板上 (中海日升中心) (已結業)

又到一個人的午餐，最近在觀塘工作的時候，都鐘意來這間板上餐廳，貪他地方夠大，係超級大，夠曬私人空間，一個人或者3，4個人，甚至一大班人黎食飯吹水都冇問題，自助式快餐店，但是裝修又係型格的Cafe 。日式便當🍱由$48起，算是非常抵食，經濟實惠，在收銀台落單之後就可以自己搵個位坐，之後叫號碼去取餐。板上蒲燒鰻魚珍珠飯$75加雞翼$8蜂蜜蘆薈綠茶加$10厚燒鰻魚，同圖片一樣架，好大份，燒到好香，啖啖肉，配埋鬆軟的珍珠米飯，口感都是軟綿綿，不錯不錯👍雞翼8元有4隻，是單骨雞翼，雞翼是炸的，孜然粉味道，雞翼有肉汁。便當配菜還有中華沙律🥗同牛油粟米，有蔬菜啊，食曬。除了便當還有咖啡吧，是靚咖啡☕️就甘買細杯都是$20，好抵👍最近最愛食呢間餐廳，食唔厭😂

今日和朋友去板上吃午餐。這餐廳提供的是便當午餐。這餐廳是自助點餐的模式，客人需先去排隊點餐，然後拎了票就等屏幕顯示號碼後去取食物。餐廳環境不錯，坐得舒服，最啱3，4個人來食飯，傾計。順帶一提，這裡還有賣蛋糕呢！食完飯可以叫甜品朋友點了柚子醬油燒極黑豚珍珠飯，飲品點了熱西洋菜蜜。我則點了蒜香三文魚燒極黑豚配珍珠飯，飲品點則了熱玫瑰花茶。右上角的粟米好甜好好食，燒豚肉是柚子醬汁，甜甜地幾惹味，豚肉燒得夠香，肉質唔會好韌。而三文魚則有好香的蒜蓉味，煎得非常香口，特別是三文魚皮煎得脆卟卟，非常好食。玫瑰花茶有淡淡的玫瑰花香，最啱女仔飲，養顏解鬱。埋單2個人吃才$120元，價錢合理，唔算貴，食物質素不錯，環境舒服，值得一來。

夜晚響觀塘開餐，好多選擇，今次都係去地舖，不過係響個商場入面，門面裝修光猛。就咁睇個名，以為呢間係食日本嘢，但其實有相當多選擇：日式嘅飯，仲有漢堡，不得不提有個coffee bar， 可以嘆杯靚咖啡，仲有好精緻嘅蛋糕，可惜撞正晚飯時間，要醫肚先，唯有下次先去嘆coffee喇。餐廳係快餐店形式，先在門口落單，然後拎號碼籌等，叫號碼攞餐，然後自己搵位開餐。今日叫咗個黑豚漢堡配脆薯皇，漢堡包即叫即製，要花些少時間等，但等係值得嘅，因為新鮮做出嚟嘅漢堡包果然與眾不同，麵包烘到香脆，中間夾住嘅豚肉香味四溢， 調味偏甜，令到成個包嘅味道更加特別。除咗黑豚肉，仲夾咗大量嘅蔬菜同埋芝士。除咗漢堡包係即叫即製，脆薯皇都係新鮮炸起，外面香脆，內裏充滿豐滿嘅薯蓉，簡直冇得頂，當然同樣份量都係十足，唔怕餓親。飲品係巨峰乳酸梳打，雖然係少冰，但其實都幾多，唔使擔心唔夠凍。味道幾甜，相對提子味唔係太突出。如果鍾意同朋友聚一聚，叫杯啤酒都得，而且環境唔錯，空間感充足，唔係坐到密質質嗰隻，都啱三四個人一齊嚟傾下偈。一個餐加杯嘢飲，總數68蚊，免加一，呢餐晚餐都幾抵！

某天工作過後, 先在觀塘區找吃, 才回家, 路過這間餐廳, 發覺環境很有格調, 結合了餐廳與酒吧於一身, 而且有幾款便當快餐, 價錢唔貴, 相當抵食, 試試也沒大不了。先來朝日啤酒, 入口冰凍順喉。便當快餐選了板上雪花一口牛*珍珠飯, 烤牛肉的功夫做得不錯,火候拿握得準確的。先吃一口，牛肉鮮嫰, 有濃郁的牛味，肉汁非常豐富, 入口肉質細嫩帶嚼勁，肉質也柔嫩無根，點了些醬汁更加美味, 再配上珍珠飯和栗米, 吃完後也是滿意。食物方面有一定水準, 加上餐廳環境舒適, 一班朋友來吃飯和飲啤酒, 是一個好選擇。

