松記糖水店

營業中

休息中

20050614 10pm老闆請食松記糖水慰勞. 正中下懷 因為我想試佢好耐的了! 既然係老闆請就老闆渣主意, 要了個幻彩明珠, 據說好出名. 不過個賣相都幾......說實話, 好醜樣. 味道則是芒果蓋過一齊, 料很多, 果肉也大大件, 又西米又有粉圓(但略嫌不夠香Q), 卻就是沒有主題, 唔......難聽o的講, 好似個糖水舖有咩就"畢"落去咁.我諗出名, 就只純因為佢大件夾抵食咁lor.唔知幾錢. 不過都多謝老細一番美意.

今晚和朋友食完晚飯後，便來了這裡食糖水，我們叫了哈囉、楊枝甘露、綠茶皮奶皇餡湯圓及補腦合桃糊。哈囉- 很多料、也很飽肚，大大粒西米也好有咬口，感覺都唔錯。楊枝甘露- 芒果味唔夠，花奶太多，味道唔多特出。綠茶皮奶皇餡湯圓- 綠茶皮沒有味道、奶皇餡又唔夠甜，今晚最差的一味。補腦合桃糊- 合桃味也幾夠，但唔夠杰，有點像飲合桃水似的，還是源記好味d。總括來說，也是一間不錯的糖水店，但不算太好。

食完麻辣趕黎呢度救火叫左個什果琉璃~起初唔知乜黎既~不過個阿姐都好有禮貌好肯答我~雖然之後都唔明係乜~呢個ok~落左芒果汁先會好食~ 不過都係唔夠甜...$20~ 可能0個d 琉璃貴掛@_@... 下次唔會叫男朋友叫左個幻彩明珠~ $14 又覺得幾抵喎~ 好唔好食呢？一般啦~ 生果既野好難唔好食既@_@~

星期日係松記食左"哈密瓜琉璃"...$20。琉璃好有口感...不過個人認為唔好食.1.我唔食mango...但係另有一盒mango 汁...唔知係未因為無落mango汁,剩係落左白色果盒...所以覺得勁難食,好似食飯咁。2."哈密瓜琉璃"...點解要配mango汁..有冇士多啤梨汁呢?剩係得白色果盒真係好難食...無晒甜味。

To: 松記上星期買左碗"芒果西米露"外賣, 的確係好好味, 但有一點希望可以注意, 就係外賣個"包裝" 太簡陋, 一碗糖水就咁用個"背心"白膠袋裝住, 路途上極之容易打翻(雖然好多食店都係咁), 建議加一塊紙皮在膠袋內, 應該會好些. Thank you!

無幫襯呢間好耐... 喜歡去青山道個間尋晚口痕帶女友去試下呢間佢食哈囉, 我就要芒果水晶涼粉食完佢話"太甜唔掂", 我都覺得太甜喇以後都係幫襯返老店好D

每次都食幻彩明珠、哈囉、琉璃等,昨晚想食糊,叫了熱芝麻糊、雲石豆腐花及甜不甩。芝麻糊十分香芝麻味!無一粒粒黏着,一定不是即食貨。甜度適中,十分可口...很久末食過咁好食的芝麻糊了。朋友的雲石豆腐花是用芝麻與豆腐混合而成,非兩溝。豆腐花沁出淡淡芝麻香,但略嫌甜了少許。糖不甩大大粒，面層有一層黃糖槳，咬落煙勒,不錯!松記是少數能在客量那麼多又能保持水準,抵食的糖水舖,怪不得有咁多fans!

