板前壽司 (已結業)

((我對板前d禮貌好失望))今日係我第2次食板前對上一次係旺角家樂食,ok啦..呢間d位好似窄d..入去前例牌等位,等左大半個鐘叫左三文魚:都係上次係旺角個間好食d,呢度幾舊都好"un"火灸三文魚:燒得幾好,好食過羽壽司,仲平過羽添~!三文魚春卷:本人就覺麻麻,朋友覺得幾好食帆立背:乾身左d三文魚刺身:算係幾好鰻魚:都ok,過得去啦~!服務真係要好好改善下加水少..我飲到一滴都無都無人加水....要叫先加水...好差!d人又無乜禮貌,可能見我著得唔光鮮掛入去就有1,2個講日文歡迎光臨個d走時一聲類似byebye,下次光臨個d都無,直行直過!!元氣d禮貌好佢好多!!大佬呀,我咪又係幫襯,洗唔洗咁呀~!又唔係食你幾十蚊,2個人食200蚊好少咩?就算少,都係個客,都唔應該咁既~!搞搞d禮貌啦!其實我鍾意個d好好禮貌既食店,呢d我唔太鍾意..個個都黑口黑面好似前世欠佢咁..諗番上次去家樂個間都係禮貌麻麻問佢拎2隻"遲"跟"(食雪糕)等左佢10-15分鐘都無人拎黎再問多次啦...隔左一陣先有個女經理話無"跟"喎...大佬呀..咁大間食店無"跟"你都敢話我聽咁你唔好賣雪糕啦...唉.....

整體感覺都OK,最正係個特上海鰻~~第一次食咁好味既~~~不過佢件件壽司都有加WASABI...我個人係好憎食WASABI...攪到我要逐件逐件"了"番出黎...但係仲有D味留係度LAW...a5和牛就一次就夠了...完全唔覺得係和牛黎...-.-不過整體都幾好~~服務又唔錯~~7點未夠去到仲唔洗等~~

我地食了將軍澳、機場、旺角家樂同埋這間都係覺得這度好食d ，d 三文魚子好好味，我係第二度都暫時未食到咁鮮甜呀!同埋可能這度始終有幾個日本師傅係度包壽司，專業d 呀!最差係將軍澳，服務又差，d o野食又冇咁新鮮呀!d 黑豚肉幾好食，唔係間間壽司舖有得食，佢地d 甜蛋好大件，好抵食，佢都幾多選擇，雖然我地成日食來食去都係那幾樣呀!但係都幾like來這間食，我地覺得係星期日下午兩三點來係比較少人d，唔駛等咁耐位。其他時間等位等好耐呀!

我都係第一次黎食~xd 因為次次都太多人排,果次見無乜人排就試下,比起一般sushi店多野簡,同埋上ge碟都幾用心,唔會隻隻一樣,地方就迫少少,不過hk無辦法啦~ staff都幾好,幫手放埋袋,同埋我同個fd傾有隻sushi唔明係咩佢都答我地,幾好.細細隻玻璃杯果d sushi飯好得意好靚~仲有海膽,大家可以試下~

第一次去板前壽司(有d鄉里添), 平日夜晚經過太多人, 排哂長龍, 都唔想等, 約左朋友星期日lunch去喇, 唔使等位, yeah坐低已經有熱茶等陣我地, 但望下迴轉帶上既壽司, 好似唔太"新鮮"咁, 有d好似轉到乾左我地唯有用order紙剔喇, 見佢係即做既, 個樣都靚仔d, 最好味既係貝柱壽司, 真係好大隻, 我食過幾間迴轉, 呢間係最大, 好鮮甜! 好味到要番叫蟹腳壽司啖啖肉, 好正!服務態度都ok, 侍應經常幫我地加水由於今餐係朋友請, 2個人叫左11碟, 食左二百幾蚊

壽司怪朋友K今次預備左400大元做畢直, 補祝我生日... 叫得佢做壽司怪, 同佢就當然係去食壽司喇, 呢次就去尖咀加連威板前壽司. 佢未到6:30pm就到左, 如果我呢個時候到就唔洗等可以即刻入座, 可惜...可惜我快極都要6:50pm先到.. 仲係搭錯車... 唉~~~ 最後要等到7:15分先有位, 但朋友K要坐壽司吧. 因為佢話入面有d大師傅, d壽司正好多, 所以要等多一陣都唔緊要. 我同朋友K都係鰻魚迷(唔係曼聯呀), 所以一入坐就ORDER左兩客炙燒鰻魚同一客玉子壽司. 鰻魚壽司雖然只係15蚊一客, 但制作認真, 係即場加熱舊鰻魚, 上檯好有台型, 好大件, 入口不得了, 上熱下凍, 個咀好滿足, 最重要係件鰻魚, 唔係普通o既質地, 係好爽, 又大舊, 真係好正...... 至於件玉子就始終唔夠和花亭o既出品出色.. 跟住又叫左隻唔知咩蝦壽司, 蝦好大隻, 顏色藍藍綠綠, 個蝦頭烤熟另上, 入口, 蝦好鮮, 好正, 蝦頭勁香, 15蚊一件都好抵, 咁好味, 於是再上叫多件, 真係食過返尋味... 中間又叫其他壽司, 朋友K因為去過印度洋中心食新鮮海膽, 所以板前o既海膽

尋日去食，好多人等位，等左個幾鐘先有得入不過都係值得的，因為d野真係好好食特大海鰻好肥美，出面食唔到咁好食的貝柱好大好鮮甜象拔蚌三文魚腩油甘魚都好好味必食甜蝦蝦膏!!!海膽都好正不過咩咩墨魚d就無咩特，麻麻地啦整體來說都係好好服務都ok呀食到好飽一人都係$130遲d一定會再去!!!

