松記糖水店

營業中

休息中

我唔係好明喎!即係搬過幾個鋪定搬左去對面呀?

去完「雲南」豈能放過「松記」丫！次次去親松記都要研究一下誰是「老舖」，誰是親戚開．．．．諸如此類話題，不過都係純粹我偷友人甜品時ｏ既「技倆」，襯唔為意總是「分一杯羹」。叫左：一個什果乜（唔記得），只屬一般；芒果世界，可能大菜糕係我至愛，咁樣撈埋一齊食，凍凍地真係幾鬼爽；芒果黑珍珠，最捧場都係哩一樣喇，天時暑熱，哩款最正；合桃＋芝麻糊，（其實，松記係咪以熱糖水起家ｏ架），可能因個人口味問題啦，我覺得唔係幾夠「香」糊味呀，只屬一般咋！天時暑熱，叫番一兩個凍食丫，蠻好ｏ架，款式多，淨係見對面果堆年青人左揀右揀左望右望都拿唔定主意就知啦！係喎，搬左新舖大翻新，唔駛咁逼兼加強保安，至少六七個「眼仔」幾犀非利呀！幾欣賞松記糖水發言人敢聽敢言，能做到「知己知彼」實屬難得！

我同小熊都好鍾意食松記,小熊話係佢食過敢多間甜品屋/糖水舖最掂都係松記,又平又好味,我就最鍾意食幻彩明珠同哈囉,lee間有個女仔好Q,好好人,所以我鍾意去長沙灣lee間多d.

一粒雪因之前D 琉璃唔多靚唔爽所以暫停,但今天有番可以再來試.kate_tse,shafeshifer,qhelen,JoanneA,車匩.多謝支持仲有你們好細心什麼都會留意,吾輩,菇時你們找錯對話地方,你們指出的都不是本店攪錯啦!Dennis現在搬了舖生果應該夠冻,而本人都覺得芋頭西米露是本店最弱我想取消好唔好?mandyymf本店在元州街162號美居中心(m)記對面好易找的.各界注意總店已搬遷到鄰近見到(m)記就見到本店

今次特登去食琉璃, 點知冇... 好慘呀! 呀老細,如果你o地有番琉璃賣, 可以係呢到post個msg 嘛? 結果我今日食o左個芝麻糊黑珍珠, 都好味!

我如果經過都會去食~~d 甜品款式多....而且好味又新鮮...好正！我最鐘意"珍珠系列"....搵日再去回味下先.....約埋你呀~~ha..ha.....

向深水步食完晚飯,行去松記食甜品.一望發覺多左間新鋪,再望原來係松記新鋪.新鋪多d位,好坐d,而且收銀處居然有監察系統.叫左碗亞答子紫米露,都幾好,而且夠多亞答子.

你係邊到影ga-.-唔好亂講wor~

去開黃金，大熱天時便想起松記，遠小小都行過去食番碗甜品。叫了涼粉黑珍珠，朋友叫了西瓜涼粉，黑珍珠外形似加了一層透明皮的黑芝麻，一入口的感覺好特別，凍冰冰，又滑，又有少少咬口。涼粉非常爽，非常合胃口。不過，彈的是來得太慢…要等。

去親都會覺得o的糖水冇咩特別食過好多次既我有湯丸,芒果布甸, 芝麻糊, 合桃露, 明珠, 生果等........不能盡錄. 我都覺得冇咩特別,唔係特別好好. 但多人的話都好亂我次次都係特登去take away因為太多人喇.horrible有時唯有去第二間o個頭係有好多糖水鋪架下次再講其他幾間啦~

讚﹕1)係好多人情況下,水準仍能保持!2)價錢十分相宜!彈﹕1)人一多,員工態度非常差,十分不耐煩,唔想做!2)9 個人去食,約等一個小時才能出齊9個糖水!

我想問呢正宗個間係咪搬左咁搬左去邊?

幻彩明珠同海燕都唔錯不過雲石豆腐花比較「鞋」口左D基本糖水好似芋頭西米露、喳喳就反而失望左D芋頭好似灼完先再加入西米露上枱,無乜味同口感生果有時唔夠凍,要注意。

成班三姑六婆去,都話好食!

上星期夜晚,又黎左食野,但係都幾驚冇位,丫,點知,幾好彩呀,我同男朋友唔駛等就有位啦,仲要係唔多人,我極力推介幻彩明珠比男朋友,但係自己就唔知食咩好,睇睇下D圖,覺得有隻湯圓幾得意,有5個味,就點左黎食,幻彩明珠水準保持,男朋友都讚,湯圓好熱,湯好濃,正,但湯圓過甜,但我鐘意佢crossover,cross得幾正,哈