黎開呢頭, 又點會唔幫襯呢, 多心o既我, 叫左碗"哈囉", 貪佢夠多料, 有麥米, 涼粉, 喳咋, 椰汁糕, 栗米, 西米, 黑珍珠, 仲有淋上面o既芒果醬。碗哈囉用玻璃兜裝, 份量唔少, 仲滿到流落個碟到, 涼粉有此少甘味, 唔似得有d店比d 黑色走糖o既大菜糕, 本身好鍾意椰味, 個椰汁糕一d都唔淡口, 最鍾意係喳咋料o既腰豆, 紅豆, 花生, 煮得夠腍又夠香, 好味又好飽。

烹調食物的人一定要對食物有誠意,此店老板抱恙都來同各位食客交流意見,我真系感受到佢的誠意,連一直吾中意食甜野的我都要專程去試一次,連一向無品﹑食完又吾寫食評的我都要寫幾個字以示支持.去到一睇MENU 就知食物好有creative,本人根據其他openrice 的食家推介,只食左:"緣茶奶黃湯圓"﹑"六寶丸",的確系值得一試之作,味覺系好個人的,最好自己親自食(其實系我懶得寫0甘多).本人更欣賞的是老板的誠意﹑創意同埋經營手法.食後感:一直只以為澳門的小食多創意,原來我地身邊都有.如果地點就腳就好啦.祝老板: 早日康復!

本來星期日係family day，而老婆大人又唔多好甜品，雖然教會係幾個街頭既距離，但係勉強冇幸福wor，所以一直都冇機會，直到個日老婆大人OT。食完"雲南"，就算飽飽地(一向都會鳴金收兵)，但係機會難逢，加上突然好想食涼粉，所以就過左松記。光猛既光線、乾淨既環境、開放式廚房都一一加分。Order左一個涼粉，甜度適中，帶點椰子味既果肉(狀如茘枝肉)煙煙韌韌，加上大大粒既咬口涼粉，真係要多謝OpenRice！因為食多左好多好野，松記就係一個好例子啦！

以前不嬲幫襯開長沙灣and 廟街松記....見到搬左鋪就去試下....點知就就令松記係我心目中既地位扣左d 分.......我真係好想松記可以變番好~~~做我心目中既好好好糖水鋪新既鋪頭....比較細~我覺得細唔係問題...但d seating 有d 問題~會好似好唔舒服gum...因為成間鋪好方....度門又大...天氣又熱...d 熱風就係咁送入黎= = 可能又armarm 裝修好~望上去d 光管diu diu fing 咁....有種食得好唔安心既感覺....可能天氣太熱....我就好似平時咁叫左個幻彩明珠+雪糕...但好唔開心地..feel到個明珠底好似擺左係度好耐咁...or 雪得唔夠耐...竟然有種溫熱既感覺~(當我咬落d 生果度)同埋新鋪既姐姐服務都比以前遜色...(其實d 姐姐都係熟口面o個d 黎既...不過態度好似比之前差左少少... 可能天口慶卦....)希望松記d 糖水可以愈做愈好^^"

正如其他食評一樣,好鬼死正呀!和女友食得好開心, 一定會再來

祝早日康復^oo^

好久沒有回覆大家了！因為本人在三月份發覺身體不適，醫生建議在幾個月的治療期間須要好好休息，所以沒有在松記監察本店出品和服務，希望大家在網上交流，心型冰塊重點指出服務差，是指日間或是晚上，是那一天，門口或堂坐樓面，請給我詳盡的資料，本人會跟進和改善侍應服務，品質方面mahahk 黑白可能是豆腐花太多水所影響，本人會提水吧豆腐花要去水才能加另外的糖水．而其他好的食評本人已看到，因太累了間單多謝各界支持，治療過程順利，大約七，八月可以返回松記，現在有賴大家代本人監察，最後多謝各位．　

住在長沙灣的我，已經幫襯左松記好多年。雖然松記只係收街坊價錢，但我真係覺得佢d 糖水比起好出名既"B仔涼粉" 好味好多。今次特別講吓佢既"緣茶奶黃湯圓"，我以前已經食過一次，但當時的感覺很一般，今次卻覺得緣茶味香了很多，湯圓皮上的緣茶味吃不出緣茶香，但緣荼湯卻很幽香。奶黃尚算滑，但卻略嫌甜了一點。