松記糖水店

營業中

休息中

唔知幾時開始食完飯就一定要食糖水😝所以今次都唔例外，同埋朋友去左食糖水傾下計🔸楊枝甘露$32楊枝甘露係我最常叫既糖水之一，好濃芒果味，再加上一粒粒嘅柚子同西柚，份量啱啱好，又唔會太酸同苦澀味👍🏼🔹合桃糊湯圓$29朋友話平時唔係經常都有得食，所以見到有合桃糊就即刻叫黎食，睇落去好似好杰咁，但佢話食落又唔係....我坐隔離都聞到合桃味好香，忍唔住試左一啖，食落又ok wor, 唔會太甜, 岩岩好👍🏼🔸芝麻糊湯圓$27朋友叫的芝麻糊其實呢個都好甜不過朋友就鍾意佢再濃稠一啲，佢嫌呢個有少少稀得滯，但味道都係可以嘅

以前中學嗰陣成日都去松記食綿綿冰後尾因為佢加價 個份量又細咗好多所以好耐冇幫襯🤦🏾‍♀️今次同朋友食完飯心血來潮去試一次🤣一如既往 食我最鍾意嘅豆腐綿綿冰($46)😆可以加2種配料我就揀咗oreo碎同可可米🍫份量俾之前大份好多起碼都叫值回票價🤨📍松記糖水店 (大埔)大埔安泰路1號大埔廣場地下66號舖

食完飯，就搵糖水食，原來佢係連鎖糖水台黎。唔怪之得啲野食咁hea咁冇heart啦。野食款式係幾多嘅，花多眼亂。最後揀左什果豆腐花同豆腐花芝麻糊。以為個豆腐花係自家製。但食落發覺同超市買到嘅豆腐花係一樣。又唔滑又冇豆味。咁早知係超市買黎食好過。最慘係九點幾去到都冇咩客，但啲店員都黑口黑面，冷係好忙好多野做咁，叫成落單又扮睇唔到 ，佢地應你啦 ，又話等陣先。態度又夫衍。食甜品係想開心，唔係黎比錢睇佢地黑面。

同個就嚟去新加坡嘅朋友 farewell聚下舊，就去松記食吓糖水。呢間都係大埔代表性嘅糖水之一嗌咗呢一個好似叫幻彩明珠嘅甜品，有啲大西米，唔同生果，涼粉同芒果汁同花奶，最重要係佢嗰球曲奇雪糕 味道都不過不失嫁啦冇話特別好味，志在敘舊

今日約左個好耐冇見嘅朋友仔聚下舊，食完晚飯就緊係去搵糖水滋潤下啦！係大埔廣場嚟講...唔係好多糖水鋪可以比我地選擇，得許留山同埋松記，咁我地選擇左後者。睇左好耐都唔知食咩🤔🤔......就金枝玉露啦首先講講個賣相已經唔夠吸引，上面加左忌廉奶同芒果蓉、西柚等......食落去唔夠凍，而且再咬落去有一塊塊short short 聲嘅食物，應該是馬蹄。我本身食開糖水都會叫楊枝金露，所以有馬蹄我會覺得怪怪地😶

前幾日外賣左碗蜜瓜芋圓涼粉，本身冇咩期待但一打開已經發現料非常多，有芋圓、黑珍珠、涼粉，加埋蜜果全部唔同口感好。不過似乎加左太多花奶令到成碗都太甜，食到最後會好滯。

星期一晚，我和朋友進入松記，人不多，很多吉位，自己很容易找到位坐。我和朋友看完餐牌，揮手叫待應落單，無人睇到，唯有用「口」叫待應落單，落單之後，糖水到來，點知我點了的蕃薯糖水加湯糰，卻漏了湯糰，我咁簡單叫三款糖水，待應都能落漏單，當我詢問時，待應無禮貌地，仲話我無叫加湯糰。到出櫃位埋單，三條數$33+$20+$31, 櫃位卻話$94，咁簡單嘅數，櫃位都加錯，這間松記令我非常失望，無下次，同長沙灣松記，相差一大截。

一到三點又到下午茶時間，就叫左松記嘅芒果芋圓仙草凍一開蓋，第一反應係，好似少左D，裝唔滿咁不過呢個糖水又真係幾好食首先芒果真係甜，芋圓有芋頭味同蕃薯味，味道都幾出，唔會話比椰汁味蓋過，而且都幾有咬感但佢D珍珠就粉左D，太軟涼粉好夠凍，凍冰冰加埋D紅豆椰汁一齊食啱啱好，即刻成個人醒左整體黎講，成碗糖水係好食嘅，但太少，唔多夠食一碗36蚊黎講稍為貴左D雖然外賣碗本來就細，少過堂食係意料中事，但起碼都應該裝滿下次如果唔係多人等位，堂食或許更佳

