松記糖水店

營業中

休息中

是松記的多年粉絲了，味道好價錢大眾化，所以久不久便會去一次。之前發現這店的甜品味道不如從前，所以已有4個多月沒去了。這晚又想起它，忍不住又去吃甜品了。芒果涼粉：芒果甜，大大片的有4片，和涼粉很相配。（早幾天才在另一甜品店吃芒果西米露，價錢差不多，芒果只有6粒，每粒只有骰子般大小，芒果還是酸的，相比之下，這松記的店家真是佛心了。）Summer：可自選兩種口味的雪糕，老公選了芒果和抹茶，內有各種的水果和西米，夏天首選。味道回勇，價格依舊親民，可能很快又會想再去了。

今晚同朋友打完邊爐 ，當然要食個甜品潤番下。天時暑熱，我們只求平實有質素的甜品消消暑，所以選擇了松記。平日松記門外都有一堆等位人仕，今晚亦不例外。我們等了大約十分鐘便可入座。楊枝甘露 $ 25一直覺得這個名改得很靚，淨係聽個名已經十分有幻想。的確，以香軟芒果蓉、西米、碎、椰奶、調配適量的芒果汁製作而成的冷吃消暑甜品，入口清甜，充滿芒果味，口感細滑，每當吃完晚飯，而又想食甜品，但肚子空位無多時，我都會揀楊枝甘露，貪其酸甜醒胃。芒果加布甸 $ 25底層芒果布甸 ，頂層是又厚又大塊的新鮮芒果肉及杰身的芒果汁，芒果控真的不可錯過。Summer $ 25朋友話每次來都會點Summer ，因為配料多，口感豐富 。入面有 : 西瓜 、芒果 、奇異果、透明涼粉 、如珍珠般大的琉璃 (即大西米) ，配曲奇雪糕   芒果雪糕等材料，還有兩支朱古力脆脆 ，十分抵食。去到深水埗區 ，我地就只諗起松記。無他， 因為由細食到大，兼且平靚正。

平時食完飯都好鍾意同朋友搵個位坐低一路吹水一路食甜品黎得深水埗但係要食松記啦 我哋就叫咗咖啡味木糠布甸配曲奇雪糕$25同士多啤梨芒果綿綿冰 價錢非常之親民 未到就正正常常啦 有驚喜係個咖啡味木糠布甸唔算話太甜

食完晚餐覺得意猶未盡加上一個甜品就滿足多年街坊生意見到很多不同創新及力保傳統老店有他的獨特之處可能由細食到大，所以有的情有獨鍾老公懶理我的念舊情懷老實唔客氣叫了Summer一出場已經色彩繽紛未食已經很開胃當然食甜品是要開心我們喜歡加奶，令甜品更細滑點了曲奇及綠茶雪糕奶香非常有不同的鮮果配搭，很清新仲有兩枝黑白配大粒西米勁有口感，咬落去q 彈至於我點的海底椰涼粉賣相的確。。。有點兒不好看因為涼粉清熱解毒所以叫一碗試下味道其實無乜特別海底椰份量都夠多

對上一次同老公黎食糖水係大住肚時，果時咩都食唔到，淨係望住老公食，今日老公話要同我黎番哩度食糖水，要食番當日我食唔到唧糖水。其實我對上果次黎都係想食鮮奶花膠糖水，只係我大肚食咩野都嘔，所以無叫到。今日黎，一坐低就叫左哩碗糖水黎食。望落淨係得奶，以為叫左牛奶，原來花膠係低，有d竽圓一齊，但花膠得3小塊，不過38蚊算係咁啦。其實我係香港第一次食竽圓，係台灣食落係軟身。哩碗竽圓有d硬，但食落又幾香口，如果軟身可能就無咁夾。

好耐無食過松記, 特登去買個外賣！老公叫佢至愛的哈佬, 味道依然, 仍舊飽肚，只是價格隨大市比十幾年前升了不少, 哈哈~Randomly叫左個芒果加布甸比阿仔, 可能芒果未當造, 阿仔投訴個芒果汁有點酸, 而布甸本身當然無問題啦..我愛吃舊式甜品多一點, 叫左熱合桃露加糖不甩~ 合桃露差左好多, 稀稀的唔夠合桃味, 最大件事係好似加左糖水溝落去得個甜字, 慘不忍睹~ 幸好個糖不甩仍舊好味實淨~ 全部外賣$83仍可接受, 但不會再試糊類了~

細個好鍾意食糖水，特別係拍拖行街行到攰，但又唔太肚餓唔想食正餐，就會去食個甜品sweet sweet 吓。但自從做左中女之後，我就冇乜點食糖水喇，原因好簡單，咪係因為怕肥囉今日同個學生食完飯，但個girl’s talk 仲未講完（其實講三日三夜都未必講得完），一時興之所至，我就提議去食糖水喇既然用左攝取糖分嘅quota, 我哋就梗係揀啲養顏嘅嚟食啦，平衡返內心嘅罪惡感我鍾意呢間糖水鋪嘅原因因爲佢多位坐，而且糖水嘅選擇好多樣化，總有一款啱我食，味道同食物質素都好穩定，抵讚