今日放左工同朋友試下依間，行到入去見到裝修幾靚，有幾部大電視，啱哂近排睇波。叫左個蒲燒鰻鰻魚珍珠飯，出去拎餐個陣已經聞到好香，賣相又靚。開餐～鰻魚好厚身肥美，上面塗左d鰻魚汁，入口魚肉又細又軟又彈牙，魚肉再索左D醬汁，真係好juicy！而珍珠飯上面有蛋花，夾埋一齊食，口感好豐富。配菜方面有粟米同海帶，個餐有肉有菜，真係prefect！朋友叫嘅蒜香三文魚照燒雞飯，加四隻大拇指雞翼，試左少少，三文魚好香，雞肉都幾嫩滑，雞翼味道唔錯。野飲就叫左凍巨峰乳酸梳打，酸酸甜甜，同鰻魚飯好協調，而且又消暑解渴。朋友對佢杯意大利咖啡讚不絕口，搞到我都想飲，下次要試下先得。成個餐對我黎講都算大份，食完好飽，唔貴，都幾抵食，會再黎食！

今日收工去左觀塘行街，就在APM不遠處，海旁附近。見到有間好抵食既餐廳，環境又大又舒服，撞正世界盃開鑼，餐廳有波睇，一班人食飯睇波好有風味。食物價錢唔貴，我叫左一個燒三文魚燒雞配珍珠飯，飯粒好有咬口，三文魚煎到香脆咸香，燒雞極是香嫩，外層煎到油香豐富，肉質好滑溜，另有配菜有燒栗米同埋中華沙律，顏色色彩繽紛，賣相好吸引。我加點左一個煎餃子，外層脆卜卜，餡料好豐富，又唔會油膩。另外加$10有紅茶，香甜清新，岩哂夏天飲。

聽聞舊公司附近間日本餐廳唔錯，所以放工約左朋友去試下餐廳都幾闊落，幾舒適，擺設好睇依到仲有波睇tim，好適合同朋友一齊黎happy好多樣都好想食，最後簡左蒜香三文魚照燒雞珍珠飯朋友就叫左蒲燒鰻鰻魚珍珠飯蒜香三文魚照燒雞珍珠飯:加左個小食大姆指雞翼蒲燒鰻鰻魚珍珠飯:賣相一流，亦都好好味d珍珠飯好好味，份量足夠三文魚加蒜真係好好味三文魚外皮香脆，魚肉嫩滑，蒜香味濃，唔膩特濃咖啡，超級超級超級好味，咖啡有果香，一流!依到價格唔貴同埋又好味，會再黎食下次想試下依個

好難得先可以約到兩個姊妹出嚟一聚，想品嚐到美食，又好想坐得舒服，飲被嘢同傾下偈。觀塘大家淨係諗到apm，但啲嘢食又貴又冇位，於是上網一查，發現呢一間 板上。我哋去到嘅時候六點，不過已經有客人喺度食緊飯 ，我哋嗌嘢食嘅時候發現呢度嘅價錢一啲都唔貴 ，仲唔洗收加一。最驚喜嘅係我哋發現原來下午茶時段係去到六點半㗎，咁我哋又可以用一個更加平嘅價錢去享用晚餐啦！我哋嗌咗一個鰻魚珍珠飯、一個安格斯牛肉漢堡、一個煙三文魚pizza 、兩塊薯餅、三個蛋糕，仲有三杯嘢飲，都唔駛三百蚊！ 分量都幾多，夠曬我哋三個人食，真心超抵呀！鰻魚幾香滑，飯入面有啲雞蛋絲，再加埋鹹甜適中嘅燒汁，配搭得幾好。安格斯牛肉漢堡超級大個， 旁邊仲有薯角添 ，如果係一個人食呢一定好飽 。入邊嘅牛肉呢唔會煎得太老，配埋融化嘅芝士食落有一種好幸福嘅感覺。pizza係薄底嘅，已經幫你砌好咗㗎啦，每一角上面都有一塊煙三文魚同菠菜，脆卜卜㗎！我地分別食tiramisu同朱古力蛋糕。朱古力好rich ，又唔會太細，食完個甜品之後，呢成餐飯就完滿啦！除咗嘢食好味之外，環境非常舒服。我哋坐咗三個幾鐘先走，慢慢食慢慢傾都無人趕，而且周圍唔太嘈。一