2019年2月22日食飽大家唔想散住。就去食糖水。但由於食得太飽。大家都係叫啲普通野食。因爲星期五。所以都要等左一陣先有位。芝麻糊番薯糖水 Hello紅豆沙？薑汁撞奶？因為掛住吹水都唔係好記得佢地叫左啲咩。松記不嬲都係不過不失。正正係因為佢不過不失。所以都有唔少人捧場。如果要我讚佢好好食既話，我唔會囉。但如果附近既糖水鋪有佢，又會選佢。因為其他既糖水鋪好多都好伏。平伏都算，有啲仲要係貴伏。所以食糖水都係選啲不過不失既算。大家要記住。出名既鋪頭。唔一定係好食。大部分既人係食佢地出名。

今次我係晚飯之前嚟到呢間糖水店，約下朋友傾計。相信如果夜d應該會好多人，但係我係六點幾嘅時間你就坐得好舒服啦。朋友同埋我都好鍾意食甜品同糖水，今次我哋要左糖不甩、 熱芋圓番薯圓糖水, 仲有一個我朋友叫嘅唔記得左係咩><糖不甩趁熱食好好味，最鍾意成粒湯圓黐住花生同椰絲，外面香口入面軟綿綿。而我嘅芋圓熱薑湯好濃，我朋友話太過辣唔飲，但我係鐘意嘅。仲有好鍾意係凍冰冰嘅天氣之下飲，好溫暖。芋圓份量好多，但稍為硬左少少。整體來講都算可以嘅。

一係就唔出去。一出去食飽，就再約食糖水。兩餐唔同人。但都係好開心既聚會！好難得咁即興地約到。咁緊係要出黎食啦！因爲我地都飽飽地，所以都係叫啲清清地既糖水食。但正正就因為佢清清地。而且松記係做糖水既，所以我地都好滿意我地既糖水！跟住仲要叫多個糖不甩。明明我地已經續好飽。但佢個花生同糖加湯圓，真係會令人食唔停口！最後要讚既係，雖然人好多。但佢地都好快咁落單出糖水。重點係，佢地仲要係有禮貌，冇黑面！好難得！因為通常人一多，好多店員都會黑面

凍冰冰做乜好？除了打邊爐之外！莫過於去吃碗熱辣辣的糖水！大埔有什麼糖水推介？我一定推薦松記糖水店！因价廉物美味！本來三口子想座舖頭慢慢品嚐，但一向排長龍的松記！今天又凍又寒！所以更加多人輪後排隊！因此我們打消念頭決定買外賣回家吃！一心想吃致愛的燉蛋！如以住一樣好快沽清了！因此改吃芋頭西米露、女兒吃紫米露豆腐花、老公就吃他的致愛蕃薯糖水！我第一次吃松記的芋頭糖水，第一口給我喜出望外，芋頭出奇地林又粉！而西米露的甜度適中！ 香噴噴熱辣辣入口芋頭即時容化！好味道停不了！一二分鐘已把糖水不知不覺放進口裏！而老公点解咁喜歡吃蕃薯糖水！ 皆因番薯糖水嘅薑味十分出位！辣辣的薑味充滿了全身，即時帶給人們温暖，所以是寒冬的必選 糖水十大之一！最後女女吃的紫米露豆腐花，滑流流的豆腐花经過舌頭流入口中，美味無窮，令她大叫好好吃！下次一定再吃！、

同朋友食完飯O係附近行左陣, 未傾夠喉所以就再坐低食個糖水, 最近就係松記, 見唔太多人住, 所以入左去.Menu有好多選擇, 有中式/西式/野飲等等.見到有呢個仙草系列, 有D興趣~芒果芋圓仙草凍芒果好甜, 都幾厚切~芋圓都唔錯, 甜度適中, 口感都OK.紅豆連埋仙草一齊食, 好夾.唯獨係D珍珠淋左少少.Summer天氣暖返少少, 又想食雪糕~Summer有2球雪糕, 好滿足.同埋都有幾多生果, 食完好飽~ 

今日去完大埔林村扔完橙，4點幾出返市中心天氣又凍，諗住叫碗糖水熱熱地保下暖。見四周圍都無咩邊幾間，就入左松記。叫左碗價值$24個大洋既熱紅豆沙豆腐花。呢碗野一黎我就影低，因為我都嘩左聲。好似畀人食過咁既。紅豆沙我一粒紅豆都搵唔到，可能煲到得返沙掛，紅豆皮就有幾塊，點解？因為一直痴住我隻牙。極其量只可以叫紅豆水。豆腐花無豆味，食落似買返黎一盒盒果啲拆出黎。成碗野都唔係熱既係暖既。份量又少，真係大啖啲食幾啖就飲勝。無下次!!

天寒地凍，最好當然係去食暖立立嘅糖水啦，但我就叫左個幻彩明珠，因為我覺得呢個係較抵食。因為佢呢個有好多水果，而且味道不錯，令我一食再食。另外，就叫左個六寶湯圓，都唔錯傢。