好耐無食松記，難得今日行開過嚟呢頭，梗係要去朝聖一下！去到發現多咗好多新product!不過那些年嘅summer 同 幻彩明珠依然係我地嘅最愛，最正嘅係價錢唔算加太多！生果依然新鮮足料！雪糕仲好好味！

還記得那些年初出社會收工同同事食糖水個陣必選松記因為平靚正，每次去到都要等位番反黎19年，食材人工加左價格加左都在所難免但食物質素卻反之而下降真係令人失望水果有點兒酸，味道一般同想當年真係無得比

講開松記我就一定諗起Summer，因為我幾乎每一次去食松記都只會揀食Summer，因為佢真係好吸引，而且價錢唔算太貴，只係$25，真心已經冇咩糖水舖仲會買咁平，而且又仲有好多嘢食，包括各式各樣嘅水果例如蜜瓜、西瓜、奇異果同埋芒果等等，而且仲有兩球嘅雪糕，我通常都會揀曲奇同埋芒果😋😋而且仲會有兩支黑白配💕💕真心幾好食又抵食，水果甜得嚟配埋雪糕更加吸引😍😍所以導致我每一次都只會揀Summer😊😊不過下一次真係要試吓其他啦😉😉

每個月都有10次叫外賣自取今晚叫幻彩明珠番到屋企食的時候發現奇異果變壞左諗住打電話去反映 反正成日都幫襯自稱店長的男人聲大夾惡問我 「咁點呀？」「駛唔駛俾番成個奇異果你丫？」「我酙情俾番個奇異果你 唔通要我賠成個糖水俾你呀？」壞的生果放入糖水到係唔會影響到d糖水既？酙情？你店的生果係壞的 係你店的責任喎嘩 咁樣的人做店主 無視食物的品質 無視顧客的健康 完全對呢間店的食物安全失去信心甜品店又唔係得你一間 咁短視自大的店主 你的營商之道will bring you down one day

之前係深水埗讀書，成日放學好中意成班同學一齊黎松記今日黎開附近，梗係要去松記懷念下舊時😊芋圓、仙草等等既甜品都上線啦餐牌有曬圖，簡單易明價錢仲好實惠添！老薑蕃薯糖水 $15蕃薯煮到好諗，一咬就散一碗有三大塊蕃薯，食完夠曬飽老薑味道還可以，冬天飲一定好暖身summer $25 加芋圓$6其實呢個就係雜錦甜品，有雜果、大明珠黑白配脆脆兩球雪糕揀左：綠茶、曲奇不是高質的雪糕，但都可以接受總括：價錢親民，係不錯既飯後甜點選擇喔

今日去咗松記食糖水。要咗個富足白果蛋再加芋圓，同埋芝麻糊豆腐花。到咗呢個溫度係最啱食啲熱嘅糖水。睇過張餐牌， 真係有好多選擇。不過糖水嚟到嘅時候就同餐牌嗰張相有啲差別。但係最緊要味道搭救嗎。腐竹白果薏米糖水既芋圓都好yin un ，估唔到交落去都幾好味。而佢隻蛋奇大，最啱就係打碎落個糖水到一齊食。佢姐芝麻糊豆腐花芝麻糊亦都10分至thick,我諗一定要先可以冇咁jai!總括而言佢嘅糖水都好好味但係就要食得好快因為身邊嘅位置都好迫。

食完晚餐，黎到松記食返碗甜品先，價錢唔貴，都好大碗，地方大可以坐好多人，環境好，選擇多，咩人都可以選到自己鐘意食既，水果好甜，都幾新鮮，重可以坐幾耐都得，好好既聊天地方

我通常嚟深水埗都係買電腦嘢， 同個朋友買完嘢又食完飯好似爭啲嘢咁， 原來未去食甜品呀！這間店越嚟越多產品推出，除咗傳統甜品糖水見佢仲加入仙草系列生果西米露、熱辣辣湯丸 、滋潤湯水、豆腐花、涼粉等等··· 見到餐牌圖片樣樣都想食點算好呀！仲見到有DIY甜品產品可以給小朋友自己揀鍾意食既食物自由配搭最後朋友就話不如佢試仙草系列啦！就點了“鮮雜果芋圓仙草 $30”面頭生果新鮮芋圓煙煙靭靭下面就是仙草少少甘草味。我就點了“雪耳津梨燉海椰 $24”打開碗裡仲有個鐵碗可以存熱，糖水滋潤清甜雪梨潤喉加埋雪耳海底椰飲完喉嚨舒服曬冇咁乾燥。