餐廳位置方便，地鐵站行3分鐘就到。離apm很近，朋友未到時，我可以去附近逛逛街。餐廳環境亦很理想，我們選擇了角落有軟墊的座椅，坐得非常舒服。要約適合朋友聚會時，這間餐廳非常合適。我們有屬於自己的空間，一邊食飯，一邊閒聊。餐廳更有電視機可看！食物選擇多，有飯、漢堡、pizza等主食，還可以多叫小食及蛋糕。板上蒲鰻魚珍珠飯很值得推薦，飯的份量足夠，鰻魚一大條，還有栗米、雞蛋絲等。上菜又非常快，很有效率。餐廳還有很多特色飲品，例如：凍巨峰乳酸梳打、柑桔青檸梳打、紅豆抹茶奶茶等。這些飲品真的十分吸引，而且價錢不貴。咖哩牛肉可樂餅值得一試，非常香脆。蛋糕非常好吃，甜而不膩。而且服務員態度很好，請她上蛋糕、取熱水時，都非常有禮，很樂意為客人服務。整體而言，是一間值得再去的餐廳。

同朋友都係九龍友，又到係世界盃迷，當然要找間有大電視一邊看球賽，一邊食飯的食店！難得經過一間環境舒適的，便決定入去試試！板上蒲鰻魚 珍珠飯 （$66）朋友是鰻魚超級fans，難得這裡有，鰻魚味道香濃，肉質鮮嫩，飯粒混入蛋絲，非常香口，還有美味的海草！真的是大件加抵食！煙三文魚pizza ($63)自己是三文魚fans，見到pizza有三文魚，就立即選了！三文魚十分新鮮，Pizza比想像中的大，而且芝士味濃，非常推介！朱古力松露蛋糕（$22）除了主食，這裡的甜品都有很多選擇，自己喜歡朱古力，加上竟然fusion到松露，聽落已覺得特別，吃落朱古力甜而不膩，松露非常香口，雖然已經吃飽，仍然吃清光呢！紅豆抹茶奶茶（$10）抹茶味香濃，紅豆的料十足，非常清爽解渴呢！整體而言，餐廳的價格不算貴，而且原來六半前入座有八八折優惠，性價比十足，和朋友一行三人的聚會，十分舒適，加上可以坐下看世界盃，真的是隱世聚會好去處呀！

又係傾盆大雨既一日，心情當然唔好。當屋企雪櫃被清空，就算大雨都想出去行下，順便轉轉心情。我唔多一個人食野，但我會想去一間靜靜既餐廳，嘆杯咖啡食件蛋糕。係AiA對面開左好多新餐廳，有紅茶，南記等等，一到lunch 就有好多打工仔過去食野。行去呢個商場時見到有人拎住寫住板上既飲品，好似好味，就搵呢間餐廳。行到商場最深入處，搵到佢啦。真係臥府藏龍，冇諗過呢到會有間咁大，裝潢咁靚既餐廳。好鐘意佢門口天花板hello 既歡迎招牌。同埋柔和既燈光，寬敞既地方都比人一種舒服既感覺。見到個餐牌好吸引，早餐餓住個肚，就特別想食肉，又呢，叫左個安格斯牛肉漢堡配薯角，加件cake. 由於餐廳新開左唔係好奈，擺出尼既menu 沒有show哂全部野係main menu，有個下午茶甜品加咖啡menu. 其實打工仔過尼食個套餐，一個飯加套餐加十蚊送既特飲都有好多選擇，所以正常都唔會加咖啡。但係係店員極力推介下最後我飲左，叫左杯拿鐵。驚喜既係冇諗過係濃濃既泡沫咖啡，仲有拉花。平時我飲咖啡一定要加糖奶，但係呢到咖啡濃濃香香既味道，完全唔需要用糖奶去修飾。20幾蚊加件蛋糕16蚊，仲平過mc cafe,質素更加唔洗講。見到

每逢星期天，小女生都要到觀塘做運動，做完運動後又是吃午餐的時候。觀塘真的不怕找不到食肆，除APM外，周邊工廠區都有很多餐廳。今次我們就到中海日升中心吃午餐。比起上一次來，這裡開了很多的食肆，對於我們來說，也是好消息。行了一圈後，今次我們選了板上，因為餐廳很大，裝修也不錯坐位舒適，比起一般的茶餐廳，真的闊落很多。而且食物種類多元化，當中最吸引我的就是咖啡吧！原來餐廳有世界杯睇，又有啤酒供應十分吸睛的咖啡吧！咖啡的價錢合理，其實比起一般的大型連鎖咖啡站相對便宜，如果我在附近返工就好了！除此之外，還有一些特色的咖啡，咖啡師說這裡的咖啡不會加人工糖漿，甜味主要來自鮮奶本身的甜味。至於那些特色咖啡，用的是咖啡師親自調制的糖，可想質素有一定的保證吧！點了杯green tea latte, 拉花一點也不馬虎。奶十分香滑但也不失抺茶的味道，甜度剛剛好！我選了鯖魚定食 。定食用木盒(內有即棄紙盒)盛著，很有日式風味。鯖魚很大條啊！鯖魚外表煎得香脆，內裡油脂豐厚，加點檸檬汁來吃，更增添風味！！不用$50，健康美味又抵吃！小女生點了豚肉漢堡，份量又是大大的，真的很足料！豚肉用了酒來烹調，所以吃落特別香，內裡