早幾天才到銅鑼灣品嚐, 想不到今天便到尖咀分店再來一次星期一晚上九時多, 人龍絕對不會多, 不用10分鐘即時入座, 2位男仕一坐下便說勁肚餓, 不停到點菜, 我想我都不用加點吧!!男士們竟然嫌空運到港的針魚味道太腥, 那麼我便把它吃完吧, 其實我還覺得這客針魚的口感及味道皆不錯呢, 北海道蟹腳本人只係一般, 雖然juicy但是texture並不是本人杯茶, 尤魚切得如開花一樣, 味覺加視覺享受, 甜蝦大隻又鮮味, 真真不錯, 八爪魚仔的味道略帶雪味, 只是一般, 三文魚這個行貨的水準又是一般, 這兒都是主打空運貨的水準才是高一班吧!另點了2枝清酒, 雖然明知水準不會高, 但是酒癮發作, 飲了這個酒味超淡, 飲後又不感到半點熱的…..日本清酒

食左好多次都仲係咁好味,最愛佢個珍寶fan立貝!!希望佢唔會學其他連鎖sushi店咁越做越差,要keep住水準呀

初初開業的尖沙咀分店，每樣野都好鮮，令人一食難忘。但係越開越多分店的板前，食品質素每況越下。開始無左令人好想去再幫顧的衝動。位於旺角的兩間分店更差。而且佢地o既服務質素都每況越下... 等又等得耐，又唔係十分好味，排咁耐先食到都唔知為咩!?!

身邊有朋友食過, 有D話好食, 有D話唔好食, 抱住去試下既心態入去食。d三交魚一d都唔新鮮, 仲有係... 一d味都冇既, 好失望>n<d海膽, 唔係平時食開果隻味, 怪怪的, 食完第一啖已經唔想食, 萬萬不能試。芝士蟹子軍艦(exactly個名唔記得左, 但係係呢樣野黎), 芝士味濃左少少, 同福井比, 會覺得福井既好味d, 但係都可以接受。仲有叫左個鰻魚"壓", 完全貨不對辦, menu上show 出黎好吸引ga, 上枱時完成係另一回事, 全舊都係飯, 中間得1cm x 1cm既鰻魚, 極無奈。個白乳蝦湯, 一d奶味都冇, 好似飲緊食公仔面既湯咁, 好失望!!!一定唔會再黎, 我寧願行多2步去金水食。

是日同女友到板前食午飯,點了2客$86元午餐定食及數客海膽壽司(因女友愛吃)。點菜後,和女友一起觀看C-fu做壽司。只見現場有3個C-fu仔在一邊談天一邊做壽司,很快就做了30多碟(放滿了整條track)。可能當時已是下午3時多,店內客人不太多,只見D C-fu仔不久又將一碟碟已做好的壽司從track上取下倒進垃圾箱了,跟着又從新再做。不知道那些壽司會否recycle ??　不久,輪到我點的壽司做好了。壽司上的肉很新鮮,但飯就握得太久及太硬了。紫菜也是軟軟的,口感不太好。可能是分店開得太多了,感覺沒有剛開張有日本師傅在場時，那份對食物認真及用心的態度，壽司也變得很一般了。

月頭同D朋友去食飯,諗住見板前咁出名, 聽人講尖沙咀間好好食，咪去試下囉~ 點知，入到去，我地坐左O係張大枱度，因為唔夠人數，要搭枱。呢個唔緊要啦，但我地岩岩先坐低,D職員好似驚死你唔坐埋一邊咁，車輪轉咁行埋黎叫坐埋一邊，我地都未執好野,收返埋D野先俾到個位你地架,之後D態度仲差到呀，俾面色我地睇仲走左去喎。><" (咩心情都無晒啦~!!!)到有人黎坐啦，我地2邊人都有叫野食,按常理應該個侍應生攞野食過黎都應該要問下邊個及呢個係D咩呀,咩都唔講,放低就算喎，唔叫住佢都唔理我地，仲要晦氣到無人有!!!我地黎想開開心心食餐飯啫，為咩事要受氣呀!?D野再好食都假，我一定唔會再去呢度食!!!(未見過D侍應咁差的態度架~)

板前既sushi 其實差不多可以跟日本相比.我耐不耐就會去日本.一定係當地食sushi. 當然係日本食就最fresh . 但板前sushi既味道令我很回味. 很有水準. 見到日日咁多人排隊就知. price 很合理. 如果大家未試過一定要去試下^^

每逢星期六，攪掂正經事後都會來光顧。2 年多前第一次來光顧，食物依然保持新鮮。但每個師傅做既質素都唔同。同一樣既壽司，我地睇到有兩個做法。當然穿南色制服果位阿頭做得細心點，賣相好得多。當日我地坐响最入既bar台位，完全睇到灑師傅弄野食既過程。有師傅好乾淨，每次當手碰到非食物後，都會換手套。但有師傅就碰過電制插頭（都幾dirty）之後，拿過毛巾後，照樣弄壽司飯，切配菜。怪唔得每每都有人食物中毒啦