松記糖水店

營業中

休息中

d o野係幾好食但難食o既都唔少...好似亞答枳就係一大敗筆...難食到暈...另外琉璃咬到個口好攰...最鐘意都係雜果明珠同開心世界,但d 服務真係好差好差,d 侍應講o野好似嗌交咁,語氣又好似唔憂做咁時不時串嘴.(唔憂做應該係個老細而唔係d員工)

食完北角鳳城及翠碗後，要過深水步辦點事，趁返屋企前到這裡試試。當時已經係接近6點幾，並不太多顧客。點了榴槤布丁及黑珍珠馬蹄露，榴槤味不算太濃，我自己唔係咁喜歡食及該陣味都可以接受，或者係忌廉作怪吧，但係都有水準，至於黑珍珠馬蹄露其實就冇乜特別，不過特別在兩溝，以及真材實料，甜味適中，亦有口感，份量差唔多滿瀉。如果不是用膠盒裝著布丁同埋用膠太膠巾，及碗馬蹄露滿到瀉，這裡裝修新派及保持到傳統與新派美食cross-cover，我會俾滿分。

I live in Chueng Sha Wan.The shop is very crowded and the staff there is very unfriendly.The quality of food is decreasing .

因為好食又抵食，所以偶爾同女朋友都會楂車去食。玻璃得，擂沙湯丸得，明珠黑糯米得，不過都唔明點解明珠會多過黑糯米的!但d糊都係唔好試好，質素麻麻!

哇~ 六寶丸真係好正斗呀~ 粒粒唔同~又唔會好甜~但薑味好重~但黑白失色左喎~....好似灘水咁~又冇咩味~

早前由於不想等位關係, 去了幾次後面街的松記! 水準都不俗, 但今次試過元洲街呢間, 發現價錢平d 外, d 糖水的確好味d! 不過位就再迫d 咁囉, 同埋要等位!要了幻彩明珠, 好豐富, 又新鮮, 六寶丸又幾特別, 不過就無想像中咁好! 下次早d 黎, 少人等位快好多!

今天去吃楊枝金露，芒果還可以，但沙田柚超級唔得，有點"up" 味，又唔甜，不知所謂。我覺得這裡的糖水整體都好，但有時會質素下降，可能是不同人做，水準不穩定。

我都算是一個松記fan，一個禮拜都會去起碼一次。我覺得松記質素非常不穩，時好時壞，有時候都幾失望。我今天去吃楊枝金露，水汪汪的，好稀，內有不該有的冰。我已叫少奶，但仍有多奶，吃到一半已不想吃下去。我是很喜歡吃楊枝金露的，有時候特地駕車去吃，但水準不穩，實在另我很失望！今天做楊枝金露的是一個直髮小眼女人，一面做一面和另一個後生仔玩的很開心，怪不得做的這麼難吃啦！

由左轉左去右大間左少少...以前真係細到爆款式好多好正~最愛食琉璃~ 不過有次叫外賣竟然唔記得俾芒果汁同奶我~!!芝麻糊係第二最愛~ 不過好似後面青山道果間好食d~

貪心的我,梗係要六寶湯丸,即係紅豆餡,芝麻,花生,奶黃,紫米皮奶黃餡同綠茶皮奶黃餡各一粒. 但由於我唔食薑, 呢到o既糖水底好辣, 呀姐就提議我用番薯糖水底啦.好味o既湯丸,加呀姐咁細心o既服務,松記梗係攞滿分啦!不過,我自己都係推薦芝麻同紫米皮奶黃!

第一次來食, d 款好多, 亦好靚, 但係就試左最基本既楊枝金露, 真係超正呀, 都係十多元, 勁抵!!

夜晚去食糖水一定要去松記........ 果個summer 好好食,入面有雪糕.仲有好多生果.正!!有好多其他得意甜品.不過真係多人到不得了

Xsar,Wimmi,SiuBo,Krystal,Photon,falable,Dulls,Hard,Jeffrey,AhVan,PPQoo,榮榮,傻B仔,路痴,藥煲,依利安..好久沒有溝通,原來咁多食評每一段我都會看,不論正負面都對本店有很大的鼓勵,每一字一句本人都會好像進餐一樣,進食,消化,吸收.....保證你們唔會白費心機,本人和店員一起作了幾句以此表達對各界支持. 質素唔得要舉報,松記糖水要做到, 食家要求有進步, 顧客滿意時常到. 松記糖水 11-03-2005

什果明珠好正，成碗飯咁。我今日想加兩蚊要椰汁糕，諗住份量可能會少左(因為糕會加埋落個碗到)，點知個碗變大左，真係細心架喲。

奶黃湯圓正第二度找唔到，外皮煙奀，奶黃味濃，又香又甜。薑湯味清甜。