觀塘度度都係食肆，有時同朋友行街諗食咩，都唔可以話唔頭痕而家世界盃時期，差唔多每個人嘅話題都離不開世界盃，而我同我朋馳都係其中一份子，如果有餐廳可以有世界盃直播就好好喇，我地黎到中海日升中心，呢到都可以話餐廳集中地之一。但頭望望都好似無世界盃咁，但去到最入就見到有足球嘅蹤影，地方幾大又好新，座位都幾闊落，入面大約食漢堡包同丼飯，我地都覺得OK而且價錢又唔會好貴，就去左食! 足球呵呵呵，我地點完餐就坐定定係到，我地入去果時係賽事岩岩開始，唔可以錯過每一分每一秒。都有好多人同我地一齊睇波，差啲無位睇喇~我點左安格斯牛肉漢堡加脆薯皇，飲凍柑桔青擰，仲加左件提拉米蘇添有啲似快餐店模式，係係櫃台點野食同比錢。安格斯牛肉漢堡加脆薯皇份量一啲都唔少，打開個包，入面夾住左蕃茄、生菜等配料，仲有大大件安格斯牛肉漢堡扒由於佢有唔少醬汁，所以都唔會覺得個包好乾，而且漢堡扒好JUICY，啖啖肉咁。我係一個如果有脆薯皇我就唔會揀薯條嘅人，脆薯皇咬落入面有好多薯肉，咁先有口感架嘛，脆薯皇配茄汁是常識吧~凍柑桔青擰，味道都幾清新，好天然嘅感覺，生津解渴。我地再點左個唐揚炸雞，炸漿好薄，唔會食到成口都係粉，食落去就係

觀塘呢一個中海日昇中心近來都開始多選擇嘅嘢食除咗有茶餐廳之外仲有呢一間好特別價錢非常之親民嘅一間咖啡室唔好俾佢裝修得好靚嚇親以為收費會好貴睇返佢嘅價錢同茶餐廳絕對係差唔多有陣時仲比茶餐廳平而且食物嘅選擇亦都好多鍾意食美國食物嘅朋友你一到就有漢堡包鍾意食飯嘅朋友呢度亦有定食選擇包羅萬有邊一度國家嘅菜佢都有少少入面嘅環境好大好舒服而且仲有幾部電視如果去到一啲時節例如今年嘅世界盃佢哋都會有直播賽事令到個氣氛環境更加高漲有啲似bar😍😍😍😍咁今次就特別啲， 嗌一個可能冇咩人會嗌嘅鯖魚定食咁大家都知你一樣嘢係日本嘅食物以我自己又對日本嘅食物有興趣所以就試一試睇吓呢一到做成點呢一度嘅Service都做得好好有需要嘅話佢會成盤送到去你張枱度咁今次個定食送到埋嚟已經聞到條魚好香而且佢亦都係成條除咗個頭之外所有都放上個飯上面就咁一聞已經好香食第一啖飯已經好有居酒屋嘅感覺因為用既亦都係珍珠米而且唔會太硬溫度適中，至於條魚又好好味而且肉質好遠好白滑配菜有中華沙律同埋粟米都係我最愛嘅食物配搭想來口感特別而且絕對同一般日式餐廳睇齊之後甜品就要咗個朱古力蛋糕咁個蛋糕無論外表睇定係同想睇都係十分之靚配合松露朱古力更

e到既環境真係好舒服，而且好有feel，用木泥做主色調，令人係到嘆杯咖啡都特別relax(///▽///)我見到佢有好多唔同既咖啡選擇，仲有時會岀d特別d既咖啡，例如rose latte 今次我泥到e到主要係同朋友一齊食住burger睇下世界盃，一班人坐係sofa櫈上傾計，好舒服我揀左個豚肉burger，初頭以為只係普通size既大細，但拎餐既時候發現係重量級，前堤係e個餐只係$5x，有重量級既burger٩(˃̶͈̀௰˂̶͈́)و仲有好正既薯角，一邊睇波一邊食，又真係幾正(｡ì _ í｡)，食完個餐就揀左件蛋糕過下癮，見到咁吸引真係心思思想食(;´༎ຶД༎ຶ`)又肥lalala..飯後甜品我揀左檸檬慕絲蛋糕，初頭擔心會因為放入冰箱而硬，因為我之前試過，但岀到泥既感覺好軟，好清新！下次再泥！( *｀ω´)