飯呀~~天婦羅南瓜,天婦羅懶尿蝦~~軟蟹手卷...各有特色好味~~

由尖沙咀食到銅鑼灣分店, 由二月到六月每個星期六的lunch, 必定會到板前食晏. 因它的壽司實在美味鮮甜, 而且價錢實惠, 但現在多人知道了此店, 太多人了, 改為每兩個星期六去一次, 亦因為開了分店後, 質素比之前下降了.其實去板前最好衹吃壽司, 而且要懂得揀, 其他的熟食不太值一提.一開始口淡淡, 可先試"火炙魚背", 味道淡而香, 非常可口. 跟住可以試下"粒貝", 很爽脆, 而且師博落頗多wasabi, 所以頗"公"鼻. 還有, "赤貝"亦是不錯的選擇.然後便可開始試一d較味濃的壽司. 如你鐘意食蝦, 最好食"板前蝦", 爽而鮮甜. (甜蝦同牡單蝦可留待去元氣才食, 因為元氣較抵食, 而且味道亦較好.)如果食"帶子", 就要睇下好唔好彩, 因為d帶子有時甜有時唔甜.(要食大隻帶子, 可去和花亭, 不過要$35一碟)如果食三文魚, 可試"火炙三文魚", 加上洋蔥碎後, 味道極好, 而且實惠, 袛係$9一碟.(我諗呢度係最抵最好食)"板前特卷"很不錯, 有海膽及三文魚子在面,中間包著三文魚, 味道同口感都唔錯, 不過經常漏單."特上海鰻"都不錯, 衹是醬油多了點."蟹棒"可以試最