松記糖水店

營業中

休息中

食完個好好味既大排檔”萬發”之後，就梗係要食埋甜品，咁先夠滿足咁嘛，雖然長沙灣一帶有唔少甜品舖，但係Openrice搜查結果中，”松姐糖水”係平民價錢中既第一位，所以就決定試一試。呢度既甜品種類非常多，除左中式甜品之外，仲有少量既西式甜品，更有提供小食，真係睇到眼花撩亂!! 結果我係滋味推介中揀左雪糕杯杯冰，而朋友就揀左再普通既椰汁芋頭西米糖水。凍椰汁芋頭西米糖水 ($19)本身諗住咁簡單既一款中式糖水，應該唔會有大問題，但點知原來諗錯左😣。呢度既西米糖水同大部分既糖水舖無咩分別，都係將西米預先煮好，到有柯打既時候先加入芋頭粒同椰漿。結果全碗野無芋頭味，食落只係椰汁西米糖水，而且芋頭偏硬身，並唔係粉爛既芋頭。😫我明白煲左一煲芋頭西米露食唔哂，隔夜會變到杰達達，西米又過淋，唔好食。不過一間有心做既糖水舖，如果唔想浪費但又想整得好味，我認為可以將熟芋頭加入椰汁攪成蓉後，再加入西米同芋粒，效果一定會更好。雪糕杯杯冰 ($29)佢一送上枱，心諗”中伏了”，點解實物同照片唔同既…實物水汪汪既…😨雪糕唔係牌子野，內裡有唔少冰粒，唔算好甜，綠茶味濃度中等。杯杯冰唔等於棉棉冰，其實係一堆碎冰，再沐上頗

松記糖水一向是十分街坊的糖水店，我和朋友最喜歡在深水埗閒逛後到松記吃甜品，把炎熱的感覺趕走。這間松記一向人來人往，排隊要排很久。今天我和朋友十分幸運，竟然能直接進去吃！我們叫了兩個西米露清涼一下，最後加了一個榴蓮pancake，十分美味！希望這間松記能繼續陪伴著各位街坊。

一家四口落去深水埗松記食糖水，難得今日唔需要等位，叫咗個紫薯芋圓仙草，個紫薯好特別，紅豆又唔會太硬，加埋啲忌廉奶落去，即刻變得滑咗，至於個雷沙湯圓非常好味，皮薄餡靚堅好食。可能今日人少，所以服務員態度特別貼心，價錢講真唔貴，比起而家啲糖水店真係算平。裝修過嘅總店比以前靚得多，起碼有啲時尚感，亦可能要追上潮流，所以多咗好多以前冇嘅。但每次落嚟總店食都要為搵位泊而煩惱，幸好今晚落雨泊街都唔驚抄牌。餐牌店內裝修雷沙湯圓紫薯芋圓仙草

食完晚飯後，想食糖水睇到松記就入去試下，個場有半場滿，叫左班戟送到黎一啲都唔凍問啲伙記佢話係咁，真係比佢吹脹！同朋友食完後唔洗一分鐘比呀姐收哂啲野，之後有個四眼呀姐，應該係老闆，大大聲話食完喇可？埋單個邊！！(指住門口)好多客等緊台呀！又冇禮貌，真係以後請我都唔去，垃圾，早汁早著！！ 真係好嬲，如果你有客係出面等你可以有禮貌啲叫我地走，仲冇半場都未滿明顯想趕客啦，食完個班戟都返到屋企都有啲肚痛，可能個班戟唔凍冇放入雪櫃，返到屋企仲好肚痛，聽日就打去食環投訴佢！！

食飽飽當然要食糖水，松記咁有名就去試下。紫薯芋圓仙草凍: 紫薯好夠甜，芋圓好QQ可接受，仙草好似普通JELLY。價錢係中間水平，只能說合理同埋一分錢一分貨。長沙灣質素既海底椰紫米露，友人評價為太甜，所以食左幾啖就放棄左了。

今次唔洗排隊就食到松記，味道都唔錯，係員工擺低碗野時求其d，又唔收走份menu就咁擺碗糖水上去，仲要擺唔平就咁算我嘅芒果明珠好食嘅，但間唔中食到仲有其他生果味男友話呢個榴槤pancake 好食，都幾大舊榴槤呢。

松記甜品，都食咗好多年，由後生食到依家帶埋亞仔，感覺上質量好價錢都冇乜點變，或者變咗小小唔多覺啦!照計應該冇理由咁耐都冇加價掛.今日假期嘅下午，原來都咁多人，好多家庭客來嘆返個甜品下午茶嘅，我都唔例外! 差唔多都坐滿，不過都唔使等!Summer: 係我老婆每次嚟到必食嘅，裏面有生果雪糕珍珠，芒果汁底！生果當然都係新鮮，珍珠夠Q彈！鮮雜果杯杯冰： 第一次食，他們的是碎冰，相比出邊棉棉冰/刨冰，口感就麻麻地，因為冰太大粒，唔夠汁的話就好似食咗粒冰咁，我走奶只要芒果汁，係完全唔夠汁，鮮果搭配都幾好，不過錯在就係有紅豆，食到最底唔想食！雪糕幻彩明珠： 有涼粉珍珠，鮮果同雪糕！配搭都幾好！他們價錢都係平均＄30左右，現在來說好抵食！他們仲不斷出新野，與時並進！

各式各樣的甜品，在香港遍地開花。但本人始終對傳統的中國甜品情有獨鐘。要在香港地食一碗不是混水摸魚的手磨芝麻糊，果皮紅豆沙， 臭草綠豆沙，香滑燉蛋，巳不是易事。今天路過長沙灣，又豈能錯過到"松記總店"朝聖，食返一碗平，靚，正，滑的燉蛋。果然寶刀未老。又滑，又正:

今晚食完晚餐，就出左去四圍行下。行到天悅又心絲絲想食糖水😂😂松記當然係第一選擇。星期五，六，日都勁多人捧場今日平日就唔洗等位坐位就唔算舒服，都係比人即食即走。叫左2個甜品，summer同雜果杯杯冰Summer係每次必叫，有雪糕又有水果雜果杯杯冰：冰量唔多，雜果量普通，仲有d豆係底比起summer 好似無左雪糕唔夠滿足😂😂下次要加埋雪糕先得。不嬲松記都係有保證，同埋我覺得長沙灣呢間總店係比其他分店好食😋😋

食完晚飯尚早, 8點半都未夠, 食埋糖水都唔係好過份姐~~~咁啱喺深水埗果邊食完晚餐, 順便黎埋長沙灣呢邊既松記食糖水!!!因為肥妹仔我啱啱果餐食得唔係好滿意, 所以肥妹仔既家人決定兵分兩路, 佢地去買串燒打包番屋企食, 肥妹仔就同肥妹仔家姐喺松記堂食, 食住等佢地!!!雲呢嗱雪糕紫米露 $21肥妹仔我係好鐘意食紫米露, 呢個紫米露唔差, 紫米煮到唔會爛晒, 仲食到粒粒既紫米, 味道甜甜的,口感唔錯!!!佢上面淋咗椰漿, 成個紫米露即刻有陣椰香味, 記得一定要要求加椰漿!!!雲呢嗱雪糕大路野, 無咩comment!!!Summer $25松記既summer肥妹仔我相信應該無人會唔識, signature黎, 有好多鮮果同大粒西米露, 再加上芒果蓉同花奶, 兩球雪糕, 我見肥家姐就食得幾滋味啦~~

記得學生時期成日來呢間食糖水，但係之後糖水興起多了很多新款新式的之後就沒有來過了！突然心血來潮又想來試一試，地點位於元州街出邊就有得泊車10分方便！下午來人不是太多，以我所知夜晚就好多人了，人多就要坐得好迫！點解咁多人？！我諗應該係又平又多款式吧！平均每一個甜品都係＄20-30左右.出邊閑閑哋都要＄50了。而且冷熱甜品都有大眾口味我叫了一個芒果班cake配朱古力雪糕，份量的確細了少少，而且芒果味不甜，還有點酸，不過最唔好味都係個cream，完全沒有奶香！覺得自己唔係食緊班cake這個就是我自小就喜歡的summer! 這個跟以前沒有太大差別，芒果汁加上珍珠同生果都不錯，都係酸了少少，生果種類都多，有奇異果芒果西瓜蜜瓜！整體來說價錢公道，平民價錢合理味道！

松記糖水已經由長沙灣一間小店, 慢慢擴充到好幾間分店啦！試過旺角, 觀塘, 將軍澳...還是覺得長沙灣這間最好!😳星期日的10點多, 竟然已經沒有人群, 差點以為店舖沒有了😂有新甜品款式!笨爸點了水果珍珠芋圓!水果依然新鮮! 芋圓都不錯!我就點了椰皇燉海底椰!有湯圓有海底椰很足料!!有西米露! 感覺很滋潤呢!等確是總店的水準最好👍👍👍👍評分: 5⭐最好食物: ⭐⭐⭐⭐環境: ⭐⭐⭐⭐價錢: ⭐⭐⭐⭐服務: ⭐⭐⭐

食完晚飯想坐多陣，離遠見到松記招牌即刻入去。 晚上8點幾唔算好多人，可以隨便坐。 每次黎都會叫Summer，今次想試下新野，原來都有好多新款，單係餐牌都有4、5版，選擇困難症又發作。雜果芋圓仙草凍 ($30)超鐘意食仙草既我一見到新系列即叫，底下既仙草冇令我失望，滑嘟嘟充滿仙草既幽香。 幾鐘意面頭類似珍珠既深褐色粒粒，煙韌得黎食落都有少少仙草既香味，唔會太甜。雜果同Summer一樣，有芒果、西瓜、奇異果、蜜瓜等，全部都夠甜又足料。 不過主打既手製芋圓反而幾失望，雪到有少少硬又痴埋一舊，唔太煙韌彈牙，同食粉團一樣。熱芝麻糊豆腐花 ($17)最近超想食芝麻糊，可惜呢碗只係開粉貨色，豆花夠熱同滑，但豆花水又再一次溝淡左芝麻糊，成個組合好失敗，都幾失望。

呢幾日一直都好想食松記🏝🏝🏜第一次咁啱喺大埔見到 但發覺原來大埔嗰間分店係貴勁多所以之後都係唔捨得買留返勁開深水埗先來食😋😋😋😋之前同一大班朋友黎食 試左呢到既芋圓勁好食 真係有蕃薯同芋頭味 同勁煙韌😍 不過淨係得熱既糖水配芋圓今日熱熱地就想食返個summer消下暑summer可以揀2球雪糕但我每次都淨係會揀曲奇 一直都食唔出究竟係咩牌子不過都幾好食😂今次啲生果大部份都好甜 而且好夠凍 但唯一美中不足嘅就係蜜瓜定唔知哈密瓜 完全唔凍加唔甜 但以佢既價錢黎講 有瑕疵係可以接受😋🤣

上完堂食番個糖水先歸家，咁先叫完滿。因為肚子不太飽，可以叫椰汁紫米露，椰汁係淡淡味，但紫米露比想像中稀，和以前食的好不同，有點失望😞朋友叫了芝麻合桃糊、花生粟米麥米、鮮奶燉花膠和湯丸...都係不不失。